في قصر آل أسد
الساعة واحدة بعد الضهر
زمزم رايحه جايه بغيظ من نائل وبروده... وانه قاعد إزاي على اللاب توب بيخلص شغل وهما المفروض يجهزوا علشان هيروحوا الغردقة وهو ولاعلي باله أي حاجة حتى لما جت تجهز الشنط منعها.
نائل:حبيبتي تعالي اقولك على حاجة.
زمزم بغيظ: ايوه ياعسل.
نائل بإستغراب:عسل... دا أنا الظاهر كدا والله أعلم أنا مزعلك.
زمزم من غير سابق إنذار جلست على قدم نائل وفضلت تلعب في شعر صدرة بدلع... ايوة ياروحي كنت بتنادي عليا ليه.
نائل بتوهان:بحبك..وطبع بوسة على شفايف زمزم.
قاطع لحظتهم موبيل نائل.
نائل بصوت رجولي خشن:ألو... تمام..عشر دقائق وهكون جاهز... سلام
زمزم:مين اللي كان بيكلمك ياحبيبي.
نائل:دا إمام بيقول الهليكوبتر هتوصل سطح القصر بعد شوية... فاكرة الهليكوبتر ياقمر انت.
زمزم بغيظ :فاكرة ياأخويا.
نائل:ههههههه... قلبك ابيض بقى يااشطة انت ياملبن.
زمزم:نائل انت بتقول كلام بلدي قوي.
نائل:بس لذيذ مش كدا.
زمزم:احبك وانت واثق من نفسك يا حبيبي.
نائل:عيب عليكِ يلا بقى قومي البسي الحجاب... علشان نقضي احلى شهر عسل يا قمر.
زمزم:طب مش هأخد معايا أي هدوم حتى.
نائل:لا أنا مظبط كل حاجة سيبي ليا نفسك ومتشغليش بالك بأي حاجة.
زمزم:علم وينفذ يافندم.
نائل:هههههههه....... أحبك انت ياشبح.
نائل وزمزم طلعوا فوق السطح وركبوا الهليكوبتر الخاص بنائل وراحوا الغردقة يقضوا أسبوعين بعيداً عن أي حد في عزلة لوحدهم ولحبهم اللي بيكبر يوم أكتر من اللي قبله..... وياحلاة العشق الذي ينشأ من أول نظرة إنه حبٌ أزلي لايفارق القلب ويتربع هذا الحب على عرش العشق و يتعداه وتكون على استعداد لتضحي بحياتك من أجله وفي سبيل من تحب... فإن كنت تحب فهرول الي حبيبك ولاتجعله يفترق عنك مهما كانت ظروفك فلا تتخاذل وتقول لا أقدر... فويحك ياهذا..
ما كان خير الأنام قال لك إلتمس ولوخاتم من حديد.
لا تبخل علي قلبك بالحلال فالذي يحب يتوج حبه بالزواج والذي يتسلى بالقلوب ماله في الدنيا دار ولامتاع فكم من صبي يتسلى بالقلوب وكم من رجلاً أصبحوا سلاطين القلوب....
في شركة صلاح
صلاح:وبكدا تكون عرفت كل حاجة هتمشي إزاي وان شاء الله بعد اسبوعين نائل هيتابع معاك المشاريع المشتركة كابين الشركتين ولو الشركة هيحتاجوا أي إجتماع خلي نائل هو اللي متصدره أنا حتى لما بكون موجود في الشركة بيترأس هو الإجتماعات اللي من النوع دا...كدا تمام.
فاتح:تمام يابابا.
صلاح:على بركة الله يادوب ألحق أروح أرتاح شوية لأن الطيارة بليل ولو احتجت لأي حاجة رن عليا على طول بلاش ترن على نائل.
فاتح:اكيد يابابا.
في مستشفى خاصة وكبيرة.
الدكتور :الحمدلله الورم طلع حميد بس لازم بعد ماتتمي الأربعين لازم نشيل الرحم.
ماهيتاب:يعني ايه يادكتور... يعني بعد ١٣ سنه.
الدكتور:ويمكن لو استدعى الأمر يبقى أقل من كدا المشكلة دلوقتي في عملية الإخصاب عمرها ماتتم طبيعي لازم بعملية حقن مجهري... ويمكن كمان تنجح او تفشل لأنك اجهضتي ثلاث مرات في أقل من ست شهور ودا بحد ذاته كارثة.
ماهيتاب:طب والعمل ايه.
الدكتور:لازم على الاقل كورس علاج لمدة سنتين لحد ما الرحم يقدر يستوعب انه يحتضن جنين من تاني وكمان زي ما وضحت هيكون بعملية.
ماهيتاب بإبتسامة شر:وأنا مستعده للعلاج.
الدكتَر:تمام هتعملي التحاليل دي وبكرا لما تطلع هنبتدي العلاج على أساسها بإذن الله.
ماهيتاب:شكرا ليك يادكتور.
الدكتور:على ايه دا واجبي.
خرجت ماهيتاب من المستشفى وركبت عربيتها وفضلت ماشية لحد ما بقت في مكان فاضي قبل فيلاتها بشويه وفجأة وقفت قدمها عربيه مرة واحدة...نزلت من عربيتها
ماهيتاب:مش تفتح ياأعمي.
نزل من العربية خمس حريم أحجام حيتان ومسكوها رنوها العلقة التمام وأخدوا تليفونها واللاب توب بتاعها ومشيوا سابوها سايحه في دمها.
في منزل عائلة شاهين
شمس:سارة تفتكري التصميم دا هيعجب عبدالله... خايفة قوي الافتتاح بعد شهر وهموت من الخوف...ساااااااارة.
سارة:إيه ياأختي فيه ايه صرعتيني.
شمس:سرحانه في إيه من أول ماجيتي وانت مش على بعضك فيه ايه.
سارة بدموع:مافيش.
شمس:سارة بت فيكي ايه تعالي يا قلب اختك في حضني مالك ياروحي.
سارة:فاتح بيخوني ياشمس.
شمس :يانهار اسود طب شوفتيه مع مين احكيلي كدا واهدي قولي كل حاجة من الأول كدا وفهميني.
سارة حاضر امبارح بليل بعد ماخلص القهوة وراحة أقدمها لعمي وفاتح.
فلاش باك
سارة:الله ومن اللي هيشرب القهوة يا بابا.
صلاح:أنا عايز أنام روحي انتِ وفاتح اشربوها تصبحوا على خير.
سارة بإبتسامة :وإنت من أهل الخير يابابا.
سارة أتجهت الي المكان الذي يجلس فيه فاتح وسمعته يقول
فاتح:الو اللي طلبتيه عملته بس قسماً بالله لو الحاجة اللي معاكي وصلت لمراتي هدفنك مكانك... ومن غير سلام....
سارة تصنعت إنها ماسمعتش حاجة.
سارة:حبيبي القهوة جاهزة.
فاتح بإبتسامة:حبيبتي تسلم إيديك تعالي اقعدي معايا انتي وحشاني خالص.
سارة:وانت كمان ياحبيبي وحشتني موت.
فاتح:عملتي ايه في المستشفى الدكتور قال إيه على رجل زياد.
سارة:الحمدلله اتحسنت كتير بس وصاني اني اقدم ليه في نادي ويلعب ألعاب قوي علشان جسمه يقوي.
فاتح:تمام قوي يادوب ألحق أنام علشان بكرة هستلم الشغل في الشركة يلا ياروحي.
سارة :ثواني وهحصلك هطمن على الولاد.
فاتح:تمام... هسبقك أنا.
بعد شوية تدخل سارة غرفة نومها هي وفاتح وتسمع صوت الدوش وعرفت انه بيستحم وجريت على الموبيل وفتحته وقلبت فيه على المكالمات واخدت اخر رقم ون عليه وفي الرسائل لقت ان في رسالة فيها صور سمعت الدوش اتقفل فبعتتها لنفسها وهرولت الدولاب ولبست قميص نوم مثير جدا.
خرج فاتح من الحمام وكان يلبس بنطلون ترينج ابيض ويمسك منشفة يجفف بها شعره ونظر الي تلك الحورية صاحبة العيون الخضراء والشعر الأصفر الطويل وجسدخا الممشوق وكأنها لم تتزوج أو تنجب من قبل.
فاتح:إحنا نهارنا ابيض ولايه.
سارة برقة:ولا إيه يابيبي.
فاتح:ياروح البيبي بحبك قوي وأخد شفايفها بقبلة مشحونه بالغرام. وووووو
وتسكت شهرزاد.
ولما سارة ودعت فاتح وهو رايح الشركة فتحت على طول الرسالة طلع فيها صور افاتح وهو عريان مع بنات... فكدبت نفسها وبمهارة مهندسة كمبيوتر فتحت اللاب توب بتاعها تتأكد من الصور على أنها مش مفبركة لقت ان الصور اصليه وانها اتصورت ليه قبل ماينزلوا مصر بإسبوع.
بااك
سارة:ملقتش نفسي غير وانا بغير للولاد وجيت على طول هنا.
شمس بحزن على اخوها وصحبت عمرها:سارة هتعملي ايه.
سارة بضحكه عاليه بها كرامة أنثى مجروحة:عملت يا شموسة ماتقليقيش انتِ.
شمس:أنا مش خايفة من سارة على العموم... بس خايفة من الباشمهندسة سارة مهندسة الكمبيوتر وصاحبة رسالة ماجستير ودكتوراه بدرجة إمتياز من أرقي الجامعات في أمريكا.
سارة:فاهماني ياصحبة عمري.
شمس:أنا مش هقولك هتعملي ايه بس بنصحك انك تحفظي على بيتك وجوزك وحب عمرك يا سارة فإحذري.
سارة:أنا مش همنع نفسي من جوزي ولاهمنع ولادي منه ولا إبني اللي لسه جاي في السكة ما يعرفش حاجة ولاحتى له أي زنب إن أبوه واحد خاين خان امه أنا خلاص عرفت مين صاحبة الرقم وأدبتها تأديب شرعي كمان.
وقاطع كلامها رنين هاتفها.
سارة:ألو... خير يا نبوية
نبوية:طلعت زقاهم على البيه ياهانم وكانت عايزة تطلق اختك اللي لسه متجوزة من يومين من جوزها بفضيحة وجرسة.
سارة:بنت الكل* نبوية إعجنيها في بعضها مش عايزاها تنفع تكون ست بعد كدا
نبوية:ش حاضر أنا بكلمك والنسوان نازلين فيها طحن.
سارة:الفلوس تيجي تأخديها مني أنا في بيت ابويا إبعتي بنتك وانا هدهملها.
نبوية:تسلمِ يا قمر سلام.
سارة بإبتسامة إنتصار وفرحة:بحبك ياتوحه.
شمس:إيه النظام... مالك فرحتي كدا ليه... ومين توحه دا.
سارة:توحة حبيبي وأبو ولادي.
شمس:خشي بالمفيد عملتي ايه.
سارة:والله ابدا... أنا بس كلمت الست نبوية البلطجية ان في واحدة كدا منغصة عليا عيشتي وقرفاني فطلبت مني عشرة ألاف جنيه مقابل تأديبها وكمان تقررها ليه بتكلم جوزي وانا إدلتها خمسة وبنتها هتيجي تأخدالباقي .
شمس:أاه ياقادرة وعملتي ايه.
سارة بإبتسامة:كان كمين لفاتح وغرس فيه وطلع منه الحمد لله.
شمس :طب احكي بالتفاصيل.
سارة:يالهوووي الساعة بقت ثلاثة العصر وتوحة هيجي خمسة من الشغل يلا سلام.
شمس:طب استني.... ياسارة... يوووة...ماأنا لازم أعرف.
في المستشفى.
العسكري :فهمني انت لقيتها عامله ازاي.
سواق الاتوبيس :أنا لقيتها سايحة في دمها اخدتها يابيه وجيت بيها على هنا.
الممرضة:إلحقوني بسرعة بكيس دم دي بتموت.
