#احببت_متلعثم
البارت 13
ف الشركه
حوريه بتفكير هيكون مين يعرف الباسورد وخد الملفات كلها مين هنا خاين واول مره تحصل
فاقت من شرودها ع صوت والدها
حوريه ف اي ياقلبي حصل اي سمعت ان المناقصه اتسرقت وشركه الجديده دي ازاي تسىرقها
حوريه بعصبيه: مش عارفه يابابا هجن ف حاجه غلط وحد قريب مني الي عمل كدا
عبدالله: هيكون مين ياحبيبتي يعني
المهم هنعمل اي ف المشكله دي
حوريه: بابا انا هروح اطمن ع الياس وهروح شركه AA وهعرف مين صاحبها ولزم ارجع المناقصه
عبدالله بقلق: لا ياقلبي خايف عليكي لزم يكون معاكي اسامه
حوريه بتنهيده: يابابا انا مش صغيره متخفش عليا يابوب
دنا بلعب چيم
حبت تضحك عشان عبدالله مايقلقش عليها
عبدالله بضحك: چيم يعني الچيم دا هينقذك من اي حاجة تحصلك
حوريه بتاكيد: طبعا يابوب متخفش انت هروح ومش هتاخر وبرضو اروح الكافيه اطمن ع حسن بقالي فتره مروحتش
عبدالله: ماشي ياحبيبتي بس متتاخرش
وحضنها عبدالله وقلبه وجعه عليها ميعرفش ليه
حست بقلق والدها وحبت تطمنه
حوريه: يابوب متخفش عليا انا بنتك القويه مش ديما تقولي كدا
عبدالله بحب: طبعا القويه والي تقدر تواجهه اي صعب
حوريه باسته من ايده وخده
يالاا بقي باااااي
عبدالله بقلق: سلام ياقلبي
خرجت حوريه من المكتب
ايمان لو سمحتي روحي للمسؤل غرفه المراقبه وهاتيلي فلاشه فيها مين الي دخل المكتب هنا وسيبها ع مكتبي محدش يشوفها غيري
ايمان: حاضر يابشمهندسه تحت امرك
بس ف ورق مهم عايز امضتك
حوريه: انا مستعجله دلوقت بابا جوه يتصرف
..
خرجت حوريه من الشركه وراحت ع المستشفى تطمن ع الياس
ــــــــــــــــــــــــــــــــــــــــــ
ف الكليه
اتصدمت الين من كلمته
اي خطيبته انا خطيبته ازاي
اي يادكتور انا مش خطيبتك وسيب ايدي
غيث بعصبيه: بطلي غباء مانا بطلعك من الموقف دا اخرسي
الين : موقف اي انا قد اي موقف انا انكر ليه ان كنت راكبه معاك العربيه وهما مالهم دول ياخدو بالجزمه مايهمنيش حد المهم نفسي وعارفه نفسي ع اي وحضرتك كدا انت بتثبتلهم ان فعلا وحشه وانا مش كدا
غيث: خلاص انا قولت كلمه وبليل اكلمي مع اهلك وهاجي اتقدملك
ومش عايز كلمه ذياده
غيث بصوت عالي انت وانتي وانتي اطلعو بره محاضرتي حالا
واياك حد يمس خطيبتي بايه كلمه ونظر ل الين يالا روحي مكانك
مشيت الين للبنج الي قاعده فيه
ريهام صحبه الين وبتحبها
ايوا ياصحبي خدنا الي كنا معجبين بيه ف السر احكيلي كل حاجه متخبيش اياك تخبي
الين بضحك: اخرسي مش دلوقت انا مش قادره اتلم ع اعصابي حاسه ان هقع من طولي
ريهام بضحك: لا وعلي اي يشوفك واقعه يجي يشيلك هي ناقصه
الين: اسكتي بقي وركزي ف المحاضره
ـــــــــــــــــــــــــــــــــــــــــــ
ف قسم الشرطه
اسامه قاعد ف مكتبه
وقاعد قلقان حاسس ان ف حاجه هتحصل بس مش عارف ف اي
قام دخل ل سليم يحقق معاه
اسامه: اهلا ياباشا
سليم بغل: اهلا
اسامه بخبث: من امتي وانت بتاجر ف البنات بقي ومفهم المجتمع انك راجل اعمال محترم مش مكسوف من نفسك طب ولادك
وابنك الي خاطب بنت راجل اعمال محترم له اسمه وسمعته انت فاكر ان مش وراها رجاله ولا اي
سليم: ابني مين انا ماليش ولاد
اسامه: وكمان بتنكر انك ليك ابن ليه مستعار منه ولا اي
سليم بعصبيه: قولتلك ماليش ولاد هي بنت واحده وتقدر تعرف بنفسك مش بعيد عليك
اسامه بعصبيه: وابنك الياس اي متعرفهوش
سليم بغل: مش ابني مش ابني ومش عاايزو دمر حيات بنتي وانا قتلته وكان لزم انتقم ل بنتي
اسامه بذهول: يعني اي الي بتقولو لا بقولك اي واحده واحده واحكي بقي من الاول وقولي اي حكايه الياس دا
سليم بدا يحكي عشان عارف ان خلاص دي اخرته ويعمل حاجه نضيفه قبل مايتحكم عليه بالمؤبد
اسامه بيستمع بذهول ومصدوم ورافض انه يصدق اي كلمه من الي بيقولها
... ـــــــــــــــــــــــــــ
ــــــــــــــــــــــــــــــــــــــــــــ
ف المستشفى
وصلت حوريه المستشفى
خبطت ع الباب الاوضه مردش
فتحت الاوضه ودخلت مالقتهوش
لسه بتخرج لاقيته خارج من الحمام ولابس بنطلون بس
وعضلاته واه من عضلاته
تنحت ومش عارفه تتحرك
خرج من الحمام واستغرب مين دي
اه افتكرت دي حوريه
جميله الجميلات الي لقبها ف السوق الافعي
وقرب منها
لاقيته بيقرب مني جامد
وانا برجع لوراه وهو بيقرب اكتر لحد مالزقت ف الباب
قرب وشه مني وبيكلم ببطء
وقرب من ودني
انتي جميله اوي كان نفسي اشوفك من زمان له حق يحبك
حوريه قلبها بيدق بعنف وجسمها بيترعش من قربه وحست بحرارة ف وشها
واكلمت بضعف
ابعد لو سمحت مش هينفع كدا
الياس ضحك عليها اوي وسابها وقعد ع السرير
حوريه لنفسها اي الكلام الي بيقوله دا مش فاهمه حاجه
اتغاظت منه وقربت عند السرير
حوريه بخجل من منظره ونظرته غريبه ليه الياس مكنش بيبصلي بالجرائه دي
انت قومت من السرير ليه انت لسه تعبان
الياس: انااا خفيت لم شوفتك معرفش انك بالجمال دا
حوريه بانتباه لنبره صوته
حوريه: لا بقي ف حاجه غلط
الياس بخبث: حاجه اي الغلط وسابها ونام ع السرير
حوريه بصتله بذهول
انت انسان بارد ومستفز
إلياس بخبث: بحب عصبيتك ولمضتك وطوله لسانك الي عايز قصو ياحبيبتي
وغمزلي
حوريه: ياسافل بتغمزلي وتقص لساني كمان لا بقي انت متعرفش انا مين وممكن اعمل اي
الياس: هتعملي اي ياحلوه وقرصها من خدها
حوريه عضته من ايده
سافل
وخرجت بره المستشفى
الياس ضحك عليها بصوته كله واعجب بيها اوي
وفتح الفون واكلم
ابعتلي الدكتور وخليه يعمل خروج انا زهقت من المستشفى هجهز نفسي عشان هروح الشركه
غور يالاا
ــــــــــــــــــــــــــــــــــــــــ
خرجت حوريه من المستشفى ومتعصبه الياس مكنش كدا ولا بيكلمك كدا
ومشيت ع الكافيه
مشتاقه للبحر والكافيه وكانها بقالها سنه مرحتش هناك
وصلت للكافيه
حسن اول ماشافها فرح جدا
وقال
اي يابشمهندسه بقالك فتره مابتجيش
حوريه بحب: عامل اي يابو علي وحشني والله ظروف معلش
حسن: الحمدلله بخير ومتشكر اوي ع الي عملتيه مع اختي
حوريه: اسكت بقي ياحسن مش كل شويه تشكرني وبعدين عملت اي يعني دخلتها المستشفى بس
حسن: برضو وقفتي جمبهم وانا مكنتش موجود
حوريه: المهم دلوقت هي عامله اي آسفه معرفتش اجي اشوفها
حسن: ولا يهمك الحمدلله بقت احسن
حوريه: انا مش هاجي تاني هنا ياحسن خلي بالك
حسن بقلق: مالك يابشمهندسه المكان دا الي بترتاحي فيه ازاي مش هتيجي
حوريه بقبضه ف قلبها وحست ان ف حاجه هتحصل
معرفش ليه قولت كدا ياحسن بس ربنا يستر عندي شغل كتير وممكن ااسافر شرم عشان المشروع
حسن: ربنا معاكي ويحفظك وترجعي بسلامه
حوريه: تسلم يابو علي
هقعد ع البحر شويه وهاتلي الشاي
مشيت للبحر وقعدت ع الرمله
ازاي الياس بقي بيكلم كويس معقول كان بيحضك عليا
ام وريتك ياالياس
بس عايزة اعرف لسانه المشلول دا راح فين
شربت الشاي
وقالت لزم اعرف مين اخد المناقصه مني وافهم اي حكايه الياس
وقامت مشيت ع شركه AA
ـــــــــــــــــــــــــــــــــــــــــــــــ
ف قسم الشرطه
اسامه قام وقف واتعصب جامد ع سليم
ومسكه من لياقه قميصه
وبصوت جهوري
انت بتقول اي
هوديهم ف داهيه ان لمسه شعره منها
الا حوريه هوديكم كلكم ف داهيه انت فاهم
سليم بيفك نفسه منه
انا ماليش دعوه انا بس كتبته ع اسمي وعرفت المخطط الي هيعمله فيها
اسامه سابه ووقع ع الارض
خرج اسامه بعصبيه وخايف ع حوريه يحصلها حاجه من الي عايز ينتقم منها
دخل مكتبه وكسر كل حاجه فيه بكل عصبيه
مش هسيبكم تاذوها ياولاد الك.... الا حوريه
ــــــــــــــــــــــــــــــــــــــــ
ف الكليه الين خلصت المحاضره وراحت الكافتيريا هي وريهام
الين بس ياستي دا كل الي حصل
ريهام: طب ليه يعملو معاكي كدا
الين: معرفش بس انت عارفهم بيتلككو عشان يتخانقو معايا
بس عادي ولا يشغلوني عارفه نفسي ع اي
وفجاه قطع كلامهم غيث
يالااا عشان اوصلك
الين بتلتف ل صوته
نعم الي هو ازاي مش كفايه الي حصل الصبح
غيث: يالاا وبلاش كلام كتير
الين بعند: لا مش همشي معاك وانسا الكلام الي قولته ف المحاضره
غيث بيجز ع سنانه
احسلك قومي وامشي معايا
الين شافت عصبيته وقامت معاه
سلام ياريهام
ريهام بضحك عليها سلام ياختي
وركبو العربيه ومشيو
الين بعصبيه: عايزة افهم انت ليه قولت ان خطيبتك كان ف طريقة تخرسهم عن انك تقولهم انا خطيبتك
غيث: وانتي مالك مانا اجي اخطبك
الين: بس انا مش موافقه
غيث بخبث: براحتك بس هتشيلي الماده معاهم ومش الماده بس دانا اخليكي تعيدي السنه كلها
الين فتحه فمها ومصدومه من الي بيقولو
وسكتت ومردتش عليه
الين لنفسها ان ما وريتك ياغيث مابقاش انا الين
انت الي جبته لنفسك
بس حلو جو الاكشن دا
سقطني عادي انا كدا كدا سقوطه
غيث بضحك: سمعيني بتقولي اي انتي سقوطه يعني
الين: مابقولش خليني ساكته احسن
ــــــــــــــــــــــــــــــــــــــــــــــ
ف شركة AA
دخلت حوريه الشركه وسالت ع صاحب الشركه
لو سمحت عايزة مكتب صاحب الشركه دي
اتفضلي يافندم ف الدور الخامس
شكرا
طلعت حوريه بالاسنانسير
ودخلت المكتب لاقت السكرتيره
لو سمحتي عايزة اقابل صاحب الشركه
السكرتيره بمياعه: وحضرتك متعرفيش اسمه
حوريه بعصبيه: لا معرفش اسمه واخلصي مش عايزة كلام كتير
السكرتيره: اسم حضرتك اي عشان ادخل اقوله
حوريه: البشمهندس حوريه عبدالله
السكرتيره بتوتر: اهلا يابشمهندسه اتفضلي
حوريه بدلع: اي ياحلوه مش هتدخلي تقوليلو
السكرتيره: لا يافندم اتفضلي
دخلت حوريه المكتب بعد ماخبطت وجالها صوته
ادخل
السكرتيره لنفسها انا مالي ربنا يستر يكش يولعو ف بعض
دي افعي السوق
دخلت حوريه وشافته قاعد ع الكرسي ومديها ضهره ومش شايفه وشه
قربت للمكتب
واكلمت عشان يلتفت ليها
احم ازاي خد المناقصه مني ياحرامي
سمع صوتها وابتسم وكان متاكد انها هتيجي
ولف ليها بالكرسي بكل برود
كنت عارف انك جايه
حوريه مصدومه وحست انها دايخه وهتقع من الصدمه
فجاه جري عليها لم حس انها هتقع
ومسكها من وسطها واغمي عليها
...........
#سماسيمو
#يتبع
