#وبيينا_ميعاد❤️
#البارت_الرابع❤️
_والذي يقول لك كلمة آسف ما ينتظر منك سوى أن تقول لقد قبلت اعتذارك.. ♥️
_داخل الكافية*
بدر وهو يميل بجسده إلى الوراء:
الموضوع كله بدء لما جالنا اخبارية عن اختفاء واحد من الجيزة اسمه حمدي السيد علي وأنه مختفي من اسبوعين ومحدش عارف عنه حاجة ولا حتى حد شافه جثة،
وبعد كده بدأ البحث عنه، فلقينا شخص بنفس الاسم بس مش بنفس المواصفات وكان لازم نتأكد مين الشخص ده!؟
كان في تساؤلات كتير هل ممكن يكون هو نفسه حمدي السيد علي بس مغير شكله طيب ومختفي ليه!؟ عشان مثلاً ممكن يكون قاتل حد!؟
وكان في تساؤلات كتير حوالين النقطة دي، ووصلنا لحل وهو ان احنا نزرع حد من رجالتنا في وسط رجالته ويعرف لنا أي حكايته ده!؟
وطبعاً كان صعب نختار حد يقوم بالدور ده لأنه لو انكشف عيلته كلها ممكن تروح في داهية،
فجبنا فادي لأنه كان متربي في ملجأ واللواء محمد اتبناه
وبعد وفاة اللواء وزوجته مبقاش له حد تاني،
بعدنا احنا خالص وسيبنا فادي يقرب عشان محدش يشك فينا او فيه،
وهو عرف انه عنده بنت،
فقرب من البنت دي، فحس ان البنت دي تصرفاتها غريبة جدآ بتسهر وتشرب،
وفي مرة وهي بتشرب كانت سكرانة ونسيت نفسها وبتقول هرب من السجن بقاله سنة وتسع شهور وعاملي فيها شيخ منصب ومتخرجيش ومترجعيش وعامل نفسه خايف عليا ومن ايه!؟
ثم اكملت بضحك:ما هو من السم اللي بيبيعه للناس، انا اكتشف انه تاجر ممنوعات وم*درات،
ثم نظرت إلى فادي:
ايوه يا فادي انا والدي تاجر ممنوعات وم*درات،
بس متخفش انا مش زيه، احنا هنعيش مع بعض ولازم حبنا يكمل انت ملكش حد وانا كمان مليش حد بعد النهاردة،
هنا الصدمة كانت حليفة الموقف اول ما عرفنا عن هروبه وعملنا تحريات واكتشفنا ان اللي هرب من سنة وتسع شهور أربع اشخاص،
واحد انعدم والتاني متهم في قضية غش والاتنين بتوع المخدرات هربوا بس قدرنا بعد هروبهم باسبوع نمسك واحد، والتاني اللي هرب كان سلماوي والصورة وضحت عندنا كده.
يوسف وهو يدرس الكلام و هو يتجه بجسده إلى ظهر الكرسي ليقول بصوت خافت ولكنه مسموع:
يعني كده سلماوي هو حمدي السيد علي،
ثم نظر إلى بدر مرة أخرى :طيب والراجل اللي اسمه حمدي السيد علي ده اختفى راح فين!؟ سلماوي قتله!؟
بدر :راح فين دي بقا محدش عارفها، ممكن يكون سلماوي قتله، حبسه،دفنه، أو هو فعلاً ملهوش علاقة بيه ولاقى الاسم ده بأنه باسم شخص ملهوش سوابق عندنا فقال اعيش بالاسم ده ومحدش هيعرف لي طريق جرة.
يوسف وهو ينظر إلى عينيه :
طيب هو وصل لك ازاي!؟ ولا انت اللي وصلتله الأول، ولا اي اللي حصل!؟
بدر وهو يبدء بالتفسير له( ليقاطعه يوسف بمرح) :
استنى انت هتكمل كده اطلبلي قهوة عشان اركز معاك لحسن حاسس اني دماغي ورمت وهتوه منك......
بدر باستغراب على فعل يوسف فهو كما يقول يجب أن يأخذ الموضوع مأخذ جاد...
نظر اليه بدر بعد تنهيدة
ثم نادى على الجرسون، وطلب قهوة ليوسف اما هو فطلب عصير ليمون بالنعناع...
_$$$$$$$$$$$$$$$$$$$$$$$$$$$$$$$$$$$_
_والذي يصبرني على العيش هي انها دنيا.. ♥️
_عند سهام*
عزيزة:
يعني ينفع كده يا اسماعيل كسرت بخاطر بنتك وكمان عاوز تجوزها لواحد اكبر منها بعشر سنين!!؟
اسماعيل بلا مبالاة لكلام زوجته:
انا عارف مصلحة بنتي فين!؟ وعارف اي اللي يسعدها!؟
عزيزة:
بس يا اسماعيل هي مش بتحب شريف، وهي زي ما قالت لك كده ان سلمى هي اللي بتحبه، فليه تجوزها لواحدة اختها بتحبه، فتكرههم في بعض!؟
اسماعيل بغضب:
لتكوني صدقتي ان سلمى بنتك بجد!؟لا فوقي كده واعرفي انتي بتتكلمي ازاي!؟ لا هي بنتك ولا بنتي، ولولا الحاحك زمان كانت زمانها ميتة،
ثم نظر إليها نظرة جانبية :
لتكوني فاكرة اني مش عارف انك انتي اللي هربتي امها ومعاها اخوها التوأم، اللي اكتشفت بعدين ان لها توأم، انتي عارفة انا ساكت عليكي ليه لحد دلوقتي!!!!!؟
عزيزة وهي تبتلع ريقها بصعوبة لتردف بخوف:
ليه!؟
اسماعيل بغضب وبخبث:
عشان هوريكي النجوم في عز الضهر، مش هخليكي تعيشي يوم حلو،هخليكي على أد الحب اللي ادتهولك تدوقيه عذاب وقهر في قلبك قبل ما يكون في جسمك بس بعد ما اجوز سهام لشريف عشان أفضى لك، عقلي بنتك وقوليلها تقبل شريف، عاوزها قبل بكرة المغرب تقول موافقة وتبصم بالعشرةوهي مبسوطة...
ثم زقها على السرير بقوة وغضب:
انا خارج وارجع الاقي الموضوع ده منتهي.
عزيزة بدموع على حالها بعد خروجه:
ربنا ينتقم منك يا اسماعيل، اشوف فيك يوم يارب..
_$$$$$$$$$$$$$$$$$$$$$$$$$$$$$$$$$$$_
_من قال اننا مرضى بأجسادنا، لكن أرواحنا هي التي أصبحت مريضة.. 🌸
_عند نور*
ذهبت مسرعة حيث مكان التدريب لتدخل إلى المستشفى وهي تدعو الله أن تكون الدكتورة بسمة هي التي سوف تتولى تدريبهم اليوم...
الدكتورة بسمة:
هاا كله جه كده دلوقتي احنا بالظبط، يلا كل واحدة وواحد فيكم يمضي حضور عند مس فاتن وتعالوا عشان اوزعكم على الأقسام.
نور وهي تبحث عنهم حتى وجدت المكان لتقول بعد التعب والجري :
هي الدكتورة جات!؟
الدكتورة بسمة وهي تخرج من وسط الطالبات:
مين بيسأل عليا!؟
نور بفرحة:
انا يا دكتور....
بسمة بتكشيرة بعض الشئ:نور!!! تعالي عوزاكي!!
نور وهي تعلم بأنها ستأنبها..
(لكن الدكتورة بسمة لا تؤذي أحدا في درجاته، تعامل الجميع على أنهم اخوة واخوات لها، فهي في نفس أعمارهم تقريباً)...
نور وهي تدخل خلفها الاوضة:
آسفة والله يا دكتور اصل انا و...
(قاطعتها الدكتورة بسمة لتقول)..
الدكتورة بسمة:
بصي يا نور انا بحبك على وجه خاص لأنك من البنات المميزة ولبسك بيدل انه لو واحدة زيك اتأخرت هيكون بسبب مش لأنها واقفة مع ولد او بتكلم ولد او غيره بس لازم تكوني عارفة ان جوه الكلية شيء والمستشفى شيء،
انتي جوه الكلية، الدقيقة ممكن تتعوض لكن جوه المستشفى اللحظة بتفرق في عمر المريض،
كل طاقم التمريض والطب هنا وراهم بيوتهم وحياتهم،
بس ده معناه ان اي حد تحصل له ظروف يتأخر،
والمرضى يلا السلامة بقا،
لا طبعاً مينفعش، احنا دورنا اولآ وأخيرا نراعي ضميرنا في الشغل، جايز مش ده اللي موجود وجايز بنغفل لكن طبعاً لازم مش نجيب أقصى ما نتحمله لا بل أقصى منه، انتي واحدة جميلة وشاطرة جدآ وانا عشان بحبك بقولك كده كأخت صغيرة ليا قبل ما تكوني طالبة عندي....
نور بدموع بعد كلام الدكتورة لأنها احست ان عملها سيكون شاق ولا يسمح بالتهاون والتقصير فيه حتى لا يضر أحد بسببها:
حاضر يا دكتور، شكراً لحضرتك....
بسمة بحب:
متقلقيش..، ربنا ان شاء الله هيقدرك ،
لإن ربنا قال(لا يكلف الله نفسا إلا وسعها لها ما كسبت وعليها ما اكتسبت).
واحنا المفروض نقول اي بعدها لتكملة الآية (ربنا لا تؤاخذنا ان نسينا او أخطأنا، ربنا ولا تحمل علينا إصرا كما حملته على الذين من قبلنا، ربنا ولا تحملنا ما لا طاقة لنا به واعفو عنا واغفر لنا وارحمنا انت مولانا فانصرنا على القوم الكافرين).
نور بسكينة وهدوء بعد ما لمست تلك الآيات قلبها لتردف بابتسامة:
حاضر، ربنا يسخرني لإصلاح قلوب عباده قبل اصلاح اجسادهم، ويهون عليهم وياجرهم في مصائبهم، ويجعل امراضهم ما هي إلا تخليص من الذنوب والخطايا يارب العالمين....
الدكتورة بسمة:
امين يارب، يلا امضي وتعالي مع زميلاتك عشان اوزعكم على الأقسام.،واقولكم المطلوب من كل واحدة وواحد فيكم اي..! ؟
نور بإيماء:حاضر يا دكتور..
ثم انصرفت لتبدء يومها الأول في التدريب الحقيقي...
_$$$$$$$$$$$$$$$$$$$$$$$$$$$$$$$$$$$_
_من هو توأم سلمى!؟ وما الذي فعله بدر كي يصل إلى سلماوي(حمدي السيد علي)!؟ ما مصير زواج سهام من شريف!!!؟ وما الذي سوف يفعله اسماعيل مع زوجته!؟
