Ads by Google X

القائمة الرئيسية

الصفحات

رواية حب ورد الحلقه التاسعه




#التاسعة


#حب_ورد


ادهم : تتجوزيني


ورد : لا


ادهم : نعم ! لا ازاي مش انتي بتحبيني وانا بحبك


ورد : انت فهمتني غلط انا قصدي عشان انا لسة صغيرة علي الجواز 


ادهم : هو يعني هنتجوز حالا انتي كام شهر وتدخلي جامعة وساعتها هناخد خطوة رسمي


ورد : موافقة طبعا


ادهم ضحك : هيبقي احلي يوم في حياتي 


ورد : انا لازم اطلع دلوقتي وبليل نخرج ماشي


ادهم بابتسامة تخطف القلب : ماشي


ورد طلعت البيت وقررت تغير كل الي اتفقت عليه مع نوران 

نوران كانت مديالها رقمها المرة الي فاتت 

رنت عليها


ورد : اسمعي يا الي اسمك نوران اعتبري متفقتش معاكي علي حاجة ، انا كنت غبية وفوقت ، انتي مفكرة بالساهل هتخلي عن ادهم حتي لو كان ناسيكي هو دلوقتي بيحبني انا واقولك علي حاجة هو لسة قايلي تتجوزيني وانا وافقت 


نوران : انتي طلعتي عيلة فعلا ومش قد كلامك


ورد : ايوا بالظبط انا عيلة ومش هسيب ادهم لاي سبب ، ده الي عملتيه ده خلاني احبه اكتر


نوران : بعد ايه ، بعد ما جبتلك الشقة وكل الي اتفقنا عليه


ورد : انتي رغاية اوي ، قولتلك انسي كل ده سلام


نوران : زي ما تحبي يا ورد ، انا بقي هخلي ادهم يحبني بطريقتي


ورد : متقدريش 


وقفلت معاها 

ورد : انا كنت غبية اوي ازاي قدرت افكر ابعد عن البني ادم الي بحبه ، انا كنت بفكر غلط لكن فوقت ومش هسيبه ابدا


وهي بتفكر دخلت مامتها من باب الشقة


ماما : ايه يا دودو يا حببتي واقفة ليه كده 


ورد : مفيش يا ماما ، انا كويسة 


ماما : بكرة اعملي حسابك هتروحي المدرسة الجديدة


ورد : انا غيرت رائي يا ماما عايزة ارجع لمدرستي تاني


ماما بعصبية : الله ، امال قولتيلي احولك ليه ؟؟ صعب يا ورد ترجعي تاني


ورد : ليه بس ، رجعي الملف زي ماكان


ماما : طب اي الي غيرك كده ، في حاجة حصلت


ورد : ياماما متضغطيش عليا ، انا عايزة ارجع تاني وخلاص


ماما : خلاص هسال لو ينفع ترجعي تاني


ورد بفرحة : تمام ، انا هدخل اوضتي


اجاه الليل ومعاد ورد وادهم علي البحر للمرة التانية


ادهم : اي القمر الي قاعد قدامي ده


ورد : لا متقوليش كلام حلو عشان مش بعرف ارد اقول ايه 


ادهم : نفسي اعرف ايه الي غيرك الفترة الي فاتت


ورد : لا مفيش ، المهم انت عامل ايه كويس


ادهم : الحمدلله ، بخير وانتي


ورد : كويسة


ادهم : هو احنا بنتعرف علي بعض من جديد ، مبتعرفيش تفتحتي مواضيع انتي


ورد : لا الحقيقة مش بعرف ، هقول ايه يعني اديني ساكتة


ادهم : امتي الكام شهر يعدوا ونتجوز


ورد :انت كده فتحت مواضيع يعني 😂


ادهم : اهو بحاول اقول اي حاجة


ورد : عارف احساس لما تكون مجبر علي حاجة انت مش عايز تعملها وقلبك وعقلك رافض ده بس في قوة خارجة بتأثر عليك وبتتمسكن عشان تبوظلك حياتك وانت تكون غبي وتجري وراه القوة دي وخلاص تكة وتنتهي بس تفوق في اخر لحظة وباردو متبقاش عارف ايه الي هيحصل او مصيرك ايه او القوة دي هتسيبك ف حالك ولالا


ادهم : ده كلام كبير يصعب عليا فهمه

بس تعرفي لو القوة الي بتقولي عليها دي عايزة تبوظلي حياتي مش هسمع كلامها وهعمل الي انا عايزه مش مهم يكون صح او غلط المهم انا مقتنع بيه

هو ليه الكلام الكبير ده هو في حاجة حصلتلك


ورد سكتت شوية وبتبص وراها 





ورد : انت اي الي جابك هناا ، كمان حصلت بتراقبني


اكرم : بتزعقي ليه يا ورد ده انا جاي اصالحك وادهم بيه هو الي قالي


بصت لادهم بعصبية ونرفزة : انت الي قولتله يجي وكمان عارف اني ليا اب بالشكل ده ومقولتليش 


ادهم : اهدي يا ورد انا كنت فاكرك هتفرحي عشان جبته يصالحك


ورد : يسلام وانت بقا هتعمل زي المسلسلات وتجيبه يصالحني واعيط واخده بالحضن ، هي دي اول مرة يجي يتمسكن عليا 


اكرم : بتمسكن يا ورد ،انا مش طالب منك غير انك تسامحيني ، انا ابوكي انا مستهالش منك كل ده


ورد وهي باصة لادهم ومش راضية تبص لاكرم


ورد : لا تستاهل ، انت اكتر شئ وحش حصلي ، وبجح كمان امشي بقا مش طايقاك


ادهم : عيب يا ورد ده باردو ابوكي


ورد : انت متتكلمش خالص ، انت ليه جبته هنا ، انت كده بتكسرني مش بتفرحني ، ليه بتفكرني بحاجات كنت قربت انساها وانا معاك


ادهم : انا كنت فاكر كده بفرحك ، طيب اهدي وتعالي معايا


ورد : سيب ايدي 


مشيت ورد وهي باصة لادهم بحزن وركبت تاكسي وادهم كان ماشي وراها بعربيته


طلعت بسرعة  


ادهم : استني يا بنتي بقا متجرنيش وراكي


ورد : عايز ايه بعد الي عملته


ادهم : متزعليش انا اسف مكنتش اعرف انك بتكرهيه كده


ورد بتنهيدة : انت متعرفش هو عمل فينا ايه ، انا كنت قربت انساه ، عارف انت كنت بتعوضني عنه 


ادهم مسك ايدها : انا اسف ، مكنتش اقصد


ورد : ماشي حصل خير


ادهم : مانتي بتتصالحي بسرعة اهو


ورد : ايوا بس مش علي طول


ادهم : طيب اطلعي عشان الوقت اتاخر وسلميلي علي طنط


ورد : ماشي


استني استني ، هو مين قالك علي بابا


ادهم : ها ، مين قالي مين قالي ، مش عارف


ورد : قول بقا


ادهم : مامتك


ورد: يلا حصل خير انت ملكش ذنب


ادهم بضحك : ايوا انا غلبان


ورد : صحيح عندي خبر هيفرحك


ادهم : خبر ايه 


ورد: هتعرف هتعرف ، سلام.


طلعت ورد البيت وهي فرحانة انها وقفت الهبل الي كانت هتعمله بسبب واحدة هبلة هي كمان عايزة تفرق بينهم


ماما : ربنا يبسطك كمان وكمان يا ست ورد


ورد : ايوا يا ماما ادعيلي كده حاكم دعواتك بتستجاب علي طول


ماما : ربنا معاكي يا حببتي ، مفيش حاجة عايزة تقوليهالي


ورد : حاجة زي ايه ؟؟


ماما : ادهم مثلا قالك حاجة انهاردة


ورد : حاجة ايه ياماما اي شغل الالغاز ده


ماما : يابت ، قولي


ورد بضحك : اه اه فهمت 


ماما : ربنا يسعدك 


ورد : يارب ياحببتي ، انا داخلة انام بقا 


دخلت ورد الاوضة ولبست بيجامة ونطت علي السرير بمرح وكلمت ادهم Text 





ورد : ادهم لسة 3 شهور علي امتحناتي ولازم اركز جدا عشان الثانوية العامة يعني تخف عليا شوية ومفيش خروج الا مرة في الاسبوعين كده واكلمك وقت فراغي او قبل مانام كده يعني


ادهم : رغم انك هتوحشيني باردو لكن مستقبلك اهم ، ربنا يوفقك


ورد : يارب ، بس هسيبك تذاكرلي فزياء بقا


ادهم : اها اكيد.طبعا  ، مش هتقولي بقا ايه الخبر الحلو الي قولتي عليه تحت


ورد : ابدا ، هتعرف قولتلك


تصبح علي خير


ادهم : وانتي من اهله يا ورد


دخلت عليها مامتها


ماما : دودو انا سالت واحدة صاحبتي في موضوع النقل واتوسطتلك وهترجعي اي وقت تحبيه


ورد : بجد يا ماما طب الحمد لله كويس


ماما : نامي بقا وبكرة تروحي هبقي اصحيكي بدري تصبحي علي خير


تاني يوم


راحت ورد المدرسة مبسوطة عشان هتبقي جمب ادهم دايما 

دخلت المبني وبتدور بعنيها علي ادهم وهي مبتسمة 


ورد: هو مجاش ولا ايه ، ياتري هو فين بس


لقيته واقف في اخر الطرقة ومعاه واحدة واقفة معاه بس مش باينة من بعيد

قربت ورد عليهم : اكيد مدرسة مش اكتر اكيد يا ورد


قربت منهم والبنت شكلها باين


ورد بقلق وكل ابتسمتها راحت من وشها : ادهم 


ادهم : ورد انتي جيتي المدرسة تاني ، ده احلي خبر بجد


ورد : اه مادا الخبر الحلو الي قولتلك عليه 

ورد بتوتر وبتقطع ف الكلام : انت تعرف البنت دي


ادهم : ايوا مدرسة جديدة هنا اسمها نوران


نوران : اهلا 


ورد : نوران ! انت واقف معاها لييييه


#يتبع

#حب_ورد


                    الحلقه العاشرة من هنا

لمتابعة باقي الرواية زوروا قناتنا على التليجرام من هنا


تعليقات