Ads by Google X

رواية بنات نعمة الحلقه العاشرة


 الحلقة العاشرة من رواية ( بنات نعمة )


الست الأصيلة نعمة 👉 والكلمة الطيبة صدقة👉


الحب سهل 👉 والأختيار صعب👉


الطمع قاتل 👉 والقناعة كنز👉


كل الممنوع أصبح متاح في زمن المفروض فيه مرفوض


سيبك من اللعبكة دي وتعالى نشوف هيحصل إيه في روايتنا 


النهاردة 👇👇👇👇👇


______________


توحيد ومرسي ونظيمة ووفيق قاعدين وصابر وقف في 


وسطيهم فجأة وقال


صابر .. طبعا لما جيت أتكلم في الورث ياأمي قولتيلي إن


 مال المغازي مش هيتقسم دلوقتي


توحيد .. طب وإيه الداعي للكلام ده عاد ياولدي


صابر .. عالأقل دلوقتي لازم أعرف تركت المغازي قد ايه


 والمكسب بتاع الوكالة والمحلات والمزارع قد ايه !؟


مرسي .. قام وقف ومشي ناحية صابر ولف حواليه ووقف 


وبص في عين صابر وقال


مرسي .. تركت إيه ال بتتكلم عنها ياصابر ؟!


صابر .. تركت أبونا يامرسي 


مرسي .. ونعمة بقا ال محرضاك علينا ولا إيه 


صابر .. نعمة !! وإيه دخل نعمة في حاجة زي دي !!؟


مرسي .. ياك فاكرني نايم على وداني ومش عارف ب ال بيحصل


صابر .. تقصد إيه يامرسي !؟


مرسي .. قصدي انت عارفه كويس ، انت كنت عند نعمة في


 المحل من ساعتين وأكيد هي ال قالتلك على موضوع الورث





توحيد .. صوح انت كنت عند نعمة ياولدي !!!!؟؟


صابر .. أنت بتخرف تقول إيه يامرسي !!؟


توحيد .. رد عليا ياصابر انت فعلا كنت عند نعمة ؟!


صابر .. ايوه 


توحيد .. وكنت رايح هناك ليه ياصابر !!؟


صابر .. ده موضوع يخصني ياأمي ومحدش له صالح بيه


نظيمة .. وقالتلك روح اتعارك مع إخواتك عشان الورث 


يااخوي !!


صابر .. يانظيمة والله نعمة ما شاغلة دماغها بيكم ولا بيا 


واصل ولا ليها دخل بالورث نهائي


وفيق .. انا بقول أنك تاخد مراتك وولادك وترجع مصر 


صابر .. انا مش راجع غير لما أعرف راسي من رجلي ياوفيق


مرسي .. إنسا موضوع الورث دلوقيت ياصابر


صابر .. عالأقل أعرف أنا نصيبي قد إيه من الورث


مرسي .. أنا ماشي ياأمي وياريت تعقلي المحروس عشان 


باين عليه معبي بزيادة


صابر .. اتهرب براحتك بس حقي مش هسيبه برضو يامرسي 


توحيد .. ما كفياك كلام ماسخ عاد ياصابر 


صابر .. خلصت يااما


________


نعمة .. براوة عليك يارياض المحل ماشاء الله رجع زي الأول 


وأحسن


رياض .. البركة فيكي ياست نعمة


تغريد .. يعني هو رياض ال تعب في المحل لوحده !


نعمة .. انتي هتغيري من رياض ولا إيه ههههه


تغريد .. رياض مين ال اغير منه هههه


رياض .. ايوة ومتغيريش ليه هههه


نعمة .. انا هسيبكم تناقرو في بعض واروح اشوف المحل 


التاني الناس بترن من بدري شدو حيلكم عايزين نعوض 


اليومين ال فاتو يلا سلام عليكم


تغريد .. شوفي ياأمي مين ال جاي علينا


نعمة .. حبايبي ازيكم يااولاد


عثمان .. ازيك يا طانط


ابراهيم .. ازيك ياطانط


نعمة .. الحمدلله ياحبايبي انتم عاملين ايه


إبراهيم .. الحمدلله


عثمان الحمدلله


كوثر .. معلش كنا خارجين وفجأة الولاد فاتوني وجري عليكم


نعمة .. انتي امهم


كوثر .. ايوة ، انتي بقا نعمة صح ؟


نعمة .. انتي تعرفيني !؟


كوثر .. ازاي بقا مش عارفاكي وانا كل يوم بسمع سيرتك 


عندنا في البيت


نعمة .. يارب تكون سيرة خير


كوثر .. اظن انتي تعرفي الجماعة دول اكتر مني ههههه


نعمة .. ههههه سيبك منهم وتعالى نشرب حاجة سوا


كوثر .. لا خليها مرة تانية


نعمة .. لا والله لايمكن ، بت ياتغريد روحي هاتي حاجة


 نشربها وهاتي للولاد شوية شوكلاتات


كوثر .. ماكانش له لزوم الحاجات دي كلها 


نعمة .. هو إحنا عارفين نعمل معاكم حاجة


كوثر .. تصدقي اني مش مستوعبة مقابلتك دي هههه


نعمة .. ليه ياختي كفالله الشر


كوثر .. يعني ، بتكلمي مرات طليقك وشايفة اولاده ومش


 مضايقة ولا فارق معاكي ، بالعكس مقابلتك حاسة فيها


 بحنيتك على ولادي وترحيبك بيا وحاجات كده مشوفتهاش 


حتى في الأفلام


نعمة .. ههههههههههه ياكش كنتي فاكراني هقابلك بالسكينة 


والساطور😅  ياحبيبتي انتي ربنا يعينك على انتي فيه


وبعدين لا أنتى ولا الولاد دول ليكو ذنب في أي حاجة 


حصلت أشربي العصير ياستي وسيبي الملك للمالك


كوثر .. انتي طيبة اوي ياست نعمة


نعمة .. ياحبيبتي النبي عليه الصلاة والسلام إتنبأ بإن أعمار 


الأمة في زمنا ده هتبقا مابين الخمسين والستين وفعلا الناس 


دلوقتي يالحقت الستين ياملحقتش وال بيعديها بيبقا عايش 


ميت ، ولو أنا فعلا هوصل الستين رغم إني مش متأكدة من 


الموضوع ده 😅 انا دلوقت عيشت منهم الكتير ومش 


مستاهلة أضيع منهم أكتر من كده في الزعل والنكد كفايا ال 


عيشته واتحسب عليا اشربي ياستي اشربي 


كوثر .. انتي خريجة إيه ياست نعمة!!!!!


نعمة .. خريجة السوق قسم خضار 😅😅😅


كوثر .. لا بجد انتي دماغك كبيرة اوي وعارفة حاجات كتير 


وعندك لباقة في الكلام رغم اني معلش يعني ال أعرفه إن 


الصعايدة ...


نعمة .. هنخبط بقا😅 شكلك عايزة تشوفي نعمة 


الصعيدية على حق 😅


كوثر .. لا ياستي خليني في الست نعمة ال عرفتها وبصراحة 


عشقت قعدتك من أول مرة


نعمة .. ربنا يخليكي ياحبيبتي وده مكانك ومطرحك وقت ما 


تكوني فاضية تعالي اقعدي معايا تنوريني


كوثر .. حبيبتي ربنا يخليكي نستأذن بقا عشان شكلك كنتي 


رايحة مشوار وعطلانكي


نعمة .. لا ولا مشوار ولا حاجة انا كنت رايحة المحل ال في 


السوق


كوثر .. تمام انا كمان كنت نازلة السوق تعالى نتمشى سوا 


لحد هناك


نعمة .. يابنتي مابلاش احسن التتار يشوفوكي معاكي 


وميحصلكيش طيب ههههه


كوثر .. لا ياستي متخافيش انا مسيطرة بردو ههههههههه


نعمة .. خلاص يلا بينا يامسيطرة ههههه


__________


تغريد .. يانهار ابيض ، هي دي ال ابونا سابنا عشانها


رياض .. انا مستغرب تصرفات ومعاملت امك ليها 


تغريد .. لا انتي كده شكلك متعرفش امي كويس ، امي قلبها 


كبير ومسامحة وبتحب الناس جدا وكلمة حلوة ممكن تنسيها 


أي أذية حصلتلها


رياض .. أمال انتي مالك مش طالعلها ليه 😅😅


تغريد .. الله ، ماتعدل لسانك ياض وبعدين الست نعمة مفيش 


منها دي نسخة واحدة مبتتكررش⁦♥️⁩


رياض .. يارب اوعدنا بواحدة زي الست نعمة يااااارب


تغريد .. الا قولى يارياض انتي متجوزتش لحد دلوقتي ليه


رياض .. الست نعمة صعبتها عليا من كتر ما انا بدور على 


واحدة زيها


تغريد .. يعني معندكش بنت عم أو بنت خال او أي علاقة


رياض .. لا مفيش ، وبطلي رغي بقا ويالا نشوف شغلنا


رياض مركز في الورقة بيحصر الشغل وتغريد بصاله بصه كده وكأن في حاجة جواها إتحركت باين كده البت تغريد حبت رياض وعمنا رياض ولا هو داري ب ال بيحصل حواليه


عالعموم نسيبهم دلوقتي ونروح عند الست نعمة وكوثر ال كملو كلام في الطريق


كوثر .. اسكتي ياست نعمة توحيد واولادها حاطينك في


 دماغهم وبصراحة هما ال ورا حرق المحل


نعمة .. كنت عارفة إن محدش يعمل الحركة الخسة دي


 غيرهم وأنتي أكدتيلي المعلومة


كوثر .. مرسي مش سهل وشكله مش هيكتفي بحرق المحل 


نعمة .. مرسي أنا عارفاه من صغره وهو بيقول ياشر اشتر


ومبيخافش ربنا


كوثر .. طب وانتي ناوية تعملي ايه ياست نعمة


نعمة .. العمل عمل ربنا 


________





هدي .. صباح الخير 


رياض .. اهلا اهلا ست هدي


هدي .. ازيك يارياض


رياض .. الحمدلله 


هدي .. الشغل اخباره ايه


رياض .. تمام الحمدلله


هدي .. بت ياتغريد تعالى روحى معايا نجيب طلبات للبيت 


عشان انا نفسي اتقطع ومش هقدر اشيل لوحدي


تغريد .. لا معاكي ربنا انا نفسي مقطوع اكتر منك


رياض .. خلاص انا هروح معاكي ياهدى


هدي .. انت ههههه انت كمان هتشيل هم طلبات البيت


رياض .. ياستي يلا بينا احنا عنمثل هههههه


هدى .. خلاص يا سيدي يلا


تغريد في نفسها ( يعنى انا مرضيتش اروح معاها عشان خاطر اقعد معاك قم انت تروح ياغبي !! )

_____


رياض ماشي مع هدى ووقفو يشترو حاجة وواحد معدي راح 


عاكس هدى ، رياض مستناش لما هدى تعمل رد فعل وراح 


على ال عاكسها ونزل فيه ضرب


هدى .. انت زودتها قوي مع الواد يارياض


رياض .. ايه صعبان عليكي ولا إيه


هدى .. انت بتخرف بتقول ايه يارياض


رياض .. ابقي البسي حاجة عدلة بدل اللبس ده


هدي .. نهار اسود انا لابسة عباية سودة واسعة اعمل ايه تاني


رياض .. معرفش ويلا بقا خلينا نخلوص 


هدى .. مشيت ورا رياض وهي مستغربة من طريقة رياض 


المبالغ فيها مع واحد فكر يعاكسها بكلمة ، حسته كان غيران 


ولما واجهته اتلخبط وكان مش عارف يقول كلمتين على 


بعض ، الشك في دماغ هدى كبر وبدأت تقول لنفسها 


( معقول يارياض يكون ال في بالي صوح )


المهم إنها في نهاية كلامها لنفسها ابتسمت


______________


كوثر .. ايه ياصابر عملت ايه في موضوع الورث


صابر .. كان عندك حق شكله مرسي ناوي يكوش ع التركه


كوثر .. يانهار اسود وهتعمل ايه


صابر .. مش هسكت ياكوثر 


كوثر .. ومستني ايه قوم روح على الوكالة 


صابر .. انتي شايفة كده


كوثر .. اه طبعا 


___________


نظيمة .. يالهووووووييييي


توحيد .. في ايه يابت 


نظيمة .. فؤاد ابن مرسي ضرب إبراهيم ابن صابر بمطوة


كوثر .. ابنيييييي


توحيد .. خدوه للمستشفى بسرعة


وفعلا لحق ابراهيم المستشفى على اخر نفس بس وهما


 طالعين من البيت عثمان اخو إبراهيم كان بيبص لفؤاد نظرة


 شر وإنتقام بسبب ال حصل لأخوه


صابر .. ابني فيه ايه ياامي 


توحيد .. منتظرين الدكتور يطلع من عنده له بتاع ساعتين 


جوة


نظيمة .. اهو الدكتور وصل


كوثر .. ارجوك طمني على إبني يادكتور 


الدكتور .. بصراحة وضعه صعب لأن الضربة جت في مكان 


خطر حتى لو عاش هيكمل حياته على كرسي بعجل 


إدعوله _________________يتبع


كوثر هتتحول ، ونعمة هتدفع تمن غلطة معملتهاش


أما تغريد فصعبانة عليا ، ورياض القلب ياسيدي ومايريد


اما هدى انا نفسي مش فاهمها ، نظيمة مش هتبقا نظيمة ، 


وفيق والله وطلع له حس ، عندما يجتمع الذكاء مع الخبث 


هيطلعلك حاجة كده إسمها مرسي ،، الموت هيصبح قريب 


جدا من أحدهم،  بصو سيبكم من كلامي وشوفو الحلقة ال 


جاية 👌


بقلم #احمدحسن 

                      الحلقه الحاديه عشر من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-