|4|
#حبيبتى مُنتقبه
"نور كانت بتعدل النقاب وحازم فتح الباب بسرعه "
نور لفت بسرعه ورفعت نقابها: انت ازاى تدخل كده
حازم لف وشه:انا آسف آسف
عدت نور من جنبه :حصل خير
علياء جت على نور بسرعه
_حصل حاجه!!؟
نور:محصلش حاجه متقلقيش
طب تعالى يلا نمشي من هنا
""*""*""*
حازم:ايه الغباء اللى انا عملته ده ،هووف
طلع حازم من الحمام وراح عند محمد
حازم:محمد
_نعم
_ايه رأيك فالبنات الملتزمات
_ بإستغراب :اشمعنا يعنى
_يعنى عادى
_بص يا سيدى هما كده تحسهم كده حاجه مختلفه ، بتلاقيهم قليلين ، حاطين ربنا قدامهم فكل حاجه قبل ما يعملوها ودى حاجه مش عند ناس كتير وخصوصاً فالزمن ده
_بحسهم مُعقدين
_هما عشان ملتزمين يبقو مُعقدين
_معرفش بقا
محمد حط ايده ع كتف حازم
_وانت من امتى عارف حاجه، تعالا تعالا
""*""*""*""*
روحت نور بيتها
روحت عند ماما"
_ماما كنت عايزه اقولك حاجه
_قولى يا قلب ماما
_هوا فيه حاجه إسمها حب من نظره اولى زى ما بيقولو
ابتسمت وبصتلى كإنها عارفه ايه فدماغى: بصى هوا مسمهوش حب اوى لأن الحب ده حاجه كده بتيجى مع الأيام عامله زى الزرع محتاج انك ترويه كل يوم عشان يكبر اكتر
_اصلا الحب ده بيجى إزاى
_هوا مش بيجى يخبط يقول انا داخل لأ ده بيدخل من غير استئذان
_ايوه بيحصل ازاى يعنى
_يعنى لما تلاقى شخص مهتم بيكى ،خايف عليكى من اى حاجه، كل ما توقعى ف مشكله تلاقيه اول واحد بينقذك منها
بإهتمام: آه
_بس طبعا احنا عارفين الحاجات دى مش هنحس بحلاوتها غير فالحلال
_طيب واللى حاسس نفسه هيقع يعمل ايه
ابتسمت:اللى حاسس انه ممكن يقع ويغلط يقفل على نفسه الباب من الاول
_طب لو من بعيد ، مش هيضر صح
_هوا ممكن ميضركيش دلوقتى لكن بعدين هيضر،يعنى مثلاً هتلاقى نفسك عايزه تبصى عليه وده طبعاً حرام
_آه يعنى احنا نقفل الباب من الاول ونبعد قبل ما نتعب
_ايوه
_حبيبتى يا مامتى ،انا قايمه
_مش عاوزه تقوليلي اى حاجه
ابتسمت وحضنتها : انتى مامتى معقول هخبي عليكى حاجه
_ماشي يا حبيبتى
"دخلت الاوضه وقعدت أفكر فالكلام اللى اتقال وقررت انى لازم ابعد قبل ما اقرب حتى"
""*""*""*
تانى يوم
روحت الجامعة وقابلت البنات وقعدنا فالكافيتريا لحد المحاضره ما تبدأ"
ميار: كنت عوزاكى يا نور تيجى معايا انا وريهام بعد الجامعه عشان نجيب النقاب
بفرحه: طبعاً
"كنت ملاحظه ان محمد وصحابه قاعدين عالترابيزه اللى جنبنا بس حاولت محطش فدماغى"
ريهام:مش ملاحظين يا جماعه ان محمد عينه عالترابيزه هنا
ميار:كنت عاوزه اقول كده من بدرى
علياء:وعينه على حد كده
مريم: مين!؟
علياء بخبث:نور
بصدمه:عليياااء
_خلاص انا قولت حاجه
_انا هقوم اشرب واجى ، وغيرو الموضوع عشان متزعلوش
علياء: من عنينا حاضر
قومت مشيت لقدام شويه لقيت محمد بينادى عليا
محمد:نور يا نور
حاولت اسرع وعملت نفسي مش سامعاه
محمد:يا نووور
وقفت فجأه ولفيت
_بإنفعال:عاوز منى ايه بقى
_بصدمه : انا جاى اقولك...
بمقاطعة:جاى تقولى ايه، انك كنت جاى ورايا لحد البيت امبارح ، وانا شوفتك وانت راجع،متنكرش
_انا يبنتى...
_لو سمحت حاول تتجنبنى خاالص
لفيت ضهرى عشان امشي: انا جاى اقولك ان الخمار بتاعك مرفوع من ورا مش اكتر
"حطيت ايدى على ضهرى ولفيت بصدمه"
_قول واللّٰه
بضحك:واللّه
_انا طبعاً لو قولتلك أنى آسفه مش هتسامحنى
_لا هسامحك عادى عشان انا لما حد جه عليا وعفوت عنى هيجى بكره حد انا جيت عليه ف هيعفو عنى وساعتها يتردلى اللى عملته.
_ابتسمت:....
_وعلفكره انا كنت جاى وراكى امبارح لانى كنت حاسس انك خايفه تمشي لوحدك
_انا بحييك على احساسك الصح ، ياريت متحسش تانى بقا
ضحك:...
لفيت ضهرى عشان امشي وبشتم نفسي على غبائي
بكلم نفسي بصوت عالى:انا غبيه ماما مليون مره قالتلى متتسرعيش وفكرى قبل ما تتكلمى وانا لا حياه لمن تنادي، التكرار بيعلم الحمار وانا لسه متعملتش
روحت عند البنات"
_يلا يا جماعه المحاضره هتبدا
علياء:مالك اصفريتى كده ليه
_يا سلام وأنت عرفتى منين انى اصفريت
_باين عليكِ اهو
_طب يلا يلا
""*""*""*
"خلصنا المحاضره وطلعنا"
_انا ماشيه يابنات ها ، ونبقى نتقابل بعد العصر كده وننزل
ميار وريهام:تمام
علياء:ما تخليكى اوصلك
_شكلك مبتزهقيش، انا بقا بزهق سلام
""*""*""*
طلعت بره الجامعه لقيت محمد موطى عالارض كإنه بيعمل حاجه فالارض
وقفت جمب باب الجامعه عشان اشوف بيعمل ايه
فجأه لقيته......
#يتبع
