البارت الثالث و العشرون و الأخير .
الدفاع :
أولاً : اطالب بتقدير السن الحقيقي ل ياسمين حيث أنها لم تبلغ بعد الثمانية عشر عاما
ثانيا : أطالب ببرائتها من تهمة القتل وأنها كانت في حالة دفاع عن النفس
ثالثا : أطالب بعرض ياسمين علي الطب الشرعي لإثبات حالتها الصحية
رابعا : اطالب ببرائة موكلتي وتعويضها عن ما أصابها الذي نفسي وصحي
القاضي : تم تأجيل الجلسة الي ( تاريخ 28 /9 / 2021 ) لحين التأكد من عمر المتهمه و التأكد من الحالة الصحية من تقرير الطب الشرعي .
الحاجب : انتهت المرافعة .
أستاذ هشام قرب على المكان إللي موجودة فيه ياسمين .
أستاذ هشام بهدوء : عاوزك تتطمني و متقلقيش ، القضية مضمونة .
ياسمين بقلق : بس أنا خايفة أوي .
أستاذ هشام : متخافيش ، إن شاء الله خير .
ياسمين : إن شاء الله .
عدت فترة صعبة على ياسمين لكن إللي كان مهون عليها شويه ، هو دعم أميرة و أبوها و كمان إن حسين زارها في مرة و طمنها إنه مسامحها لكن هو حزين على فراق أبنه .
لكن زيارة أهل ياسمين ليها كانت كلها عتاب و لوم .
و جيه معاد الجلسة ..
{ و في المحكمة }
الحاجب : محكمة
يدخل للقاعة القاضي و من معه من مستشارين ثم المدعي العام ( النيابة العامة )
أشار القاضي للجميع بالجلوس..
القاضي : بعد المداولة و الاطلاع علي الآراء وتقرير الطب الشرعي ، أثبت أن حالة المتهمة الصحية لا تسمح لها بالبقاء في السجن ، و بعد صدور التقرير الشرعي للسن الحقيقي لها اثبت ان سنها الحقيقي سبعة عشر عاما و خمس شهور فقد قررنا ..
اولاً : خروج المتهمة بضمان محل اقامتها وذلك مراعاة ً لحالتها الصحية
ثانيا ً : إحالة الاختصاص الي محكمة الأحداث الجنائية طبقا لقانون الأحداث لسنة 2014
{ و في محكمة الأحداث الجنائية .. }
محكمة الأحداث الجنائية
الحاجب : محكمة
دخل للقاعة القاضي و من معه من مستشارين ثم المدعي العام ( النيابة العامة )
أشار القاضي للجميع بالجلوس..
القاضي : بعد الاطلاع علي أوراق القضية و تحقيقات النيابة العامة المحالة من المحكمة ( محكمة ***** )
قررنا
اولا : بالحكم ببرائة ياسمين شاهين عباس من التهم المنسوبة إليها حيث أنها كانت في حالة دفاع شرعي عن النفس
ثانيا : عرض ( ياسمين ) علي الاخصائيين الاجتماعيين و النفسيين لإعادة تأهيلها للمجتمع مره اخري
انتهت المرافعة.
أنتهت المحاكمة بفرحة كبيرة من ياسمين و أميرة صحبتها و مجدي أبو أميرة ..
قربت إيمان على ياسمين بخبث كبير .
إيمان بخبث : كده مرتاحة يا ياسمين ؟ قتلتي جوزك إللي كنا عايشين في خيره ؟ غضبانة عليكي .
ياسمين بحزن : و لو كان قتلني كنتي هتبقي مبسوطة ؟ هتفضل الفلوس عندك أهم حاجة في الدنيا و الله أعلم المرة الجاية هتضري مين عشان توصلي للفلوس .
إيمان بغيظ : أنتي إللي هفضلي غبية كده لـ أمتى .
ياسمين بجمود : لو أنا كده بالنسبالك غبية ، فأحب أقولك إني هفضل كده لحد ما أموت .
إيمان بمكر : طيب يا ياسمين هنشوف الموضوع ده في البيت .
و هنا إتدخل مجدي ..
مجدي بهدوء : لو سمحتي يا مدام إيمان هأخد ياسمين تقعد مع أميرة كام يوم لحد ما نفسيتها ترتاح و هتبقا ترجع تاني .
إيمان بضيق : هشوف أبو....
ياسمين بمقاطعة : أنا جاية معاك يا عمو .
إيمان بصتلها بغيظ و سابتهم و مشيت .
و بعد خروج ياسمين ، مجدي خدهم بالعربية و كانوا مروحين .
و فجأة في عربية و قفت قدام عربيته و سدت الطريق ..
مجدي بضيق : أيه إللي وقف الغبي ده هنا ؟
أميرة بقلق : خلاص يا بابا عشان خاطري بلاش مشاكل .
و في الوقت ده شخص نزل من العربية و قرب نحيتهم و تحديداً ناحية المكان إللي راكبة فيه ياسمين ، و فتح باب العربية .
ياسمين بإستغراب : هشام ؟
هشام بإبتسامة : أيوة هشام .
ياسمين بهدوء : عاوز حاجة ؟
هشام بحب : عاوزك .
ياسمين بعدم إستيعاب : عاوزني إزاي ؟
هشام بضحك : عاوزك أتجوزك ، هكون عاوزك ليه ؟
ياسمين بصدمة : تتجـ... أيه ؟؟؟
هشام بحب : تتجوزيني يا ياسمين ؟
ياسمين بإستغراب : تتجوزني و أنا قاتلة أخوك ؟
هشام بهدوء : أسمها قتلت إللي قتل أمك .
ياسمين بحزن : بس أنا مينفعش أخلف ..
هشام بحب : مش عاوز ولاد ، بس في حاجه .
ياسمين : أيه هي ؟
هشام : مش هنتجوز غير لما تتمي السن القانوني للجواز .
ياسمين بإبتسامة : موافقة .
هشام بحب : بحبك يا ياسمين .
و بعد إكتمال السن القانوني لياسمين كان هشام خلص دراسته .
إتجوز ياسمين و قرر إنه هياخد ياسمين و يسافر أي مكان بعيد ميفكرهمش بحاجة من إللي حصلت .
و هناك ياسمين إتعالجت و قدرت إنها تحمل و تخلف تحت متابعة طبية .
علا عبد العظيم ♥️✍🏻
#القاتلة_المقتولة .
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
