رواية تهاني الفصل الحادي عشر

رواية تهاني 

"تهاني" 

قصة:- تانيا محسن. #كوميدي #رومانسي

11- مواجهة . . .                            

                                                      - دخلت 'هناء' لشقتها مع اولادها، ودورت على عمتها.. لقتها قاعدة مرتاحة في الصالون، وابتسامة الانتصار محفورة على وشها.. 

'هناء' : - ممكن تقولي لي!! انتي ليه عملت معاها كده!!.. 

'بدرية' - ببرود - : - وهو انا عملت حاجة غلط!! احنا بس مانعرفهاش!! فلازمن تعرف حدودها!!. 

'هناء' - بحده - : - أنتي عايزه منها ايه!! انا سكت غصب عني!! وما وقفتش بينكم!! علشان بس ماتقوليش اني بشجعها عليكي!!. 

'بدرية' : - ايه!! وفيها ايه!! انا عملت كده لمصلحتكم!! والبنت دي مش هتكلموها من ثاني!!.. 

اسلوب 'بدرية' القاسي، وحسدها من 'تهاني'!! رجع 'هناء' لذكرياتها مع ظلم، وحقد 'بدرية'!! وافتكرت هي كم مرة اذتها عمتها!! وحاولت تدخل! ودمر حياتها!!..

دي ماسابتهاش في حالها في كل مراحل حياتها!!..

في طفولتها!! في دراستها!! في بعثتها لألمانيا!! في شغلها!! حتى في حبها ل 'عاصم' !!! وجوازها منه!!..

وفي مرضه، استغلته اسواء استغلال!! واخذت منها ورثها بمبلغ بسيط!! وهي اذا وافقت على البيع!!وافقت مكروهه علشان تلحق تعالج 'عاصم' قبل مايموت!! ويتيتموا اولادها!!!!.. 

ايوا!! وولادها!! بقوا بيكرهوا البيت!! وقت ما تكون 'بدرية' بينهم!! من مشاكلها!!! 

الذكريات الحزينة معاها!! جابت ل 'هناء' قوة محاولة، توقف عمتها عند حدها!!.. 

'هناء' - بحزم - : - عمتي!! لو سمحتي كفاية!!! خليك بعيده عن 'تهاني'!! وماتقربيش من ناحيتها!! مش لأنها وحيده!! تفكري انك هتقدري تزعليها كل ما تشوفيها!!... 

تدخل 'احمد' - بجراءة - : - ايوا!!! أنتي بتستغلي انه مافيش حد جنبها يحميها!!.. 

'ايمي' - بصوت واطي - : - ايوا!!! كلام 'احمد' صح!!!.. 

'بدرية' - بصوت عالي - : - ولد!!! شوف انت بتكلم مين!! وأحترم نفسك!! ماتنساش اني عمة والدتك!! انت دايما بتعارضني!! وتعصي اوامري!! فاكر اني مش هقدر اكسر عنادك!!!. 

'احمد' - بدهشة - : - انا مابحبش المعاندة!! أنتي بس اللي بتفرضي اوامرك علينا!! ولو كانت غلط!! وعلى حسابنا!!.. 

قربت 'بدرية' نفسها من 'احمد'!! لجراءة 'احمد'!! وتحدي غرورها!!..

والغضب مالي وشها!! والحسد عامي عينها!! والحقد ساكن قلبها!!!...  

'بدرية' - بتهديد - : - حط في بالك اني قادره احطمك في ثواني!!! لكن انا صابره عليك علشان خاطر مامتك بس!! وحسك عينك اشوفك تقرب منها!!! انت فاهم انا اقصد مين!! و اللهِ لتشوف حسابي معاك هيبقى اية!! و هكلم خالك 'محمود' يربيك!! 

خافت 'هناء' على ابنها 'احمد' من تهديد عمتها!! وخافت لما نطقت اسم اخوها 'محمود'!! انها ممكن تعمل فتنه!! وتوقع بينهم!!.. 

فكرت 'هناء' بكلام يقدر يلين عمتها!! وبدون ماتعرفها انها فعلا خايفة من تهديدها على ابنها!!.. 

'هناء' - برقه - : -  يا عمتي!! يعني لا انتي موافقة تجي عندنا تأكل!! ولا انتي موافقة نشتري لها حاجة تأكله!! اومال ايه هو الحل عندك!! هو انتي بيرضيكي كده!! دا انتي خوفتيها بكلامك!! وامرتيها ماتشوفيهاش تخرج من باب شقتها!! يعني قولي لي!! تعمل ايه المسكينة بحالها!!!.. 

'بدرية' - بسخرية - : - اوووه!! يا حنينه!! تصدقي!! وجعتي قلبي!! هههههه!!!.. 

'هناء' - بغلب - : - ارحميها بقى!!! امها تعبانة!! وهي في مكان غريب عنها ولوحدها!! فكري بنفسك لو كنتي في مكانها!! ومالقتيش حد يساعدك!! هتعملي اية!!!.. 

'بدرية' - بعنف - : - تنفلق وتموت!! حد قلها ترمي بنفسها علينا!! انتي لسه بتناقشيني بعدما قولت كلمتي!!!.. 

فهمت 'هناء' ان عمتها، فاكرة ان احترامها ليها هو خوف منها!! ومناقشتها معاها!! هو دليل ضعفها قدامها!! فقررت 'هناء' انها لازم تكون قوية قدام عمتها 'بدرية'!! وتقول كلمتها!!!لانه مافيش فايدة من المناقشة مع عمتها!!!.. 

'هناء' - بجراءة - : - لعلمك عمتي!! انا مش هسيب 'تهاني' لوحدها!! بعدما اديت كلمتي لاخوها ووالدتها، اني هاخذ بالي منها، و احطها في عيوني!!.. 

'بدرية' - باستنكار - : - عيونك!! انتي اتهبلتي!!. 

'هناء' - ببرود - : - 'تهاني' امانه عندي!! وابني 'احمد' هيروح كل يوم!! ويشوف طلبات 'تهاني'!! و دا واجب علينا!! انا مش هسيبها تموت من الجوع!! وانا جنبها!!.. 

عصبت 'بدرية' من جراءة 'هناء'!! وبدات العفاريت تتنطط قدام وشها!! تزيد من شعلة غضبها!! ازاي بعد السنين دي كلها!! 'هناء' قدرت توقف قدام وشها!! وتحت نظر اولادها!!.. 

فحاولت تشوف طريقة ثانية!!! اذا القسوة مانفعتش معاهم!! هتجرب طريق اللين!! والفتنة!!... 

'بدرية' - بهدوء - : - انا مش من مصلحتي اعارضكم!! انا بس خايفة على عيلتك!!..

'هناء' - بنفاذ صبر - : - و ايه اللي هيحصل لعيلتي!! خلاص عمتي!! مافيش فايدة من الكلام!!.. 

'بدرية' - بستفزاز - : - يعني انتي مش خايفة على ابنك!! لو هي قدرت تلف على عقله!!!.. 

ضحك 'احمد' بقوة من كلامها!! و'هناء' ماصدقتش اللي بتسمعه من 'بدرية'!!!.. 

'هناء' - بذهول - : - هو انتي مش شايفه فارق العمر اللي بينهم!!!.. 

لسه 'بدرية' بتفتح بقها تواصل استفززها!!.. دخلت 'فاطمة' عليهم!! وقطعت مناقشتهم!!.. 

'فاطمة' - بحزم - : - انا سمعت كل كلامكم!! وكلامي هو اللي هيمشي في البيت ده!! 'احمد'!! انت من النهارده مسؤول عن طلبات 'تهاني'!! وانتبه حد يمنعك عنها!!!. 

'احمد' - بفرح - : - كلامك اوامر، وعلى راسي، يا ست الكل!!. 

جريت 'ايمي' تحضن جدتها! وتبوسها!! من سعادتها بقرارها!!.. 

'ايمي' - بفرح - : - اممممواه!! انا بحبك قوي يا تيته!! يا احن قلب في الدنيا.. 

جلست 'بدرية' على الكنبة بدون صوت!! وقعدت تتفرج عليهم بصمت!! وبغيظ شديد!!!.. 

'بدرية' - ل نفسها - " مافيش معايا غير 'محمود'!! هو بيعملي الف حساب!! هيسمع كلامي!! و هيخلصني منها!! لكن هستنى الوقت المناسب!! واضرب عليها بنت الاية!! وبعدها هيجي دوركم!! والله لأوريكم يا اغبياء!!! " ...

   # * # * # * # * #

          #يتبع

                      الفصل الثاني عشر من هنا 

لمتابعة باقي الرواية زوروا قناتنا على التليجرام من هنا