ماهيتاب بصدمة:جورج!!!
جورج:مالك يا ماهي انتِ مفكره ان جين لوحدها ولا إيه.
ماهيتاب:دا انتوا عصابة بقى... تقتلوا وتدمروا حياة الناس وكل دا علشان الفلوس... الفلوس اللي بقت لعنه على البشر مش نعمة... حرام... كفايه بقى انا استحملت كتير واتعذبت بسببكم وانا ماليش اي قيمة زي غيري وفي الاخر عايزين تقتلوا الشخص الوحيد النضيف اللي قابلته في حياتي... ياخسارة عليك ياجورج.
جورج بضيق:خسارة... اي خسارة دي... دا مكسب ياحمارة واكبر مكسب كمان فكري كدا معايا لو اللي في دماغنا حصل دي تبقي طاقة القدر انفتحت لينا وفلوس مالهاش اول من آخر.
ماهيتاب:طب بساعدها ليه؟
جورج:مصلحتي معاها.
ماهيتاب:انت بتشتغل مع اخوها ومابينكم مصالح يمكن اكتر من خمس سنين مع بعض.
جورج:مصالحي انا نائل تتعد على الصوابع ومعروفة أما جين فأقل واجب معاها بالملايين.
ماهيتاب بطمع:حد تاني معاكم من اللي بيشتغل مع نائل معاكمولا احنا الثلاثة وبس اصل لوحد كمان تبقى العملية مش هتجيب همها.
جورج:لا مافيش... بس انت احلويتي قوي هو انتِ عملتي عملية تجميل جديدة.
ماهيتاب:لا دي بس حقنة بوتكس خفيفة مش اكتر... عن إذنك.
جورج:استنى اوصلك الدنياليل هامتشي لوحدك.
ماهيتاب:ماتخفيش عارفة السكة كويس المهم انت تعرف تروح لوحدك.... سلام.
جورج:سلام.
الساعة السادسة صباحا.
نائل لابس بدلة كحلي ومتأنق جداً وكان بيحط عطره المخصوص.
زمزم بتتقلب يمين وشمال وقامت مره واحدة وجريت على الحمام تستفرغ مافي جوفها.
نائل :زمزم انت كويسه ياروحي.
زمزم بدوخه:ابعد عني انا مش طايقه اشم ريحتك.
نائل بيشم ريحة هدومه:بس ياروحي انا بحط أغلى وارقى انواع العطور الفرنسية إزاي يعني تتقرفي منها وانت كنت بتحبيها مش دا كلامك.
زمزم بزعيق:ياعم قولت ابعد عني انا مش طايقه نفسي ابعد عني احسن ليك اما حذرتك... واطلع َن الحمام يلا مش عايزه اشوفك قدامي.
نائل بإستغراب منها وزعل:حاضر يازمزم هانم.
خرج وكان زعلان من كلامها وتليفون زمزم رن وكانت مكالمة جماعيه مابين سارة ومي ام زمزم.
نائل:ألو... صباح الخير على أعلى الناس.
مي:صباح النور يانائل مبروك ياابني.
نائل:الله يبارك فيكِ ياأمي.
سارة بهزار:مبروك ياجوز اختي وابن خالةجوزي.
نائل:الله يخليكي ياخالة العيال.
مي:زمزم فين ياابني.
نائل بزعل:زمزم لسه مهزائني ومش طايقني خالص.
سارة بضحك:الله جت فيك معلش يانائل اصل الست الحامل هرموناتها هي اللي بتأثر عليها
وغريزة الامومة بتبقى مسيطرة عليها حتى اسأل فاتح كنت بعمل فيه ايه وانا حامل في البنتين التؤام وانت اللهم بارك ثلاثه وهي في أول شهور الحمل فطبيعي يحصل معاك كدا.
مي بتأيد:ايوة ياابني زي مابتقول سارة كدا طب ايه رأيك لو قعدت معايا اول شهور الحمل وغرفتها أوسع غرفة وليها حمام خاص كمان.
نائل بإحراج:الله يخليكي يا امي بس انامش هقدر والله اعمل كدا بس انا عندي شقة قريبة من شغلي وهبعت اجيبلكم تقعدوا معاها والبيت بيتكم في اي وقت.
مي بتفهم:على راحتك ياابني...بس انتم معزومين النهاردة عندي على العشاء.
نائل :حاضر ياأمي.
سارة:وقبل العشاء كدا هاخدك انت وزمزم للمركز اللي بتابع فيه حملي وأنا هكون معاها في كل خطوة بإذن الله.
نائل:بأمرالله.
سارة ومي:سلام.
نائل:مع السلامة.
نائل فضل خمس دقايق مركز في أوراق شغل وكان بيفطر لقم بسيطة وبيشرب عصير فريش.
زمزم خارجة من الحمام لابسة بنطلون جينز وبلوزة لونها ابيض ولافه شعرها بفوطة وعيونها حمرة زي اللي كانت بتعيط وانفها أحمر... ووقفت قدام نائل.
زمزم بنبرة بكاء:نائل انا اسفة على الكلام الوحش اللي اناقولته.
نائل مسك اديها وقعدها على رجله وحضنها جامد بنتي حبيبتي زعلانه ليه؟
زمزم برقه:بنتك؟
نائل:بنتي ومراتى وحبيبتي وأمي واختي وكياني وكل حاجة في الدنيا انت وبس يازمزم.
زمزم:يعني مش زعلان مني.
نائل:وازعل منك ليه؟... دي حاجةطبيعة ياروحي ان الست في حملها تكون كدا حتى انا سألت مامتك وسارة من شويه وهما ايدوا الكلام دا.
زمزم:وقالوا ايه.
نائل ومسك وشها مابين ايديه:قالوا ان زمزم هتبقى اعظم أم في الدنيا وأحن وأطيب قلب وغير كدا مزة وزي القمر وماليه قلبي وحياتي.
زمزم:وانت احن زوج في الدنيا وهتبقى احسن اب كمان و.......
نائل برفعة حاجب:وايه كمان يازمزم.... وهاخد علاجي وهخف مش كدا.
زمزم :نائل انا كنت بقول لوتتم علاجك وخلاص اللي كنت خايف منه اهو ربنا حققه ليك ورزقك بثلاثه الحمدلله وبكر ان شاء الله يتولدوا ويكبر ا وانت اللي تربيهم ياحبيبي بس علاجك يانائل لازم يتم.
نائل بإبتسامه:حاضر زمزم هانم تأمر وانا أنفذ وبس وبعدين الدكتور كاتب ليا على كورس علاج لمدة سنه قبل العمليه علشان الورم يحجمه مكانه ويقدروا يفتحوا من غير مايحصل أي مضاعفات متألقيش خالص انا مش مهمل في حاجة علشان اكون مهمل في صحتي.
زمزم:بحبك يانائل.
نائل:وان بعشقك ياروح نائل..... المهم ورانا مشوارين مهمين جداً اولا هنروح مركز نسا وولادة اختك بتابع معاه وبعدين احنا معزومين على العشاء عند مامتك النهاردة ياروحي... بس الأول هنروح الشقة قبل ماأروح الشغل يلا إجهزي على ماأعمل كام مكالمة شغل كدا ياقمر.
زمزم :حاضر ياحبيبي مش هتأخر.... محتاج الفطار دا في حاجة.
نائل:لا ياروحي مش محتاجة في اي حاجة انا اكلت الحمدلله.
زمزم شالت الصينية ودخلت بيها غرفة اللبس.
بعد مرور نصف ساعة
زمرم:نوني اناجاهزة ياروحي.
نائل:طب يلا.... أومال فين الصينية.
زمزم ثانية واحدة دخلت جابت الصينية من جوه وخرجت وهي بتحطها على الترابيزة.
زمزم:مش يلا ولاايه.
نائل :هو فيه حوض مواعين جوه.
زمزم:لا.
نائل:دا الأطباق اكنها مغسوله يازيزي.
زمزم:الله بقى يانائل.... دا أنا حامل في ثلاثه يعني انا وثلاثة بياكلو والمجموع اربع أشخاص والفار لشخصين يعني أتين شبعوا ولسه اثنين في أقرب مطعم ابقى اعزمني.
نائل بضحك:بس كدا وانحني وباس بطنها ام العيال تؤمر والعيال كمان تؤمر وابو العيال بس يدفع ولايهمك ياروحي.
زمزم:بحبك يانوني.
نائل: ياقلب نوني...يلا ورايا شغل ياعسل.
واتجه ا للشقة راقيه في عمارة سكنية والشقة واخدة الدور الأول بالكامل ومصممة بأرقي التصاميم والوانها كلها عبارة عن الأبيض والعسلي الفاتح وشكلها بيدي منظر مريح للعين.
نائل وهو محاوط زمزم من وسطها وزمزم مبسوطه بقربه وراميه ثقل جسمها على صدره أكنها بتسرق لحظات السعادة القصيرة معاه كأن الحلم دا هيختفي اويتحول لكابوس مرعب.
نائل بحنيه:اوعي خيالك يصور ليكي إني ممكن اسيبك انا هتعالج علشانك انت وبس انا لو عليا ماأتعالجش من أساسه بس اعمل ايه حكم القوي.
زمزم بنبرة ثقه:أومال هو انت فاكرها سايبه ولا ايه رجاله تخاف ماتختشيش.
نائل:ماشي ياعم الشرس سلام بقى علشان يادوب أروح الشركة الساعة ثمانيه إلا ربع يادوب أراجع ملفات الإجتماعات النهارده.... وعايزك ترتاحي دادة سمية هتفضل معاكي من ٨الصبح لحد الساعة٤العصر ولوعايزه تروحي عند مامتك فيه السواق تحت رشاد ومعاه ٥٠جارد الحراسه ولوعوزتي حاجة التليفون دا بتضغطي هنا الجارد بيردوا عليكي وهيجبوا اللي انت عايزاه وهدومك جوه ومرتبه كمان عايزك تجهزي على الساعة اربعه علشان هنروح للمتابعه في المركزالخاص بالنساوالتوليدوبعدين هنروح عند مامتك.
زمزم :ماشي يانوني.
نائل بإبتسامه:سلام ورايا شغل ياروحي ارتاحي انت والخدم هيعملوا كل حاجة انا نبهت عليكي.
زمزم بزهق:ما خلاص بقى ياعم الحاج حفظت الدرس.
نائل بإستغراب من كلامها:عم الحاج! طب انا همشي بكرامتي أحسن.... باي.
في شركة آل أسد
يدخل نائل الشركة بكل ثقة وكبرياء وجميع الموظفين يقفون احتراما له.... الي ان دخل مكتبه.
بعد خمس دقايق
السكرتير:حمدالله على السلامه يا فندم.
نائل ببرود:الله يسلمك... قبل أي حاجة عايز على الساعة ١١ إجتماع لكل مسئول عندي في الشركة وتنبه عليهم يجيبوا تقرير مفصل للشغل خلال الشهر اللي انا غبته من حيث الخسائر والأرباح وكمان بلغ المحاسبه يعملوا جدول كامل ب اللي داخل واللي خارج من الشركة حتى لو جنيه خرج من الشركة اعرف نهايته ايه واضح وكمان الساعة ٣ يكون عندي المحامي.
السكرتير:أي أوامر تانيه ياباشا.
نائل :إحجز ليا على الساعة ١٠ بليل في مطعم فايف استار بس المطعم يتحجز ليا انا وبس ويكون الأجواء فيه رومانسيه وأمرهم يكتبوا اللي في الورقة دي بالبلانين... واتفضل شوف شغلك.
السكرتير بإحترام:أوامرك ياباشا.
ونائل فضل يتابع شغله اللي كان مش مهتم بيه بقاله فترة وبعد ماخلص إجتماعاته كانت الساعة ٣ونص وهو خلص شغله فقرر انه يروح لحبيبته زمزم.
في شقة نائل الجديدة.
نائل دخل الشقه وكان البيت مضلم والستاير مقفوله وقعد ينادي على زمزم بصوت عالي.
زمزم:كل سنه وانت معايا يا حبيبي.
نائل لف ليها كانت ماسكة كيك بالشكولاته وعليها حرفNوشمعة ٣١ سنه.
نائل بحب:وانت معايا ياروحي وماتحرمش أبداً منك.
زمزم:اتمنى أمنية قبل ما تطفي الشمعة.
نائل غمض عيونه ونفخ الشمعه... وفتح النور.
نائل بإبتسامة لعوبه:أوبااااا إيه الحلاوة دي كلها يا زمزم.
زمزم كانت مزينه غرفة الصالون بزينة عيد الميلاد وكانت لابسة فستان ابيض بحملات قصير لحد فوق الركبة وسايبه شعرها مفرود على كتف واحد.
زمزم بخجل:انت اللي عيونك اللي حلوين وبتشوف كل الدنيا حلوة ياروحي.
نائل مسك من إيديها التورته وحطها على الطاولة وشالها ودخل بيها غرفة النوم.
ويلا نشوف عصابة جين بطلوا كدا عيب.
عند جين.
جين:انت ساعدتني من زمان وجه الوقت تساعدني تاني يادكتورمصطفي.
دكتورمصطفي:اكتر من كدا الحساب هيتقل ياجين.
جين:أنا بخلت عليك قبل كدا.
دكتورمصطفي بطمع:شكل كدا الفيزتا هتكون عاليه المرة دي عن اللي قبلها.
جين بنظرة شر:طبعا دا انت هيكون معاك مال قارون بس لازم تنفذ اللي هطلبه منك من غيرولاغلطة مش زي المرة اللي فاتت .
دكتورمصطفي :وانا تحت أمرك ياهانم.
جين:نائل لازم يبدء علاج السرطان في أقرب وقت ممكن.
دكتورمصطفي :إيه دا وانا اللي بحسب هتقتليه انتِ عايزة تنقذي حياته.
جين:هههههههههههه......... لايا دكتور انا هخلي شخص طبيعي وسليم وصحته زي الطور ياخد علاج مريض سرطان فهمت ولا لسه.
دكتورمصطفي:بس انت عارفه انا نسبتي إزاي.
جين:انت بس نفذ وجثته هتكون تحت إيدك وإتصرف فيها برحتك.
دكتورمصطفي :تعجبيني يا أم دماغ ألماظ انتِ.
في شقة نائل وزمزم.
زمزم كانت نايمه في حضن نائل اللي كانت مشتاقه ليه بس حسه بوجع في بطنها وبتتألم في صمت.
نائل:مالك ياحبيبتي انتي كويسة.
زمزم بضعف:بطني وجعاني قوي يانائل.
نائل شالها ودخل بيها الحمام وخلها تاخد شاور دافي وغير ليهاهدومها وجهزوا وخرجوا علشان يكشف عليها.
نائل وصلوا للمركز وكانت سارة مستياهم.
سارة:إيه يانائل كل دا تأخير.
زمزم بتعب:انا مش قادرة أفضل وافقه كداكتير.
دخلوا جوه وكان قبلهم مريضه.
وزمزم كان واضح عليها التعب.
نائل بهمس في ودانها:انا أسف.
زمزم بإبتسامه:بتتأسف على إيه اناكويسه بس أولادك هما اللي اشقياء.
نائل:لا انا السبب لأن الدكتور حظر من اني.........
زمزم:نائل ماتقولش كدا وبعدين إحنا هندخل جوه للدكتور وهو هيطمنا بإذن الله.
نائل وباس إيديها بأمرالله.
الممرضة:مدام زمزم عثمان شاهين.
زمزم:ايوة انا.
الممرضة:اتفضلي دكتورة شيماء بإنتظارك.
زمزم ونائل دخلوا.
نائل:سلام عليكم.
دكتورة .. السلام............ إيه دا مش معقول معجزة إزيك وجريت سلمت على نائل بحرارة زي الطفلة.... ودا كله تحت أنظار الغيرة من زمزم.
نائل:إحم.... إزيك ياشيماء.
(دكتورة شيماء فتاة قمحيه وعيونها سمرا وطويلة وقوامها ممشوق مثل عارضات الأزياء وكانت مع نائل في نفس المدرسة منذ الإبتدائية حتى مرحلة الثانوية ولكن مثلهم كأي أصدقاء تفرقوا في مرحلة الكلية وهي في نفس عمر نائل ولم تتزوج بعد)
شيماء:الله يسلمك..... انت ايه اللي جابك هنا. نائل ووضع يده بتملك حول خصر زمزم وشيماء تنظر بغيرة لها.
نائل:أحب أعرفك على زمزم آل أسد مراتي وهي في شهرها الثاني دلوقتي وحابب اطمن على أولادي.... ودي يازمزم شيماء صديقتي من الطفوله وبمعزة الأخت عندي.
شيماء وبلعت غصة في حلقها:طبعا... أهلاوسهلا... يامدام زمزم.
ومبروك على حملك ماشاءالله توأم.
زمزم بكبرياء انثي:لا.... دول ثلاثه.... الله يبارك فيكي يادكتور.
شيماء بعمليه :ماشاءالله طب اتفضلي معايا على سرير الكشف يامدام.
وبعد ماشيماء كشفت عليها وطمنتها على حالتها وعلى الأولاد انهم بخير ودا شيء طبيعي الوجع دا... وقالت على تعليمات تمشي عليها. وخرجوا من غرفة الكشف.
نائل:خير يادكتورة.
شيماء :كل خير هي بس لازم ليها الراحة وتنام على ظهرها على قد ماتقدر وتتحرك بسيط وتلغي الأدوية دي كلها وتمشي على الحقن دي وبس وبعد اسبوعين أشوفها تاني.
نائل :شكرا يادكتورة.
شيماء:الشكرلله وان شاء الله تقوم بالسلامة.
نائل وماسك إيد زمزم وخارج من غرفة الكشف قابلوا سارة وفاتح اللي مستنينهم على أحر من الجمر.
سارة:خير يانائل طمني الدكتورة قالت ايه.
نائل:كل خير الحمدلله هي كويسة اطمني انت... انت اللي عامله ايه.
فاتح:الحمدلله كويسين.
زمزم:كويسين إزاي... انت قصدك توأم.
فاتح بفرحة:ولدين والحمدلله.
نائل بفرحة وحضنه:مبروك أن شاءالله تقوم بالسلامة.
فاتح :الحمدلله.... يلا علشان انا عصافير بطني خلاص من الشغل على هنا ولسه ما اتغدتش وحماتي عاملة أصناف تشيب.
زمزم:مين سمعك يلا.
خرجوا واتجهوا جميعا لبيت شاهين
