عشقت داعيه 🧡
البارت الرابع 🙈
بقلمي نورهان احمد 💞
..................................................
على الباب زي ما يكون ف حد بيجري وراها امها طلعت جري فتحت لقيت أيه اللي قدام الباب فضلت تبصلها شويه وبعدين أيه كانت بتبصلها والدموع في عينيها واترمت في حضنها وفضلت تبكي
امها ما كانتش مصدقه وفضلت تقول الحمد لله يارب احمدك واشكر فضلك يآرب
وبعدين قالت تعالي اقعدي ي قلبي
قعدوا الاتنين
مها: اي اللي حصل ي أيه
أيه:حكتلها كل اللي حصل
مها:مش معقول اخيرا ربنا استجاب ي بنتي والله كنت واثقه والله ثقتي كانت في ربي كبيره اوي انو ربنا بعت نور علشان تفوقك
أيه: جميله اوي ي ماما وشها بسم الله ماشاء الله بيطلع نور كده والله تحسي وأنتي بتكلميها براحه نفسيه فظيعه
مها: ربنا يهديكي ي بنتي
أيه:ماما أنا قررت انتقب وبكره هنزل اشتري لبس جديد ونقبات أنا توبت خلاص عايزه اقضي اللي جاي من عمري في طاعه ربنا وبس
مها: حضنتها وقالت ربنا يثبتك ي قلبي يارب
أيه: يآرب ي ماما
نروح مكان تاني
نور وصلت البيت طلعت جري على السلم علشان كانت متاخره جامد علشان فضلت وقت طويل مع البنات وصلت باب الشقه وخبطت براحه وكانت بتدعي انو امها ما تزعقش
فاطمه:فتحت الباب وبصت بصه لا تبشر بالخير
نور:بضحكه والله هحكيلك اللي حصل
فاطمه:ادخلي خالتك هنا من بعد ما مشيتي على طول
نور:احلف 😳
فاطمه:بضحك على حركتها الطفولية. انجزي ي بت غيري واطلعي سلمي عليها
نور:هدخل اسلم عليها الأول وبعدين ادخل اغير
فاطمه:نور غيري الاول والبسي خمار
نور:بصتلها وقالت لو خالتوا بس ماشي انما حد معاها هلبس النيقاب
فاطمه:اه احمد معاها
نور:ي ماما ملازق افهمي ملازق
فاطمه:انجزي ي نور
نور: حاضر ودخلت على طول علي الصالون من غير ما تغير قربت سلمت علي خالتها ووقفت وقالت اذيك ي احمد
احمد ده بقا شعر اشقر وعيون عسلي وبشره بيضاء ومغرور اوي في نفسه
احمد:وقف ومد ايده علشان يسلم عليها
نور:اسفه بس ما بسلمش
فاطمه:ده ابن خالتك ي نور في اي
نور:ماما أنتي عارفه انو ما ينفعش قطع كلامها لما احمد رفع النيقاب من على وشها
نور:اتصدمت وبسرعه نزلت النيقاب ورزعته حتت قلم على وشه انما اي معتبر ف وسط دهشه من امها وخالتها من اللي هو عمله
نور:بصتلهم وجريت اخدت شنتطها ونزلت جري وقفت تاكس وكانت منهارة من العياط ومش عارفه تروح فين
السواق: على فين ي انسه
نور:قالت اسم المسجد اللي كانت فيه رغم انو في مساجد جمبها بس هي حست براحه هناك
ف بيت نور
فاطمه:اي اللي انت عملته ده ي احمد
احمد:ي خالتي ما كده كده هتكون مراتي فيها اي يعني
فاطمه:كان في حاجه اسمها رؤيا شرعية مش بالطريقة دي مستحيل نور توافق عليك بعد اللي حصل
احمد: معلش بس مش بمزاجها انتي عارفه اني بحبها ي خالتي
فاطمه: وأنا مش هقدر اغصبها على حاجه
علا:قصدك اي ي فاطمه بنتك هي اللي معقده لبسها كله اسود
فاطمه: معلش ي علا أنا من الصبح ساكته وبتهاون علشان أنتي اختي انما بنتي خط أحمر خلينا اخوات احسن لاني عارفه بنتي علي اي ومستحيل نور بعد اللي حصل توافق على احمد
احمد: ما تفكريش ي خالتي اني هموت عليها اوي الله يرحم لما كانت هتموت عليا
فاطمه: على فكره بقا نور عمرها ما حبتك انت اللي دايما بتجري وراها وبعدين انت اسلوبك زباله أنا ما عنديش بنات للجواز
علا :وقفت وقالت يلا ي احمد قوم واخدت ابنها وطلعت
فاطمه:مسكت الفون بتاعها ورنت على نور
نور:كانت في التكس شافت الرنه وذادت في البكاء وقفلته خالص
فاطمه: يارب تكون بخير واطمنت علشان عارفه انو نور اكيد هتروح اي مسجد علشان ترتاح من اللي هي فيه
وصلت نور ونزلت دخلت على المسجد بسرعه اتوضت وفضلت تسجد وتبكي وتدعي انو ربنا يسامحها على اللي حصل فضلت تبكي لحد لما هديت خالص
وقعدت ف ركن تقراء قران وفجاه سمعت صوت
