شمس:استنى شويه واطلعي لما انادي عليكي.
زمزم:لازم يعني.
شمس:ايوه لازم.
شمس طلعت وقالت يلا الشباب على اليمين والبنات على الشمال كدا نظمت شمس الكل.
شمس:أظهر وبان عليك الأمان يا نوتيلا.
زمزم ظهرت وكانت زي القمر وكان نائل بيتكلم في الموبيل ولما شافهم واقفين صفين وهي في الأول الصفين وهو في الاخر كل ماكانت تمشي خطوه قلبه بيدق اكتر وهو يتأملها وجمالها بيزيد من الخجل لما عيونهم بتتقابل
ووصلت لعنده وهو ميل من طريقها وبيتأملهم
كويس وكانت زمزم في سعادة وسط العائله والوجوه المبتسمه وصوتهم العالي والدوشه والدفء والحنان اللي محروم منهم من زمان قد ايه محروم من فرحة وحب زي اللي في عين أم زمزم من ابتسامة اخ زي اللي في عيون عبدالله مشاغبة اخت زي اللي في حركات سارة مع زمزم... يارب عوضني يارب.
مي:إيه يانائل سرحان في حاجه.
نائل:لا ولاحاجه ياأمي.
مي:طب تعالي يا ابني معايا.
نائل:على فين.
مي:هنطفي الشمع وكمان انا شيفاك واقف بعيد
ياابني انسجم في المكان كدا دا انت هتتجوز نوتيلا اجدع واحده تفرفش الحزن نفسه.
نائل:صحيح هو ليه بتدلوعها نوتيلا.
مي:علشان لون عيونها اللي زي لون البندق في شوكلاتة النوتيلا... وكمان يتحسن المزاج زيها... يلا ياابني.
نائل:حاضر ياأمي.
الكل كان حول السفره بيغني هابي بيرث داي زا تو يو هابي بيرث داي زمزم هابي بيرث داي تو يو.
سارة:استنى اتمنى امنيه الأول.
زمزم غمضت عينها وقالت في سرها فوضت أمري ليك يارب لو نائل خير قربه ولو شر ابعده.
وطفت الشمع وأم زمزم قطعت التورتة ووزعتها على الموجودين ووزعت الجاتوه والبيبسي والكل قعد وسط دوشة الأطفال وضحك الكبار وبعدين عثمان طلب من زمزم تسبقه على غرفتها وقال لها خمس دقايق وهحصلك... دخلت زمزم غرفتها وكانت منعكشه شويه فظبتطها... ودق الباب
زمزم:اتفضل يا بابا.
عثمان:احم معايا ضيف تعالي يانائل.
زمزم:اتفضل يا بابا انت والضيف.
عثمان دخل الأول ومن بعده نائل وقفل الباب.
عثمان:زمزم ممكن تفتحي التراس ونقعد فيه شويه.
زمزم:حاضر.
نائل :استنى إلبسي حاجه على الفستان دا.
عثمان:ماتخفش ياابني انت لو بتغير قيراط انا بغير اربعه وعشرين قيراط وبعدين التراس بتاع غرفة زمزم فيه أوبشن كدا بينقلب غرفة ضيوف او تراس دي مظبطه غرفتها بطريقه تهبل.
فتحت زمزم التراس
زمزم:اتفضل يابابا.
عثمان:اتفضل يانائل.
قعدوا مع بعض وظلوا صامتين إلا أن قطع صمتهم نائل.
نائل:إحم... طبعاً يا باباعثمان انا وكلت عمو صلاح في طلب ايد بنتك المصون الأنسه زمزم على سنة الله ورسوله وحصل قبول الحمدلله وانا بصراحه عايز اقول اني كنت م...
نائل بص لزمزم شويه وانه كان عايز يقوله انه كان متجوز قبل كدا وياريت واحده دول ثلاثه.
زمزم بإندفاع
زمزم:مسافر أمريكا بعدشهر.
نائل بإبتسامه :ايوه فلو ممكن الفرح يكون في خلال شهر ياعمي ومسائل المهر والشبكة وغيره انا تحت امرك.
عثمان:انا هطلب منك الأغلى من كدا يا إبني.
نائل:اكيدطبعاً تحت امرك من مليون لعشره مليون ولو تحب ازيد من كدامافيش اي مانع.
عثمان:هههههه لا مش دا اللي انا عايزه.
نائل:خير ياعمي طلباتك.
عثمان:انا عايز منك كلمة شرف من راجل إنك تحافظ على بنتي وتحافظ عليها اكترمن نفسك.
نائل:كلمة شرف مني ياعمي إن زمزم هتكون في عيني ومش هفرط بيها أبداً.
زمزم نادي على أخوكي وفاتح وعمك صلاح ووطي الاغاني شويه.
زمزم:حاضر عن إذنكم.
جه عبدالله وصلاح وفاتح والكل اتجمع في الصالون ومد عثمان إيده اليمين ل نائل.
عثمان:نقرأ الفاتحه ياابني.
نائل:نقرأ الفاتحه يا عمي.
والكل قرأ الفاتحه وهو مبسوط ماعدا زمزم اللي بتوزع ابتسامات على الموجودين ومن جواها نفسها تصرخ.
بعد ما خلصوا قراءة الفاتحه والكل بارك لزمزم ونائل رن زمزم على كام حارس شخصي من حراسه وكان معاهم شنط هدايا غير البوكسات وأمرهم يدخلوها في غرفة زمزم وشاور على الغرفه وخرجوا كلهم ماعدا واحد اتأخر حوالي دقيقه وخرج وراح ل نائل واتكلم بهمس جمب ودنه وراح ماشي.
وبعد ساعه
نائل:استأذن بقى ياعمي.
عثمان:ما لسه بدري يا ابني.
نائل:لا شكراً كدا كفايه لأن الشباب لسه هيرتاحوامن سفر وأنا عندي شغل بكره.
عثمان:ربنا معاك ياابني خد بالك من نفسك.
نائل بصوت مبحوح:وانت كمان ياعمي تصبحوا على خير.
عثمان :تلاقي الخير... يازمزم وصلي خطيبك.
نائل:لا خليكي مرتاحه عن إذنكم.
فضلت زمزم تبص ليه لحد ما طيفه اختفى وسمعت صوت كذا عربيه اتحركت ورا بعض.
فاتح:يلا إحنا كمان وبكرة احنا هنيجي العصر.
عبدالله:يلا احنا كمان هنطلع نرتاح تصبح على خير يا بابا.
عثمان:وانت من اهله.
زمزم:عن اذنكم هدخل اخد شاور لاني تعبانه قوي.
مي:هتروحي بكره الشركة.
زمزم:لا نائل مش راضي.
عثمان:ماشي ياسي نائل بقى له كلمه وبتمشي كمان عشنا وشفنا زمزم بتسمع كلام راجل غير ابوها.
مي:أومال ايه ياعثمان بنتي قوية وشاطرة كمان وهتعلم الصالح على طول.
زمزم بإبتسامة:تصبحوا على خير يااحلى باباوماما في الكون.
دخلت زمزم غرفتها ودخلت للحمام وأبدلت ثيابها وأخدت دوش دافيء وقعدت قدام المرايه تصفف شعرها الطويل وعملت ضفرتين. ونظرت للسرير ووجدت عليه الأشياء التي جلبها نائل وبدأت في فتحها من برفانات الي شكولاتة وبرطمانات نوتيلا بكل الأشكال والأحجام وهي تبتسم سمعت موبيل يرن فذهبت لهاتفها لم يكن هو من يرن ووجدت بوكس لونه اسود ففتحته ووجدت هاتف ومعه مرفقاته كامله فنظرة للشاشه وجدت مكتوب زوجي نائل.
زمزم برقه:ألو.
نائل:إيه الجمال والحلاوة دي دا البيجاما الحمرا هتاكل منك حته.
زمزم:نعم؟
نائل:زرعت كاميرات في غرفتك يا نوتيلا.
زمزم:انت بتقول ايه؟😱
نائل:بقولك انتي احلى فراوله شوفتها في حياتي.
زمزم. :وياتري الكلام دا قولته لكام واحده من حريمك يا جوز الثلاثه.
نائل:أحلفلك بإيه انك اول واحدة قلبي يدق علشانها زمزم انتي احتلتي كياني زي ما أنا إحتليت كيانك.
زمزم:نائل انا لوهتجوزك فعلشان احمي اهلي منك.
نائل:طب انت ليه ماقولتيش لأبوكي اني كنت متجوز ثلاثة قبلك.
زمزم:علشان خاطر المرحوم والدك كنت بحبه قوي عمو سيف كان على طول بيتكلم معايا وكنت بحب اختك ياسمين من اعز اصحابي وانا كل أسبوع بروح أزور قبرها عرفت ليه... علشان مهزش صورة والدك بسببك يا مهندس نائل.
نائل:انتي كنتي تعرفي اختي ياسمين.
زمزم:ايوة حتى هي اللي كانت بتدلعني وتقولي يانوتيلا... وفتحت في العياط...وبعد ما هدأت ودلوقتي اخوها بيتجسس عليا وزارع كميرات في غرفتي.
نائل:دا في البيت كله مش بس غرفتك.
زمزم:لا والله تصدق انك شبح.
نائل:إيه رأيك.
زمزم:انا كبهير انبهرت منك قوي.
نائل:المهم عايز اتكلم في حاجة كدا.
زمزم:خير ان شاء الله.
نائل الفرح هيكون بعد أيام يعني يوم الجمعه هتتجوز ياحلوه فاستعدي ياقمر.
زمزم:ومين اللي قرر كدا.
نائل:انا وابوكي لما روحتي تنادي على الناس... عرفتي ياقمر انتي.
زمزم:طيب... انت بكرة جاي عندنا.
نائل:ايوة.
زمزم:ليه؟
نائل:يعني الشبكة هنقيها بكرة... يلا سلام يا نوتيلا وقفل الخط.
وفضل يتفرح عليها ويبتسم من حركاتها اللي زي الطفلة بتدور على مكان الكاميرا وفي الاخر استخبت تحت البطانية مافيش حاجة ظهرها منها نهائي وفاتحه النور.
زمزم:... يارب احمي اهلي واحفظهم من المغرور دا.
بدل ماتدور وتبحث علي الروايات خليها علي تليفونك وحمل تطبيقنا
