Ads by Google X

رواية ملكي انا الفصل الثالث


  رواية رهف الجزء الثالث الفصل الثالث

ملك : عن إذنك انا لازم ..ادخل ..وكانت هتمشي راح مسك إياد إيدها .........وجابها تاني قدامه بسرعه ..راح بصلها ..
وقال بينه وبين نفسه: نفس العين ..مستحيل اكون غلطان ...


ملك بتوتر : استاذ إياد ..في ..حاجه ..يا استاذ إياد لو سمحت سيب إيدي ..
فجأه جه حد شد ملك من إيد إياد ..بسرعه ..
ملك اتخضت فصوتت ..إياد اتعصب لما سمع صويتها ...وكان هيضرب الي عمل كدا ..لكن بص ..فوقف ..
ساره بخوف : في إيه ...يا استاذ ... معلش انا عايزه صحبيتي اتكلم ..معاها ..عندك ..مانع ..ومسكت إيد ملك ومشيت بيها بسرعه ...


ساره: حسيتك محتاجه حد يساعدك ..هو كان عايزك في إيه الشاب المخيف دا ....
ملك ماشيه ومبتردش...
ساره : ملك ...ملك...
ملك : عايزه إيه ساره ..
ساره : بقولك كان عايز إيه منك ..وليه كان ماسك إيدك ..كدا ..
ملك : معرفش يا ساره سيبك من الموضوع ..وتعالي نقعد ..قعدت ملك هي ..وساره ..مع والدها ..والدتها على الترابيزه ..


والد ملك : اتأخرتي ..كدا ..ليه ..
ملك : معلش يا بابا ..كنت بعمل حاجه ..
والد ملك : ماشي ..
مصطفى : حاجه إيه ...
ملك : وانت مالك ..
مصطفى : انا عايز اعرف ..
ملك : وانا مش عايزه اقولك ..
ساره : استهدوا بالله يا جدعان


وبرا عند إياد الي كان لسه واقف بيفكر ..حط سيف إيده على كتفه وقال : الباشا سرحان في إيه ..
إياد بعد عن سيف وقال : بص يا سيف انا مش ناقص ..ظرافه..
رامي : ازيك يا إياد ..
إياد : ازيك يا عمي ...
سيف : وانا مليش ازيك انا كمان ..
رامي بجد : اسكت يا ولد ..وتعالى يلا علشان نسلم على عمك ياسين...
نسيت اعرفكم بسيف ( سيف رامي مراد ابن رامي الوحيد ....أصغر من إياد عنده ١٩ سنه ..بس إياد بيعتبر سيف اخوه ..مش صحابه بس ..)


نكمل ....
سيف : حاضر يا بابا داخل ...
رامي : يلا يا حنان(زوجه رامي ) علشان ندخل ..
ودخل رامي وحنان ..
سيف : يلا يا إياد ..حط سيف إيده على كتف إياد ..ودخلوا ..
دخل إياد ومشلش عينه على الترابيزه بتاعه ملك .. وملك كانت باصه عليه بتوتر ...
عند ياسين ...كان بيتكلم في التليفون ..


ياسين : يعني إيه يا يوسف مش جاي ..يعني إيه وراك شغل كتير ..حرام عليك ..مراتك وزياد هيتخنقوا من قعده البيت ...حاول ..طيب ..خلاص يا عم اقفل ..
رهف : هيجي ..
ياسين : لا ..وراه شغل ..
رهف : بص رامي جه اهو ...قامت رهف وحضنت حنان ...وقام ياسين وسلم على رامي ..وسيف..
رهف : اتفضلو ..اقعدوا ...
وبعد فتره ..
عند ترابيزه ملك ..
والد ملك باصص على ياسين بغيظ وبيقول بينه وبين نفسه : اضحك اوي يا صاحب المراكز الأولى..بس لازم تعرف ان مفيش حد بيفضل على ..حاله ..واكيد هتقع في يوم من الايام ..انت وابنك.....وساعتها هتعرف من هو عزام السيد..


(عزام السيد ..مدير اعمال كبير ..بس مش اكبر من ياسين ..علشان كدا ..عايز يوقع شركات ياسين بأي طريقه ..علشان هو يبقى القمه ...عزام عامل شراكه ...مع بكر محمد .. وهو مدير اعمال كبير..بردوا..وعلشان بكر معرفش يجي فبعت مصطفى ابنه ..مصطفى دا بقا ..راجل اعمال فاشل ..عنده ٢٣ سنه ..معندوش حاجه يعملها غير السهر ..والشرب ..مش متولي اي مسؤوليه ....مصطفى بيحب ..ملك ..وعايزها ليه ...لكن ملك ..مش بتحبه ..لانه واحد فاشل ..وهي انسانه طموحه جداا )
الكاتبه :Miyano shiho (ندى رأفت )


ملك لاحظت نظرات مصطفى وإياد الي مبتنزلش من عليها ..فقامت وقالت : ساره تعالي نتمشى برا شويه ...
ساره : انا كنت هقولك كدا بردوا ..علشان زهقت ..من القعده ..قامت ..ساره ..وطلعت هي وملك برا ..
بعدها بسرعه ..راح قام إياد ..وقال : لو سمحتي يا ماما انا هخرج اشم شويه هواء وراجع ..
وقبل ما رهف تتكلم راح خرج إياد ..
بصت رهف لياسين لقته قاعد وبيبص على أفعال إياد في صمت ...
برا ...


ساره : والله يا ملك انا زهقت من الحفله ..دي وعايزه امشي...مش كنا قعدنا ذكرنا ..احسن دا احنا ورانا حاجات قد كده ..انا غلطانه اني جيت معاكي ..
ملك : والله يا ساره معاكي حق انا كمان غلطانه اني جيت .. وفجأه صوت أياد ..وهو بيقول : ملك ..
وقفت ملك راح رحلها إياد بسرعه وقال : انا كنت عايز اتكلم معاكي ...
ملك بعصبيه : نعم عايز ايه ..
إياد : لو ينفع لوحدنا..
ملك : ليه حضرتك مين علشان ..نتكلم لوحدنا ..لو عايز تقول حاجه اتفضل قولها ....غير كدا ..مع سلامه ..وكانت هتمشي ..هي وساره راح مسك إياد أيدها وقال : لو سمحتي استني ..
ملك : لو سمحت سيب إيدي ..


أياد ساب أيدها وقال : خلاص ماشي ..بس لو سمحتي اقفي واسمعيني ..
ملك : مش عايزه اسمع حاجه ..
فجأه راح جه مصطفى وحط إيده على كتف فاتخضت ملك ..
مصطفى : هي مش قالتلك..مش عايزه تسمع حاجه ..منك انت مبتفهمش ...امشي بقاا
إياد مكنش مركز مع الكلام الي بيقوله مصطفى قد ما كان مركز على إيده الي حاطتها ..على ملك ...
إياد بعصبيه: شيل إيدك ..من عليها ...


مصطفى بسخريه : وانت مالك ..دا شئ ما يخصكش ..
اتعصب إياد ..والغضب ملا قلبه ..راح بعد مصطفى عن ملك بقوه ..وقعد يضرب فيه ..لغايه ما وشه أتملا ..دم والناس قعدت تصوت ..راح قوم إياد مصطفى الي مكنش قادر يقف من كتر الضرب..راح مسك إيده الي كان حطتها على ملك ..وكسرها وقال بعصبيه : املاكي محدش بيلمسها غيري .. انت فاهم ....راح رمى أياد مصطفى في حمام السباحه....جريت الناس عليه علشان تطلعه ..وفي الاثناء دي
راح مسك إياد إيد ملك وشدها وقال بعصبيه : تعالي معايا ...عايز اتكلم معاكي شويه
ساره : سيبها ...


ملك بعصبيه : سيبني ...بقا يا شيخ مش كفايه الي انت عملته ...
إياد فضل مكمل مشي ومش راضي يسبها ..
ملك بزعيق : ما تسيبني..بقا ..هو انت إيه مجنون ....
بصلها إياد وابتسم وقال : انا مجنون بيكي ...يا ملك عزام السيد ..
انصدمت ملك من الكلام الي قاله ....راحت افتكرت من سنين (...إيه الي انت عملته دا ...انت ليه ضربته جامد كده ...انت مجنون ..


بصلها وابتسم وقال : انا مجنون ..بيكي ..يا ملك عزام السيد ..)
ملك بصدمه: إياد ......

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-