#أحببت_متلعثم
ازيك يابشمهندسه نورتي الكافيه
ازيك انت يابو علي ياريت تجبلي الشاي بتاعي
حسن: حاضر حالااا يجي الشاي
بحب الشاي وبحبو اكتر بنعناع
قلل ناس زود شاي بنعناع
.... ليه بقيت لوحدي ناس كتير كانو حواليا ومعايا
فجاه مش لاقيه حد محدش بيفضل ف مكانه الكل بيتغير والكل بيمشي كأننا داخلين مسابقه مين هيمشي الاول ومين هيتغير وميفضلش ع حاله دنيا غريبه اوي وناسها اغرب
ربنا يرحمنا ويانس وحدتنا ف القبر
..
ماهي الدنيا مش دايمه برضو مسيرها هتنتهي!!
سمعت صوت ضحك عالي وتريقه ببص ع الصوت لاقيت مجموع شباب وبنات بيضحكوا ع حد معاهم بس ليه مش عارفه
لاقيت شاب منهم قام من جمبهم متعصب اوي معرفش ليه حسيت انه صعب عليا
خدت الشاي من ابو علي وقومت وراه عندي فضول
لاقيتو قاعد ع البحر
مانا بحب الكافيه دا اوي عشان ع البحر
بحب البحر والسما والشجر بحب كل حاجه ربنا خلقها ربنا خلق كل حاجه حلوه كل حاجه تتحب بس احنا الي مش واخدين بالنا من مخلوقات ربنا الجميله!!
قعدت جمبه من غير ولا كلمه وسكت
شربت اول بؤ من الشاي
فجاه غنيت دول بيعايروني ويقولولي يااسمر اللون ياللي
لاقيتو بصصلي اوي ومستغرب
بصتلو وابتسمت لا داعي لتسقيف عارفه ان صوتي وحش
تشكرات تشكرات
لاقيتو ضحك وياالله من ضحكته انه وسيم ياساده لون عيونه لون السما لا انت كدا جيت ف ملعبي وبشرته قمحي لا وكمان عنده غمازات يالله كما خلقته جميل
دانا جمبه شكل صحبه سيد حنفي 😂
فوقت من سرحاني ع طرقعت ايدو
ححح حضرر. تتك ممم. مين
فجاه اكلم ومش عارف يقول كلمتين ع بعض طب دا عشان زعلان ولا هو اصلا بيكلم كدا
زعلت وعرفت ان صحابه بيترقو عليه !!
صحاب اي ميتقلش عليهم صحاب دول ولاد ك....
لا مش هشتم خلاص
يعني كانوا بيتريقو عليه يالله مننا بشر نتريق ع صحبنا عشان بس نضحك ونهيص
فين جابر الخاطر
اكلمت بهدوء عشان محسسوش انه عنده نقص
ماحنا كلنا عندنا نقص
محدش كامل غير سيدنا محمد صلو عليه
انا حوريه
صحبه الكافيه دا
وبحب اجي هنا كتير لاقيتك
متعصب ومشيت من جمب صحابك
جالي فضول اعرف اتعصبت ليه وزعلوك ليه كدا
لاقيتو بص للبحر وبحزن
شكله جميل حتي وهو حزين كانه لوحه فنيه مرسومه
ليه حسيت بالحزن عليه كان نفسي اقوم اموت صحابه واحد واحد ولا يهمني
ولا ان القمر الجمبي دا يحزن كدا
ان اااناا ممم مش بب. بحب اا ق. اقعد م م معاهم عش ع عشاان بي بيتريقو ع علياا
م ممن ز ززمان وف اا اايام الج الجامعه وهم وهما كد كددا
م ممش ذ ذنبي ان ب ببكلم ككد كدا
قلبي وجعني ع كلامه
ف صحاب كدا
بس سبتو يكلم اديتو المساحه الكامله عشان يخلص كل الي عنده
حتي لو هيفضل يكلم من هنا لسنه الجايه
حبيت اتعرف عليه اكتر ف حاجه شداني له
قولتلو متزعلش بس ليه بتزعل وتمشي المفروض ترد عليهم بكل بجاحه زيهم الي زي دول مش لزم نخليهم يضعفونا وهما يكونو اقوياء ف التريقه وكسر الخاطر
ا ن اانا م ممش ض ضعييف ببس ل لو ر رديت علييههم ه هببقي ن نززلت لم لمستواهم
بم بمشي مم ممن غ غير ماا ماككلم
غلط لزم تاخد حقك متسبش حد يجي عليك حتي لو بكلمه
واتعصبت وقولتلو انت فاهم يااا اسمك اي
رد عليا بتلاقيئه وهدوء
إاإلل إلياسس
يالله إلياس كمان اسمك إلياس وعيونك حلوه وشكلك ابن ناس اوي ونضيف وزعلانه دانا اقوم انتحر بقي
سمعت ضحك عالي اي دا مين بيضحك ياالله دا هو الي بيضحك
شكلي عكيت الدنيا لم بكلم نفسي صوتي بيعلي فجاه
وسمع اكيد!!
انا هقوم امشي بعد اذنك
رد بسرعه ل لا خلي خليككي ش شوويه
كنت فعلا عايزة اقعد معاه ومامشيش للابد
ان انت انتي اسسم اسمك حلووو ع ع فككككره
اي دا عرفت اسمي منين
!!!!!!!!!
انت مرقبني بقي
وتقولي انا بكراش عليكي من زمان ونطلع نعرف بعض قول اه اه عادشي 😒
ضحك جامد مانا مبسوطه انه بيضحك انا اه هبله وتلاقائيه وبكلم كدا عشان يضحك واخرجو من حزنه
م ماانتتتي ل لسسه قاايللاله اسسمك لل لم ااقعععدي جم جمبي
اه صح نسيت معلش
يابشمهندسه لاقيت حسن بينادي عليا
تلفون حضرتك مش ما بطل رن
اوبس دانا نسيت الفون جوه
جايه ياحسن شكرا
بعد اذنك يالياس
اي دا الياس حاف كدا اي الي بقولو دا
اقصد بعد اذنك يااستاذ الياس همشي عشان اتاخرت
لاقيتو قام وقف
اششوفككك تاااني اا امتيي
مش عارفه بس اكيد هاجي لاني بحب اجي الكافيه هنا لم بفضي من الشغل
بت بتششتغلي ف فين
شر
قطع كلامي حسن وهو بينادي تاني
ياالله هاجي اقتلك يابو علي واخلص منك
معلش لزم امشي
وجريت ع الكافيه اخدت فوني وحاجتي كلها ومشيت
ببص ع الفون لاقيت فوق 20 رنه من الحج
الو ايوا يابابا جايه والله جايه دانا راكبه العربيه
اسفه اتاخرت
كل دا تاخير ياحوري
انا كنت زعلان منك ولزم اخصمك
يالهوي تخصمني اي ياعم الحج جايه والله حقك عليا يابوب
وقفلت مع بابا الفون
وركزت ف السواقه
وجه ع بالي إلياس
ياربي ع الاسم
كدا خدت قلبي خلاص
ونبي ماهو راجع تاني
لزم اشوفو
اكيد
صدفه
زي النهارده
وقفت ع جمب
طلعت الاجنده بتاعتي بحب اكتب اي حاجة بتحصلي
كتبت
صدفه
الياس
2021/8/18
ومشيت وانا بفكر ف البوب الي هيخصمني
دخلت البيت وانا بتسحب والجو ضلمه وانا اصلا بخاف من الضلمه
وفجاه
......
اعااااااااااااا مين يالهوي
النور جه هي هيي هي النور جه
ع اساس كان الكهربه قطعه يعني
بوب وحشني والله
وجريت احضنه
ياالله ع حضنك يابابا بعد تعب يوم كامل برجع اترمي ف حضنك برتاح وبنسي اي هموم
لاقيته بيطبطب ع ضهري
مالك ياحبيبه بابا
مااما وحشتني يابابا وحشتني اوي
وحشني حضنها وحشني صوتها
وهي كمان وحشتني اوي ياحبيبتي
امك دي الانسانه الوحيده الي حبتها ومش عارف احب بعدها
غير بنتها اللمضه الشقيه دي
ياباابا دا كان زمااان دلوقت عقلت وكبرت وبقيت مسؤله عن شركه وبحقق احلامي اهو
انا مبسوطه يابابا ان وصلت لكل حاجه كان نفسي فيها
وانت يابابا اكبر دعم ليا وانك سند وضهر ليا متحرمش منك ابدا
لاقيتو قرص خدودي والحركة دي بستفز منها
بس اعمل اي البابا بقي
وانا نفسي افرح بيكي قبل ماموت
لا يابابا بعد الشر هزعل منك انا ماليش غيرك ماليش اخ ولا اخت ولا عم انت كل دنيتي متحرمنيش منك زي ماماما مشيت وسبتني الله يرحمها وهخليك تفرح بيا قريب بس امتي معرفش بقي الله!!!!
طب ف عريس جايلك
لاااا طبعا
مش لسه بتقولي هخليك تفرح بيا واعرفي مين الاول وبعدين ارفضي
مين يابوب
#سماسيمو
