Ads by Google X

القائمة الرئيسية

الصفحات

رواية زوجتي كوابس كامله جميع الفصول بقلم مي علي


 


زوجتي كوابس 

الفصل الأول 

بقلمي مي علي 


كل راجل ليه مقاييس ف الست اللي هيتجوزها 

بس احنا الرجاله بنبص دايما علي عامل الجمال كعامل أساسي للأختيار 

مهو مش معقول هاكل أكلة واحده طول عمري وتبقي تسد النفس 


وانا كراجل دنجوان ف نفسي والبنات هتموت عليا 

يوم ما اختار اتجوز واحده اتجوز واحده الكل يحلف بجمالها ورشاقتها 

وكل الناس تحسدني عليها 

وعينهم تنزل من علي حبل المشنقه لما يشوفوها 


وبالرغم من قرار الجواز ده صعب علي واحد زيي 


انا مش صايع ولا كل يوم مع واحده لكن حواليا ما يكفي أنه يجنني ويخليني معرفش اختار 


بس هنعمل اي بقي أهلي شايفين أنه كفايا رمرمه ولازم اتجوز 


ف انا طاوعتهم وشافو عرايس كتير بس ولا واحده عجبتني 


خطبت واحده وكانت حلوه اوي بس معقده 


مكملناش شهر وفشكلنا 


قولتلهم سيبوني انا اختار بقي 

مدام انا اللي هلبس 


يووووه نسيت اعرفكم بنفسي 


حسام عندي 27 سنه 

من عيله متوسطه 

طبعا انا مش بنت علشان اقول اني علي قدر عالي من الجمال لكن الحمدلله وسيم 

وفيا صفات تتمناها اي بنت 


وده مش غرور لا دي ثقه أوڤر حبتين 


ايوه انا واد لقطه متسبش 

شغلي اني ماسك حسابات شركه المهدي للأستيراد والتصدير 


وقدرت اكون علي مقربه من صاحب الشركه اللي بيثق فيا جدا وبيعزني


لكنه راجل عملي بيزنس إذ بيزنس 


وده شيء مش وحش 


المهم يعني كانت حياتي هاديه جدا


بروح كل يوم الصبح الشغل اظبط شوية حاجات مع العملا


او العمله نفسهم لو مزز يعني والدنيا حلوه 


وكالعادة داليا السكرتيره اللي شبه عصاية الغليه 


متبعاني 


ياااااه علي داليا دي 

بتاعه كده غريبه 


وعذرا علي كلمه بتاعه 

بس انا مش عارف دي عايشه ازاي 

ولا انا ممكن ابصلها علي اي 


عندها كل الحاجات اللي انا بقرف منها 


اولا سمرا 

وانا مبحبش السمر 

واللي يقولي بقي السمار نص الجمال والكلام ده 

بيقولوا عشان يصبرو بيه نفسهم 


شعرها اكرت برغم أنه طول الوقت مكوي بس باين يعني مش محتاج 


الميكب الأوفر اللي طول الوقت حطاه 

زارعه ملوخيه فوق عينيها 





هي شايفه أنها كرڤي وانا شايف من وجهة نظري 

أنها حسن زعبوله 

عنده إلتصاق ف الفخدين 


واراهن أنها بتستعمل كينا كومب للتسلخات 


بتحاول تمثل قدامي أنها رقيقه اوي وكيوت 

وهي بتاكل وهي بتشرب 


بتعمل رقيقه وهي بتاكل سندوتش الفول وريحة الطعميه قالبه المكتب 


انا مش عارف بس دونا عن كل البنات اللي ف الشركه 

مراد بيه قرر يحط دي ف وشي ليل 

نهار 


وقال يعني أنا هحبها 


يعني مثلا اول امبارح كانت حاطه ريحة عفن الليالي 


ف بقولها اي الريحه دي 

تقولي كنت متأكدة أنها هتعجبك 


حاطه إيسانس أيف وتقولي هتعجبك 

ده كلام 


في مجموعه كده لا يدرون عن الأنوثه شيء نهائي 


انا بشغق علي رجالتهم


بشفق علي راجل ماشي جمب واحده هي الأقرب لأسم 

سيد 


وعندها كرش وتحس انها في زحمه عندها 


خراط البنات خرطها زي كباري مصر


كل ما تتنقل تلاقي كوبري داخل ف كوبري 

ف مزلقان 


وبردو في زحمه 


ما علينا 

كنت ف مرحله جاري البحث عن عروسه 

زي ما قال الكتاب ومواصفات اجانب يعني مش اي كلام 


لكن وقفت العمليه دي مؤقتا عشان كان عندي صفقه لازم تخلص 

وانا اللي المفروض اخلصها 


وفعلا روحت ومضيت العقود مع حته بت المانيا انما اي 


سمكه زينه ف حوض سمك 


ومضيت معاها وكده والفوج مشي 

ع الفندق 

ف اتجرأت وعزمتها غ الغدا ووافقت 

والموضوع كان ميت فل حلاوه 


روحنا نتعشي وهي كانت بتحب الشرب جدا 

وخرجنا روحنا كازينو 

وكانت ليله هلس ع الأخر 


البت فصلت وداخت واضطريت اخدها ارجعها للفندق بنفسي وكده 


طلعت وحطيتها ف اوضتها 

وانا كمان كنت مدروخ 

ف لقيتني اتهبدت جمبها 


صحيت ملقتهاش وكانت سايبه ورقه أن الفوج عمل تشيك اب 

ومشيو 


نزلت اخدت عربيتي وروحت ع البيت أخدت دوش ولبست ونزلت 


عشان كان لازم اروح اسلم ورق الصفقه 


روحت الشركه وانا ف دماغي أن الورق ف العربيه وكله تمام 


طلعت لقيت مراد بيه مستنيني وعامل اجتماع بخصوص الصفقه دي 


ف دخلت طبعا وطلب الورق ف نزلت اجيبه من العربيه 


وكانت المصيبه اللي نزلت فوق دماغي 

الورق مش موجوده 


الملف كله اختفي

قلبت عليه الدنيا 

والسكيورتي جه دور معايا 


وملقتهوش 


اخدت العربيه وطلعت ع الفندق سألت ودورت ف الأوضه لكن بردو 

لا 


طب اروح النايت كلب 

بس انا فاكر أنه كان ف العربيه 


طب هيا اللي اخدته 

ولا ارجع المينا 


طب راح فين 

بقيت هتجنن 


النسخه دي الوحيده اللي تثبت وجودنا ف الصفقه دي 


وفي شرط جزائي فيها بمبلغ وقدره 


وانا اللي هلبس ده ومش هنعرف نستلم الشحنه من غير الورق ده 


ومراد بيه نازل زن زن زن

رفعت عليه صرخ ف وشي ...

تيجي حالا علي مكتبي 


رجعت طبعا وانا عارف اني هكع فلوس ادد كده 

ومش بعيد اترفد ويضيع مستقبلي وشكرا او ممكن كمان يتهمني ويحبسني 


دخلت مكتبه لقيت داليا ف وشي بصتلي وقالت ...

شوفت اخرت صرمحتك 

انا قريت عليك سورة البقرة عشان تعرف تهزقني كويس 


- بقولك اي جري فخادك بألتصاقك وامشي من وشي بريحة الجاز دي انا مش ناقصك 


دخلت المكتب ...

مراد بيه انا 


- وصل بيك التخاذل للدرجه دي 

انا بقالي اربعه وعشرين سنه ف المجال ده عمر ما حصل معايا موقف عدم كفاءه زي ده 


وثقت فيك وأمنتك علي شغلي وعلي مستقبل الشركه 


الشركه الي انت بغباءك واستهتارك هتدفعها مبلغ وقدره جزاء للشحنه اللي مش هنستلمها ونسلمها لصحابها بسبب غباءك 


انت عارف انا ممكن اعمل فيييييك ايييي 


- عارف يا فندم 


- صدقني هيكون عقابك قاسي جدا 

انجر من وشي انت هتتحول للتحقيق وهتمضي كمبيالات بالفلوس اللي هتكعها الشركه واللي مش ف ميزانيتنا اصلا 


اتفضل غوووور من وشي 


خرجت من المكان 

وانا لسه مصمم الاقي الورق لأن الشرط الجزائي ده كفيل يحبسني طول حياتي 


فضلت افكر طب هعمل اي

مفيش حل 





دعيت ربنا أن العقاب يخف شويه 

حياتي كلها انقلبت راس علي عقب 


فضلت سهران طول الليل معرفتش انام 


ولحد ما جه معاد الشغل مكنتش نمت 


روحت الشركه 

وكان مراد بيه مستنيني 


دخلت لقيت وشه مش مدايقك 

قولت ف بالي يارب تكون بشائر خير 


دخلت لقيته بيقولي ..

قرب يا حسام يا ابني قرب 


- خير يا فندم انا شايف أن حضرتك مش مدايق لعله خير يا فندم 


- ههههه انت عارف يا حسام انا بعذك ادد اي انت زي ابني 


- اه طبعا يا فندم 


- انا كنت قاسي عليك شويه نظرا لان اللي حصل مش شويه 


- اكيد يا فندم 


- وطبعا انت عارف انا ممكن اعمل فيك اي


- طبعا طبعا يا فندم 


- انت هتمضي علي الشرط الجزائي يا حسام 


لكن مع ايقاف التنفيذ 

حاجه روتينيه كده 

وانا خلاص عفيت عنك انا كنت ناوي ارفدك من الشركه 

واحبسك كمان 

لكن انت عارف اني بعذك 


- ا ا اه يا فندم 


- الاول هتمضي هنا وبعدين نكمل كلام 


- طب ب 


- امضييييي 


- ح ح حاضر 


وفعلا مضيت 


قال .. 

ودلوقتي انا اوعدك أن الورقه دي مش هتتسببلك ف اي ضرر وهتفضل مع وقف التنفيذ 

لكن ف حاله واحده بس 


- اي هيا يا فندم 


- انا عارف انك بتدور علي عروسه 


- صرفت نظر دلوقتي يا فندم 


- ههههه لا لا وتصرف نظر ليه 

عروستك عندي 


- والله احم طيب تقدر تقولي مين يا فندم 


- انت هتتجوز كوكي بنتي .....


رأيكم بقي ويلا نشوف المتعجرف ده هيبقي اي قدره بعد كل الشقاوه


يتبع 

الكاتبة مي علي 

                     الحلقه الثانيه من هنا

لمتابعة باقي الرواية زوروا قناتنا على التليجرام من هنا

تعليقات