Ads by Google X

القائمة الرئيسية

الصفحات

رواية حبيبتي منتقبه الجزء الثاني الحلقه الثانيه


 

#حبيبتى مُنتقبه

(الجزء الثانى)


 |2|


_حلم ايه وبتاع ايه ،انتى تعبانه


_قرصت ايدى:لا ده مش حلم 


بصيتله : خير كنت محتاجنى ف حاجه


_محتاجك!!!انتى شكلك هربانه من العباسيه


_ايوه يعنى عاوز ايه يعنى ، انقذتنى من الموت شكراً يا سيدى حاجه تانى، ووسع بقى من قدامى عشان مبقفش مع ولاد


وقف على جنب بصدمه:مالها دى


_مشيت :ايه اللى بيحصلى بس ، مكنش حلم


محمد:مش فاهمِك


***

نور:مش فاهمه نفسي بجد


***

محمد:غريبه وتصرفاتك اغرب


***

نور : بقيت غريبه الأطوار


"روحت البيت وقضيت اليوم بتوهان وسرحان "


ماما:مالِك يا نور


_هه مفيش انا كويسه يا ماما


_حاسه انك تايهه كده،فيكى ايه


_لا انا تمام ،متقلقيش 


_اكيد


_ابتسمت:اكيد 


"قومت وقفت فالبلكونه وشغلت قرآن بصوت القاريء عبد الرحمن مسعد، صوته قادر يخرجنى من اى مود حرفيا صوته تحفه (اسمعوا له ،حرفيا هتدعولى♥️)





كنت واقفه بتفرج عالناس وهما رايحين وجايين 


_الناس عماله تخرج وتتفسح وانا من الجامعه للبيت ومن البيت للجامعه ،ماشاء الله احنا مبنقرش 


كنت لسه هدخل واتخيلت ب حد ف لفيت تانى


_ايدا ده محمد ، ايه اللى جابه هنا ده، ياربي ده ناقص يطلعلى ف..اي ده ،ده طلعلى ف كل مكان اصلا


لقيته بص لفوق روحت وطيت بسرعه وحطيت ايدى على قلبي


_كان هيشوفنى،يا نصيبتى


ماما جت فجأه:اي يا بت مالك


_م.مفيش ،هيكون فيه ايه،بستخبي من حد مثلا،لالا مكنش العشم يا ماما  ،بتشكى ف بنتك


_لا حول ولا قوه الا بالله ، انتى ضربت منك عالآخر


_شكرا


""*""*""*


تانى يوم


روحت الجامعة وانا بدعى انى مشوفوش وفنفس الوقت عاوزه اشوفه 


عدى اليوم عادى ومفيش جديد،كنت كل شويه اخطف نظره وابص عليه لدرجه انى حسيت انه خد باله


قعدت مع البنات فالكافيتريا شويه ولقيت محمد واقف مع بنت وعمال يضحك معاها جمب بوابه الجامعه


اتدايقت جدا من اللى بيحصل


قومت بعصبيه عشان امشى ومخدتش بالى بالى من الطوبه اللى كانت عالارض ف رجلى اتخبطت فيها جامد ووقعت


لقيته بصلى بصدمه وجه عليا و علياء ومريم


محمد:انتى كويسه


:......


علياء ومريم جم بسرعه


_انتى كويسه ايه اللى حصل


عيطت انا بتلكك اصلا:مفيش انا كويسه ، رجلى اتخبطت فالطوبه بس


محمد:طب بتعيطى ليه


_انا كويسه عادى


_مريم:طب رجلك وجعاكى


_بعياط:لأ


محمد:طب اوديكى لأوضه الطوارئ يشوفو رجلك مالها


_لا مش حابه اشغلك عن  صاحبتك ،روحلها


لقيتها جت عليا:انتى كويسه


_اه انا تمام ، معلش قومينى يا علياء كده


"حاولت اقوم اقوم بس معرفتش، واضح ان رجلى اتلوت"


عيطت:رجلى بتوجعنى


محمد:مش فاهم العند اللى فيكى ده


_لو سمحت روح مع صاحبتك ولا خطيبتك دى وملكش دعوه بيا


_صاحبتى!!ده ماله ومال موضوعنا


_عيطت:.....


بص علياء:هيا طبيعيه


علياء ضحكت:....





بصيتلهم هما الاتنين:انتو الاتنين ماسكينى تريقه وانا ساكته،بس يمين بالله لو ما سكتو لهعيط واعملهالكو فضيحه هنا


محمد:لا وعلى ايه


"مريم وعلياء سندونى ورحنا اوضه الطوارئ ومحمد جه معانا وكان هناك دكتور"


محمد:لو سمحت يا دكتور هيا وقعت على رجلها ومش عارفه تمشي عليها،ف شوفها لو سمحت


_اه طبعاً ورينى كده


لقيته جاى عليا وهيمسك رجلى ،بعدتها بسرعه


_انت هتعمل ايه


_بصدمه:ايه هشوف رجلك مالها


_طب ما تشوف من بعيد


_ازاى يعنى،بشم على ضهر ايدى


_مش انت المفروض دكتور


_اه دكتور مش دجال عشان اعرف اللى حصل من غير ما اكشف


_محمد ضحك :


فنفسي:يا اخى ضحكتك دى بتخطف قلبي


_طب أشوف شغلى ولا امشي


محمد:لا اتفضل اتفضل، اسكتى انتى


"كشف على رجلى وادانى علاج "


_بجد شكرا يا علياء انتى ومريم على مساعدتكو ليا


محمد:وهما بس اللى ساعدوكى


بصتله بحزن: شكراً


_تحبي اوصلك


_لا شكرا ،بيتى قريب من هنا


مشيت من جنبه وبحاول اضغط على رجلى واكمل، كنت هعيط وماسكه دموعى بالعافيه، بجد اللى حصل معايا غريب

ازاى شعور فحلم يتحول لحقيقه

مش قادره افهم

يعنى انا بحبه فعلا


*""*""*


محمد:مش فاهم أنا ليه خوفت عليكى اول ما وقعتى وحاسس انى عاوز اشوفك علطول، مش فاهمك ولا فاهم نفسي


**"**"**"


_روحت البيت وقررت قرار ومش هتراجع عنه"


دخلت البيت:ماما


_خير اللهم اجعله خير


_انا قررت قرار ومتأكده انك هتدعمينى فيه


_مش أما اعرف هوا ايه


_انا...


#بتبع

           الحلقه الثالثه الجزء الثاني من هنا

لمتابعة باقي الرواية زوروا قناتنا على التليجرام من هنا

تعليقات