Ads by Google X

رواية تزوجت معاقا ذهنيا الفصل الثالث عشر


 
ريناد بتوهان:هاه.......

إلياس قرب وشه من وشهاا وقالها بإبتسامة:هاه ايه بس........

ريناد بتوهان:مش عارفة........

إلياس ابتسم جامد وبانت غمزاته ....
وقرب من شفايفها وطبع قبلة رقيقة عليهاا
وحاوط خصرها بإيده لما حس انه هي هتقع وتعمق في في قبلته................

طبعا ريناد فاتحة عنيها علي مصرعها ومشلولة التفكير ..........
في ثانية لقت نفسها علي الارض.........

إلياس قعد علي ركبته جمبيهاا 

إلياس بقلق:رينو انتي كويسة......

ريناد بعدم استيعاب:ايه الي حصل ده.......

إلياس بقلق:انتي كنتي واقفة بتتكلمي وفجأة وقعتي حتي إسألي أحمد...........

"انا:لا يا راجل إحلف كده😳😳"

أحمد مسك يد ريناد لانها كان جمبها لما وقعت والدموع اتجمعت في عنيه 

أحمد بدموع:ايوة انا سوفتك وانتي بتوقع........"ايوة انا شوفتك وانتي بتوقعي"

ريناد خدته في حضنها وهي متلخبطه أكتر وفي دماغها حاجة واحده هل هي كانت بتتخيل.....!!!!

ريناد بتوهان:متخافش يا حبيبي انا كويسة تلاقيني عايزة انام بس عشان كده وقعت...........

إلياس بإبتسامة:خلاص روحي نامي وانا هلعب مع أحمد وهنام مع بعض ...

أحمد ببراءة:اه اوحي نامي انتي وانا اقعد معاه.  "اه روحي نامي انتي وانا هقعد معاه"

إلياس راح شدها من إيديها عشان تقوم تقف وهي بصاله بدون تعبير محدد.......

ريناد قامت وقفت وراحت خدت بعضها وخرجت من الاوضة ........

ريناد بتمتمه:مش معقول الي بيحصلي ده انا بقي بيجيلي تهيؤات يعني انا بقيت مجنونة.....اه طبعا مانا لازم بعد ما اشوف الصاروخ ده اتجنن واحلم بيه وانا صاحية.............
"وفضلت تكلم نفسها كده لغاية ما نامت "

"انا: يخربيت ابو التخلف يا متخلفة يابنت المتخلفة🙂 بقي بتقنعي نفسك انها تهيؤات حقيقي مشوفتش اعبط من كده......."
       __________💙_________
_في المستشفي_

عز بسخرية: شميت هوا ياخويا.....

خالد بإبتسامة شاردة:أحلي هوا شميته والله كان ناقص تيجي تشم معايا.......... "عز حدفه بالقلم......"

خالد بزمجره:اههه في اي يا عز......

عز وهو بيقلد صوته: في اي يا عز....
وكمل بسخرية:في انه لو المدير عرف بالي انت بتعمله هينفخك..........

خالد قعد علي الكرسي وحط رجل علي رجل واتكلم بفخر:ولا هيعمل اي حاجة دا حبيبي ده........

عز بسخرية:يا راجل...طب خد كلمه بقي اهو بيرن......

خالد بقلق:احم اوعي تكون قلتله حاجة يا عز دا انا حبيبك....... 

عز بخبث: عيب عليك دا انت الي في القلب رد انت بس.......

خالد بهدوء مزيف:ألو.....

*بسخرية:طبعا حضرتك فاكر نفسك في الملاهي مش في الشغل........

خالد بص لعز بغيظ وهمسله بتوعد:يابن...........

خالد محاولا تبرير موقفه:لاء انا .......

*لا انا ولا انت اسمع يا خالد لم نفسك عشان مجيش أرزعك قلمين يظبطوك...........

خالد وهو بيجز علي اسنانه:حاضررر

* احبك وانت مطيع...إديني عز بقي.......

خالد بغيظ:خد الزفت اهوو.......
.......وراح مدي التليفون لعز......

عز بضحك علي منظر خالد:ألو يا برنس.........

*بإبتسامة:إدتله كلمتين عنب.......

عز بضحك وهو بيبص علي خالد:مانا واخد بالي........

*بإبتسامة:المهم خلي لين تنزل المستشفي من بكرة .......

عز بإبتسامة:انت لحقت شوفت الملف بتاعها في وسط الي انت فيه.....

*بإبتسامة:لازم اشوفه انا بعتبر لين اختي ومعنديش اعز منها وغير كده الملف بتاعها كويس جدا وبيوضح قد اي هي ممتازة .......

عز بإبتسامة:حقيقي مش عارف اقولك اي ......

*بإبتسامة:متقولش حاجة وخلي بالك من الواد الي قدامك ده لانه مش هيسكتلك......"وضحك"

عز بضحك: هاخد بالي حاضر وصح قولتلها.......

*بضحك:لاء لسة بتبع معاها اسلوب التشويش الاول........

عز بضحك:ربنا يوفقك.......

*بإبتسامة:يارب ياله هطير انا بقي باي.....

عز بإبتسامة:باي....... "وراح قفل المكالمة ورجع بص علي خالد وضحك"

خالد بغيظ:اضحك يا حمامة السلام اضحك.....مش عارف لو مكانش صاحبي كان عمل اي.......

عز فضل يضحك والتاني هيطق.....

خالد بغيظ:طب اسكت عشان مقوملكش.........

عز حط ايده علي بوقه وهز دماغه .....

خالد بسؤال:هو مين الي شاف ملفها هو في حد هيتعين جديد.....

عز بإبتسامة:اممم لين حابه تنزل تتدرب..........

خالد بهدوء:اممم صح حمدلله علي سلامتها معرفتش اكلمك امبارح ....

عز بإبتسامة:ولا يهمك......
تك...تك..تك...
عز :ادخل.....
الممرضة:دكتور خالد عاوزينك......

خالد بهدوء:طب روحي وانا جاي وراكي........"راحت خرجت الممرضة"
وكمل هو:هروح انا بقي اشوف شغلي ...

عز بإبتسامة:ماشي......
 ..................وخرج خالد..........
     __________💙__________
_في بيت عز_
لين وصلت وغيرت هدومها وطلعن تقعد مع مامتها.........

لين بضحك:مش كبرتي يا حجة علي روايات المراهقين دي..........

رباب"مامت عز " بتركيز في الرواية: لاء دانا لسة صغنونة........

لين بضحك:ههههه يغتي نوغة انتي..........مش عارفة بجد عاجباكوا في اي دانا لما قولت أقرأ جالي سده النفس من الي بيكتبوه الكتاب في الوصف للبطلة بيحسسوني انها معطر جو الي تكتب ريحتها بالفراولة والي ريحتها بالياسمين والي ريحتها بالفانيليا خلوني احس انه ناقصهم بخاخة ويقلبوا فواحه هههههههه

رباب بسخرية: روحي بس ايش فهمك انتي في الكلام ده.....

لين بضحك:ههههه عندك حق واحده بتستحمي بالعافيه هتعرف الكلام ده منين..........

رباب بسخرية:شاطرة كويس انك عارفة نفسك روحي بقي خليني اكمل قراية.........

لين شدت منها التليفون وراحت طفته وحطت دماغها علي رجلها وغمضت عنيها وفردت نفسها ......

لين بإبتسامة:بقولك اي فكك من الروايات دلوقت واقعدي إلعبيلي في شعري عشان وحشتني القعده دي .....

رباب بدأت تمشي إيديها في شعرها وعلي وشها ابتسامة حنونة.........

لين وهي مغمضه عنيها :الا صحيح الواد عز ملقاش عروسة لسة.......

رباب بتنهيده:انا غلبت منه الواد ده مش عايز يريح قلبي ويطمني عليه وكل ما اكلمه يقولي قريب.......

لين:طب مش يمكن في دماغه واحده بس مستني الوقت المناسب.......

رباب بتنهيده:يمكن بس علي الاقل كان قالي........

لين باست إيديها وقالتلها بإبتسامة:متقلقيش اكيد هيجي يقولك  بس اصبري انتي بس.........

رباب بإبتسامة:اديني صابرة.......

لين بإبتسامة:شاطرة كملي لعب في شعري بقي........

رباب بمرح:طب وانتي مفيش حد كده ولا كده.......

لين  اتكلمت بهدوء : اممم مش عارفة يا حجه والله بس كل الي اعرفه انه  كل الي يهمني دلوقت انه اعمل لنفسي career ........

رباب بإبتسامة:طيب ياختي ربنا يوفقك وتعملي ال career الي انت عاوزاه .........

لين بإبتسامة:ربنا يخليكي لينا يا ست الكل.......

رباب بإبتسامة:ويخليكوا ليا يارب

ونسيبهم قاعدين مع بعض شوية بقي

"انا:حقيقي ام عظيمة وانا من موقعي هذا أرفعلها القبعة لازم كل ام 

تكون صاحبه لبنتها وتعاملها علي الاساس ده عشان ساعتها هتبقي 

عارفة كل حاجة عن بنتها وبالتالي فالبنت مش هتعمل اي حاجة 

غلط من وراها وهترجعلها في كل خطوة وتستشيرهاا وبكده الام 

تكون مسمحتش انه حد يجي من بره ويقولها "انتي معرفتيش 

تربي بنتك" لانها مع بنتها في كل خطوة لكن علي عكس امهات تاني 

بيعاملوا بناتهم ولا كأنهم مراقبين عليهم ومستنينلهم علي غلطة 

عشان يعاقبوهم او يضربوهم وده بيخلي البنت تعمل كل حاجة 

غلط من وراها وهتوطي رأسهم في الارض  بس انا عن نفسي مش 

هقدر ألوم البنت لانه هي ملهاش ذنب في اي حاجة هي ملقتش حد 

يوجهها ملقتش حد تتكلم معاه ويقولها اعنلي ده عشان صح 

ومتعمليش ده عشان غلط ومهما لجأت البنت دي لصاحبتها او 

مدرستها مش هتقولهم كل حاجة واي حاجة لانها هتبقي خايفة 

منهم بردوا حتي لو كانت بتثق فيهم قد اي................ولما الناس 

تعرف وتبدأ تتكلم علي البنت دي بالسوء وفي النهاية الكلام يوصل  

للام او للاهل علي العموم ويقولولهم"بنتك مش متربية بنتك بتكلم 

شاب بنتك مش عارفة بتعمل اي وكذا......."  الاهل هيعملوا اي 

هيلوموا البنت ويعاقبوها ومش بعيد يقتلوهاا وهيقولوا بنت الكلب 

وطت دماغنا في الارض وهيجيبوا كل اللوم عليها في حين انه 

محدش غلطان في الحوار كله غيرهم هما ودي مشكله الجيل الي 

احنا فيه الغلط كتر من كتر تفكير الاهالي الغلط ..........فنصيحة 

مني لكل ام او أب او عمه او خال او اي حد بيقرأ عموما راعوا ربنا 

في معاملة ابنائكم وخليكم صحاب ليهم واعطوهم الامان والحنية 

صدقوني هتتجنبوا حدوث مشاكل كتير اوي لما بنتك تيجي تقولك 

يا ماما الشاب ده قالي بحبك او كلمني متقوليلهاش مانتي مش 

متربيه ايه الي يوقفك معاه ولا يمكن اخدتي رقمه وبتكلميه وهوب 

تاخدي منها التليفون وتعيشيها في رعب لاء لاء متعمليش كده انتي 

في يوم من الايام كنت مراهقة وبنت زيها ومريتي بالي هي بتمر 

بيه مش شرط انه مامتك اتصرفت معاكي التصرف ده انه تخرجي 

عقدك علي بنتك وتتصرفي بنفس الطريقة وتقولي احنا محدش 

علمنا احنا محدش قالنا عشان نقولكوا... لاء بالعكس انتي عايزة 

بنتك احسن منك  اتصرفي تصرف تاني كصاحبه وكأم مش عايزة 

الي حصل معاها والي حسته يحصل مع بنتها كلمينا قوليلها هو مين 

طب انا عايزة اشوفه واكلمه واعرف عنه كل حاجة وخليكي معاها 

خطوة بخطوة وبكده بنتك في امان وفي حضنك واحتويتيها وانا 

قصدت اختار كمثال انه شاب كلمها عشان دي مشكلة معظم البنات 

بتمر بيها لكن هل في امثلة تاني طبعا كتيرررر اوي 

الخلاصة انك تكوني صاحبه بنتك او تكون صاحب بنتك او ابنك عشان تحميهم وتحمي نفسك ..............

أسفة لو كلامي جرح حد او ضايق حد او حتي وجه نظري معجبتش حد بس انا بقول الحقيقة الي لا مفر منهااا......واتمني تفهموها وتبصوا للموضوع من زاوية تانيه احنا في القرن 21 مش في الجاهليه والمقصد انه عقليتك غير عقلية بنتك لانه الزمن غير الزمن...........   "
أسفة اني طولت عليكم بس الشفقة علي حالي الاهالي والبنات دي خدتني شوية والي عنده اعتراض يقولي انا جاهزة اتعارك.........👊🏻
___________🤎___________
وعدي اليوم علي ابطالنا وتشرق شمس يوم جديد...............
بسمة وسجي راحوا الشركة وكانوا كالعادة بطلّتهم الجميلة.........
"بسمة كانت لابسة دريس منقوش جميل وعليه طرحة زرقاء وكوتش ابيض فكانت رقيقة عكس شخصيتها😂"
"سجي كانت لابسه جيبه سوده صك وعليه بلوزة شيفون باللون البني الفاتح وطرحة بيضة وكوتش ابيض منقوش فكانت جميلة....." المهم

كانوا في المعمل ومندمجين مع المواد........

بسمة بإستغراب لسجي:انا حاسه انه فيه حاجة غلط..........

سجي بتأكيد:معاكي حق لانه الماده دي خطيرة واعتقد انه مينفعش تدخل جسم الانسان بالنسبة دي كلها.........

بسمة بتأكد:فعلا لانها بالنبسة دي ممكن توقف قلب الي هياخدها.......

سجي بحيره:طب وبعدين ........

بسمة بجدية:مش عارفة حتي مشوفتش مستر أمير لغاية دلوقت.....

سجي:طب ما تكلمي الخبير الكبير الي واقف ده المفروض هو الي مسئول عن التركيبات دي......

بسمه بجديه:عندك حق .........
وراحت عشان تقوله..........

بسمة بعمليه:احم....دكتور إبراهيم....

دكتور إبراهيم ببرود:نعم.....

بسمة بجدية:هو ازاي هتدخلوا نسبة كبيرة من المادة الخطيرة دي في تركيب الدواء علي حسب ما درست انه الماده دي ليها حد معين تدخل بيه ولو زادت عن الحد ده ممكن تؤدي للوافاه...........

دكتور إبراهيم رفع حاجبه واتكلم:هو انتي هتعلمينا شغلنا وهتعدلي علينا كمان ...............

بسمة بسخرية:لا يا راجل انت كل همك اني بعدل عليك ومش همك انك ممكن تموت الناس..........

دكتور إبراهيم ببرود :متخافيش علي الناس اوي كده محدش هيموت ولا هيحصلهم حاجة انا مش دكتور اي كلام انا دكتور وصلت لهنا بذكائي وشغلي وعارف ايه الصح وايه الغلط"كان بيتكلم بفخر في النهاية"

بسمة بغضب:انت اي الاستهتار الي انت فيه ده مش معني انك دكتور كبير يبقي معصوم من الغلط لاء حضرتك كلنا بنغلط ومعرضين انه نغلط .........

دكتور ابراهيم بصوت عالي:صوتك ميعلاش يا انسه متنسيش انتي بتتكلمي مع مين ومتنسيش كمان انك طالبة هنا وجاية تدربي تحت ايدي مش اكتر............

بسمة بغضب:حقيقي خسارة لفظ دكتور فيك...........وانا طالعة للمدير....

دكتور إبراهيم ببرود:اطلعي مع السلامة.........

بسمة سابته قبل ما تقتله وطلعت للمدير...........وراحت فاتحة الباب من غير ما تخبط او تستأذن دخلت كالعاصفة ومن كتر ما هي زقت الباب بعصبية وهي داخله الباب اتقفل اول ما دخلت كرد فعل .............

بسمة بغضب:مستر أمير عاوزة حضرتك..........

كان قاسم واقف عند الشباك ومديها ظهره فلما سمع صوتها وخبطه الباب لف ليها وبصلها ببرود

قاسم ببرود:انتي داخله زريبة مفيش باب تخبطي عليه..........

بسمة بتوتر: دكتور مكتئب ....يختااااي...قصدي  دكتور قاسم والنعمة ما اقصد .....

قاسم بدأ يقرب منها ومش علي وشه تعبير محدد........

بسمة كرمشت وشها كده وكانها هتعيط وقالتله:بتقرب ليه كده والله هعيط............."وجت ترجع رجليها اتلوت فتوزنها اختل وكانت هتقع "

بسمة:ااااا "لولا ايد قاسم الي حاوطتها وتلاقت الاعين وقاسم فضل باصصلها........"

بسمة بملل وهي بصاله: دلوقت بقي وقعت البطلة في حضن البطل وتلاقت الاعين وانا هسرح في عنيك وانت هتسرح في ملامح وشي وتذوب من نظرة عيني لاء وألف لاء كلام الروايات الحمضان  ده مش هيحصل مش عشان عنيك حلوة حبتين هسرح فيهم انا............

قاسم بصلها بذهول واتكلم:تصدقي بالله انا ابن ستين كلب اني مسبتكيش تُقعي.........

بسمة مؤيده اياه وهي بتحرك دماغها : دي حقيقة فع............"مكملتش كلمتها واقت نفسها في الارض"

أهههههه يابن ستين الكااااالب.......

"وراحت حاطه ايدها علي بوئها بسرعة وفتحت عنيها علي أخرهم لما خدت بالها هي قالت اي ولمين....."

قاسم بصلها بنظرات ناريه وقال: قولتي ابن ستين اي.......

بسمة بإندفاع:كلب

بسمة وهي بتضرب علي بوئها وهتعيط خلاص:اسكت خالص ابوس ايدك هندفن هناااا..............

قاسم بعصبية:دانتي نهار ابوكي اسود........

بسمة بإندفاع:لاء مسمحلكش تتكلم علي الحج بالطريقة دي......... 

ورجعت خدت بالها من الي عملته😂

بسمة بإستسلام:بص اسمع مني انت تعالي اقتلني واخلص عشان انا حوارات لساني كترت بصراحة.............    
"وراحت مربعة رجليها في الارض وكانت بتشاورله يجي يقتلها"

"انا:لاء فيكي الخير لسة فاكرة😂😂😂😂😂"

قاسم بعد ما كان متعصب وشوية وهيقتلها فجأة انفجر في الضحك علي تعبيرات وش بسمه وكلامها...........

بسمة ببلاهه وهي بتضحك غلي ضحكه: ايه ده انت طلعت بتضحك زيناا يا فرج الله..... خمسه في عيني.............

قاسم زاد في الضحك.........

في اللحظة دي دخل أمير المكتب وشاف قاسم ميت من الضحك ودي صدمة بالنسباله لانه قاسم مبيضحكش في الشغل والصدمة التانية انه بسمة في الارض مربعة رجليها وبتضحك معاه.........

أمير بذهول:هو اي الي بيحصل هنا......

قاسم حاول يهدي من نوبه الضحك الي دخل فيها دي........

قاسم وهو بيحاول يتوقف عن الضحك:مفيش حاجة...شوف البلوة دي عايزة اي.......

أمير وجه نظره لبسمه الي قامت وقفت وكانت مبتسمه بسذاجه........

أمير بعدم فهم:في اي يا بسمة.......

بسمة افتكرت هي كانت جاية ليه وفي ثانيه كانت ملامح وشها اتغيرت للغضب وبدأت تتكلم:في اي انه الدكتور إبراهيم دكتور مستهتر مش مهتم بحياة الناس ...........

أمير بإستغراب:حصل اي لكل ده.......

بسمة حكتلهم الي حصل وكانت مضايقة وغضبانه جدا وقاسم متابع كلامها في صمت لغاية ما خلصت................

قاسم بهدوء: أمير خلي السكرتيرة تندهه وخايه يجيب الملف معاه ......وانتي اترزعي لغاية ما نشوف الموضوع........

بسمة قعدت وهي بتمتم:اترزعت عليك حيطه مايلة يا بعيد.........

أمير وهو يكتم ضحكته علي الي قالته بسمه لانه كان قريب منها فسمعها:حاضر......

أمير بلغ السكرتيره ورجع قعد في الجو المكهرب الي في المكتب😂وكان مراقب نظرات قاسم الي نفسه يخنق بسمه وبسمه الي عاملة من بنها وعماله تلعب في ظوافرها ومتجاهله نظراته...........ففهم انه بسمه نرفزته بكلامها وهو ماسك نفسه علي قتلها بالعافيه ..........بس خد باله من هيئه بسمه وقد اي هي رقيقه وجميلة........

أمير بإبتسامة:شكلك جميل جدا يا بسمة

بسمة بإبتسامة:ربنا يكرمك.........

قاسم بسخرية وهو بيقلد صوتها:ربنا يكرمك تحس انها بتشحت.........

بسمة بغيظ:انا مش هرد عليك عشان انا محترمة بس...........

"انا: الصراحة يعني والحق يتقال انتي في الاحترام معندكيش ياما ارحميني🙂😂😂"

قاسم بسخرية:لاء مهو واضح الاحترام بيخر منك.......

أمير بضحك:خلاص يا جماعة استهدوا بالله..........

قاسم وبسمة في نفس الوقت:
*انت مش شايفه مستفز ازاي.....
*انت مش شايفها مستفزة ازاي ....

الباب خبط.......
أمير بضحك:خلاص يا جدعان خلوا خلافاتكم دي علي جنب الراجل وصل....

قاسم وهو يجز علي اسنانه:ادخل....

دخل ابراهيم وكان متوتر ......

بسمة بسخرية:اهلا بالمستهتر بيه ....

أمير بجديه:بسمة اسكتي اما نشوف...

بسمة بغيظ:سكتنا اهو......

أمير بصرامة:هات الملف.....

إبراهيم عطي الملف لأمير وأمير بدأ يبص فيه واكتشف انه فعلا بسمه كلامها صح ........

أمير لقاسم:كلامها صح النسبة فعلا زايده عن الطبيعي.......

قاسم بص لإبراهيم بصه خلت إبراهيم ميت في جلده ........

إبراهيم بخوف:والله مقصدت معرفش عدت عليا ازاي انا ....اناا .....

بسمة صعب عليها إبراهيم جدا من شكله .......

بسمة بشفقة:اهدي خلاص المهم انه احنا لحقنا الموضوع قبل ما يحصل وكلنا معرضين للغلط.... والي غلط يعترف بغلطه...........

ابراهيم دموعه نزلت:انا فعلا غلطان ...انا اسف غلطة ومش هتتكرر تاني........

بسمة بصت لقاسم بإستعطاف:بالله سامحه المره دي وهو مش هيغلط تاني وهياخد باله بعد كده......

أمير بصلها بصه الي هو انتي بتتكلمي جد.................

قاسم ببرود:انا هسامحك المره دي وهتنزل من خبير الي متدرب..........  

إبراهيم بصدمة:بس....

قاسم ببرود:مبسش احمد ربك اني كده سامحتك ...........بره
........... خرج ابراهيم بسرعة...........

بسمة بحزن:ليه كده دا عقاب قاسي...

قاسم بسخرية:قاسي..!! دانا كده رحيم اوي .....روحي انزلي مع باقي زمايلك............ياله"قالها بحده"

......بسمة بصتله وراحت خرجت.......
  وفضل هو وامير في المكتب   
    ___________🤎___________
_في المستشفي الساعة 6 مساء_
لين كانت قاعدة حاسه بالملل لانها من ساعة ما جت وعز عرفها علي المستشفي وهي مخرجتش من الاوضة بتاعتها مستنيه الفرج بحاله🙂...............

لين بملل: لاء انا زهجت بقي اما اروح اغلس علي عز شوية.......

تك..تك..تك
عز : ادخل...... "لين دخلت"

عز بإبتسامة:في اي يا لين......

لين قعدت قدامه واتكلمت بملل: ملانه  يا عز من الصبح مفيش حالة توحد الله جت........

عز بإبتسامة:عادي بتحصل كتير احنا ممكن نقعد باليومين عقبال ما يجي حد تعبان فده عادي.......

لين بحزن:يعني الناس كلها خفت علي حظي.......

عز:هههههه يخربيت عقلك
لين بضجر :هو انا بقول نكته يا عز.....

عز بإبتسامة:لاء مبتقوليش نكته بس مينفعش تقولي كده انتي دكتورة والمفروض تكوني مبسوطة انه مفيش عيانين مش زعلانه انه الناس مبتجيش.............

لين بإبتسامة: كلامك صح بس انا زعلانه عشان مش الناس مش تعبانه انا زعلانه عشان الناس في بلدنا دي مبيعترفوش بالدكتور النفسي والي بيعترفوا بيه قليلين ولما بيروحوله الناس بتقول عليهم مجانين فعشان يتجنبوا كلام الناس مبيروحوش للدكتور وبيهملوا نفسيتهم وده بيؤدي نتائج كتير سلبيه زي انه الحالة النفسية بتدهور جدا وممكن تخلي الواحد ينتحر او يصاب بالاكتئاب الشديد وده ليه تأثيرين اما تأثر علي الذات يعني مثلا يأثر بالسلب علي مستواه الدراسي ويخليه يقل او العملي  والتأثير التاني علي الاخرين انه ممكن يأذيهم او يحقد عليهم و....إلي آخره يعني.......

عز كان باصصلها بفخر وانبهار علي حكمتها الي موجودة في كلامها......

لين بإبتسامة:بتبصلي كده ليه....

عز بإبتسامة: فخور بيكي جداً......

لين بإبتسامة:يعني انفع......

عز بإبتسامة: بكل تأكيد.......

لين بصت في الساعة بتاعتها......

لين بإبتسامة:شوفت الوقت عدي بسرعة وبقي فاضل نص ساعة عشان امشي.....انا هروح الاوضة بقي ألم اشيائي......

عز بإبتسامة: ماشي

لين بإبتسامة:صح انت مش هتروح معايا....

عز بإبتسامة:لاء انا شوية وهاجي.....

لين بإبتسامة: ماشي .....
 وراحت سابته ومشيت
      __________🤎_________
"انا:حقيقي ياريت المجتمع وجهه نظرة تتغير عن الدكتور النفسي ومش شرط اني رايحاله ابقي انا مجنونة لاء انا واحده عندي ضغوط نفسيه ومش مرتاحة لحد فمحتاجه اروح لدكتور او بمعني اصح حد اقدر اتكلم معاه هتقولولي ما تتكلم مع صحابها هقولك مش كل الناس بتتكلم مع صحابها في ناس محتاجه انه الشخص الي قدامها يديهاا امان 100% عشان تقدر تتكلم والامان ده لا لقيته في صحابها ولا امها قدرت تديهولها احنا منعرفش الاسباب فساعتها هتروح للدكتور  اكيد الدكتور ليه كريقة معينه يقدر يوصل بيهاا للمريض والا هيفرق اي عن الصاحب او اي شخص فهو الي جايز يقدر ياسعدها ويسمعهاا فياريت حقيقي المجتمع نظرته تتغير ويفهم انه الي بيروحوا للدكتور النفساني مش مجانين دول مضغوطين........"
  ___________🤎__________
_في فلة السيوفي_
من الصبح محصلش اي حدث يذكر هناك كان اليوم عادي وروتيني زي اي يوم بإختلاف انه ريناد كانت بتحاول تقنع نفسها انه الي حصل تهيؤات منها مش بجد لانه كلام احمد اكد كده......

8 p.m
ريناد كانت في اوضتها باستحمي 
فخرجت من الحمام وكانت بتنشف شعرها...........

تك..تك..تك

ريناد :ادخل........

ريناد بإبتسامة:تعالي يا إلياس اي الي طلعك.......

إلياس بإبتسامة:أحمد نام فخدته حطيته في الاوضة وقولت اجي اشوفك.........

ريناد بإبتسامة:اممم "وكملت تنشيف شعرهاا"

إلياس قفل باب الاوضة بالمفتاح........

ريناد بإبتسامة مستغربة:قفلت الباب بالمفتاح ليه......

إلياس قرب منها وشد الفوطة من إيديها ورماها في الارض.........

ريناد بإستغراب:إلياس في اي.......

إلياس بدأ يمشي ايده علي شعرها.....

إلياس بإبتسامة عاشقة:شعرك جميل اوي.....

ريناد بإبتسامة متردده:شكرا.......

راح حط ايده تحت دقنها وقرب وشه من وشها وبصلها بحب وهو بيحول بصره بين عنيها وشفايفها وقالها بإبتسامة: ريناد انا بحبك......

ريناد:.................

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-