Ads by Google X

القائمة الرئيسية

الصفحات

رواية مثلث برمودا الحلقه السادسه


 

البارت السادس 


#مثلث_برمودا📐


#إيزيس 


(و من سخرية القدر  انك مازلت في  اعماق قلبي ولا اعمل انك  تسكنين اعماق البحار ) Bermuda Triangle ⛵👿☠️


وفجأة سمعت كنز غناء الحوريات كانوا بيغنوا بحزن قامت تتمايل علي غنائهم ودندنتهم الحزينة وفجأة واحد يشدها ويقول .. سأعلمك كيف ترقصين علي هذه الأنغام .

كنز بصت بخوف وصدمة ... هو انت ؟؟!!! 






بحركة سريعة منه كان لافف ايديه حوالين وسطها غمضت عيونها بتوتر ورعشة وكورت ايديها تلقائي وضمتها لصدرها عشان مايمسكش ايديها بس فجأة تبص تلاقي جان حضنها علي ارتفاع تلاتة متر عن الأرض بصت هي برعب ,أما هو ابتسم باستفزاز وقال .. تشبثي بي جيدا والا ستقعين 

كنز بصتله بعيظ وجزت علي أسنانها بس خافت تظهرله غضبها ..ماكانش قدامها حل غير أنها تمسك في هدومه عشان ماتقعش حضنها هو بتملك شديد وابتسم برضا وهما مازالوا معلقين في الهوا  بدأ يتمايل بحركات محترفة وهي مغمضة عينيها بخوف واشمئزاز و كل تفكيرها امتي المهزلة دي تخلص وينزلوا 


جان كان بيبص علي يامان عشان يعرف هو مضايق ولا لا . بس يامان فعلا كانت ملامح الغضب مسيطرة علي وشه رغم حاول بكل الطرق أنه يخفي غضبه خوفا من جان .. همس جان في ودن كنز بابتسامة ساخرة  ... كيف تفضلين هذا الأبله عني .. انظري الي حيث لا يوجد وجه مقارنة بيننا 


كنز بصتله من غير ما تنطق ولا كلمة 

جان بكل ثقة قال ... ولكن لحسن الحظ أن الأمير جان لا يعرف له اليأس طريقا لذا يوما  ما ستأتين لي بكل إرادتك تقدين بابي لتكوني أحدي نسائي 


كنز بخوف بس بتحاول تكون قوية... دا في المشمش 


جان بعدم فهم ..  ماذا 


 كنز بخوف .. بقول نفسي في المشمش فاكهة يعني 


جان.. أنا منتظر فقط موافقتك علي رغبتي وبعدها ستكونين الأميرة التي تتمني فقط وانا انفذ

************ 

في فيلا ياسين 

قاعد ماسك كتاب وفجأة أصالة شغلت اسطوانة ميوزيك هادي ومسكت ايد ياسين  وقالت بجرأة .. تسمحلي بالرقصة دي 

ياسين ضيق عينيه  بص لها نظرة هي مافهمتش معناها .. وقام وهو بيتأفف حضنها بعصبية وزقها ناحيته لدرجة أنها خبطت في صدره 


أصالة استغربت رد فعله بس بدأوا يرقصوا وفجأة ياسين يزقها ع الأرض واتكلم بصوت جحيمي 

...أنتي فاكرة نفسك بالشويتين اللي بتعمليهم دول هتقدري تنسيني كنز .. تبقي غبية .. كنز مش مجرد بنت أنا حبيتها 

كنز دي هي كل الستات في نظري اجتمعه مع بعض بكل صفاتهم وجمالهم وشكلوا حاجة واحدة اسمها كنز 

هي محفورة في قلبي ولا أنتي ولا مليون غيرك ينسوني كنز 

خلص كلامه وطلع علي  اوضة  كنز دخل ورزع الباب وراه 

أما عند أصالة كانت لسة واقعة ع الأرض وعينيها مليانة دموع عمر جري بسرعة مد لها أيده كانت نظرة الحزن واضحة جدا في عينيه لانه كان فيه مشاعر جواه ناحية أصالة بس تصرفات أصالة مع ياسين بتأكد أنها مش مجرد دكتورة بتأدي عملها وبس لا هي اكيد معجبة بيه أن ماكانتش بتحبه 


عمر بحزن ... انا اسف علي تصرف ياسين بس اتمني تعذريه 


أصالة حطت أيدها علي بقها .. أنا هامشي 

وجريت خرجت وعيطت  لأنها كانت مكسوفة من الموقف اللي حطت  نفسها فيه قدام عمر 


***************


جان أخيرا نزل كنز الأرض 


كنز بكل هدوء قالت ... امير جان انت تعرف طريق للعودة للأرض صح 


جان بخبث .. أجل 


كنز ... انا مستعدة اعمل اي حاجة عشان ارجع .. وكملت بتردد بس الا الشرط الا انت قلت عليه.


جان بذكاء ... ولما تودين العودة ما دمتي تزوجتي يامان الطاهي 


كنز بتوتر ... اصلي يمكن يعني احب اروح اسلم علي اهلي وارجع تاني بس دي كل الحكاية 


جان ... اذا هل ستقبلين أن تكوني أحدي نسائي .. الأمر غاية في السهولة 


كنز بصتله ولوت بوقها وما اتكلمتش وقالت في نفسها .. (غاية في السهولة عشان انت متعود يا ابن الصرمة .لكن أنا مستحيل اكون احد غير ياسين )


جان ببرود .. كنت اتمني لو اعلم ما يدور في رأسك الان ولكن كل شئ يأتي بالمصابرة والمحاولة .. واذا اردتي أن تعرفي شيئا عن عائلتك كما تزعمين لدي شئ ما من خلاله ستسطيعين .. خلص جملته وسابها ومشي بسرعة البرق 


كنز كانت لسة بتستوعب الكلام اللي قاله هل فعلا هو يقدر يخليها تشوف ياسين 

يامان قطع حبل أفكارها 

... كنز هل انتي علي يرام 


كنز ... ها يامان الأمير جان قالي أنه يقدر يخليني اشوف اي حد أنا عايزة اشوفه من اهلي 


يامان ... أجل اعلم ذلك .. فهو لديه بلورة سحرية نادرة بإمكانك أن تري شخص ما مرة واحدة 





كنز بتفكير .. لازم افكر في طريقة عشان اقدر اقنع الأمير جان اني اشوف ياسين بعيدا عن شرطه القذ*ر دا 


يامان .. هيي اين انتي هيا لنعود 


كنز اتنهدت ومسكت السمكتين اللي اصطادهم يامان وقالت بسخرية .. الحمد لله أنه فيه سمك كفاية في المطبخ والا كنا هنحضرلهم وليمة ازاي علي سمكتينك اللي عاملين رجيم دول 


يامان ... اشعر بنبرة ساخرة أليس كذلك 


كنز بضحك .. اه كذلك بالظبط 

*************

تاني يوم في فيلا ياسين نصار 

ياسين لسة صاحي م النوم نازل ع السلم 

عمر لابس وخارج ع الشغل ... صباح الخير يا بوص ايه مش رايح معايا الشغل ولا ايه 


ياسين .. لا اعصابي تعبانة وبفكر اروح الجيم  عايز اطلع اللي جوايا في اي حاجة 


عمر... اممم يا رتني كنت فاضي كنا روحنا سوا .. طب انا هامشي 


ياسين باحراج... عمر هي الدكتورة ما جاتش 


عمر... تفتكر يعني هي معندهاش كرامة .. اللي انت عملته امبارح معاها بصراحة قلة ذوق اوي سوري لاني صريح 


ياسين اتنهد ولسة هيتكلم بص لباب الفيلا بصدمة 


أصالة .. جود مونينج 


عمر وياسين بصوا لبعض وكتموا ضحكتهم 

وقالوا.. جود مورنينج 


أصالة بصت لياسين لقته باصص لها بعدت نظرها الناحية التانية .. عرف انها بتقوله أنا زعلانة منك مشي أيده علي شعره باحراج ونزل 

عمر بص لأصالة وقال .. أنا اتأخرت ع الشغل هخلص وارجع بسرعة عايزة حاجة 


أصالة ... شكرا يا عمر انت ذوق اوي *اتكت علي كلمة اوي  *


عمر .. اهو انت اللي ذوق اوي يا ... يا دكترة 


أصالة ضحكت بصوت قال يعني هتغيظ ياسين .. you're so sweet يا عمر (انت عثول اوي يا عمر )


عمر بابتسامة باهتة لانه عارف فرضها ..  thanks(شكرا) وسابهم وخرج 


ياسين كان واقف بيعمل القهوة بتاعه 

قرب ناحية أصالة .. ماتزعليش عشان اللي حصل امبارح .. ويا ريت ما تتكررش 


أصالة .. نعم ؟؟!! هو دا اعتذار ولا تهديد 


ياسين غمض عينيه بيحاول يكون هادي .. اعتذار وتحذير 


أصالة .. والله كان بإمكانك تقول مش عايز ارقص بدل الدراما اللي انت عملتها دي 


ياسين ... انتي مهتمة بيا ليه


أصالة بتوتر .. ع عشان انت الحالة اللي انا مسؤولة عنها 


ياسين اخد القهوة بتاعته ولسة هيطلع اوضته سمع صوت حاجة دبت ع الأرض التفت وراه لقي أصالة مغمي عليها وواقعة ع الأرض رمي القهوة وجري شالها وحطها ع الكنبة وجري جاب البرفيوم بتاعه وقربه منها لغاية ما استعادت وعيها 


أصالة بتمثل التعب .. كل دا لاني ما اكلتش حاجة من لحظة الموقف اللي عملته معايا وكمان ما افطرتش 


ياسين اتأفف .. ايه شغل الاطفال اللي انتي بتعمليه دا .. المفروض انك دكتور نفسية واكيد كتير من المرضي هيدايقوكي 


أصالة مسكت أيده وبصت في عينيه .. بس انت مش اي مريض يا ياسين 






ياسين فضل متنح لها لانه عارف أنه لو رد عليها يقول كلام يضايقها .. طبطب علي أيدها اللي ماسكة أيده وبعدها عنه بهدوء وطلب من الخادمة تعمل فطار لأصالة 


أصالة بصت لياسين وقالت في نفسها.. كلها كام يوم وهاخليك تهتم بيا غصب عنك 

 ياسين طلع اوضته ولبس لبس رياضي  عشان يروح الجيم ونزل لسة هيخرج لقي أصالة بتقوله .. انت خارج 


ياسين بدهشة .. ليه هو فيه مانع 


أصالة .. رجلي علي رجلك 


ياسين... لا انتي اكيد مجنونة صح 


أصالة .. لا أنا دكتور ولازم اطمن عليك


ياسين.. حد قالك اني عيل صغير هتخافي يتوه ولا مجنون 


أصالة ... ما اعرفش كل اللي اعرفه انك مسؤوليتي وهاروح معاك 


ياسين ... علي جثتي تروحي معايا 

بعد شوية وقت 


في النادي 

ياسين بضيق ... اترزعي هنا مش عايز اشوف وشك جوا انتي فاهمة 


أصالة بفرحة ... فاهمة 

ياسين اتأفف وسابها ودخل صالة الجيم 

**********

كنز كانت خارجة من المطبخ عشان خلصت شغلها وفجأة تمسكها نوريس( بنت الملك ) من دراعها بغضب 


نوريس ...هل ما سمعته صحيح .. هل انتي زوجة يامان 


كنز بخوف وتوتر عشان فكرت أنه جان باعت أخته تتأكد أنها مرات يامان.. ايوا ايوا أنا مراته اومال مرات أبوه 


نوريس بحزن .. يا ليتك كنتي زوجة أبيه .. سابت دراع كنز فحست  كنز أنه درعاها شل من قوة مسكتها .. وراحت عشان ترتاح 

بص جان لقاها داخلة اوضة غير اوضة يامان ضيق عينيه وراح لها 


************ 

*في فيلا ياسين بالليل 


عمر قاعد بيتابع اخبار البورصة في التلفزيون 

أصالة قعدت جمبه .. عمر عايزاك تحيكي عن كنز كل حاجة شخصيتها تصرفاتها حياتها كل حاجة تخصها 


عمر باستفهام .. ليه 


أصالة بتوتر.... ع عشان دا هيساعدني في علاج ياسين 


عمر بخبث .. والله 


أصالة اخدت نفس عميق وغمضت عينيها وقالت ... عمر بصراحة أنا ..... يتبع 



                  الحلقه السابعه من هنا

لمتابعة باقي الرواية زوروا قناتنا على التليجرام من هنا

تعليقات