Ads by Google X

القائمة الرئيسية

الصفحات

رواية بنات نعمة الحلقه الرابعه


 


 

الحلقة الرابعة من رواية ( بنات نعمة )


متبهدلة من جواها وحياتها إتدمرت بسبب أشخاص


لا يستحقون الرحمة ولا حتى السماح✋


وأصعب حاجة في الدنيا إنك تقنع حد بمثالية أشخاص


أنت أصلا متبهدل من جواك بسببهم


ولما يكون الحد ده ولادك ، والشخص ده زوجك 👉


 للأسف بتموت ميت مرة من جواك ومحدش حاسس بيك


بس ربنا دايما بيعوضك وصدقني عوضه جميل👌


تعالو نشوف نعمة عملت إيه مع بناتها 👇👇👇


__________


نعمة قامت في الفجرية زي عادتها


 وراحت على السوق اتقابلت على رياض


وحضرو البضاعة وخبرة رياض فرقت كتير مع نعمة في اول 


يوم شغل ليه معاها ،


يوم في التاني في اسبوع الموضوع بدأ يكبر مع والربح


يزيد أكتر وأكتر 


اسم نعمة كبر في السوق وبدأ يسمع عند الناس 


وبقا ليها زباين كتير ، وفي يوم حصل كالتالى 


رياض .. اللهم صلي ع النبي البضاعة بقا عليها 


بالحجز ياست نعمة


نعمة .. امسك الخشب عاد ياواد ، مايحسد المال الا صحابه


رياض .. ربنا عالم بينا ياست نعمة وكرمه كبير


نعمة .. الا قولى ياواد يارياض ، إيه حكاية البنتين دول كل


 يوم أشوفهم يفتحو المحل المقفول دايما ده ويقعدو شوية


 فيه ويمشو


رياض .. دول بنات الحاج نعيم ربنا يرحمه كان تاجر كبير 


في السوق ولما توفى قفلو المحل وبيفكرو يأجروه


نعمة .. يأجروه ؟


رياض .. ايوه يأجروه ، مالك سرحتي في إيه عاد !


نعمة .. مفيش خللص الشاي وقوم لم الفرشة خلينا نتوكل 


على الله


___________


في البيت 


نعمة ..  قومي يابت ياتغريد اعمليلنا انتي الشاي


تغريد .. أنا 😍


الأم .. أيوة أنتى 


هدي .. دي عمرها ماعملت شاي😅


الأم .. من هنا ورايح علميها شغل البيت زي أنا ما علمتك 





تغريد .. يعني انا كده ابقا كبرت صح؟ 😊


الأم .. صح يابنت الهبلة😅


ريهام .. وانا كمان عايزة ابقا كبيرة واعمل شاي


 زي تغريد ياأمي


الأم .. لو عايزة تكبري بسرعة اعملى ال هقولك عليه


ريهام .. هعمل ايه ياأمي؟


الأم .. تصلي مع إخواتك الفرض في ميعاده ، وتسمعى كلام


 أختك الكبيرة ، وتذاكرى كويس عشان تنجحى وتروحي


 المدرسة ال بيروحها الكبار .. فهمتى ياريهام ؟


ريهام .. فهمت ياأمي


الأم .. شاطرة ياقلب أمك


الشاي وصل ومسلسل الساعة 7مساء حضر 


واللمة الحلوة اتلمت ، هدى وتغريد كل واحدة فيهم


حاطة راسها على كتف امها أما ريهام راقدة وحاطة راسها


على حجر امها في مشهد يغلب عليه دفئ المشاعر ورضا


النفوس


خلص مسلسل الساعة 7 والعشاء قالت الله وأكبر


الكل ذهب للوضوء والإستعداد للصلاة


كانت الأم تقف بدور الإمام والبنات تصطف ورائها


في مشهد ولا أروع ، المشهد ده خلانى أقف قدامه منبهر


قد إيه الست نعمة دي ست تلد من روح المعاناة جنة لا


يعرفها بعض أهل المال والثروات إلا من رحم ربي


قد إيه الغنى غنى النفس مش غنى المال


رحم الله كل بيت كانت فيه ست نعمة كنعمة


__________


الأم .. ادخلى مع إخواتك ينامو وبعد كده تعالى عايزة اتكلم 


معاكي في موضوع


هدى .. حاضر ياأمي


..........


هدى .. خير ياأمي في أيه


الأم .. في محل جنبى في السوق معروض للإيجار وبفكر 


أخده ، إيه رأيك


هدى .. يالهوى ياأمى ! محل مرة واحدة!!


الأم .. مالك يابت اتخضيتي كده ! أنا بقولك هنأجره مش 


هنشتريه 


هدى .. طب وده إيجاره كام ؟!


الأم .. سامعة كلام بيقولو ب 1500


هدى .. كتير قوى ياأمى


الأم .. المحل هيكسبنا أكتر وعالأقل يابنتي أحسن من


 مرمطت الشارع


هدى .. خلاص ياأمي صلي صلاة إستخارة وال فيه الخير


يقدمه ربنا


الأم .. إن شاء الله ياقلبي


هدى .. ياأمي ، احم احم


الأم .. يعني إيه !


هدى .. انا خدت الأجازة ياأمي


الأم .. يعني إيه مش فاهمة !


هدى .. انتى وعدتيني إني لما أخد الأجازة هنزل معاكي





 السوق ولا عايزةترجعي في كلامك ؟


الأم .. أنا موعدتكيش ، بس ماشي خليها لوقتها 


ودلوقتي قومي نامي


هدى .. حاضر ياست الكل 


_____________


في اليوم التالي


نعمة صلت صلاة إستخارة وحست إنها مرتاحة


وفعلا خدت رياض وراحت لأصحاب المحل وأتفقت معاهم


وخدت المحل ( وعلقت يافطة على وجهت المحل بأسم


( بنات نعمة )


وفعلا مع إول كام يوم المحل إتشهر في السوق


ونعمة خدت بناتها في يوم جمعة يشوفو المحل


وقضو اليوم هناك


سنة في التانية في التالتة المحل كبر


وفي خلال المدة دي كانت هدى بتنزل تقف مع امها


على فترات 


___________


رياض .. مالك كده ياست نعمة متوترة ومش 


على بعضك ليه النهارد !!؟


نعمة .. بنتى هدى راحت تعرف شهادة الثانوية النهاردة


رياض .. إتطمنى ياست نعمة ربنا هيكرمها إن شاء الله


نعمة .. يااااااارب يوفقك ياهدى يابنتي


_____


بعد شوية هدى جت على المحل وباين على وشها الحزن


الأم .. مالك ياهدى نتيجتك حصل فيها إيه !


هدى .. بكت وأترمت في حضن أمها


الأم .. خلاص يابنتي متعيطيش قدر الله وماشاء فعل


أنتي عملتي ال عليكي بس دي إرادة ربنا 


اللهم لا إعتراض😥😥😥


هدى .. بنتك التالتة على مستوى الجمهورية وجابت مجموع 


طب يانعمة 😅😅😅😅😅😅


الأم .. بجد ⁦♥️⁩⁦♥️⁩


هدى .. بجد وربنا ياجميل 😊 ، تعبك مارحش هدر وبنتك


 هتبقا دكتورة يانعمة😍😍


الأم ضربتها بالقلم وخدتها في حضنها وقعدت تعيط هي




 وهدى من الفرحة⁦♥️⁩


الأم .. طب ليه وقعتي قلبي يابنت الكلب 😅


هدى .. كنت عايزة أشوفك هتعملى إيه ، بس أنتي عظيمة


 ياأمي ومفيش منك في الدنيا أتنين ربنا يخليكي لينا


 ياست الحبايب♥️⁩⁦♥️⁩


رياض .. الف مليون مبروك ياست هدى والحاجة الساقعة


 للسوق كله على حسابي😍


الأم .. واد يارياض


رياض .. نعم ياأم الدكتورة


الأم .. هات عجل وادبحه ووزع على كل الناس الغلابة


هدى .. لا ياماما اصبري بس لحد ما أخد الشهادة الكبيرة


الأم .. بس يابت خلينا نفرح النهاردة أنا مش ضامنة أعيش 


لحد ما تاخدي الدكتوراة وبعدين أنا واثقة فيكي إنك قدها


يامشرفة أمك ⁦♥️⁩


هدى .. ربنا يخليكي لينا ويطول في عمرك ويجعل يومي 


قبل يومك ياروحي


الام .. اخرسي يابت بعد الشر عليكي ، روح ياواد يارياض 


أعمل ال قولتلك عليه


رياض .. حاضر ياست نعمة


______________


في البيت 


الأم .. مالك يابت ياهدى قاعدة لوحدك ليه ؟!!


هدى .. كان نفسي ابويا يكون في وسطينا 


وأشوف فرحته بيا 😥


الأم .. يااااه😥 معلش يابنتي الدنيا مش بتدي كل حاجة 


هدى .. هو مفيش مرة أفتكر إن ليه بنات ونفسهم يشوفوه


مصعبناش عليه ياأمي 😥


الأم .. كفياكي يابنتي وأكيد هو معذور والغايب حجته معاه


هدى .. ابويا مش غايب ياأمي ، كلنا عارفين إنه متجوز 


مصرواية ومخلف منها ، أنا عمري ما هسامحه ياأمي😥


الأم .. بلاش تقسي عليه يابنتي ، ده في النهاية أبوكي


ومتنسيش إن إسمك هدى صابر ، يعني أسمه ملازم أسمك


هدى .. ابويا على الورق بس ياأمي ولو أطول أمحيه همحيه





الأم .. في إيه يا هدي ! مينفعش تتكلمى على ابوكي كده!


هدى .. أنتي إيه ياأمي !!! رغم البهدلة والمعاناة ال عيشتيها 


بسببه وورقة الطلاق ال بعتهالك على يد محضر ولساكي 


بتدافعي عنه!!؟


الأم .. ال حصل معايا مقدر ومكتوب من قبل ما إتولد


والمكتوب على الجبين لازم تشوفه العين يابنتي


هدى .. طب خلينا نطلع من الموضوع ده وعايزة اتكلم معاكي


في موضوع مهم 


الأم .. خير يابنتي ؟


هدى .. في حفلة معمولة عشان العشرة الأوائل على


 الجمهورية ولأول مرة هيحضرها رئيس الجمهورية


ولازم تحضريها معايا 


الأم .. رئيس الجمهورية مرة واحدة !!


هدى .. حظي بقا وهتتذاع على التليفزيون😊


الأم .. ودي إيمتا وفين؟!


هدى .. دي كمان 15 يوم وهنسافر ليها مصر وخلى بالك


 هتبقا في كلمة لأولياء الأمور ، يعنى هتقفي على المنصة


وتتكلمى قدام الرئيس😊


الأم .. لا والنبي😅


هدى .. اه والنبي😂


الأم .. ماشي ياهدى ال فيه الخير يقدمه ربنا😊


______________


بعد 15 يوم وبالتحديد داخل قاعة المؤتمرات


 بقلب القاهرة كانت قد وصلت نعمة وبنتها هدى 


للتكريم أمام رئيس الجمهورية


في نفس اللحظة كان صابر ومراته قاعدين امام التليفزيون


وبعد إنتهاء كلمة بعض الطلاب وأولياء أمورهم


جاء دور هدى وأمها نعمة


فقال مقدم الحفل ..


المقدم .. والأن دور الطالبة الحاصلة على المركز الثالث


 على مستوى الجمهورية من محافظة سوهاج الطالبة 


هدى صابر المغازي ووالدتها نعمة محمد السيد


وقف صابر قدام التليفزون مزهول


وهو بيشوف بنته هدى ونعمة أمها طالعين على المنصة


أمام رئيس الجمهورية


وكانت أول كلمات نعمة ________يتبع


ياترى إيه الكلمتين ال هيسمعهم صابر في المؤتمر


يخلوه ينزل الصعيد عشان يقابل نعمة بعد السنين دي كلها 


في مواجهة مرتقبة وهل فعلا هيقابل نعمة ؟!


كلام صادم ومواجهة مرتقبة ودموع مرفوضة وقرار مفاجئ 


كل هذا وأكثر في الحلقة القادمة ( إستعدو لها جيد)


طبتم وطابا مسائكم بكل خير ⁦♥️⁩


بقلم #أحمدحسن

                  الحلقه الخامسه من هنا

لمتابعة باقي الرواية زوروا قناتنا على التليجرام من هنا

تعليقات