Ads by Google X

رواية الملتزمة الصغيرة الحلقه السابعه


 


#البارت السابع 

#الملتزمة الصغيرة  


نفس كانت نايمة صحيت على أذان الظهر صلت والخدامة دخلت اوضتها بعد الصلاة 


نفس:- طنط صباح أنتي ليه جايبه الأكل هنا أنا كنت هأكل في المطبخ معاكم 


صباح:- لا ازاي ي ست نفس دا أنتي دلوقتي بقيتي الهانم الصغيرة 


نفس:- لا يا بوحه أنا نفس وأفضل طول عمري نفس عمري ما تغير مهما ظروفي اتغيرت هفضل ذي ما أنا 


صباح:- طيب يلا ي ست نفس دا الأكل دا مخصوص ليكي أسد بيه وقف على رأسي يلا حضري الأكل لنفس بسرعة صحي نفس شكلة عايزك في موضع مهم 






نفس:- بجد ربنا يحفظة العيلة دي طيبة اوي 


نفس فضلت تأكل وحست بوجع في بطنها شديد 


نفس:- ااااه ايه الوجع دا وفضلت تبكي وصرخت من الوجع 


أويس صحي من النوم شاف نفس بتصرخ وقعة على الأرض وضامة نفسها 


أويس:- نفس مالك ايه دا 


نفس:- أااااااااه بطني ي أويس بتوجعني اوي 


الجد:- في ايه دي شكلها متسممه

وشال نفس وعلى المستشفى الجد اللي شالها وخدين في بالكم أنتم مش حد تاني ها 😁


بعد ساعة الدكتور أبتسم وطمنهم 


الدكتور:- دي حالت تسمم بسيطة في الأكل اللي أكلته سم فيران قليل اوي 


نفس:- نعم ليه هو حد قاله إني فأرة دي إهانة لا أقبل بيها لازم أخد حقي من اللي عمل كدا


أويس:- هههههههه أحسن وربنا تستاهلي عشان هسقط في الامتحانات بسببك سهر طول الليل بسببك والبت فرح بتذاكر وتجيب اكتر مني 


نفس:- هه هي كدا الشجرة المثمرة يلقونها بالحجارة اعداء النجاح والشماتين أقوم بس وعرف أتعامل معهم كلهم 


الجد:- حمد الله على سلامتك ي فار ي صغير أنت 


نفس:- جدووووو😠 


مصطفى:- نفس مين جاب ليكي الأكل الصبح  


نفس:- طنط صباح اشمعنا 


مصطفى:- عادي مجرد سؤال 


أويس:- أنت تعرف حاجة ي مصطفى 


مصطفى:- ها لا بس دا حد قاصد يسمم نفس مش ممكن يكون السم نزل من السماء لأكلها يعني 


أويس:- ايوه وأنا عارف مين وبص على أسد نظرة شك  


نفس:- أسد هو أنت كنت عايز ايه الصبح طنط صباح قالت ليا أنك كنت وقف على رأسها عشان تصحيني 


أسد:- ها لا مفيش حاجه عادي كنت عايزك تصحي كدا وخلاص عادي يعني 


الجد:- يلا على البيت بقى ونتكلم هناك 


بعد ساعات أويس أقسم بالله أنه يعرف مين عمل كدا كان ماشي قدام اوضة أسد ودخل أسد كان في الحمام وأويس لقي قزازة سم على السرير بتاعه  


أسد خرج من الحمام:- أنت بتعمل ايه هنا 


أسد رفع قزازه السم في وشه:- كنت عارف من البداية أنك أنت اللي عملت كدا 


أسد:- ..........


في الليل 

أويس جمع العيلة كلها بعد ما كشف مين عمل كدا 


أويس:- جدو طبعاً أنت معتبر نفس وحدة من العيلة وحقها تجيبه ليها لو حد قصد يسمها  


الجد:- طبعاً بس مين ممكن يعمل كدا  


أويس:- أنا عرفت مين حط السم لنفس  


أويس بص لكل العيلة وشاور بصبعه ووقف عند أسد فرح ابتسمت بارتياح  


أويس شاور عليها:- فرح هي اللي حطت السم 


«جو تشويق رخم بس عشت اللحظة وخفت أكون أنا اللي سممت نفس وأويس يوقف عندي ويقول:- سمر هي اللي حطت السم 

وأنا أقول:- لاااااااااا كداااااب 

ايه دخلني وسطهم  مش روايتي ودخل وخرج براحتي الله😂😂»


فرح:- ازاي ايه الكلام دا مش أنت لقيت قزازة السم في اوضة أسد 


أويس:- هههههه غبية وكمان طيب استني شوية تعترفي من أولها عرفتي اذاي بقى إني لقيت قزازة السم عنده غير لو أنتي اللي حطتيها 


فرح:- لا طبعاً بس شفتك وأنت خارج من اوضته ومعاك الاقزازة 


أويس:- بس أنا كنت مخبيها زي ما مصطفى شافك وأنتي داخلة اوضته و حطيتي القزازة على السرير 


،،،،،،،،،،،،،

فلاش باك منذ قليل 


أسد خرج من الحمام:- أنت بتعمل ايه هنا 


أسد رفع قزازه السم في وشه:- كنت عارف من البداية أنك أنت اللي عملت كدا 


أسد:- قصدك ايه ومين جاب البتاعة دي هنا 


أويس:- جو الهبل ده مش عليا ي أسد 


مصطفى دخل:- أويس لحظة أنت فاهم غلط تعالى معيا افهمك كل حاجة 

وحكى ليه أنه مراقب تلفون فرح وأنها هي اللي عملت كل دا ومعاه تسجيلات بينها وبين الصيدلي اللي اشترى منه السم ووصله للبيت 


باك 

،،،،،، 





أويس:- أيوه أنتي يا هانم مفكره لما تحطي قزازه السم في اوضة أسد كدا مش ممكن نعرفك لا يا شاطرة مصطفى شافك وأنتي داخله اوضة أسد 


فرح:- دا كداب الكل عارف أنه عايز يتجوزني وعمل كدا لأني رفضته 


أويس:- اسكوووتي مش هو من حبه فيكي كان مراقب تلفونك وسمع مكالمتك مع الصيدلي وسجلها وواضح فيها أنك بـ تتأكدي أن لو السم دا أكله إنسان بالغلط يموت يعني ناوية تقتليها  


 وسمع التسجيلات لكل العيلة 


أحمد:- فرح الكلام دا صحيح 


فرح:- بابا أنا 


مريم ضربتها قلم:- ي خسارة تربيتي في وحده زيك 


فرح:- تربيت مين أنتي كنتي مشغولة في الخناق مع طنط منال مش فاضية تربي 


الجد:- عملتي ليه كدا 


فرح:- لأنها هتاخد أويس مني وهو بتاعي أنا 


نفس:- شوف البت مش مكسوفة وبتقول بتاعي ي خرابي البت وشها ممسوح بـ لمونة 


الجد:- ومين قال إن أويس معبرك من الأساس وبعدين دي طفلة وفاهمة اكتر منك أنتي مش مكسوفة من نفسك 


نفس:- احم حاسب على كلامك ي جدو أنا كبيرة وطول نص الباب بلاش إهانة قال طفلة قال 


الكل ضحك رغم الزعل والعصبية ما عدا أويس وقف جامد زي ما هو


نفس بصت لأويس:- أنت ي أبو الهول لما أقول حاجة تضحك اتفضل اضحك معهم 


أويس:- نفس بلاش هزار دلوقتي نقطينا بسكوتك  


عامر:- فرح أنتي غلطي ولازم تتعاقبي على غلطك دي 


أويس:- عمي دا شروع في قتل وهي لازم القانون يحاسبها أنا هتصل بالشرطة 


فرح بكيت:- ايه ش شرطة 🥺😲 


أحمد:- عايز تحبس بت عمك يا أويس 😲 


أويس:- اللي يغلط يتحاسب وأنا معايا كل الأدلة والشهود على جريمتها ي عمو 


الجد:- أويس دي شرفك أنت عايز تحبسها 


منال:- مش هي دي تربيتي ليك ي أويس أنت نزلت من نظري اوي 


مريم:- أمك لأول مرة تقول كلمة صح بنتي غلطت ولازم نحاسبها بس مش بالحبس   


اويس:- اللي غلط لازم يتحاسب ولا نفس عشان يتيمة ملهاش حد كلكم تيجوا عليها 


أسد:- يتحاسب بس مش بالسجن ي أويس


أويس:- ملكش دعوة أختك قاتله وبتدافع عنها كمان مش كفاية أنها كانت بتلبسها ليك ي مغفل 


أسد:- أحترم نفسك هي غلطت بس أنت بقى ملاك ومش بتغلط صح ولا بتضحك على البنات 


أويس:- ايوه أنا مش غلطان وأنت المغفل  وانضحك عليك من حتت بنت فيا ريت تخرج من الموضع دا خالص أنت عشان شكلك قدام العيلة 


نفس:- احم احم أنا المجني عليه هنا واعتقد إني المفروض تشوفوا رأيي في الموضع مش كيس جوافة أنا هنا ولا ايه ي جدو 


الجد:- قولي ي نفس وأنا معاكي في أي قرار 


أحمد:- بس ي بابا 


الجد:- مفيش بس قولي ي نفس قرارك ايه 


نفس أنا مش حابه أنها تتحبس هي غلطت بس دي شرف عيلة النديم وأنا مسامحها عشان خاطر طنط مريم اللي حسستني أنها أمي ووقفت معايا وعمو أحمد اللي معتبرني بنته من أول ما جيت 


أويس نفخ بغضب وخرج على الجنينة  

ونفس أخدت اللقطة البطلة نفس تعيش تعيش والكل بيمدح فيها  






الجد:- هي دي نفس اللي أعرفها عقلها يوزن بلد وقلبها كبير وجدعة وذكية 


نفس:- بس بقى عشان بتكسف 🙈 بعدين دي تربيتك ي معلم 


أحمد:- أنا آسف ي بنتي للحظة فكرت في الكلبة دي ونسيتك بس أنتي طلعتي أجدع مني ومنها بكتير  


مريم:- أنا مديونه ليكي بحياتي الدليل اللي مع أويس يسجن فرح على الأقل خمس سنين بس أنت برغم سنك الصغير بس فكرتي في شرف العيلة واسمها اكتر من أويس اللي في أولي جامعة 


الكل بيمدح فيها وهي وقفة مكسوفة مش بتعرف ترد على الكلام الحلو بس في الشيمة لسنها قد البحر ههههه بس جواها حزن وضيق متعرفش ليه ممكن كانت متخيلة أن ردت فعلهم أكبر من كدا مش يرضوها بكام كلمة لا يخدوا حقها بجد


نفس:- سلام بقى أروح أشوف الأخ بدل ما يولع في الجنينة من العصبية 

،،،،،،،،،،،،


في الجنينة أويس قاعد يشتم في سره وعايز يقتل حد من الغيظ والعصبية 


نفس قعدت :- احم معقول يهون عليك حته من لحمك ودمك بنت عمك تترمي في السجن وسط الحريمة والمجرمين ويا عالم يجرى ليها ايه هناك 


أويس:-.............. 


نفس:- كنت معاك في الأول لازم نحبسها وتتعاقب بس لما فكرت في الموضع كويس هي ممكن تخصر ايه لو راحت السجن ها جاوبني يومين من عمرها وتطلع بكفالة ما هي بت أحمد النديم مين يقدر يسجنها 

بس احنا نخصر كتير نخصر حب العيلة لينا نخصر جدو وعمو وأسد وفهد وعمتو مريم دا على افتراض لو باباك ومامتك ومصطفى  متخلوش عننا هما كمان 


أويس:- بس ربنا معاكي وأنا معاكي والحق معانا  


نفس:- وأنا للسبب دا مش زعلانه من الموضع عرفت أن في حد وقف في ظهري مش عايزة اكتر من إني أكون وحده منكم كفاية كلمت جدي أنه ينفذ قراري أنا مهما يكون  


أويس:- بتقولي كدا وأنتي متأكدة لو قررتي تسجنيها جدي مكنش هينفذ كلامك 


نفس:- معاك حق حتى لو لأنه كان واثق إني مستحيل أعض أيد ساعدتني ووقفت معايا وكفاية ثقته دي 


أويس:- ودا كفاية أنك تسيبي حقك ليها يعني 


نفس:- طيب بذمتك أنا انتقمت منك على حتت ميه جات على هدومي ممكن أسامح وحده حاولت تقتلني أنا منتظرة الوقت الصح ولما انتقم منها انتقم صح  


أويس محبش نظرة الحقد اللي في عيونها هي بريئة مش كدا بس وأخيرا أبتسم لما أفتكر شكله أول مرة يقابلها فيها كان عايز يقتلها بس دلوقتي 


«احم دلوقتي ايه عيب نقول ايوه كدا شطار»


نفس:- ايوه كدا يا عم أضحك


أويس:- ناويه على ايه ي نفس 


نفس:- اتفرج على تربيتك يا معلم 


أويس:- بقيتي بلطجية كدا امتى 


نفس بفخر:- أنا كدا من زمان بس كنت بخاف من الحسد خبيت قدراتي عن الجميع 


أويس:- طيب يلا تصبحي على خير وعدلي حاجبك دا 


نفس:- هو أنت كل ما تشوفني عدلي حجابك عدلي حجابك  


أويس:- أيوه ويلا أمشي من هنا ي بت 


سمر إبراهيم 

،،،،،،،،،،،،،،،،،،،،،،،،،،

اقترب الساعة على الثانية تجلس تفكر في حالها تعاتب نفسها على تفكيرها المتناقد 


غرفتها:- ياااااااه يا نفس هو دا اخرك معاهم لما حد يغلط عليكي الكل يوقف ضدك ما أنتي مش بنتهم مهما كان 


ضميرها:- صحيح الإنسان مبني على الطمع كنتي محتاجة مكان تعيشي فيه دلوقتي محتاجهم يكونوا عيلتك ويفضلوكي على عيالهم 


نفس:- مش كدا بس مكنش دا العشم برضو يا أبو الضمامير ولا ايه 


ضميرها:- هو دا تمن ربيتهم ليكي دا اخوكي أتخلى عنك وهما لا أنتي بقيتي قلبك اسود كدا ليه ي نفس 





نفس:- مش بحقد عليهم بس كنت مفكره قيمتي اكبر من كدا عندهم تصدق اقتنعت إني بنتهم بجد بس جدو كان منتظر إني أدفع عنها برغم أنه قال القرار قراري بس مكنش هينفذ لو أخترت إني احبسها وعمو أحمد رافض في الأول إني أقول رأيي والكل أعترض لما أويس دافع عني محدش فكر إني كان ممكن أموت في لحظة بسبب السم دا حياتي رخيصة اوي عندهم 


ضميرها:- نامي يا نفس وبطلي تفكير الناس مش ملائكة بلاش تبصي لحد أنه كامل  


نفس:- وأنا كمان مش ملاك والله يا فرح لضيعك وبكرة تشوفي مين هي نفس بجد 


ضميرها:- بلاش تغلطي غلطة تندمي عليها 


نفس:- اتخمد بقى 


مش عارفه تنام أو بالأصح خايفة تنام تشوف الكابوس بتاع والدتها وهي بتموت طلعت البلكونة شافت شخص في الجنينة نزلت ليه 


،،،،،،،،،،،،،سمر إبراهيم 


في ليل هادئ تحت نور القمر الخافت يجلس وحيداً أمام المسبح على العشب ينظر للسماء ويفكر في حاله لم يتوقع أنها قد أصبحت مجرمة بتلك الطريقة وتريد القتل من أجل أخيه وهو الاحمق الذي يعشقها منذ الصغر حتى أنه كان أعمى عن كل عيوبها فالحب أعمى 


«لا دا أعمى واطرش واخرص بس لما نكون إحنا حابسين نفسنا فيه رفضين نتحرر من قيوده نتحرر اذاي بقى أننا نقنع عقلنا أنه مش اخر الدنيا وأنه مش الأوكسجين ونقدر نعيش بعده هو لا أول ولا آخر خزوق ناخده في حياتنا يعني وبعدين شفتوا بزمتكم حد مات لما حد سابه معتقدش البت اللي هتقول شوفت هنفخها حتى لو شافت بجد مش كلامي أنا اللي ينزل الأرض 😂😅 »


«احم نرجع لمصطفى الولهان يا شيخ اتوكس سماء وقمر ونجوم وميه وحديقة وزعلان آمال أنا أعمل ايه وأنا وقفة على الشاحن من الصبح تعالى شوف المعاناة الحقيقية حسو بالناس الغلابة» 


نفس:- احم احم استري يا حرمة منك ليها سبع الرجال وصل اتستروا 


مصطفى:- هه عايزة ايه يا بطلة تصدقي الفيلم بتاعك خال على الكل إلا أنا حتى أويس صدقك 


نفس:- مشكلتك أنك فاهمني شكلنا هنخصر بعض قريب يا صاحبي 


مصطفى بنفس تمثيلها:- متسبنيش يا صاحبي أروح الجيش مع مين من بعدك ي صحبي سلام ي صاحبي سلام ي صحبي  


نفس:- خلاص يا عم أنت ما صدقت تاخد دور في الفيلم بتاعي تمثيلك فاشل على فكرة. 


مصطفى رجع افتكر وكشر تاني:- جايه ليه ي نفس عايز أفضل مع نفسي شوية 


نفس:- عيب كدا أنا مش نفسك بس خلاص هقعد معاك وخلاص قول ي سيدي قول 


مصطفى:- أقول ايه ي بت 


نفس:- قول بتحبها ليه يا مصطفى عشان جامدة يعني ومزه وكدا وبتلبس ديق  


مصطفى:- عمري ما فكرت في كدا ولا بصيت ليها بنظرة وحشه اللي بيحب بـ يحافظ على حبيبة حتى من نفسه 


نفس:- نفرض أنها حبتك ترضى تخرج معاها كدا وهي مش لابسة هدوم وكل واحد يبص ليها ومتقوليش اغيرها محدش بيتغير غير لو هو حابب يتغير من نفسه 


مصطفى:- هو صعب بس أحاول معاها 


نفس:- مش نفسك في بنت نقيه أول ما تمسك أيدها تقلب قوطه ولما تكلمها تبقى أول راجل يكلمها أول وأحد في كل حاجة في حياتها 


مصطفي:- بس فرح كمان...





نفس:- سكت ليه لأنها بتكلم شباب وأنت عارف وبـ تسمع كلامهم لأنك مراقب تلفونها حتى أنها مصاحبة صاحبك وبتسمع كلامهم بالليل اللي أسمه رمضان صح 


مصطفى:- أنتي عرفتي دا كله اذاي هو أنتي متأكدة أنك طفلة ي نفس أنا شاكك أنك عجوزة 


نفس:- نيهاها أنا أصلا كنت كبيرة وحد حولني لصغيرة زي المحقق كونان كدا بس هرجع في الآخر لحجمي الطبيعي 


مصطفى:- ههههه طيب قولي عرفتي اذاي أنها بتكلم شباب وخصوصاً رمضان  


نفس:- عادي بسمعها كتير بس مش برضى أقول لحد ولما نصحتها رفضت النصيحة وكنت هقول لجدي سمعتك وأنت بتحكي لأويس أنها بتكلم صاحبك وأويس وقتها قال لأسد بس هو كدبه وتخانقوا مع بعض 

مصطفى:- دا انتي طلعتي برج مخابرات بقى 


نفس:- آمال افضل نايمة على وداني في البيت دا وأما حكاية طفلة هي مش بالسن ي مصطفى العمر بالموقف والأحداث وأنا شفت في حياتي حجات تشيب الرأس تخليني فوق سني بكتير أحياناً بحس إني مش طفلة وعشت دور الكبيرة واقتنعت بيه أنا شفت ضرب وتعذيب حرق بالنار حبس تلت أيام مربوطة في رجل السرير من غير أكل ولا شرب ولما ماما تحاول تقرب يفضل يضرب فيا اكتر عشان تبعد عني 


مصطفى دموعة على وشك بس غير الموضوع :- بس النوع اللي بتقولي عليه الملتزم دا انقرض من الكون ممكن أنتي مثلاً لأنك ملتزمة وكدا  


نفس:- تو تو أنا كتكوت صغير ي عم مليش في الجواز بس في بنات كتير بـ تحافظ على نفسها لما تلاقيها حافظ عليها دي جوهرة بتلقيهم في دروس العلم والمساجد تلقيهم بيخفظوا قرآن 


مصطفى:- تعرفي أن شاء الله اتجوز وحده كدا حتى لو فرح جات على طبق من فضة مش عايزها أنا أستحق وحده أكون أول واحد تكلمه مش زيها 


نفس:- أحسن ي أخت فرح وادينا ضربنا عصفورين رجعنا مصطفى لعقله وطيرنا منك العريس الاحتياطي اللي مسنودة عليه 


مصطفي:- هاي بتفكري في ايه كل دا


نفس:- بحل معادلات في عقلي بصراحة فرحانة في فرح تستاهل صح 


مصطفى:- شكراً ي نفس ممكن نيتك مش سليمة بس كلامك أثر فيا 


أويس في اوضته مش عارف ينام طلع البلكونة وشافهم قاعدين مع بعض الدم غالي في دماغه ومسك الجاكت بتاعة ولبسه ونزل ليهم هههه :- ليله سوده على دماغكم ونزل وهو بيطلع دخان من ودانه  


ويا تري ناوي علي إيه 

سمر إبراهيم إبتسامة عابرة


                    الحلقه الثامنه من هنا

لمتابعة باقي الرواية زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-