Ads by Google X

رواية تزوجت معاقا ذهنيا الفصل التاسع عشر


 

إلياس كان بيلعب مع أحمد ولما شاف الدكتور جه وبيكلم ريناد استغرب جداً والي استغربه اكتر ردود فعل ريناد..............


فقرب منها اول ما الدكتور مشي......


إلياس بإستغراب:في اي كان عايز اي الدكتور.......


ريناد كانت لسة هتتكلم بس هوب لقوا أمير داخل من البوابه...........


إلياس بإستغراب:جاي ليه ده......


ريناد بهدوء :هو مين ده.....


إلياس بتنهيده:ده أمير صاحب قاسم وقريب منه جدا.........


ريناد بهدوء:طب وهو جاي ليه ولمين....


إلياس بشرود :اكيد مش جايلي وجاي لبابا بس معرفش جاي ليه وهو عمره ما جه هنا قبل كده.......


ريناد حضنته ودفنت وشها في صدره 


ريناد بهدوء: متقلقش ان شاء الله خير.....


إلياس استغرب انها حضنته كده لانه هي مبتحضنوش او تقرب منه غير في اوضتهم وبس........ومع ذلك لف ايده حواليها ومسد علي ظهرها بلطف من غير ما يهتم انه حد يشوفهم.........


إلياس بحنو:مالك يا روحي من ساعة ما جه الدكتور وانتي مش طبيعية هو قالك اي.........


ريناد دفنت وشها اكتر في صدره وقالتله بصوت متحشرج..........


ريناد:اما نطلع الاوضة هقولك.......


إلياس طبع قبلة رقيقة علي شعرها المغطي بالحجاب وقالّها بحنو:خلاص براحتك ياله نطلع للزفت الي دخل ده............


اومأت بهدوء ودخلت هي وهو وأحمد..........


_علي الجانب الآخر_


دخل امير من البوابة وملاحظش ريناد وإلياس الي كانوا واقفين في الجنينة ودخل جوه قابلته نادين.......


نادين بإبتسامة:مين حضرتك.....


أمير بهدوء:أمير العربي صاحب قاسم....


نادين بإبتسامة رسمية:اهلا بيك.....


أمير بهدوء:انا عاوز اقابل أمجد بيه.....


نادين بإبتسامة:طب اتفضل أرتاح عقبال ما أديله خبر.........


سابته نادين ومشيت.......


أمير ابتسم بخبث وردد في سره:خلاص نهايتك قربت...........

 

وفضل واقف يتأمل في كل إنش في البيت.......لغاية ما جذب انتباهه الاصوات الي كانت جاية من وراه فلف يشوف مين وانبهر من الي شافه .......


أمير في سره:يخربيت جمال  امك يا شيخة بقي المزة دي تبقي مرات المجنون ده...............


إلياس اتضايق جدا لما شاف نظرات أمير المنبهرة والمتفحصة لريناد.......

ولقاه بيقرب منهم ........


أمير بإبتسامة:انتي مرات إلياس مش كده....


ريناد بتوتر وخوف من نظراته المتفحصة: ايوة انا.......


أمير مد إيده وبدأ يعرف نفسه.....


أمير بإبتسامة:انا أمير العربي صاحب قاسم اخو إلياس.......


ريناد بصت لإيد أمير الممدودة بتوتر ومش عارفة تعمل اي فبصت علي إلياس كأنها بتستأذنه بس لقته بيبصلها بحده وتحذير وكأنه بيقولها اياكي ......


ريناد بحرج:اسفة مبسلمش علي حد غريب........


أمير نزل ايده وقالها بإبتسامة ساحرة تجذب اي حد:ولا يهمك اتشرفت بمعرفتك.....


ريناد بتوتر:وانا اكتر......


جات نادين وقربت منهم ......


نادين بهدوء:اتفضل معايا أمجد بيه في انتظارك

اومأ امير لها بهدوء واتحرك وراها......


إلياس بخنقه:اوووف كان هاين عليا اقتلك .......


ريناد بإبتسامة:خلاص اهدي ......


إلياس بصلها بسخط وهي منعت نفسها من الابتسام علي شكله.......


نادين نزلت وراحت عند ريناد.........


نادين بهدوء:انا مش مرتاحة للي طلع ده......


ريناد بتنهيده:ولا انا مرتحاله وعايزة اطلع اشوف في اي.....


نادين بهدوء:لاء متطلعيش أمجد بيه قال انه محدش يطلعله لغاية ما الكائن ده يمشي..............


ريناد بتنهيده:طيب.......


ونسيبهم شوية...........

  ___________🤎___________

_في شركة MCK_

كانت بسمة وسجي وباقي الطلاب موجودين في المعمل ومندمجين في الي بيعملوه بس انتبهوا كلهم وسابوا الي في ايديهم لما حسوا بحركة غريبة في الشركة .....


بسمة بإستغراب:هو في اي مالهم دول بيمشوا بسرعة وخايفين كده ليه.....


سجي بإستغراب هي الاخري:مش عارفة بس يمكن في مصيبة.........


بسمة سقفت بإيديها وقالت بمرح:اموت انا في المصايب تعالي نشوف في اي........


سجي بضحك: مجنونة والله......


اتحركت هي وبسمة عشان يشوفوا في اي ......


بسمة بتساؤل:لو سمحت هو في اي.....


_هو محدش عارف في اي بس في صوت تكسير قوي جاي من عند مكتب المدير فالكل خايف ومفيش حد قادر يدخل المكتب عنده.........


بسمة بتفهم:امممم........

ثم وجهت كلامها لسجي:بت تعالي نطلع فوق.........


سجي بنبرة يشوبها بعض الخوف:ما بلاش......


بسمة بمرح:يابت خايفة من اي احنا هنقف مع الي واقفين فوق ونحاول نعرف في اي...........


سجي:يابنتي خلينا هنا كده كده محدش عارف في اي.......


بسمة بضجر:يوووه خلاص خليكي انا طالعة.............


وراحت سابت سجي ومشيت دون إكتراث لمناداتها عليه.........


"اصلي بسمة زي حالاتي وحال معظمنا فضولنا هو الي بيحركنا وده مبيخليناش نحسب العواقب🙂"


_علي الجانب الآخر داخل المكتب_


قاسم كان شبه البركان الثائر من شده غضبه وهو نازل تكسير في كل حاجة بتقع تحت نظرة .......


قاسم بقسوة وهو يلهث وكأنه خارج من حرب :انا الي غلطان من الاول اني أمنت لواحد حقير  زيه.............غلطان......غلطاااان.."كان بيتكلم وهو بيكمل تكسير"


_خارج المكتب_

بسمة سامعه صوته وقلبها واجعها مش عارفة ليه وحاسه انها عايزة تدخله وتشوفه  بس في نفس الوقت خايفة.......بس في نهايه المطاف استسلمت لقلبها وللرغبة الملحة في انها تدخله..............


وفتحت الباب ودخلت.....واتصدمت من المنظر الي شافته الاوضة كانت مقلوبة بطريقة تخليك تحس انه كان في اعصار جوا الاوضة وهو واقف في نص الاوضة وعماال بيلهث ويتنفس بصعوبة وإيديه الاتنين بتجيب دم.......


(خوف_صدمة_وجع _شفقة) احساسيس كتير اتولدت جواها  او ما شافت منظره بس كان سيد الموقف هو وجع قلبها علي منظرة..........

فقربت منه بدون إرادتها وكأن قداماها هي التي تتحكم بها وليس العكس..............


بسمة بقلق:ان.....انت كويس


قاسم بصلها بنظرة دبت الرعب في أوصالها واتكلم بغضب:انتي مين سمحلك تدخلي هناااا.......


بسمة سرت رجفة في جسدها من صوته بس اتكلمت بثبات مزيف:انا الي سمحت لنفسي مش مستنيه حد يسمحلي........


قاسم رفع ايده وكان خلاص هينزل علي وشها بصفعة بس وقف ايده في الهواء وحاول يتمالك اعصابه وراح كور ايده بغضب ونزلها.....


قاسم بغضب:غووووررري برررره ......


بسمة بغيظ:تصدق بالله انت مشوفتش بربع جنية تربية بقي انا جاية اساعدك تقوم تقولي غوووووري بررره"حاولت تقليد صوته" لاء وكمان كنت عايز تمد ايدك عليا انت عبيط يلاااا ........قال اي سكتناله دخل بحماره....


قاسم مردش عليها و قعد بتعب وإرهاق شديد ظهر علي ملامحه نتيجة النزيف الي في ايده علي الكنبة الصغير الي كانت سليمة في الاوضة .....


بسمة زمت شفايفها وقالتله:انت لازم تروح المستشفي عشان ايدك دي......


قاسم غمض عنيه بتعب ومردش عليها.......


بسمة بغيظ:مش بكلمك يا اخ ولا اطرشيت........


قاسم ظل علي وضعه بدون اي رد فعل.......


بسمة ذمت شفايفها ومش عارفة تعمل اي وهو مش عايز يرد عليها.......


بسمة تمتمت:طب اعمل اي انا دلوقت مع البارد ده.......


بسمة بصوت عالي نسيبا وهي تذم شفايفها :مفيش علبة إسعافات هنا طيب......


قاسم مردش وفضل زي ما هو......


بسمة بسخط: اووووف.. باااارد


وبدأت هي تدور في الاوضة الي شبه الخرابة ظي لغاية ما اخيرا لقتها....وراحت قربت منه اترددت في الاول بس بعدين خدت قرارها انها لازم تساعده.........


فمسكت إيده وشالت بقايا الزجاج الرقيقة الي في ايده وكانت بتبص علي وشه مع كل قطعة زجاج بتشيلها بس مكانش بيتحرك ولا حتي عينه بترمش كان مغمضها ومستسلم ولا كأنه في اي حاجة وطهرت الجرح ولفت علي ايده الشاش وعملت نفس الي عملته مع الايد التانية لغاية ما خلصت.........


بسمة بمرح: خلصت خلاص ......


قاسم واخيرا فتح عنيه وبصلها بهدوء رهيب و نظرات لم تستطع هي تفسيرها 


بسمة بصتله هي كمان واول مره تاخد بالها من عنيه وياا الله علي جمال عنيه الرصاصي الي تاخدك لحته تاني بس فيهم حزن وآلم رهيب..........

حاولت تبعد عنيها عنه بسرعة وقامت من الارض لانه كانت قاعده علي ركابها .......


بسمة بهدوء:انا كده عملت الي عليا بس لازم تروح المستشفي تغير عليه......عن اذنك..


وراحت مشيت بس قبل ما تخرج سمعته ..


قاسم بهدوء: شكراً...


كلمة لم تتخيل قط ان تسمعها منه.....


بسمة بذهول:عفوا.....


وراحت سابته ومشيت وهي مذهولها...........

 ____________🤎____________

_في المستشفي_

عز كان قاعد في اوضة ودخل عليه خالد بدون سابق انذار......


عز بقلق من هيئة خالد:في اي.....


خالد بقلق: إلياس هنا ووالده في العنايا المركزة..........


عز بصدمة:ايه.....!!


خالد بقلق:اخلص يا عز مش لازم تتصدم.......


قام عز من علي المكتب بسرعة وخرج من الاوضة هو وخالد بخطوات سريعة........

..........................................

_علي الجانب الآخر عند إلياس_


يجلس إلياس علي كرسي الاستراحة الي بجانب غرفة العناية ويضع دماغه بين كفيه........وريناد واقفة جنبه وحطه إيدها علي كتفه كمحاولة انها تبثله شوية من الاطمئنان ودموعها مغرقة وشها...........


عز وخالد جم والقلق جاالي علي ملامحهم....


عز بقلق:حصل ايه يا إلياس ......


إلياس رفع نظره لعز بنظرات زائغة ..


إلياس بتوهان:معرفش.......


ريناد بدموع:محدش يعرف حاجة احنا طلعنا الاوضة بعد ما الحيوان ده نزل من عنده لقيناه تعبان خالص واغمي عليه.....حاولنا نفوقه بس مرضيش........


عز وهو يحاول تهدأتها:طب اهدي وهو هيكون بخير ان شاءالله بس هو مين الي نزل ده......


ريناد بدموع: واحد اسمه أمير العربي


عز هز دماغه بفهم......وقعد جمب إلياس....


عز بإبتسامة مُطمئنة: اهدي يا إلياس وخليك قوي باباك هيبقي كويس متقلقش قول انت بس يارب وكل حاجة هتتحل.......


إلياس بتوهان:ياارب.....


شوية وخرج الدكتور جري عليه إلياس بسرعة


إلياس :ماله بابا......


الدكتور برسمية فهو بيكلم مدير المستشفي:حضرتك هو اتعرض لصدمة قوية والصدمة دي سببتله غيبوبة منقدرش نحدد هيفوق منها امتي............


ألقي الدكتور بكلماته التي كانت كالصاعقة الي نزلت علي أذن إلياس وريناد.................

____________💙___________

_في المساء_

_في بيت بسمة_

بسمة قاعدة علي السرير وسرحانة.....


بسمة لنفسها:

*يا تري عامل اي دلوقت...

*أكيد مروحتش المستشفي..


فضلت علي الوضع ده لغاية ما فاقت لنفسها.....


بسمة بتنهيده:انا بفكر فيه ليه دلوقت ما يولع ولا يتحرق ........


وراحت مسكت تليفونها فلقت رسايل من نفس الرقم الي بعتلها امبارح ففتحتها....


"بحبك"

"ملكتي قلبي بنظرة عينك يا مجنونة قلبي"


بسمة قلبها دق جامد للكلمة حتي لو كانت من شخص مجهول بالنسبالها بس كان ليها تأثير عليها..........ودماغها تلقائيا راحت لقاسم........


"اللهم ابعتلي واحد زي ده🚶🏼‍♀️😂"


بس نفضت افكارها الي ودتها لقاسم وراحت ردت ب"مين"


لتاني مره الرسالة يتعملها seen وميتردش عليها.........


زفرت بضيق ورمت التليفون وقامت تقعد مع اهلها شوية........

  ___________💙____________

في غرفة فاخرة تشبه احدي غرف الفنادق ال5 نجوم تجلس إمرأة علي السرير بوجه متعب ولكن لم يُخفِ هذا ملامحها الجميلة الرقيقة التي بمجرد النظر لها تشعر بالراحة والأمان


يدلف لها شاف في منتصف العشرينات ويحمل بيده صنيه بها طعام.....


الشاب بإبتسامة:الاكل يا امي........


_بتنهيده وحزن:مش عايزة أكل انا عايزة امشي من هنا........


الشاب بحزن علي حال هذه المسكينه: لو كان بإيدي كنت خرجت من هنا بس للاسف دي اوامر.......


_بدموع متلألئة في عينيها:من مين وليه ......ارجوك رد عليا 


الشاب نظر لها بقله حيله وقال بحزن: أسف مقدرش ارجوكي كلي عشان تاخدي دواكي........


نظرت له بحزن ودموع وصمتت كالعادة........

 ____________💙____________

_في المستشفي_

إلياس ماسك ايد أمجد الراقد علي السرير كالجثة الهامده وعلي وجهه ماسك التنفس.....


إلياس بدموع:فوق يا باابا عشان خاطري.....انا عارف انك سامعني وحاسس بيا ....انا كويس اهو مفيش حاجة قوم كلمني وخدني في حضنك......بابا قوم ياله صعب اخسركم انتوا الاتنين......صعب وااله ومش هقدر استحمل.......مش هقدر ....

وراح وطي بدماغه عند ايد والده وترك العنان لعينيه لتفيض بما بها من الدموع المحملة بالكثير والكثير........


قربت منه ريناد الي كانت قاعده علي الكنبة الي في الاوضة ومتبعاه بدموع وشفقة.........وراحت رفعت دماغه وضمتها لصدرها وظلت تملح علي شعره برفق وحنان........


إلياس حاوط خصرها بإيده ومسكها بتملك كانها طوق نجاه ليه.............


إلياس بدموع ونبرة يرق لها الحجر: انا مش قادر يا ريناد.......خلاص مبقتش قادر اتحمل اكتر من كده.....


ريناد بحنان ودموعها تسيل من عينيها:حبيبي قوي مش ضعيف.....وهيفضل قوي طول عمره وباباك هيخف وهيبقي احسن من الاول كمان......


إلياس زاد من الضغط علي خصرها وقال:خايف....خايف يروح مني زي ماما.........وهيبقي نفس الشخص هو السبب قاسم........


ريناد بحنو:لاء متخافش هو مش هيروح منك ولا حاجة وهتلاقيه فاق قريب وقريب اوي كمان...اومال مين هيربي حفيده..........


إلياس رفع دماغه وبص ليها بعيونه الزيتوني الي مليئة بالدموع ....

إلياس:حفيده....!!


ريناد بإبتسامة رقيقة من وسط دموعها وهي تعبث بخصلات شعره:ايوه حفيده.........وانت هتبقي بابا  وانا هبقي ماما......


إلياس بعد عن حضنها وقام وقف وبدأ يتنطط من الفرحة فهذا ما كان يتمناه طفل من حبيبت فؤاده وروحه......


إلياس بسعادة غامرة رغم دموعه حزنه: انا هبقي بابا........بجد...


ريناد ضحكت بسعادة ودموع وهزت دماغها :بجد........


رجع لسرير باباه ومسك ايده ....


إلياس بسعادة ودموع حزينة:بابا قوم ياله سمعت انا هبقي بابا وانت هتبقي جدو ياله قوم عشان نربيه سوا ونلعب معاه

وراح ساب إيد أمجد  وحضن ريناد جامد حضن عبر عن مدي سعادته وفرحته بالخبر....


إلياس بسعادة:بحبك يا ريناد بكل ما فياا.......


ريناد بادلته الحضن وقالته:وانا كمان بحبك اوي ......


بعد إلياس عن حضنها ولكنه مازال محاوط خصرها......


إلياس بإبتسامة ودموع:انا مش عارف اعبر عن فرحتي بكلام.........


ريناد حطت إيدهاا علي خده وابتسمت وقالته: المهم انك فرحان ودي عند بالدنيا ولازم تبقي قوي عشان ابنك وباباك وانا.........

"وراحت تجرأت وقربت من شفايفه وطبعت قبلة رقيقة عليها بس هو مسبهاش بل عمق قبلته ليهاا"


"امجد:لا اسمع لا اري لا اتكلم😂😂"


"أنا: يا ولدي إرحم والدك السنجل ده الحجة مش معاه😂😂🚶🏼‍♀️"


وبعدين بعد عنها وبصلها بعشق جارف 

وقالها:اوعدك هكون قوي بكل ما فيا...........


ريناد ابتسمت له بهدوء فهي علي علم انه ده لا وقته ولا مكانه بس هي كانت عايزة تخفف عنه بأي طريقة وتنير قلبه بشوية فرحة تساعده علي مقاومة حزنة...........


خدها إلياس وراحوا قعدوا علي الكنبة الي كانت قاعدة عليها وحدها في حضنه..........


إلياس بهدوء ممزوج بسعادة وحزن في آنّ واحد: عرفتي امتي ومقولتليش ليه علي طول........


ريناد بتنهيده:عرفت النهاردة من الدكتور............


إلياس بهدوء:عشان كده جه بس هو قال انه عندك برد منين بقيتي حامل اليوم الي بعده...."كانت نبرته مستغربة ومستنكره "


ريناد بسخرية:دا دكتور واطي.....


إلياس:إيه...!!


ريناد بسخرية:دا كان جاي يساومني وشايفني خاينة........


إلياس:...........


الفصل العشرون من هنا 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-