Ads by Google X

القائمة الرئيسية

الصفحات

رواية ام نص لسان الحلقه التاسعه


 


#ام_نص_لسان😂 

#البارت_التاسع 


بتلبس عمتها الإسدال وبتنزل جري علي السلم 


بتروح ناحيه الفرح والناس ملمومه بتدخل وسط الزحمه 


بتلاقي ريم قاعده فوق العروسه وبتضرب فيها وكل اللي بيقرب منها بتعضه وماحدش قادر عليها


العروسه: سيبيني يا شيخه ربنا ينتقم منك


ريم: مش سايباكي يا جزمه بقا انا قويت( قولت) اجي ابايك( ابارك) وأهني تتكبيي( تتكبري) عييا( عليا) وتقويي( وتقولي) جايه ييه( ليه) يابت دا انتي انا اتلخبطت بينك وبينك ايعريس( العريس) يويا( لولا) انك يابسه( لابسه) ايفستان( الفستان)..


العروسه: شوف مين اللي بيتكلم دا انتي معفنه ومصديه يابت 


ريم: مين اييي( اللي) معفنه ومصديه ياا  اييي( اللي ) جسمك بقايه( بقاله) سنين ماشفش ييحة(ريحه) ايميه( الميه) يا اييي( اللي) كي( كل) مايشفوكي يقويوا( يقولوا) بنت ايجيبانه( الجربانه) اهي جايه 

نهايك( نهارك) مدهون قطيان(قطران) ويمون( ولمون) ومصيبتك سوده محنيه ياعجي( ياعجل) جاموس مايجبش فيوس( فلوس) ايكيو( الكيلو) بنكيه( بنكله) مصديه ..


* خلصتي


العروسه: الحقيني يا خالتي 


عمتها بتقومها من فوق العروسه وبتمشي وبتشدها وراها والعيال الصغيرة بتسقفلها وريم بتضحكلهم ..


بيدخلوا الشقه ...


* ممكن اعرف ليه عملتي كده


ريم: ايبت( البت) شافت نفسها عشان بتتجوز ايبويص( البورص) ده وبتتكبي( بتتكبر) عييا( عليا) خايفه احسدها عشان كده اتعصبت كي( كل) اييي( اللي) كنت فاكياهم( فاكراهم) اصحاب طيعوا( طلعوا) تعابين طيعت( طلعت) ماعنديش صحاب يا عمتي ويا( ولا) حد بيحبني 


* انا اللي غلطانه


ريم: انا اسفه بس...


* مش زعلانه منك يا ريم انا اللي غلطانه اني ربيتك كويس وخليتك طيبه وعلي نياتك ماعلمتكيش اللف والدوران وان الدنيا دي دنيت كدابين الحرامي يبقي سارق ويبني فيلا ويكتب عليها هذا من فضل ربي الشياطين بقت تتعلم من الناس ..


بتحضن ريم عمتها..


ريم: انتي في حاجه مضايقاكي يا عمتي 


* لا انا كويسه


ريم: متأكده





* ايوه


ريم: منها يياه( لله) بوز ايغياب( الغراب) دي عكيت ( عكرت) دمنا  ييا ( يلا) انا اخدت حقي منها وصباح الخيي( الخير) يا جايي( جاري) انت في حايك( حالك) وانا في حايي( حالي )


* ياريت يلا ادخلي نامي


ريم: تصبحي عيي( علي) خيي( خير ) ياعمتي


* وانتي من أهل الخير .

................................

في الصباح..


في البحر موجه بتزق موجه والشط زحمه وزعيق وهوجا ونونا تضحك وتقول يا بابا يا بابا هاتلي بسكوت ونوجه ..


ريم: بسكوت ونوجه ..صباح ايويد( الورد) يا دنيا 


بتفتح عينها بتقفل المنبه وهيا بتغني مع الأغنيه وبتبص علي الساعه 


ريم: نهاي( نهار) اسود ايساعه( الساعه) 8.45 وانا ظبتاها 7.45 ايه ده هايطيدني ( هايطردني) تخاتيخو ..


بتقوم بسرعه تجري ورا نفسها وبتلبس بسرعه ..


بتبص في البيت مش بتلقي عمتها


ريم: ممكن تكون بتجيب عيش 


بتلبس بلارينتها بسرعه وبتنزل جري بتلاقي جردل ميه نازل فوقها


ريم بتبص علي هدومها اللي اتغرقت ..وبتبص لفوق


العروسه: يوه معلش ماشوفتكيش يا ختي 


ريم: دا انتي موتك علي ايدي النهارده


طلعت علي السلم ودخلت الشقه ..


جابتها من شعرها ونزلت علي السلم


ريم: هوا فين ايعيس( العريس) يا بت خيع( خلع) ويا ( ولا) ايه ويا( ولا) بايت عند امه طيع( طلع) سوسو يا بت ..


وقفت في نص الشارع..


ريم: ايبت( البت) دي قيت( قلت) ادبها ميه( مره) واتنين ويازم( ولازم) تتيبي( تتربي) عشان ايكي( الكل) يعيف( يعرف) ان ييم( ريم) يحمها( لحمها) مي( مر) 


مسحت بالعروسه الشارع ونسيت الشغل شدت العروسه منها النضاره ماعدتش شايفه حاجه


ريم: هيا فين فين بت ايمعفنه( المعفنه) وبتحسس علي الأرض هيا فين اه يا حايه( حاره) معفنه 


ريم قاعده علي الارض بتدور عليها 


لحد ما في حد بيناولها النضارة..


بتلبسها وبتقوم ..


ريم: شكيا(شكرا) يا محمود 


محمود: العفو ..


ريم: هيبت( هربت) ايمعفنه ( المعفنه)


محمود: انتي كنتي رايحه فين


ريم: ايشغل( الشغل) يانهاي( نهار) اسود اتأخيت( اتأخرت) خايص( خالص)


طلعت ريم تجري علي فوق استحمت ولبست هدومها ونزلت جري علي السلم كانت هتقع بس مسكت فيه ..


ريم: استيها( استرها) معايا يايب( يارب)

..............................

بيدخل نادر مكتبه بغروره ووسامته ..


بيبص علي مكتبها مش بيلاقيها بيكمل وبيدخل يقعد علي مكتبه ..


بيمسك التليفون ..


نادر: هات القهوه بتاعتي يا بني 


بيقفل التليفون وبيبص قدامه بشرود..





نادر بتفكير: عندي كل حاجه فلوس وصحه واتجوزت عشان اكمل شكلي الإجتماعي بس مش سعيد ليه مش مبسوط حاسس ان حياتي ملل مافيهاش روح..


بيبص من الازاز بيلاقي ريم داخله من الاستيديو بيبص علي ساعه ايده  بيلاقي الساعه بقت 10..


في نفس الوقت بيعدي قدامها بتاع القهوه بتخبط فيه الكوبيات بطير وبتدشدش علي الأرض..


ريم: حصي ( حصل) خيي( خير) ..اه يا ني يا موكوسه وكسه مااتوكسهاش حد ..


بيبصلها الاوفس بوي بعصبيه 


بتوطي ريم تلم معاه الازاز بتخبط في دماغه 


الاوفس بوي: غورري من وشييي


ريم: خياص خياص( خلاص) خيي( خير) تعمي( تعمل ) يعني انا ماشيه يايب(يارب) تتعوي( تتعور)


الاوفس بوي: يلا يا بت من هنا


ريم: بس يا سم


بتمشي ريم وهيا متعصبه بتتزحلق بتقع علي ضهرها


ريم: ذنب مين ده ااااه يا حوستي السوده 


بيضحك نادر في مكتبه ...


نادر : معقول في كده بجد 


بتقوم ريم وهيا ماسكه ضهرها والكل بيضحك عليها


ريم: هيا اوي( اول) ميه( مرة) ويا ( ولا) ايه  مش اوي( اول) ميه( مره) يعني 


بتطلع علي السلم وهيا ماسكه ضهرها لأنها مش بتعرف تشغل الاسانسير...


بتخبط علي المكتب وبتدخل ل.نادر


ريم: اذيك يا أستاذ نادي( نادر)


نادر : انتي شايفه الساعه كام 


ريم: ايساعه( الساعه) في ايدي كام 


نادر: 10


ريم: ياعمو ايساعه( الساعه) كام 


نادر: مش عايز استظراف عالصبح


ريم: ماتفك كده يا تخاتيخو 


نادر بعصبيه: قولت ميه مرة ماتجبيش السيره دي علي لسانك ..


ريم: أسفه


نادر: برررره


ريم: طايعه( طالعه) يعني بتطيدني( بتطردني) من ايجنه( الجنه) يعني دا انت كنت تخاتيخو


نادر: بتبرطمي بتقولي ايه


ريم: مش ببيطم ( ببرطم)


بتقعد ريم علي مكتبها وبتلعب علي الكومبيوتر كوتشينه وشطرنج..


سوزي: نادر بيه جوه


ريم: ايوه


بتدخل سوزي لنادر وبتنزل الستاير ..


بعد نص ساعه وريم عماله بتلعب في لباسه القلم


ريم: يأ( لأ) بقا انا زهقت..


بتقوم ريم وبتفتح الباب مره واحده علي نادر


ريم: انا زهقت و ..........هييييه.نهاي( نهار) اسوح ...يتبع


#ام_نص_لسان😂 

#بقلم_حنين_عادل 

#كاتبه_الجيل😎


                 الحلقه العاشرة من هنا

لمتابعة باقي الرواية زوروا قناتنا على التليجرام من هنا

تعليقات