Ads by Google X

رواية زوجتي كوابس الحلقه الثالثه


 

 زوجتي كوابس

الفصل الثالث

الكاتبة مي علي 


نبدأ بسم الله 


لقيت حاجه سدت الطريق وفي حر جنبي 

وسمعت اللي بتقول ...

مساء الخين 


مراد بيه ...

تعالي يا كوكي يا حبيبة بابي 


مالك يا حسام متقوم تسلم علي عروستك 


انا لفيت وانا خايف زي ما يكون حد بيغطي افاااه عشان هيتلسوع لسوعه 


لفيت 

وكانت الصدمه 


ترله عرضها خمسين متر سدت السكه 

انا مش تنحت 

انا فقدت النطق 


كباري مصر كلها اتجمعت فيها 


من صدمتي بصيت لمراد بيه وقولت ...

مراد بيه فين كوكي 


قال ..

مهي قدامك اهي يا ولد 

سلم عليها 

ولا هتفضل واقفه كتير 


انا اقسم بالله كنت خايف امد ايدي ارجع من غيرها 


هزيت راسي وقولت ...

ازيك ع عامله اي 


بصت ف الأرض لا أرض اي 

هي اصلا مبتشوفش الأرض 

عندما كرش وصدر حاجبين الرؤيه 


وقالت ..

ازيت انت 


يا نهار اسود مساء الخين وازيت 


مراد بيه ...

تعالي يا كوكي اقعدي هنا 

جمب عريسك 


اتسحبت طبعا من لساني ...

مراد بيه لا تقعد جمب مين 

م متخليهاش تقعد جمبي بس ع عشان تاخد راحتها ومتبقاش مكسوفه 


مراد بيه ...

شوفتي بيخاف عليكي ازاي 


هي ...

انا سمعت عنت تتير اوي انت فعننا زي ما بابي وصفت 


- احم معلش ممكن تعيدي تاني عسان 

ع عشان مفهمتش 


مراد بيه ...

انا كنت بكلمها عنك كتير اوي هي بتقولك انك زي مانا حكيتلها 


- هه اه 


- المهم خلينا ندخل في الموضوع 

العروسه واديك شوفتها 

وانا من ناحيتي موافق نقرا الفاتحه 


بصيت لأبويا اللي بيحاول يكتم الضحكه وهيموت 

وأمي اللي حست أن الأكسجين انسحب من الجو 






قولتله ...

يا فندم بس حضرتك انت

ذغرلي وقال ...

حسام يا ابني عاوزك ف كلمتين 

تعالي معايا اوريك حاجه 


مشيت وراه 

دخل معايا اوضة المكتب 


وقفل الباب ومسكني من رقبتي وقال ...

اسمع يا جدع انت 

انا اعتبرتك زي ابني 

ووعدتك اني مش هوديك ف داهيه 

وقولتلك هجوزك بنتي 


نزلت ايده وانا بقول ...

احنا اتفقنا علي بنت واحده 

مش بناتك كلهم 

ثم انت ضحكت عليا قولتلي جميله زي الشمس 


- وانا كده كدبت مهي فعلا زي الشمس 


- اه ف حجمها  

ابوس ايدك احبسني اعمل فيا اي حاجه الا انك تعمل فيا كده 


- اعمل فيك اي يا ولد انا هجوزك بنتي عارف يعني اي بنتي 


- انت عاوز تلبسهاني 


- أخص عليك كل ده عشان تخينه شويه 


- نعم !!!!!! 

شويه اييييي 

دي اتخن حاجه شوفتها ف حياتي 


- هي شبه المرحومه والدتها


- اللي انت ادبست فيها وعاوز تدبسني زيك 


- انت مش فاهم حاجه د دي مفيش ارق منها 

دي زي الاطفال 

انا عرضتها علي الأطبه لكن العمليه فيها خطر عليها 

انا عاوز افرحها واجبر بخاطرها 


- تقوم تكسر بخاطري انا وتدمر حياتي 


- طب بس فرح قلبها 

الشوية دول

هي مش هتعيش كتير صدقني 


- ااااه دي تدبيسه تانيه من تدبيساتك 


- لا انا بتكلم بجد كوكي عندها أمراض الدنيا بسبب وزنها 

وبتتعالج من كذا 

حاجه 

ده غير التعب اللي عندها ف القلب والكلي 

كوكي بنتي دي اغلب من الغلب 

متكسرش بخاطري 

انا بعيد عن اي حاجه 

بترجاك دلوقتي تفرحها ولو شويه ف حياتها 

لان عمرها ما فرحت طول حياتها 

تنمر وتريقه 

خليك معاها يابني ملهاش حد غيري 

وانا بثق فيك جدا أنها تبقي معاك 

وصدقني هتحبها 

وان محبتهاش ابقي طلقها 

وانا هطلق سراحك تماما 

بس اجبر بخاطرها 


- علي حساب حياتي 


- ارجوك يابني 


- انا مش عارف اقولك اي 


- متقولش حاجه عارف انها صعبه وتخينه جدا 

وعارف أنها خضه لكل اللي يشوفها 

بس حاول تفرحها لو شويه عشان خطري حتي لو بتمثل 


- ومتفرحهاش انت ليه 

مانت معاك فلوس ادد كده 


- نفسها تتجوز وتفرح وتلبس فستان وتحب وتتحب زي بقيت البنات 

حاجات كتير اوي مبتعرفش تعملها بسبب وزنها 

انا عاوزك بس تحاول تدخل الفرحه ف قلبها 


- بس انا كده هبقي بخدعها 


- من فضلك 


- انت ازاي ابوها وبتعمل فيها كده 

ازاي انا زي ابنك وتعمل فيا كده


- معلش تعالي علي نفسك عشاني وهديك اللي انت عاوزه 


- أنا مش عاوز حاجه اكتر من اني امشي من هنا 

وعاوز تحبسني احبسني 


- استني بس 

انا قولتلك اتجوزها بس وفرح قلبها وان محبتهاش سيبها 


- احبها ازاي بس انا قلبي هيساعي الحجم ده ازاي 

انت مش متخيل اللي ف دماغي دلوقتي

دي ممكن تاكلني لو جاعت 


- لا مش للدرجه دي هي لسه مدخلتش علي مرحلة البني ادمين 


- بتهزر حضرتك بتهزر

دي كبيره اوي وعندها حاجات غريبه 

دي محقونه هرمونات والله قولي انا سقطت مع نيزك ولا حاجه 


- لا انا لقيتها ف كيس كلبظ 


- اه فعلا مش هي دي كلبظ كلابيظو ياه ماشي يرقص مش عارف اي ياه 


- احترم نفسك يا ولد 

ها قولت اي 


- أمري لله انا هعتبرها خدمه 

لكن انت مسؤل تخرجني منها 

من فضلك وتقطع الشيك وتعتبرني مقدم استقالتي من دلوقتي 


- ماشي

انا عاوزك اول ما تخرج تقدملها الشوكولاته 

ده إذا مكانتش فتحتها 

وتتعامل عادي كانك بتتفق 

وهنجيب الجاتوه والشربات ونقرا الفاتحه 

ونسيبكو 

تتكلمو 





- يانهار اسود 

طب بس خليك جنبي عشان لو ندهت ولا حاجه 


- بطل استهزاء يا ولد واتعامل عادي 

والا بالخرزانه 

وبعدين انت تطول تاخد كوكي بنتي 

حسب ونسب وادب واخلاق 


- وأحجام وفخاد والتصاقات وتسلخات 

منك لله يا داليا 

فضلت تقرأ عليا سورة البقره 

لحد ما ربنا بعتلي البقره ذات نفسها عشان اتعظ 


- مقولنا اخرس بقي وبطل قلة ادب 

ويلا اتفضل 


- حاضر 


وفعلا طلعنا 

وانا بقي ف حالة ..

انا بعصر علي نفسي لمونه بستحمل وبقول مجنونه


روحنا وجابو الجاتوه 

وقامو وابويا قاعد يضحك بس 

مبيعملش حاجه تاني 

وماما دخلت الحمام مطلعتش 


قعدت جمب العروسه بمسافة عشره متر كده 


كان فاضلي حبه واقع 

وانا اقول الانتريهات كلها حجم عائلي ليه 


قاعده بقي وعينها مفنجله عليا 


وقالت ...

بش بش 

مالت ساتت ليه 


- نعم 


- ساتت ليه مس بتتتلم 

عنا فكنه السوكلاته اللي انت دبتها دميله 


- هي الترجمه هتنزل أمتي 


- بتقون اي 


- لا مفيش حاجه 


- بابا حتالي عنت تتير 

تان دايما يقوني انت دناعه اليمين 

معنش انا عانفه أن تلامي مس واضح سويه 


- نعم !!


- تلامي مس واضح سويه 

انا تتنت بنوح عند دتتورة تخاطب من فتنه قنيبه 

قانتني أن العيب ف المخانج عندي والنحميه 

في حادات تتير مس هينفع تتصلح أن ننما اخس 


- اه اه 


- تاتل سوكلاته 


- لا كلي انتي بالهنا والشفا 


- انا بحب السوكلاته اوي 

والنوع ته بالسات 


- بالهنا والشفا 


سبتها قاعده أكلت نص علبة الشوكولاته  وانتخت 


جم لقوني قاعد جنبها وهي شبه مدروخه 


مراد بيه ...

ليه يا ابني خليتها تفتحها الشوكلاته بتعملها اغماء لو بكميات كبيره 


- لقيتها بتاكل يا فندم مرضيتش اشيلها من قدامها 


- روح انده الرجاله اللي بره يجو يرفعوها معايا عشان نطلعها اوضتها 


- حاضر يا فندم حاضر 


ودي راحت خالص وشالوها وطلعوها 

وانا واهلي مصدقنا خلعانه 


وخرجنا من البيت اخيرا 


ابويا اول ما خرج هاتك يا ضحك يا هستيري 


وف نص الضحك يقولي من اعمالكم سلط عليكم 

ويضحكك 


وأمي متنحه 

وعماله تقول انا حاسه اني هيغمي عليا 


سكت 

ولما روحت فهمتهم اللي حصل 


امر واقع علي الكل 

وابويا حزن جدا عليا وف نفس الوقت فرحان فيا 


ومحدش عارف بعملي حاجه 

اللي كنت بعملو ف الناس اتعمل فيا 






وعدت الايام مروحتش الشغل 

ومراد بيه كان مقدر 


لحد ما فيوم طلبني 


روحتله لكن قبل ما ادخل المكتب 

اعتذرت لداليا 


وكمان جبتلها ورد 


وطلبت منها تقرالي صوره البقره لجل ربنا يخرجني من اللي انا فيه 


ودخلت لمراد بيه 


كان منشكح اوي 


وصدمني اول مدخلت 

أنه حجز القاعه وحدد معاد الفرح 


وأنه استني لما كوكي 

تفوق من غيبوبه الشوكولاته عشان يفرحها 


وبالأمر الواقع فرحي بقي الخميس الجاي 


وقالي مش عاوز منك حاجه غير انك تكون معاها وانتو بتختارو العفش 

وتجيب بدلتك 


والباقي عليا 


وانا كان هيغمي عليا 

واتقلبت ولا اجدع خروف 

كنت ف غيبوبه 

لحد يوم الخميس 

وكأني رايح المدبح 

والسلخانه 


اتفاجئت بيها لابسه فستان وفرحانه اوي بيه 

انا كنت معاها طول الفتره اللي فاتت وانا مش ف وعيي 


لما شوفتها ف الفستان بصتلي وقالت ..

حنو الفستان بتاعي 


- هما لقو مقاسك ازاي 


بصتلي وودت وشها الناحيه التانيه 

وسكتت 


ونزلنا عشان كتب الكتاب 


وقعد المأذون وبدأ يتكلم وانا تايه 


لحد ما بصلي وقال ...

تقبل جواز كوابس البكر الرشيد 


بصتله وقولت ...

ناااااعم كوابس مين دي 


المأذون ..

يابني صحصح معايا 

كوابس عروستك 


- كوابس اي دي انا اتجوز حاجه اسمها كوابس 


وبصيت لحمايا وقولت ...

اي كوابس دي 


- اسمها يابني 


- اسمها اي مش اسمها كوكي 


- اه كوكي ده الدلع أنما اسمها الحقيقي كوابس 


بصيت للمأذون وانا بقول ...

امسكني كده يا عم الحاج أحسن هيغمي عليا.....

طب اهو 


واغمي عليا فعلا ....


يتبع ... 

الكاتبه مي علي


                   الحلقه الرابعه من هنا

لمتابعة باقي الرواية زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-