رواية قمر الزمان الفصل الخامس

 

رواية قمر الزمان الفصل الخامس

الصبح....

مراد : شريف ..شريف ..

بصله شريف ..

مراد : انت روحت فين يا عم ..

شريف : انت جيت ..

مراد : اه يا عم ..وقاعد بنادي عليك بقالي ساعه ... بص تعالى ننزل تحت...

شكلك مكلتش حاجه ..من الصبح ..

شريف : لا ..انا مش ضامن لو فاقت ممكن تعمل إيه ..

مراد: الدكتور معاها جوه متقلقش ..

شريف: لا يا مراد ..

مراد : خلاص يا عم هجبلك ..اكل واجيلك ..

شريف : ماشي ..

نزل مراد ...

وبعدها خرج الدكتور من اوضه قمر ..

شريف: أخبارها إيه دلوقتي يا دكتور ..

الدكتور : الحمد لله بخير ..

شريف : طب هو انا اقدر اخش اشوفها ..

الدكتور : اه اتفضل ..

دخل شريف اوضه قمر ..وقعد جنبها ..وفجأه ابتدت قمر تفتح عنيها ..

شريف بتعب : حمد لله على السلامه ..

بصتله قمر بفزع ..وقالت : انا فين ..؟!!

شريف : في المستشفى..ليه عملتي في نفسك كدا ..

قمر بحده :انا مش عايزه اعيش معاك .. مش عايزه ..

شريف : يعني علشان مش عايزه تعيشي معايا ..تموتي كافره ...

قمر كانت هتتكلم ..راحت سكتت لأنها فعلا واجهت نفسها وادركت ان الي عملته دا كان غلط كبير جداا ..وابتدى ينزل من عين قمر الدموع وقالت : انا اسفه يا ربي ..سامحني ..انا عارفه اني غلط كبير ..أرجوك سامحني ..

شريف : ربنا ادالك فرصه ..تانيه ..ونجاكي ...استغفري ربنا ..وربنا غفور رحيم وهيغفرلك ...

قمر : استغفر الله العظيم ..

قام شريف وقال : انا هسيبك ترتاحي ..شويه ..

قمر : استاذ شريف ..

بصلها شريف ..

قمر : انا عايزه اقول لحضرتك حاجه ..

رجع شريف وقعد على الكنبه ..

قمر بتوتر : اسمعني يا استاذ شريف ..ربنا بيضع بين كل زوجين القبول ..علشان تستمر حياتهم ..مع بعض ...وأنا بصراحه معنديش القبول دا تجاهك ...

قام شريف وقال : لو احتاجتي اي حاجه انا قاعد برا ..وخرج ..

قمر بعصبيه: إيه الإنسان دا ..

خرج شريف وقعد برا ..فجأه حط مراد إيده على كتفه وقال : الاكل ..

شريف : مليش نفس يا مراد ..

مراد : مالك يا صحابي ..إيه الي مضايقك ..

شريف : مفيش حاجه يا مراد ..

مراد : عليا بردوا يا صحابي ..

شريف : معلش يا مراد ..لا الوقت ولا المكان مناسبين اني أحكيلك..

مراد : ماشي ..يا شريف .. الي انت تشوفه ..والوقت الي تحبه وتحسه مناسب ..انا موجود ..

حط شريف إيده على كتف مراد وقال : متحرمش منك يا صحابي ..

الكاتبه:Miyano shiho (ندى رأفت )

وبعد يومين ..

في القاهره ...

نزل شريف من العربيه وفتح الباب لقمر وقال: انزلي..

قمر بغضب : بقولك مش عايزه اعيش معاك انت مبتفهمش ...

شريف : انزلي لو سمحتي ..ونتفاهم جوه ..

قمر : ولا جوه ولا بره ..

مسك شريف إيد قمر ودخلها جوه ..البيت وقال : ازيك يا داده ..

قمر : سيب إيدي ..

داده صفيه : بخير يا ابني ..

ساب شريف إيدها ..وقال : بقولك يا داده انا هامشي ...ومش هاجي هنا غير كل فتره علشان اطمن عليكم ...سلام يا داده ..وخرج ..

داده صفيه : يلا يا بنتي خشي غيري هدومك ..

..اهو سمعتي الاستاذ شريف..مش هيجي غير كل فتره ..تقدري تقعدي برحتك ..وتاخدي البيت بيتك ...ومش هتحسي بيا خالص ..

دخلت قمر الاوضه وغيرت لبسها ..وطلعت ..

داده صفيه : تعالي يا حبيتي علشان تتعشي ..

قعدت قمر على الترابيزه..

قمر : قوليلي ..يا داده ..هو انتي مع شريف من أمته..

داده: يا يا بنتي انا مع شريف من لما كان عنده خمس سنين ..وهو بيعتبرني زي أمه..

قمر : طيب سؤال ...

داده : اسألي يا حبيتي ..

قمر : هو ازاي انتي هتخرجي من البيت بعد ما قفل شريف الباب بالمفتاح ...

داده صفيه : انا معايا نسخه من المفتاح يا حبيتي ..

قمر : طيب بصي يا داده ..بما ان شريف الغريب دا مش هيبقى موجود فأنا هتصرف ان البيت بيتي ..وانا وانتي نخرج بكرا نجيب الاكل مع بعض ..إيه رأيك..

داده : طبعا يا حبيبتي ....

قمر : شكرا يا داده ..يلا بقا انا هقوم ..انام ..

داده : ربنا يهديكي يا بنتي ..تصبحي على خير ...

الصبح....

قامت قمر ..ولبست ..وخرجت من الاوضه وقالت : انا جاهزه يا داده ..

الداده : ماشي يا حبيتي ..يلا تعالي ..نزلت داده صفيه ومعاها قمر ..ومعاهم رجاله شريف ..

قمر : هما دول جاين معانا ليه ..

داده صفيه : دول جاين معانا عشان يخلو بالهم ..مننا يا حبيبتي..

قمر : ليه ؟!!

داده صفيه : هو شريف بيحب كدا يا بنتي..يلا بقا تعالي ننقي طماطم ..

قمر : ماشي ..

ومشيت قمر مع الداده ..

وبعد فتره في عربيه شريف ...

رن تليفونه ..

رد شريف وقال : خير ..

الراجل برعب : الحق يا باشا ..بدر هرب ..

شريف بعصبيه وصدمه : ازاي هرب ..

الراجل: والله يا باشا ..مسبناش المكان ..لحظه واحده ...

شريف بعصبيه : أومال هرب ازاي ..دوروا عليه في كل حته ..وبلغني بالجديد ...قفل شريف ..وهو متعصب ..

وبعد فتره صغيره اتصلت بيه داده صفيه ..

رد ..

شريف : الو يا د..راحت قطعت الداده كلامه وقالت : الحقني يا ابني قمر مش لقياها

الفصل السادس من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال