رواية تهاني
" تهاني "
قصة : - تانيا محسن.
#عاطفي #كوميدي
9- صورة . . .
دخلت 'تهاني' الصالون، و'هناء' سابتها لوحدها، وبدال ماتقعد 'تهاني' راحت تسلي نفسها! تتفرج على صور أفراد العيلة، المعلقة على الحيط..
شد انتباها صورة شاب عليه شريط أسود!
زعلت 'تهاني' على وفاة شاب من اسرة 'هناء'، وترحمت عليه..
'تهاني' : - مسكينة 'هناء'! الله يصبرها على فراقه..
دخلت 'هناء' الصالون، وفي إيدها الشاي، لقت 'تهاني' وهي واقفه قدام صورة جوزها..
'هناء' - بحزن - : - دي صورة جوزي 'عاصم'، الله يرحمه، مات من 12 سنة..
'تهاني' - بتأثر - : - اسفة، الله يرحمه ويغفر له..
'هناء' : - آمين! الله يرحمه..
'تهاني' : - يعني أنتي ربيتي ولادك لوحدك!.
'هناء' : - الحمدلله ربنا كريم، ماما، ماسابتنيش ولا لحظة، جت وسكنت معايا، وساعدتني إتفرغ لشغلي واقدر أصرف على ولادي..
'تهاني' : - الله يخليها ليكم، ويطول في عمرها، هو انتي بتشتغلي أيه!!
'هناء' : - انا بشتغل مرشده سياحية في شركة خاصة، تستقبل سواح من ألمانيا..
# * # * # * # * #
- بصت 'هناء' لصورة معلقة على الحيط، وراء 'تهاني'، وشاورت ناحية الصورة..
'هناء' : - و ده أخويا 'محمود'! هو كمان وقف جنبي، وساعدني في تربية ولادي، وفي مصروفهم، وعوضهم غياب الاب، تعرفي يا'تهاني '!! انه دارس ست لغات، وبيتكلم كل لغة منها، بطلاقة اهل بلدها!!. هو بيشتغل مترجم في الخارجية!.
" الصورة لراجل أربعيني وسيم ، بعيون رماديه ، وشعر أسود كثيفً "
شافت 'تهاني' لصورة، وانبهرت من جمال عينين صاحب الصورة!!..
'تهاني' - ل نفسها - " ما شاءالله حلووووو قووي! عمري ماشفت عيون جميلة في الجمال ده! يابخت مراته بيه!! "...
حاولت 'تهاني' تبلع ريقها بهدوء!! مش عايزه 'هناء' تحس اعجابها بالصورة!!!.
'تهاني' : - ماشاءالله أنتوا عيلة طيبه، الله يخليكم لبعض..
- خلصت 'تهاني' من شرب الشاي-
'تهاني' : - شكراً! تسلم إديك على الشاي..
مسكتها 'هناء' من ايدها..
'هناء' : - يلا قومي معايا! تعالي على ماأعرفك على ماما، هي مستنيه تشوفك، وتتعرف عليكي، بس قلت انا اسيبك تخلصي من شرب الشاي..
وسحبتها وراها ناحية اوضة مامتها..
دخلت 'تهاني' مع 'هناء' اوضة واسعة، حست 'تهاني' براحة عجيبة وهي داخله الاوضه..
شافت سرير، وعليه ست كبيرة في العمر، وفي إديها مسبحة..
راحت 'تهاني' ناحية والده 'هناء' تسلم عليها..
'تهاني' : - السلام عليكم خالتي!.
'ام هناء' : - وعليكم السلام بنتي، إزيك! وإزاي صحه والدتك! انا عرفت ان مامتك تعبانة، وجايين هنا علشان تعالجوها، وإن شاءالله يتم علاجها هنا، انا 'فاطمة'، تشرفت بيكي بنتي!.
'تهاني' : - الشرف ليا خالتي 'فاطمة'، بعد ساعة، احنا هنروح للدكتور يكشف عليها، ويارب نسمع اخبار حلوة!.
'فاطمة' : - آمين! الله يطمنكوا عليها..
# * # * # * # * #
وبعد حوار قصير، تعرفوا فيها على بعض، اندهشت 'فاطمة'، و'هناء'، من 'تهاني'!! انها لسه ماتجوزتش لحد دلوقتي!! برغم جمالها الواضح! واخلاقها الهادية!..
'فاطمة' - باستغراب - : - إنتي حلوة قوي!! ماشاءالله عليكي بنتي، ومش باين عليكي إنك دخلتي الأربعين من عمرك!!!..
" تهاني ، بيضاء ، و جذابة ، و عيونها بني بلمعه ، و شعر قصير ، مصبوغ بني فاتح، يميل للأصفر ، ممتلئة شوي ، و بخصر نحيل ، طول 165 "...
'هناء' - بمزاح - : - عايزه الحقيقة!! وكأني شايفه الست 'مارلين مونرو'، رجعت لدنيا من تاني! هههههه!!!..
احرجت 'تهاني' من مدح جمالها، وغصباً عنها تجمعت الدموع في عينيها، وسرحت تفتكر كلام إخوتها البنات، وهما بينادوها البشعة في كل مناسبة، وبدون مناسبة! لحين مااقتنعت بكلام اخوتها، وصدقت انها ممكن تكون بشعة! وهي مش دريانه بحقيقتها البشعة!! فامتنعت تخرج للمناسبات، والتجمعات العائلية، خجلانة من شكلها، فاكره إن خواتها اكيد بيحبوها، وبيصرحوها بالصدق! علشان مصلحتها!!..
لكن 'تهاني' اكتشفت، وبعدما فات الاوان، مقدار السواد الموجودة داخل قلوبهن، ناحيتها، وقدرن تحطيم الثقة في نفسها!!
- قطع تفكير 'تهاني'، دخول ست كبيرة، ومخيفه في ملامحها! وتعمدت تسلم على 'فاطمة' و'هناء'، وتجاهلت وجود 'تهاني'!!.
'هناء' - بإحراج - : - اااه 'تهاني'!! و دي عمتي، 'بدرية'..
" ' بدرية ' ، 58 سنة ، طويلة ، ونحيفة ، و ملامحها حاده ، بالفم الرفيع ، و الانف الطويل ، شبة ساحرات الكرتون ، و بقلب مليان حقد "...
خافت 'تهاني' من ملامح 'بدرية' المرعبة!، والقاسية!! وحست بنفور قوي منها! وتأكدت من صدق إحساسها!!! لأن 'بدرية' طول الوقت! وهي بتوجه إهانات ل 'تهاني'، معقول!!! ومن اول يوم تعارف!!
فكرتها، باخواتها، في الحسد، والغيرة!!..
وانتظرت 'تهاني' بصبر، لحين ماوصل 'أحمد' بطلباتها، وودعتهم بسرعة، وهربت بجلدها!!..
# * # * # * # * #
مشيت 'تهاني' ناحية شقتها، وهي بتفكر في 'بدرية'..
'تهاني' - ل نفسها - " ايه ده!! فرق كبير بين خالتي 'فاطمة' و'هناء'، وبين 'بدرية'!!! كأني كنت قاعده في حلم جميل، وانا معاهم!! ولما جت 'بدرية'!!! دخلت على كابوس رهيب!!! " ...
# * # * # * # * #
'بدرية' : - و من دي الهانم!! اللي جايه من صباح الصبح!!.
'هناء' : - دي 'تهاني' سكنت مع والدتها، واخوها في الشقة المقابلة، شقة جيرانا المغتربين!!.
'بدرية' : - وايه اللي جابهم!!.
'هناء' : - والدتها مريضة في القلب، وجايين هنا يعرضوها على دكاترة!!.
'بدرية' : - وليه سمحتي لها تدخل شقتك، وأنتي لسه ما تعرفيهاش!!..
'هناء' - بفزع - : - وفيها ايه!! دا هُم لسه جايين امبارح في الليل! وما يعرفوش حد هنا!! ومن واجبنا ان احنا نساعدهم!!.
'بدرية' : - البنت دي ما تخش البيت ده من ثاني، فاهمة!! قلبي مش مرتاح لها!! وانا فاهمة الصنف دا!!.
'فاطمة' - ببرود - : - والله لو مش عجبك تشوفيها هنا!! تقدري تروحي على بيتك! وتشوفي ولادك!! اكيد هُم واحشوكي!!.
'بدرية' - بعنف - : - أنتي بتطرديني علشانها!!!.
'هناء' - بسرعة - : - لا عمتي! ماما مابتقصدش!! أنتي على راسنا من فوق! و ده بيتك!! بس أنتي لازم ترحبي ب'تهاني' لأنها مش هطول هنا كثير !!يمكن شهر بالكثير ، وهترجع بلدها!!.
'بدرية' - بحده - : - مايهمنيش!! شهر او يوم!! كلامي هو اللي هيمشي هنا!! وانا مش هسيبكم علشان واحده زيها!!! ويلا قومي! وهاتي فطاري!!..
'هناء' : - حاضر عمتي! هقوم واجهز لك الفطار..
وقامت 'هناء' من مكانها، وقامت عيون 'بدرية' ورا 'هناء'!! وبتفكر - ل نفسها - ب حقد!! " اصبروا عليا!! مش هسيبكم يوم ترتاحوا فيه!! دا انا سبت بيتي!! واعمالي!! علشان اشوفكم، وأنتوا مقهورين!! وضروري هيجي اليوم اللي ه هنجح فيه!! وينبسط قلبي!! وهو شايفكم مدمرين!! على واحد، واحد!! ودلوقتي!! زاد العدد واحد، مع جارتهم الجديده!!! " . . .
- وقفت 'هناء' في المطبخ، وهي متذمرة من عمتها، وبتفكر - ل نفسها - " هي عمتي عايزه مننا ايه!! تعبت انا وولادي نعيش تحت رحمتها، طول السنين اللي فاتوا!! امتى يارب تزيحها مننا!!، ونرتاح منها، ومن مشاكلها!! وتسيبنا نعيش في سلام!!! " ...
# * # * # * # * #
#يتبع
لمتابعة باقي الرواية زوروا قناتنا على التليجرام من هنا
