Ads by Google X

رواية حب خارج ارادتي الفصل الرابع



حب خارج ارادتي 💞
( الجزء الرابع ) 

بقلمي مآآهي آآحمد

عز : وشك ده ماشفهووش في البيت انا بصحي كل يوم الساعه سته الصبح اصحي الاقي فطاري جاهز والفيلا نضيفه والحصنه واكله مستحميه والجنينه متنضفه ومقصوص الشجر الزياده برجع البيت الساعه سته بالدقيقه ارجع الاقي الاكل محطوط وتقعدي في اوضتك ماشوفكيش خارجه منها الا لما انا امشي ولو صادفت وندهت عليكي وطلبت منك شىء الطرحه ماتتشالش من علي وشك فهماني طبعا 
غرام بلعت ريقها وقالتله 
غرام : اكيد فهماك 
بقلمي مآآهي آآحمد
عز : يلا غورى من وشي  
غرام لانها كانت حاطه طرحه علي وشها والطرحه تقيله مش شايفه منها حاجه كانت بتحسس علي الحيطه عشان تقدر تمشي ومره واحده سمعت رزعت باب الفيلا في الاول اتخضت وبعدها فهمت ان عز مشي وقتها اتنهدت وضربات قلبها اللي كانت بدق بسرعه من الخوف ابتدت تهدى شويه وابتدت تاخد نفسها 
غرام : الحمدلله مشي 
غرام فكت الطرحه من علي وشها وابتدت تقعد علي الكرسي وبقت خايفه انها بقت في الفيلا الطويله العريضه دي لوحدها وبعد كده بتبص لاقيت ان كل حاجه في الفيلا حرفيا سودا السجاد المطبخ الدواليب الستاير كل شىء فعلا 
وبعدها طلعت اوضه من الاوض اللي فوق وفتحتها لاقيت فيها صوره عز مع راجل كبير وشريف الز"فت اللي اغت"صبها 
غرام مسكت الصوره و تبص للصوره وتقول 
غرام : حسبي الله ونعم الوكيل فيكم ربنا ينتقم منكم ياظ"لمه ماليش غير ربنا اشتكيله منكم 
وبعدها سابت الصوره وفتحت دولاب عز الاسود مالقيتش في الدولاب غير قمصان سودا وتي شيرتات سودا ١٠٠ قميص و١٠٠ تي شيرت متعلقين وكلهم نفس النوع باللون الاسود والبناطيل السودا 
غرام : روح ربنا يسود عيشتك كمان وكمان زي قلبك الاسود ده
غرام ابتدت تدخل المطبخ عشان تحضر لعز الغدا قبل ما ييجي وبتبص لاقيت ورقه متعلقه علي التلاجه مكتوب عليها هو عاوز ياكل ايه 
غرام فكرت تحطله سم في الاكل وبعد كده قالت في نفسها 
غرام : ياريتني اقدر اكون زيهم جبروت لكن انا واحده بخاف ربنا .. وبعدها فكرت ته"رب وفي لحظه قالت 
غرام : طيب هاروح فين ابويا رماني رميه الكلاب ومرات ابويا مش هتسيبني في حالي والناس مابترحمش 
غرام قعدت علي جنب شويه وبقت تبص علي حالها واللي وصلتله ومش جديد عليها كل الظ"لم اللي بيحصلها 
بقلمي مآآهي آآحمد
-----------------------------------------------
( في نفس الوقت ) 
الموظفين في الشركه 
الموظف : كل واحد علي المكتب بتاعه بسرعه عز بيه جه بسرعه 
السكرتير : هو عمره ما بياخد اجازه ابدا 
الموظف : اجازه مره واحده طيب قول يتأخر عن ميعاده حتي ده عمره ما عملها تدق ٨ بالدقيقه بنلاقيه داخل مكتبه 
السكرتير : طيب علي مكتبك بسرعه قدامه ٣٠ ثانيه ويدخل 
بقلمي مآآهي آآحمد
عز كان لابس البدله السودا بتاعته علي القميص الاسود المعتاد 
والساعه الروليكس السودا ومزرر زرار واحد من جاكيت البدله واول ما دخل الشركه الكل وقفله وكل ما يعدي علي مكتب 
يسمع كلمه صباح الخير ياعز بيه 
لحد اخيرا ما دخل مكتبه 
السكرتير : استر يارب عنيه بطلع شرار النهارده باين عليه هيبقي يوم ما يعلم بي الا ربنا 
( عز في المكتب ) 
اول ما دخل فك زرار الجاكيت ودخل قلع الجاكيت بتاعه وعلقه على الكرسي بتاعه بعدها وهو بيشمر الكم بتاعه نده على السكرتير
عز :تعالي بسرعه 
السكرتير :حاضر.. حاضر يا عز بيه 
السكرتير دخل من هنا ابتدا عز يقوله له هات الملفات اللي عايزه تتمضي بسرعه
السكرتير جاب الملفات
عز : الموظفين قبضوا ولا لسه 
السكرتير : لسه يافندم النهارده لسه يوم ٢٢ في الشهر 
عز : ايوه بس خلاص العيد كمان اربع ايام هيدخلوا علي العيد وهما مفلسين كل واحد هيعيد علي ابنه وعيلته ازاي 
السكرتير : اللي تشوفوه ياعز بيه 
عز : واعمل حسابك كل موظف لي عيديه عندي غير اللحمه 
السكرتير : ربنا يخليك ليهم ياعز بيه كل سنه كده ما بتنسهمش ابدا 
عز : يلا ..يلا بلاش كلام فارغ 
مراد جه ولا لسه 
السكرتيير : لس.. 
( ولسه هيكمل ) 
مراد دخل : لسه ايه ياعم احمد انا جيت من زمان ده انا بقالي ساعه في الشركه اساسا 
السكرتير بص لمراد وقاله : انا اسف يافندم ما اخدتش بالي من وجود حضرتك .
عز : بتتأسف علي ايه هو يدخل عليك الكلمتين دوول 
اخرج .. اخرج انت وسيبني اشوف شغلي معاه
السكرتير خرج  
مراد : بلاش تهزقني كده كل شويه قدام الموظفين
عز : وحياه الحاجه الوالده تعالي مره في ميعادك وشوف هحترمك ازاي قدامهم 
انا مش عارف متحمل دلعك ده ليه ؟ 
مراد : عشان انا اتحب جدا كمان 
عز : اه طبعا انت هتقولي
بقلمي مآآهي آآحمد
مراد كان عايز يقول حاجه بس كان خايف من عز .. عز بص في عنيه وراح قاله 
عز : لاء مش هقولك علي اللي حصل امبارح وماتقلقش البت عايشه انا اه بكر"ه صنفهم بس مش لدرجه اقت"لهم يعني 
مراد : لا لا .. انت فهمتني غلط انا بس كنت عايز اعرف قتلتها ولا لاء عشان لو قتلتها اجي ادفن الجثه معاك 
عز : لا ياخفيف متشكرين مش عايزين نتعبك معانا 
مراد : طيب وشريف مش عايز تدور عليه 
عز : لا سيبه انا هوقف الكريديت كارد اللي معاه وبعد كده هو هييجي لوحده اول ما مايلاقيش معاه جنيه يصرفوا وساعتها 
مراد : ساعتها ايه ياعز هتعمل ايه 
عز : مش هرحمه انا دلعته كتير لحد ما بقي مش شايل مسؤوليه وكنا هنروح في داهيه بسببه 
مراد : اللي شريف وصله ده انت السبب فيه ياعز انا مش عايز اتكلم من زمان بس انت بتشرب دلوقتي تمن دلعك لشريف 
عز : مش وقته الكلام ده لما نروح نبقي نتكلم 
يلا اعمل اجتماع سريع في الشركه خمس دقايق وكله يبقي موجود 
مراد : ماشي اهرب من كلامنا اهرب .
مراد مشي من هنا وعز كان ماسك قلم راح رماه في الحيطه واتعصب لان هو عارف ان مراد عنده حق 
بقلمي مآآهي آآحمد
----------------------------------------
(في نفس الوقت ) 
غرام كانت في المطبخ بتقرا الورقه اللي عز سايبهالها علي التلاجه 
وبقت تقرا اللي مكتوب بتبص لاقيت اصناف اكل مش عارفه تقراهم اساسا مش تعملهم 
غرام : طبق هوت بانكو رول 
غرام بقت ماسكه الورقه وبقت تتهجي بالعافيه 
و .. تن .. تندرول. تندرولين 
غرام : ( بتكلم نفسها ) اي اللي هو كتبه ده دي دروس فرنساوي ولا اي دي 
وبعدها حاولت تفتح اليوتيوب عشان تشوف الاكل ده بيتعمل ازاي برضوا معرفتش
فضلت طول اليوم تحاول بس الاكل مكانش بيظبط معاها ابدا حربت مره واتنين وتلاته وفي كل مره الاكل بيطلع بايظ منها وترميه في الزباله واخيرا استسلمت وقالت 
غرام : ( بتكلم نفسها ) وبعدين بس ياربي اعمله اي ده
غرام طلعت الاكل في التلاجه وراحت عملت مكرونه وبانيه 
بقلمي مآآهي آآحمد
وقبل ما تيجي الساعه سته بالظبط غرام حطت الاكل بسرعه علي السفره ودخلت اوضتها والساعه اول ما جت سته الساعات في الفيلا كلها دقت بقي صوت الساعه بيرن في كل الفيلا حرفيا ومن كتر الصوت عالي جدا غرام بقت تحط ايديها علي ودنها من كتر الساعات اللي بقت تدق في الفيلا 
بقلمي مآآهي آآحمد
وبعدها غرام سمعت صوت حد بيحط المفتاح في باب الفيلا 
( ملحوظه اي حد بينشر الروايه من اكونت غير اسم ماهي احمد دي مش بتاعته الروايه بتنزل كل يوم الساعه ١٠ ) 
عز دخل واول ما دخل قلع الجاكيت بتاعه ورماه علي اول كرسي يقابله واول حاجه عملها دخل علي السفره زي ما متعود بيبص مالقاش الاكل اللي هو كان كاتبه في الورقه ولقي مكرونه وفراخ بانيه اول ما شاف كده اتعصب جدا وبقي ينادي 
بقلمي مآآهي آآحمد
عز : ( بزعيق ) انتي يازفته ياللي هنا 
غرام كانت في اوضتها وقاعده علي السرير واول ما سمعت عز بينادي عليها قامت بحركه سريعه منها واتنفضت من مكانها 
عز : (بزعيق ) انتي ياهانم ياللي في البيت 
غرام حطت بسرعه طرحه علي وشها وطلعتله 
عز : اي طرشه بقالي ساعه بنادي مابتسمعيش ولا ايه 
غرام : انا .. انا 
عز : انتي ايه 😡
غرام : ( بخوف ) ولا حاجه .. ولا حاجه 
عز : انتي اي القرف اللي انتي عملاه ده انا مش كاتبلك انا عايز ايه في الورقه 
غرام : ايوه .. ايوه .. مظبوط .. بس .. اصل ..
عز : اصل ايه ما تنطقي 
غرام : اصل والله العظيم ما عرفت اعمله حاولت كتير ما عرفتش خالص اصل انا عمرى ماعرفت حتي انطق اللي انت كاتبه ده هعمله ازاي بس مش عارفه
عز: لا والله قومتي عملالي مكرونه وبانيه
غرام : انا .. انا حاولت والله 
عز : انا هعرفك ازاي تتصرفي بمزاجك بعد كده 
عز اخد غرام ومسكها من ايدها وبقي يجر فيها وغرام مكانتش شايفه قدامها من الطرحه اللي كانت حطاها علي وشها 
غرام : انت موديني علي فين 
عز : كان بيشدغرام من دراعها وبس مابيتكلمش معاها 
غرام رد عليا ونبي حرام عليك خلاص مش هعمل كده تاني والله ابوس ايدك سيبني 
عز اخد غرام ووداها مخزن في الاسطبل بس مخزن ضلمه اوي وفتح الباب الحديد وراح رميها فيه 
غرام : لا لا وحياه اغلي حاجه عندك تفتح انا بخاف من الضلمه اوي والله ابوس ايدك افتح خلاص هعمل اللي انت عايزه بعد كده 
عز اخد المفتاح وحطه في جيبه وساب غرام في الاسطبل لوحدها وكل ما الحصنه تتحرك جنبها او تسمع صوت تخاف تترعب وتصوت من كتر الدنيا الضلمه االلي كانت فيها 
عز اول ما دخل الفيلا ولقي المكرونه والبانيه قدامه علي السفره راح ماسك الاكل رماه كله علي الارض وبقي بيفتكر لما كان صغير 
( Flash back ) 
عز : ايوه بس انا مش عايز مكرونه وبانيه 
مرات ابوه : ده اللي موجود مافيش غيره 
عز : انا كرهت الاكله دي كل يوم كده 
مرات ابوه : لو مش عايز الاكله دي بوسني 
عز جه يبوسها من خدها 
مرات ابوه : لاء مش من خدي من بوقي ياعز بوسني من بوقي
-------------------------------------------
عز : كل ما يفتكر اللي كان بيحصل زمان من مرات باباه من كتر عصبيته خبط برجله الطرابيزه بتاعت السفره من كتر ما هو قوي طرابيزه السفره وقعت علي جنبها جت نصين 
عز طلع فوق في اوضته وغير هدومه وركب الموتوسيكل بتاعه وطلع علي ال fighting club وبسرعه اشترك ودخل في سباق مع واحد وبقي يضربه ويطلع كل غله فيه وطبعا عز كالعاده هو اللي كسب وكالعاده بقي حوالين عنيه ازرق لان زي ما ضرب اكيد انضرب 
---------------------------------------
غرام من كتر الخوف والعياط قعدت علي جنب وقلبها بقي يدق بسرعه اوي من كتر ما هي بتتخيل في خيالات اصلها بتكره الضلمه اوي وبتترعب منها ومره واحده اغم عليها من كتر الخوف 
وبعدها عز دخل بعربيته من باب الفيلا كانت الساعه ٣ الفجر تقريبا 
وبعدها مابقاش يسمع صوت غرام وحس ان الدنيا هاديه اوي خاف لا تكون هربت 
راح بسرعه وفتح باب الاسطبل بيبص لقاها مرميه في الاسطبل 
عز : انتي .. انتي ياهانم 
عز بقي يزق غرام برجليه افتكرها نايمه بس هي مقامتش 
عز : انتي هتعمليهم عليا ولا ايه قومي يا اختي انا عارف صنفكم كويس 
غرام :______________
غرام كانت مرميه علي. الارض ونايمه علي جنبها 
عز ابتدي يقلق خاف لا تكون ماتت هو اه بيك"ره اي ست بس مش لدرجه الموت 
عز بسرعه شال غرام ودخلها الفيلا وحطها علي السرير وبعدها راح يجيبلها شويه مايه عشان يفوقها 
وبعدها فتح النور وقتها قرب منها ودي كانت اول مره يشوفها فيها فضل باصصلها شويه وكان قاعد نص قاعده جنبها علي السرير وهو ماسك كوبايه المايه ولانه اول مره بيشوفها مابقاش عارف هو ليه بيتأمل في ملامحها 
ومره واحده غرام ابتدت تحرك راسها يمين وشمال وكأنها بتشوف كابوس 
ومره واحده بتقول 
غرام : ماتسبنيش ياماما .. ماتسبنيش 
ومره واحده غرام قامت من النوم مفزوعه وحضنت عز وبقت في حضنه 
عز : 😳😳


#مآآهي_آآحمد
#حب_خارج_ارادتي

لمتابعة باقي الرواية زوروا قناتنا عليا التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-