عشق القاسي
الحلقه 7
امير بص لازهار بسرعه بتتوجع قرب منها لقي في دم كتيير خارج من كتفها وفي مكان رصاصه وواضح ان في حد ضرب عليها نار بس من كاتم صوت علشان كدا هو محسش بصوت الرصاص امير مسك ازهار وبدأ من وسطها وبدأت تقع علي الارض بين ايديه والدموع عماله تنزل علي خدها وبتقوله الظاهر ان الحكايه كانت صغيره اوي يا امير امنيه واحده بس اللي تحققت انا اموت ف حضنك امييير
انا مش زعلانه اني حكايتنا خلاص خلصت وبعدين خدت نفس وبدأت تحس ان روحها خلاص بتطلع ابتسمت وقالت متعيطش هنتقابل تاني هشوفك ف الجنه يا امير
امير ف اللحظه دي حضنها وقال لا انتي مش هتروحي مني انا ماصدقت لقيتك ازهار انا هاخدك علي المستشفي دلوقتي وهاتصحي وهتبقي كويسه وهانتجوز بجد ويكون عندنا اطفال زيك ويلعبو معاكي زي ما كنتي عاوزه
ازهار ازهار
وفضل ينادي عليها بس ازهار كانت غابت عن الوعي امير فضل يهز فيها ويقولها ازهار ازهار فوقي ارجوكي
كان امير قاعد جمبها علي الارض ومش عارف يعمل ايه فجأه وحده جت قالتله ايه ده حضرتك قاعد كده ليه وريني انا ممرضه خليني اشوفها
وشافتها الممرضه وقالتله لسه فيها نبض خلينا ناخدها علي المستشفي ونلحقها يلا بينا
امير كان عامل زي الغريق اللي اتعلق بقشايه
اول ماسمع من الممرضه ان لسه فيها نبض
شالها ودخلها العربيه ومشي بيها بسرعه علي اقرب مستشفي ومعاه الممرضه
كان واقف بيبص عليهم من بعيد احمد ومها وايمن اخو ازهار ومها بتبتسم وبتقول لايمن
ولا يهمك متزعلش اللي زي دي ميتبكيش عليها ابدا
ايمن حس بغلطه وقال لمها بس انا حاسس اني اتسرعت ازهار اختي متستاهلش مني كدا كان المفروض اقعد معاها واسمعها مش يمكن تكون مظلومه
مها بصت لاحمد وزي ماتكون بتقوله ماتقول حاجه ام قال مظلومه ايه ياعم انت مشوفتش الصور ولا ايه...... واحد غيرك كان ولع فيها
ايمن ارتبك وقال طب انا هاعمل ايه دلوقتي هاقول لابويا وامي ايه
مها قالت متقولش حاجه خالص هما دلوقتي عارفين انها متجوزه من امير الفرماوي وانت ارجع الجيش وكأن مافيش حاجه حصلت وهات السلاح دا من ايدك انا هاخفيه خالص هات
وادالها السلاح ومشي ومها قالت احمد روح وصله ومشي احمد هو كمان
ومها بصت علي السلاح وقالت اخيرا خلصت منك يا ازهار........ انا بقي الفتره اللي جايه لازم اقرب من امير...... مش هغلط و اسيبك لاي واحده تخطفك مني تاني يا امير
~~~~~~~~~~~~~~~~~~~~~~~~
امير كان ف المستشفى شايل ازهار وبيجري بيها وعمال يقول ترووولي بسرعه
مراتي بتموت
جت ممرضه عليه ومعاها ترولي واخدت ازهار ودخلتها جوا العمليات
امير فضل واقف برا وحاطط ايده علي قلبه وعنيه عماله تدمع ومش قادر يبطلع تفكير في حببته ازهار وفجأه مها جتله وقالت اي دا امير الفرماوي هنا اي دا مالك انت بتبكي
امير قالها انتي ايه اللي جابك هنا
مها ردت عليه انا باجي كل فتره اعمل تشكب علي نفسي علشان لو في اي مرض الحقه بسرعه وبالصدفه شوفتك قولت اما اجي اسلم بس وقفتك دي مش مطمناني خالص هو مين اللي جوا ف العمليات
البيدج الرسميه الكاتبه صابرين علاء.
امير بحسن نيه قالها مراتي
مها بتمثيل قالتله اي دا بجد انت اتجوزت
امير بصلها بصه تعني ان مش وقته كلامها
مها راحت قالت انا اسفه بس اصلي اتاجأت بس قولي هي مالها
امير قالها مالكيش دعوه اتفضلي شوفي انتي رايحه فين
مها قالتله بص انا مش هرد علي قله ذوقك دي علشان انا مقدره كويس اوي الظرف اللي انت في وعلشان احنا صحاب انا هقف جمبك لحد اما تطمن عليها
وفضلت واقفه معاه لحد ماعدي كام ساعه
وبعد شويه الدكتور خرج وقال مع الاسف نزفت دم كتير وحصلها نزيف داخلي ومقدرناش نوقفه البقيه ف حياتك .. مراتك في ذمه الله
امير وقف مصدوم ومها بصتله بفرحه وبعدين غيرت ريأكشنات وشها ومثلت قدامه انها زعلانه وحضنته وقالتله البقيه ف حياتك يا امير انا عارفه انك مصدوم دلوقتي معلش ربنا يصبرك
امير بعد ايدها عنه وطلع من المستشفي ومكنش عارف هو رايح فين؟؟!؛
وفضل ماشى في الشوارع مش عارف هو رايح فين وكان في عربيه هاتخبطه بس مها لحقته وشدته ناحيتها وقالتله امير...... امير ان عامل كدا ليه...... امير ارجوك متبقاش كدا انا مقدرش استحمل اني اشوفك كدا ارجوك فوق
امير اترمي ف حضنها وقعد يعيط جامد وبحرقه ويقولها ازهار كانت طيبه اوي يامها
وكانت بتحبني جدا
انا مش عارف انا ازاي هقدر اعيش من غيرها
مها حطت ايدها علي خده وقالت انا عارفه ان الفتره دي صعبه اوي عليك وعلشان كدا انا مش هاسيبك انا هفضل معاك وجمبك
امير انا ااااااا
امير قالها انا تعبان انا لازم اروح
مها قالتله تعال معايا انا هاوصلك
وركب معاها امير علشان توصله بعربيتها لحد البيت
في الطريق سألته تحب تروح علي القصر ولا علي فلتك
قالها لا انا مش عايز اشوف حد انا عايز ابقي لوحدي
مها فرحت انها هتروح معاه فلته اللي هي بعيد عن القصر
~~~~~~~~~~~~~~~~~~~~~~~~
زين قاعد مع يوسف وبيقوله الشحنه اللي جايه الزعيم هايبعت ليك 2000ك بودره دا غير الحشيش والافيون وطالب توزيعهم ف اقرب فرصه
يوسف قال اي دا انت لحقت تبلغه موافقتي وبعدين ايه الكميه دي هو انا هقدر اوزع كل دا
زين قاله انا مش قولتلك تكلم امير ويساعدك
يوسف قاله امير.... حرام عليك دول لسه يادوب بلغوني ان مراته اتقتلت قبل ما تيجي
زين قاله انت
وايه يعني هي دي اول ولا اخر واحده تتقتل وبعدين امير من امته وهو يشغله الجواز انا اسمع انه مببحبش الستات اصلا
يوسف قاله اميير انا اللي اجبرته علي الجوازه دي وهو مع العشره حبها
زين قاله معتقدش امير ميعرفش حاجه اسمها حب دا معندوش قلب اصلا المهم مش دا موضوعنا احنا دلوقتي عاوزين الكميه دي تتوزع ف اقرب فرصه مفهوم سلام
وسابه ومشي ويوسف حط ايده علي دماغه ومش عارف هيعمل ايه ف المصيبه دي
~~~~~~~~~~~~~~~~~~~~~~~~
في الفيلا بتاعت امير دخل هو ورمي المفاتيح علي الارض واول مادخل اتجه عالطول علي البار وقعد ومها دخلت معاه الفيلا واول ماشفته راح قعد علي ترابيزه البار فرحت جدا ولفت جابت ازازه وسكي وكوبايه وقعدت تصب
وتفول لامير خد ياقلبي دي هتهديك
امير بصلها بإستحكار مها قالتله متخفش انا مش عايزه منك حاجه انا بس كل اللي انا عايزاه انك تهدي شويه علشان شيفاك متوتر وزعلان
امير خد منها وبدأ يشرب
وامير يشرب كاس ورا كاس امير سكر ومبقاش حاسس بنفسه
مها لفت وقربت منه جامد وبدأت تلعب ف شعره وامير كل شويه يبعد ايديها عنه بالرغم انه مش فايق بس احساسه بيقوله ان دي مش حببته ازهار
مها فضلت تلمس بإديها شعره ووشه وشفايفه وتقوله انت ليه كدا انت قلبك دا حجر هاتحس بيا امته........ طيب قرب مني علي اساس اني هي،،،، جرب واتخيلني ازهار ولو لمره واحده بس خمس سنين واكتر وانا عماله احلم بيك ف كل دقيقه وف كل ثانيه وكل ما احاول انتقم منك برجع تاني واضعف وقلبي يذلني ليك اكتر واكتر اميير انا بهرب منك ليك انا مقدرش اعيش غير بين اديك
امير زقها جامد علي الارض وقالها متحلميش بيا لانك لو طلعتي السما عمرك ماهتبقي ف حضني فاهمه
وسابها وطلع الاوضه ومها قامت وقلعت الجاكت اللي هي لابساه وطلعت وراه
امير دخل اوضه وراح الحمام واخد شاور علشان يقدر يفوق شويه ولما طلع لقي مها قاعده علي السرير ولابسه لبس شفاف
امير استغرب من برودها وبجحتها قالها انتي مش كفايه اللي عملتيه تحت ليكي عين كمان تطلعي فوق وف اوضه نومي انا وازهار
انتي ايه عديمه الكرامه امشي اطلعي برا
مها نزلت تحت رجليه وقالتله انا عارفه اني رخست نفسي اوي قدامك وبقيت ف نظرك معنديش كرامه بس دا والله لاني بحبك ارجوكي يا امير اديني فرصة
فرصه واحده بس وانا هكون تحت رجليك
وهاتغير علشانك
امير قومها وقالها ماشي انا موافق اني اديكي فرصه تدخلي ف حياتي بس بشرط
مها مسحت دموعها وفرحت وراحت قالتله انا مستعده اعمل المستحيل طالما وافقت وموافقه بكل شروطك
امير قالها متعرضيش نفسك عليا تاني لحد ما تحس بحبي ليكي وساعتها هاتجوزك
مها كانت فرحتها ف اللحظة دى متتوصفش
وقالتله حاضر انا هاعملك كل اللي تقول عليه
ابتسم امير وقالها طيب روحي دلوقتي علشان انا تعبان وعايز انام
مها مشيت وخرجت من الاوضه وامير بص من شباك الاوضه واول ماشافها طلعت من الفيلا بعربيتها مسك تلفونه وقال
الو
طمني كله تمام طيب لما توصلو للمكان اللي قولتلك عليه اتصل بيا
~~~~~~~~~~~~~~~~~~~~~~~~~
مروه بنت يوسف كانت قاعده وبتذكر عادي دخلت فجأه فريده هانم وسألتها ياتري بنتي الحلوه فاضيه ادردش معاها شويه
مروه بطيبه قالت اكيد فريده هانم اتفضلي
فريده قالت بقالنا كتير متكلمناش مع بعض علشان كدا قولت اخد معاكي خطوه جريئه
واجي بنفسي علي اوضتك
قوليلي بقا ايه اخبار الدراسه
مروه قالت اهي ماشيه الحمد لله
فريده قالت طب ايه اخبار مروان
مروه اتكسفت وقالت ايه فكرك بيه
فريده قالت اهو كسوفك ولمعت عنيكي دي بتقول انك لسه منستيش يابنتي حرام عليكي اديله فرصه تانيه
مروه قالت انتي عارفه اخر مره خرجت معاه حاول يبوسني وانا ساعتها زعلت منه اوي وجيت اترميت ف حضنك وحكاكتلك
فريده قالتلها حصل ومعاكي حق ف الزعل ده بس مش اخر العالم يعني وممكن تديله فرصه تانيه
مروه قالت فرصه تانيه ايه هو لازم يلزم حدوده معايا ويعرف اني مش سهله اني ماليش ف الحاجات دي
بقلمي صابرين علاء.
فريده قالت مش يمكن عمل كدا بدافع حبه وانجذابه ليكي...... اسمعي يامروه كل واحد بيشوف حببته هي كل حاجه خطبته ومراته وام عياله ويمكن هو عمل كدا علشان بيحبك وبيموت فيكي بصي انا اكبر منك وشوفت وسمعت كتير عن قصص الحب والمشاكل اللي ممكن تحصل بين اي اتنين بيحبو بعض ومعظمها بتكون زي حكايتك كدا
مروه قالت بجد يا ماما فريده طيب انا المفروض اعمل ايه دلوقتي
فريده قالت المفروض انك تتصلي بيه
مروه قالت انا ها دا ليمكن ابدا لازم هو اللي يكلمني مره واتنين وتلاته كمان
فريده قالت طيب ماشي بس بطلي عند احسن الواد يطفش منك
وفجأه تلفون مروه رن راحت فريده بصت وقالتلها اهو مروان اتصل اهو ردي عليه بقا وكلميه بلباقه ماشي بلباقه
وانا هاقوم اشوف الخدم
ومروه مسكت الفون وردت علي مروان وسمعت كلام فريده وكلمته بلباقه
فريده طلعت من الاوضه وهي بتبتسم لان خطتها التانيه ماشيه مظبوط
~~~~~~~~~~~~~~~~~~~~~~~~~
جه الصبح بسرعه عند امير وصحي بنشاط وهمه ولا كأنه كان زعلان امبارح
ولبس جاكتته وساعته الغاليين وخرج ركب عربيته ومشي وبعدها بساعات قليله كان قصاد مدرسه داخلي ف اسكندريه واول مادخل شاف ايمن فخده بالحضن وقاله عفالم عليك يابطل
وايمن ضحكله وافتكرو سوا اللي حصل بالظبط
قبلها بيومين امير كان واخد ازهار ف حضنه ونايمين عادي وفجأه الشباك اتكسر ودخل ايمن وهو ماسك مسدس ف ايده وقال وكمان نايمه ف حضنه ولا كأنك عملتي حاجه اه يا واطيه انا لازم اقتلك واشرب من دمك
امير قام بسرعه من مكانه وازهار استخبت ورا ضهره وقالت
ايه اللي انت بتقوله دا يا ايمن انت فاهم غلط امير جوزي
امير قالها دا مش بس فاهم غلط دا في حد زقه علينا ولاعب ف دماغه
ايمن ممكن تهدي وتعقل
ارمي بس المسدس علشان نتفاهم
ايمن قاله نتفاهم علي ايه يا ابن الفرماوي عايز ايه تاني بعد ماخدت شرف اختي
امير قاله انا معملتش حاجه كل الحكايه ان انا واختك بنحب بعض واتجوزنا واي حد قلك كلام غير كدا دا عدو وعايز يخلص مننا بإيدك انت افهم ومتبقاش غبي
ايمن قال انا كدا كدو هقتلها بس خليني اتكلم معاها الاول علشان ضميري يبقي مستريح
ولما قعدو مع بعض ايمن بالصدفه حكالو عن قعدته مع مها العمري واحمد اخوه وقالهم كمان علي الصور اللي شافها
امير قاله وانت بقا صدقت الصور دي مش كدا
أزهار قالت والله كل الصور اللي انت بتحكي هنا دي مش حقيقه والله انت اكتر واحد عارفني يا ايمن صح وعارف قد ايه انا مش كده دا انت اللي مربيني
تابعوني علي صفحتي الخاصه الكاتبة صابرين علاء.
امير قال استني يا ازهار
وطلع الفون من جيبه وصور ايمن صوره وفتح برنامج صور وقعد يلعب فيها ووداه اماكن كتيره مع اشخاص كتيره وركب صورته كمان علي اجسام مختلفه وبردو فديوهات
ايمن استغرب اوي وقال ياولاد الزينه بقا عملو دا كلو علشان يخلوني اقتل اختي الوحيده
امير اتنهد وقال مع الاسف دول اعدائنا وازهار اختك انسانه بريئه فوق ماتتخيل
ايمن قال طب وهم ايه مصلحتهم من ان ازهار تتقتل
امير قال لازهار طيب قومي انتي دلوقتي اعملي الكيك الخطيره اللي عملتيها قبل كدا
ازهار قالت حاضر
اميىر قاله ملكش دعوه بكل دا المهم انت دلوقتى اتأكدت ان اختك مظلومه
ايمن قاله ايوا انا مستحيل اذيها
امير قاله تمام طيب. خلينا نتفق دلوقتي علي خطه علشان نحمي بيها ازهار ونخلص منهم
ايمن قاله وانا معاك ف اي حاجه
امير قاله انت هتقتل ازهار
ايمن قاله ايه اللي انت بتقوله دا انا مستحيل اعمل كدا
امير قاله متقلقش انا هالبسها ستر ضد الرصاص وهاحطلها اكياس دم علشان تبان حقيقه وبكدا هاينسوها خالص
ايمن قال موافق علي بركه الله
ورجعو هما الاتنين عن فكرهم
وبصو علي ازهار وضحكو
ازهار قالت ايه انتو بتبصولي كدا ليه اوعو تكونو بتفكرو ف خطه جديده وتقتلوني بجد
ضحكو هم الاتنين وازهار بقت مبسوطه
ازهار قالت يلا بينا نمشي بقا
امير قالها لا انتي هاتفضلي ف المدرسه دي ومش هتخرجي منها
ازهار بصدمه قالت ايه
꧁꧁꧁꧁꧂꧂꧂꧂
ياتري ازهار هتوافق انها تفضل ف المدرسه دي
ايه خطه فريده بخصوص مروه بنت يوسف وياتري هاتقدر توصل لغرضها
لمتابعة باقي الرواية زوروا قناتنا عليا التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
