#البارت الثامن
#الملتزمة الصغيرة
وقفنا لما نفس ومصطفى كانو بيتكلموا وأويس شافهم ونزل
و كأي دكر بط بلدي أصيل شاف البت بتاعته مع غيره نزل نافش ريشه وعازم النية على القتل 😂
أويس:- الأخت والاخ لوحدهم والدنيا ليل والجو رومنسي وهما اتنين والشيطان تالتهم «وكمل بصوت عالي» بيعملوا ايه هنا لوحدهم
نفس ببرود:- لا لا متقلقش الشطان لسه وأصل حالاً بس أتأخر المرة دي قولنا كل حاجة قبل ما تيجي يوه قصدي يجي هو يعني مش أنت 😂😂
مصطفى:- اوبااااااااااااا 🤙🤙
«وحشتكم كلمة اوباااااااااا وأنا كمان»
نفس مشيت قدامه مشيت البطة الفخورة بنفسها ورأسها للسماء بغرور صغيره مصطنع زي ما بنقول ماشية تتمختر
أويس أبتسم بخبث وحط رجله تحتها وقعت في حمام السباحة وفضلت تعوم لحد ما طلعت وهي كلها ميه بغضب
مصطفى:- اوبااااااااااااا 🤙🤙 بقيتي كتكوت مبلول بدل كتكوت صغير
نفس:- أنا مش بعرف اعوم وكنت هموت لولا البتاع دا صغير "بصت لمصطفى" بس ياض وأنت يا اخ الطويل أخرج ازاي على كدا ولبسي لازق كدا
أويس قلع الجاكت بتاعه ومده ليها وهو باصص الناحية التانية وهو بيبتسم على كسوفها برغم صغر سنها
نفس خدت الجاكت بخبث🤭 ثكراً هههههههه
بعد نص ساعة باب أويس دب دب دب ايوه هو عارف الخبطة دي مميزه عن الكل الفجر كان بيأذن فتح الباب:- نعم
نفس:- اتفضل دا الجاكت بتاعك اللي بتحبه اوي اوي اوييييي😂😂
أويس مسك الجاكت وهي جريت بسرعة الجاكت كمه مقصوص متلون بكل ألوان الطيف وكل تلاته سنتي في فتحة كبيرة
أويس أبتسم:- اوباااااااااااا 🤙🤙😂 ماشي ي نفس الكلب أنا اربيكي
،،،،،،،،،،،،،،،
نفس راحت اوضتها صلت الفجر وحاولت تنام بس للأسف خايفة من الكابوس بتاع كل يوم قررت تروح عند تفاؤل تنام معاها
تفاؤل:- زيارتك كترت خير ي أخت
نفس:- أنتي بتتكلمي كدا ليه ي بت من فوق
تفاؤل:- لا بقى مش عشان أنتي ضيفة شرف عندي في اوضتي تعلي صوتك عليا براحتك
نفس:- ولا من حقك أنتي كمان تعلي صوتك ولا عشان أطول مني بتنين سنتي يعني
تفاؤل:- طيب مفيش نوم على سريري أنتي امبارح ضربتني شلوت وأنتي نايمة ونمت على الأرض طول الوقت دا غير أنك حاولتي تخنقيني
نفس:- قلبك أبيض بقى
تفاؤل:- لا لا لا
نفس:- طيب ايه رأيك هسيح ليكي وقول أنك أكلتي معجون الأسنان وأنتي بتغسيلي سنانك
تفاؤل:- قديمة أقول لأويس على اللي بالي بالك
نفس:- اللي هو ايه
تفاؤل:- أنك عملتي بالكتاب بتاعة زينة رمضان اللي بعد خمس شهور وخبتيها في المستودع
نفس:- عادي هو اللي رامي كتبه أما رأيك اقول ليه أنك دخلتي اوضة الجيم بتاعت الشباب بعد ما مشيوا
تفاؤل:- أنتي دخلتي معايا
نفس:- مش أنا اللي حطيت مسمار في البتاعة اللي بيمشوا عليها وخربت والرجل جه صلحها تاني يوم
”باااااااااس كفاية تسيح انهاردة حد يسمعكم بس متقلقوش أنا كاتبة جدعة و مأمنه ليكم المكان كويس“
تفاؤل:- خلاص خلاص أنتي تنامي على النص دا وأنا أنام على النص دا ولو بالغلط مفيش نوم هنا تاني مفهوم
نفس:- اشطا تصبحي على خير ي حبيبتي قلبي
تفاؤل:- وأنت من أهل الجنة ي روح عيني
،،،،،،،،،،،،،،،،،،مر شهر أويس والشباب في امتحانات الكلية والباقي في الشركة والبيت كله هدوء وأخيراً الكل خد الإجازة
أما نفس بتخاف بالليل تحس باكتئاب كبير وطول الوقت حابسة نفسها في اوضتها وطول الليل بكاء وصرخ من الكوابيس اللي بتشوفها بالليل والصورة موت والدتها بيتكرر في النهار
في أحد الأيام على الغداء
الجد:- أويس ها كلمت نفس في الموضوع الدكتور
عامر:- أنا عارف دكتور كويس حجزت ليها عنده الموعد انهاردة
أويس:- ماشي طيب هكلمها انهاردة
نفس جات
الجد:- تعالي ي نونو صحي النوم ي جميل
نفس:- جدو أنت بتدلع طفلة صغيرة أنا كبيرة على فكرة
تفاؤل:- هههه عايشة دور الست العجوزة ليه
نفس:- مين بيتكلم أم عقل نملة ههههه
تفاؤل:- نينينينيني وأنتي بقى ستنا الشيخة نفس ي عجوزة ي معقدة
منال:- تفاؤل عيب كدا كلمي صحبتك كويس
نفس بتكبر:- سبيها ي طنط أنا مش باخد على أطفال صغيرة
أسد:- جدو أنا كنت عايز أتكلم في موضع
الجد:- قول موضع شغل
أسد:- لا أنا عايز أخطب
صدمة للكل
أما نفس
نفس:- لولولولولولولولولولولوي مبروك يا ابو الأسود وأخيراً نخلص منك
الجد:- ها بس أخوك الكبير لسه مش خطب وأنت لسه في الجامعة
أسد:- عادي ما هو مش جواز دي خطوبة بس وبعد الكلية نتجوز
نفس:- وعرفتها اذاي بقى ي متربي
أحمد:- قصدك ايه ي بت
نفس:- قصدي ابنك بيعرف بنات ي حج وأنت نايم في العسل ما الست مريم
أسد بص ليها بغضب :- معايا في الجامعة بس اصغر مني واسكتي أنتي
الجد:- نفس اسكتي أنتي بلاش تحشري منخيرك بين الكبار وأنت ي اخ رايح تحب في الجامعة وسايب دراستك
نفس:- هه قال كبار قال
أسد:- لا طبعاً أنا مركز في الدراسة بس عادي هو يعني الجواز حرام ي جدو
أحمد:- أسد أنتبه لصوتك مع جدك
أسد:- آسف بس يعني فيها ايه ليه مكبرين الموضوع كدا ي جماعة
فهد:- أنا معاك الشخص اللي يعجب بوحده ويتقدم ليها يبقى راجل وقد المسؤولية لا عيب ولا حرام
نفس:- صح الصح أنت ي أبو الفهود بتقول حكم
أسد:- هههه في رجالة بالاسم بس "وبص على أويس بسخرية"
أويس:- وفي عيال عايزة تتجوز مستعجلة ي بيضة وأنت لسه بيبي صغير
نفس:- ايوه اديلو هو اللي بدأ بالغلط
مريم:- جرى ايه ي أويس ماله اللي يتجوز لتكون غيران منه وأنتي ي نفس أسكتي
منال:- اللي بيتجوز مش بيكمل تعليمه ي مريم ولا نسيتي هههههههه
مريم:- وهما اللي أتعلموا يختي عرفوا يربوا
نفس:- كبيرة دي ي مريم وسعت منك
أحمد:- مريم حطي لسانك في بقك وسكتي وأنتي ي نفس اتهدي
عامر:- منال مسمعش صوتك تاني احترموا وجودنا
نفس:- لحظة تعالي ي تفاؤل نجيب فشار ونتفرج عليهم وهما بـ يتخانقوا كدا وهما كبار هههههههه عملين زي العيال الصغيرة وقال ايه جدو يقول كبار هههههههه
تفاؤل:- يلا بينا ههههههههه
الجد:- عاجبكم كدا ضحكتوا القزع عليكم ي كبار
نفس:- جدوا احنا قزع 😠
الجد:- ايوه وسكتي أنتي وهي وأنت عرفتها اذاي ي أسد من عيلة ايه
أسد:- ها هي أخت الدكتور إسلام بتاعنا معيد ملتزم وكويس جداً وجات ليه في محاضرة وأنا شفتها وأعجبت بيها
مصطفى:- مش البت اللي جات لأويس من فترة اللي لابسه محزق وملزق وحاولت تتكلم معاه
أسد:- أسكت أنت ملكش دعوة ها ي جدوا قلت ايه
الجد:- والله دا قرارك وأنت تتحمل المسؤولية أنا موافق
أسد:- طيب هي خلصت امتحانات مع أويس ممكن نخطبها خلال الأسبوع دا
الجد:- ماشي على بركة الله
نفس:- زغرتي ي مريم
مريم:- ههههه لولولولولولولولولولولوي
،،،،،،،،،،،،،،،،،
بعد قليل أويس وقف مع نفس وتفاؤل
نفس:- قول عايز ايه
أويس :- نفس عايزة تخلصي من الكابوس المرعب بتاع كل يوم
نفس بتحاول تكتم دموعها:- لا بالله عليك مش عايزة أروح دكتور
أويس:- أنتي عرفتي اذاي بس دا لمصلحتك
نفس:- لا لا لا بالله عليك لا
أويس:- أنا ساكت ليا شهر وغصب عنك هتروحي حضري نفسك وأنتي ي تفاؤل تيجي معانا وفسحكم بعدها
نفس:- ماشي ي أويس بس لو مش عاجبني توعدني أنك مش تخدني عنده تاني
أويس:- وعد وفضل يفكر ايه سبب خوفها من الدكتور النفسي بالشكل دا وكل ما يحاول يخدها تبكي ويغمي عليها وتتعب
أما نفس فكرت من اسبوعين لما فرح جات ليها
«فلاش باك»
فرح:- هاي ي نفس
نفس:- باي ايه متعرفيش سلام عليكم وبعدين جايه ليه مش ها تسميني ولا تقتليني المرة دي
فرح:- حيلك حيلك أنا جايه أعتذر منك أنا كنت غيرانه منك
نفس:- واعتذارك مرفوض وقولي الحمد لله إني مش فاضية ليكي بس مش هسكت على حقي
فرح:- طيب مع إني خايفة عليكي من اللي جدو وأويس ناوين يعملوه فيكي
نفس:- هو ايه
فرح:- أويس عايز يخدك عن دكتور نفسي يعني دكتور المجانين ويحبسك في السرايا بتاعت المجانين ممكن يقتلوكي هناك
نفس خافت اوي بس ظهرت أنها قوية وأن جدها مستحيل يتخلى عنها:- هههههههه عيلة صغيرة أنا وأصدق كلامك لا ي ماما أنا أذكى منك
فرح:- براحتك بس لما أويس يقولك أبقي أتأكدي بنفسك
«باك»
نفس:- كدا ي أويس عايز تخدني عند الدكتور بتاع المجانين أنا اجننك أنت وهو
تفاؤل:- خلصتي الله الفستان دا حلو اوي والحجاب عليه تحفة
نفس:- دا الطبيعي أنا اي حاجة عليا حلوه بس تعالي افهمك على سر كدا
تفاؤل رمت ليها ودنها قولي قولي
نفس:- دا دكتور مجانين ي توتو وممكن يحبسني مع المجانين لازم نطفشه من الأول اوك
تفاؤل:- بس اذاي يعني
نفس:- تعالي اقولك وسوسوسوسوس
تفاؤل:- كدا فهمت ليلته بطيخ
،،،،،،،،،،،،،سمر إبراهيم
عند الدكتور
نفس:- اااي العيادة موسخة مش نضيفه
تفاؤل:- يااي ي أويس ريحت المكان عيانين
أويس:- بت أنتي وهي المكان تحفة والعيادة فاضية خالص وكمان دي مش عيادة عيانين يعني مش فيها ريحة علاج
نفس:- عارفة عيادة مجانين مش عيانين وبعدين شايف مركب لنضة مكسورة دا بخيل وبتاع فلوس
أويس:- لا يختي دي ديكور وأغلى من اللمبة العادية خمسين مرة
تفاؤل:- وليه يعني يصرف فلوسه على حجات تافهه دا شكلة مغرور ومتكبر قال ديكور قال
أويس:- ادخلي أنتي وهي واي حركة كدا ولا كدا بحساب فاهمين
نفس:- ماشي ربنا على الظالم والمفتري
تفاؤل:- ربنا معاكي يختي وليه غلبانة والزمن جاي عليكي
أويس:- وربنا اضربك منك ليها بطلوا شغل المسكنة والشحتين دا
الدكتور:- أهلاً وسهلاً بالقمامير
نفس:- هوووف رخم رخامة قال قمامير قال
تفاؤل:- شايفة السنان الصفرة شرير وشكلة وحش
أويس:- أهلا بيك ي دكتور
وغمز لنفس وتفاؤل عشان يسلموا عليه
الدكتور:- طيب تعالى اتفضل معايا وأنتم ي صغيرين خليكم مع بعض هنا المكان فاضي
نفس:- أويس أنا عايزة أكل
تفاؤل:- ممكن تجيب ليا عصير معاك يكون بالمانجو
أويس:- بت أنتي وهي مسمعش صوتكم تاني اتفضل ي دكتور
الدكتور:- هي دي نفس اللي لابسه فستان
أويس:- ايوه هي بتخبي علينا بس طول الليل صراخ وبكى ومش بتعرف تنام
الدكتور:- بتشوف صور غير الكوابيس
أويس:- ايوه لما تفضل لوحدها بتتكلم وتحاول تبعد أبوها وبتخاف و تبكي وكان المشهد بينعاد قدامها بس رافضة تبين قدام اي حد مننا أنا يشوفها صدفه
الدكتور:- طيب بتلوم نفسها على موت والدتها أو بتخاف من الأماكن المتعلقة بالحادث
أويس:- مشكلتها مش بتظهر خوفها بس بقيت تبعد عن كل الأماكن اللي مامتها كانت تروحها بتخاف من المطبخ بتاعنا لأن مامتها كانت فيه ومرة خرجت معايا أول ما شافت الطريق اللي بتوصل لبيتهم فضلت تترعش ومسكت أيدي لأول مرة كانت مرعوبة ولما سألتها قالت شافت قطة هي بتخاف من القطط بس بتحب الكلاب اوي
الدكتور:- حد جاب سيره والدها اللي قتل قدامها
أويس:- هي راحت زيارة اوي أيام وكانت عادي بس بعد كدا مرة كنا بنحكي عنه وأنه أتحكم عليه مؤابد فضلت قافلة على نفسها يومين وبتبكي مش فاهم هي زعلت عليه ولا لأنه مخدش إعدام ولا دا من خوفها منه
الدكتور:- طيب هشوفها وحكم على الحالة عشان أتأكد
عند نفس
تفاؤل:- هما بيتكلموا في ايه كل دا
نفس:- اكيد بيتفقوا يخلصوا مني اذاي رجالة ملهاش أمان
تفاؤل:- يااااه أويس شرير كدا مكنتش أعرف
أويس:- ربنا يسامحك أنا شرير ي توتو
نفس:- بت شوفي فوق كدا في السقف عنكبوت ياي
تفاؤل:- زوقك مش حلو خالص في الدكاترة ي أويس
أويس:- يلا ي نفس أدخلي الدكتور عايزك
نفس بصت ليه ببراءة ودموع:- بلاش
أويس:- عشان خاطري وأنا هنا متخافيش
نفس دخلت بغضب
الدكتور:- أهلاً ي قمر ايه الحلاوة دى
نفس:- أحترم نفسك أنا آنسه مش قمر بتدلع بنت أختك أنت
الدكتور عرف أنها شايفه نفسها فوق سنها:- طيب ي آنسه أسمك ايه
نفس:- ليه يعني
الدكتور:- عادي نتعرف أنا دكتور محمود
نفس بتفكر كمان محمود سنتك بطيخ:- ما أنا فاهمة بس نتعرف ليه
الدكتور:- ايه نتعرف ليه دي
نفس:- ايوه أنت عايز تتعرف تكون جاي تخطبني مثلاً ولا عجبتك بفستان الفرح اللي لابساه دا
الدكتور بابتسامة:- طيب ي ريت والله وأنا مجهز الشقة ومنتظر العروسة لو وحدة قمر زيك كدا تبقى دعوة أمي استجابت
نفس مدت أيدها تسلم عليه وهو مسك أيدها بستغرب
نفس سامحني ي رب لازم أضحي عشان حياتي مش عايزة أموت مع المجانين:- أنت وأحد قليل أدب وفضلت تصرخ بصوت عالي
أويس جه يجري شاف الدكتور ماسك أيد نفس وهي بتصرخ:- نفس في ايه مالك بعد إيدك عنها
تفاؤل:- عملك ايه الكلب دا ي نونو ي حبيبتي سيب أيدها ي شرير ي قليل الأدب
أويس بص لدكتور يغضب والدكتور مذهول من الموقف مش قادر يتكلم😳 وساب أيدها
نفس:- يلا نمشي من هنا الراجل قليل الأدب تعرف قالي ايه عايز يتجوزني ي أويس يرضيك كدا وقال ايه أنا لابسة فستان الفرح اهو وكمان ومسك أيدي 😭😭😭😭 وكمان قالي ي قمر أنا يتقال ليا ي قمر بيعاكسني
أويس:- تصدق أنك وأحد قليل أدب
نفس:- 😭😭😭😭😭 عايزه أروح بليييز
الدكتور:- دي كدابة أنا
نفس:- قسماً بالله ي أويس مش كدبت في حاجة وربنا أنت عارف إني مش بكذب
أويس:- مصدقك من غير ما تحلفي ي نفس
الدكتور:- طيب ممكن خمس دقايق بس نتكلم ي أستاذ أويس
أويس:- أعتقد مفيش كلام بعد اللي حصل
الدكتور:- دي سمعة العيادة ممكن تضرر لو سمحت اتفضل معايا أشرح ليك الموقف
أويس:- خليكي هنا ي نفس اتفضل
الدكتور:- نفس عملت المسلسل دا لأنها مش حابه تتعالج هي فعلاً مش كدبت لكن غيرت الطريقة ودا ذكاء منها أنا بعترف إني خصرت قدامها. وحكى ليه الحوار من أوله
أويس:- ماشي ي نفس الكلب
«ي شيخ اتوكس كل مرة تقول ماشي ماشي ولا وبتمشي ولا بتعمل ليها حاجة»
الدكتور:- بس من كلامك نفس بتعاني من أضطرب ما بعد الصدمة
بس بسيط مجرد كوبيس بيتعالج بشوية جلسات ومهدات ونعرضها للأماكن اللي بتخاف منها تحت إشراف الدكتور طبعاً تحسباً لأي ظروف ولما تحكي الموقف اللي اتعرضت ليه من غير خوف تبقى خلاص اتعدت الصدمة وتعيش طبيعي الموضوع بسيط بس محتاج نعالجة من الأول وكل ما تتأخر في العلاج كل ما المرض يتطور والآثار تزيد
أويس:- شكراً ي دكتور وأنا آسف بس محتاج وقت أقنع نفس مش عايز أجبرها على حاجة غصب عنها
الدكتور:- طفلة شرسة بس قوية وقدرت تضحك عليا هههههههه
أويس:- طيب سلام بقى أشوف الداهية اللي بره دي
نفس:- جيت قالك ايه إني كدابة صح
أويس:- يلا ي تفاؤل نمشي
نفس بخوف:- و وأنا عايز تسيبني هنا لوحدي
أويس:- يلا ي توتو.
نفس:- خلاص بالله عليك خدني معاك مش عايزة أفضل هنا واعمل اي حاجة تقولها
تفاؤل:- نفس أهدي مالك هو مش ممكن يسيبك
أويس:- على العربية أنتي وهي من غير صوت وأنتي حسابك في البيت مش هنا على الفيلم دا
نفس خوفها راح قررت تبسط الموضع:- براحة ي عم الله متعصب علينا ليه كدا عشان طويل وعندك عضلات يعني
أويس:- مش عايز أسمع صوتك فاهمة يلا على المول نشتري لبس
نفس:- ايوه بدل ما بلبس مع البت دي لبسها ضيق وأوفر اوي
أويس:- من غير كلام ولو حصل حركة منك في المول ممكن اقتلك فاهمة
نفس:- مش عايزة منك حاجة أنت عايز تزلني بيهم لا يخويا مش نفس اللي تشتريها بفلوسك
أويس بيقرب منها:- عيدي كلامك كدا
نفس:- بقولك هتشتري لنفس ايه بفلوسك يعني هتجيب ليا ايه بالضبط
أويس ضحك:- قدامي ي نفس الكلب
نفس:- حاضر وبصوت واطي جداً ي حمار 😊
،،،،،،،،،،،،،،،،،،،،،،،،،
بعد فترة أسد خطب ميرا بس الأمور بقت تخنقه طول اليوم تلفونات عايزة يقول ليها كلام رومنسي بس هو قال ليها لما نكتب الكتاب وتبقى مراتي وأن الخطوبة مجرد وعد بالزواج ولازم يلتزم الحدود معاها غير كدا أنها ديماً تحرضه على العيلة كلها بقى يكره نفس وشايف أنها ملهاش حق تعيش معاهم وكره أويس اكتر واكتر
ميرا ورته صورة:- أسد عايزة ساعة زي دي سعرها تحفة
أسد:- بس أنت من أسبوع مشتريه وحده عجبتك وغالية كمان
ميرا:- قول أنك بخيل ومش عايز تجيب ليا حاجة
أسد:- مش كدا بس أنا شايف أنه ملوش لزوم كل أسبوع ساعة بس حاضر على عيني احجزيها وأنا أدفع تمنها ي ستي
ميرا:- قلبي ي ناس مش بيرفض ليا طلب المهم عملت ايه قولت لجدك على الموضوع
أسد:- اففففففففف مش عارف اذاي أقوله إني عايز حقي في شركتك وأنت حي وأبويا حي اورثك مش مقتنع
ميرا:- لا مش كدا أنت شغلك ممتاز ودا لو عرفت تاخد حقك من الشركة تشتغل لنفس مش أنت تشتغل وأويس ياخد على الجاهز تعرف النتيجة ظهرت في الكنترول وعرفت أن أويس جايب امتياز من٩٨٪ يعني الأول على الدفعة كلها لو في يوم حصل مشاكل يبقى معيد في الجامعة وفي غناء عن الشركة كلها
أسد بحقد:- كان بيزاكر وأحنا نشتغل ونروح الجامعة وهو بيدح
ميرا:- شوفت أنا خايفة على مصلحتك اهو
أسد:- طبعاً شكراً ي ميرا
ميرا:- طيب سلام بقى ي بيبي اتاخرت اوي متنساش الساعة هبعت ليك الصورة هي منتشرة على الاون لين
أسد:- مشي سلام
،،،،،،،،،،،،،،،،سمر إبراهيم
أويس:- عايزة ايه
نفس:- بص نعمل اتفاق لو سمعت صوتي بالليل أو أغمي عليا أو شفتني بكلم نفسي تاني خدني عنده
أويس:- ليه مش حابه تتعالجي
نفس:- أنا مش مجنونة
أويس بعصبية:- لا مجنونة لما تفضلي طول الليل تصرخي وخايفة وكل ما حد يفكرك بالحادث يغمي عليكي ورافضة أنك تتعالجي من كل دا تبقي مجنونة ي نفس
«وفضل يتنفس كأنه بيحارب نفس صمت لحظة لحظتين هوب انفجار»
نفس فضلت تبكي وتصرخ:- مش مجنونة أنت اللي مجنون كلكم مجنونين وأنا أنا بكرهك بكرهك وبكرهكم كلكم أنت شرير عايز ترميني عند المجانين عشان تخلص مني فضلت تبكي وتضرب فيه بأديها الصغيرين
أويس:- طيب أهدي أنا آسف حقك عليا ي نفس أهدي
نفس فاقت وقررت تنسحب وتبكي بعيد
«مش بتحب تبين ضعفها دا منتهى القوة أما منتهي الذكاء أنك تستخدم الرجل بدموعك الست بتكون قاتله القتيل وبـ كام دمعه تقلب هي الضحية مش عارفه ايه علاقة الكلام دا بالموضوع المهم»
أويس:- آسف وربنا ما هفتح الموضوع دا تاني
نفس:- حصل خير عن أذنك
أويس:- ممكن تحكي اللي حاسة بيه
نفس سكتت مرة وحدة وفضلت تبص للفرغ:- مش حابه أحكي لحد شكراً لاهتمامك
أويس:- خلاص بقى ايه رأيك نلعب كورة
نفس:- ماشي
أويس أبتسم:- ببساطة كدا أنتي ايه ي بنتي
نفس:- أنا نفس يلا بقى نلعب فين العيال
وبعد قليل الكل أتجمع
فرح:- أنا فريق أويس
نفس:- لا لا مش هتبقي في فرقي
فرح:- أنتي مالك أصلا مش هتبقي معانا.
نفس:- ململ حالك ي حزن هانم أنتي مين خرجك من اوضتك مش باباكي حابسك زي المجرمين ي قاتله
أويس:- خلاص بقى أنا ونفس وفهد ضد مصطفى وأسد وفرح وتفاؤل الحكم
الكل اشطا وبدأ اللعب مع صفارة تفاؤل وفضلت تصفر كتييييير فرحانه بالصفارة
أويس:- بس خلاص ي بت.
تفاؤل:- الله بلعب فيها حاجة دي خد كرت أصفر لتعطيل لعب الحكم وهو مشغول
أويس:- نعم يختي
نفس:- من أولها بتعمل مشاكل مع الحكم أبعد كدا معلش ي زمالة عديها عشان خاطري أنا
تفاؤل:- عشان خاطرك بس ي نونو أنما هو يستهل
أسد:- نبدأ بقى خلصتوا تفاوض مع بعض
تفاؤل هددته ترفع الكرت سكت وبدأ اللعب أسد بيحاول يصيب أويس وقاصد مشاكل نفس خايفة تدخل وسطهم تاخد إصابة وهي قصيرة كدا عين العقل تنتظر الفرصة المناسبة للانقضاض
نفس بتفكر دي فرصتي الكورة مع مصطفى الاهبل يوه استغفر الله العظيم أنا كدا بغتابه:- مصطفى ألحق بص تحتك كدا شوف شوف
مصطفى بص لتحت نفس مسكت الكورة بأيدها ودخلتها في الشبكة جووووووووووووون
تفاؤل صفرت الله عليكي ي جامد أول جون لنفس برافوووووووو
الكل:- نعم 😲
تفاؤل:- هو المفروض يتحسب جونيين دبل بس اجي عليها المرة دي مع أنها صحبتي
نفس:- ماشي ي صاحبي مقبولة منك ها ي مصطفى شفت تحتك كان في نملة هههههههه
أويس:- نفس اقفي حارس مرمى امسكي الكورة لما تدخل بلاش تجيبي ليا الضغط وأنا صغير في كرة قدم بتدخل الكورة بأيدك
تفاؤل:- ايه دا اذي تتخلوا عن قدرتها في الفريق دي جابت أول جون في المطش
أويس:- ما إحنا مستغنين عن خدماتك أنتي كمان يلا ي بت تقعدي اتفرجي من بعيد
نفس وقفت جون وهي حاسة نفسها مظلومة الشباب بيلعبوا باحتراف ونفس أول ما الكورة تقرب منها تجري بعيد خايفة تلمسها
النتيجة تلاته اتنين لصالح أويس طبعاً مش حاسبين جون نفس
فرح مسكت الكورة وضربتها اتجاه نفس مع أنها خرجت من العارضة وخايفة الكورة جات فيها وقعت على الأرض وفضلت تنزف من منخيرها
أويس:- نفس
الكل جري نحيتها
نفس نزفت وأول ما شافت الدم فضلت تصرخ
نفس:- اااااااه دم دم يا أويس دم أبعده ماما أويس بعده عنها وفضلت تبكي وجسمها يرتعش وأغمي عليها
أويس:- أنتي غبية والله يا فرح لعاقبك على كل نقطة دم نزلت منها وعلى خوفها دا
أسد:- براحة على نفسك يا أويس في ايه بتدافع عن بنت الخدامة كدا ليه قالت مش قصدها
فهد:- كداب ي أسد أنت عارف أنها قاصدة
أويس:- أعتقد يا أسد أنا قولت قبل كدا نفس بقت وحده من العيلة دلوقتي بلاش الكلام دا
مريم:- خلاص يا جماعة هي البت دي كل يوم تعمل مشكلة بينكم
منال:- في ايه يا مريم دي بنت يتيمه مش صعبانه عليكي أنتي قلبك ايه دا أنا دكتورة جراحة بس أول ما شفتها كدا قلبي انقطع عليها
مريم:- عرفنا يا منال أنك دكتورة خلاص يا ستي
أحمد:- مريم تعالي عايزك
مريم:- أنت مش شايفها بتتكلم من فوق كدا اذاي ولا إني الخدامة بتاعتها
أحمد:- محدش كلمك من فوق يا مريم أنتي اللي شايفه نفسك تحت الكل
مريم:- لو خليتني أكمل تعليمي كان زماني دكتورة دلوقتي
أحمد:- يا شيخة قال دكتورة بلا قرف أنتي مش ناجحة في جوازك راحه تنجحي في الطب وبعدين كام مرة توعدني أنك تنسي الموضوع دا ونرجع زي الأول
مريم:- يعني اكتم في نفسي لما اموت وترتاح
أحمد:- بعد الشر عليكي ي مريومتي وأم عيال ومراتي وحبيبتي وروحي
مريم:- بااااااااس كفاية كدا خلاص صافي ي لبن يلا نشوف نفس
،،،،،،،،،،،،،،،،،،،،،،،،،،،،
عند منال وعامر
عامر:- منال أنتي دكتورة كبيرة في البلد ومع ذلك عقلك من عقل سلفتك أنتم الحريم كدا مهما كانت مكانتكم بتقفوا حجات تافهه أستغفر الله العظيم
«ملكش دعوة بـ الحريم يا عم🔪🔪»
منال:- هه لا أنتم الرجالة عقولكم جواهر لا تقبل للرأي الآخر وممكن تقتلوا بعض على مطش كورة
«ايوه كدا اديلوا »
عامر:- خلاص أنتي هتفتحي في حقوق المرأة أنا أطلع اطمن على نفس
« الهروب نص الجدعنه ي شيخ كويس أن حد افتكرها دا أنا الكاتبة نسيت البت وبحل مشاكل معاكم»
«هكذا المشكلة تبدأ مع الاولاد تتنقل لأمهاتهم مع بعض وكل وحده تنكد على جوزها المسكين»
،،،،،،،،،،،،،،،سمر إبراهيم
نفس بعد شوية فاقت لقيت نفسها في اوضتها والكل جمبها
مريم:- وأخيراً ي بطل فقت
نفس:- حصل لمنخيري حاجة
الكل ضحك وهي بتلمس تتأكد على منخيرها وبتحول عينها عشان تشوفها
أويس لقط ليها صورة وهي حاوله عيونها
نفس:- اضحكوا اضحكوا ممكن تسبوني لوحدي بقى يلا بيتك بيتك شطبنا
الكل خرج ونفس فضلت تفكر لوحدها
ياااااااه لو كنتي موجدة في حياتي ي ماما أنا خلص بكرة هاخد الإجازة نفس ختمت القرآن بنتك كبرت ي مرمر فضلت تحكي شوية مع خيال مامتها
* لا زالت تلك البسمة تراودني من حين لأخر حين أتذكرها لا زالت تلك الرجفة الخائفة تراودني كلما تذكرت رحيلها كانت أمي هي مصدر قوتي الوحيد الذي فقدته لا زلت أحتاج إليها أتمني عودتها ولو ليوم وأحد حتي أروي حرماني من ذلك الحضن الدافئ الذي افتقدته كثيرًا*. بقلم سمر إبراهيم إبتسامة عابرة
نفس:- هوب كفاية كدا أحزان جه وقت الانتقام
توتو ي بت ي تفاؤل أنتي ي بت فينك
تفاؤل:- ايه دا أنتي مش تعبانه يلا نامي
نفس:- لا لا تعالي وقت الانتقام ي جميل
تفاؤل:- هيا بنا و رمت ليها ودنها
نفس:- وسوسوسوسوس
تفاؤل:- اشطا يلا بينا هههههههه إلي. الانتقام ي رجال
نفس:- بت احنا بنات مش رجال
ويا تري ناوين على ايه
،،،،،،،،،،،،،،،،إبتسامة عابرة
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
