رواية تهاني الفصل الخامس والعشرون 25 بقلم تانيا محسن

رواية تهاني الفصل الخامس والعشرون 25 بقلم تانيا محسن

قصة :- تانيا محسن .

#عاطفي #كوميدي 

25- تضحية . . .

جريت 'تهاني' من البلكونة، و راحت تدور على 'هناء'! مش عايزة تبقى لوحدها مرة ثانية!

لقت 'هناء' في المطبخ، وقفت 'تهاني' عند باب المطبخ و تكلمت...

'تهاني' - بارتباك - : - 'هناء'! انا عايزه اروح!..

'هناء' : - ارجوكي خليكي معايا لحين ما نخلص باقي الشغل! ما انتي شايفه الضيوف لسه قاعدين!!.. 

شافت 'بدرية' ناحية المطبخ و لقت 'تهاني' واقفه عند الباب!... و بعيد منها شوي لاقت سلم حديدي ثقيل!!!...

بسرعة جت ل 'بدرية' فكرة و ابتسمت لفكرتها!...

'بدرية' - لنفسها و بتخطط - " هاهاها لو سقط السلم ده عليها هيوقع على راسها بالضبط و يقسمه نصين! هههه دي فرصتي اخلص منك بحادث قضاء و قدر! بس المهم محدش يشوفني و انا بزق السلم!!! " ...

  # * # * # * # * # 

دخل 'محمود' أوضته و هو غاضب من نفسه! و بيفكر باللي عمله!...

'محمود' - و لنفسه - " كده انت ارتحت! خوفتها منك اكثر و للمرة الثانية اذيتها! دلوقتي مش هتقبل اعتذاري! يعني هي صعبه تقول لها انك بتحبها و خلاص! و انها رجعت عمرك لعشرين سنه ورا ايام ما كنت بتحب! مش قادر تقول لها مشاعرك بكل وضوح و يخلص الموضوع!!...

انا لازم اخرج اشوفها عامله ايه! مش عاوزها تزعل! هي هتلاقيها مني او من اهلها!!! " ... 

خرج 'محمود' بعد ما هدأت اعصابة... 

'محمود' : - ايوا اهي عند باب المطبخ، هروح اتكلم معها بهدوء و اعتذر لها! لكن!!! في ايه!! مالها عمتي 'بدرية' واقفه و عيونها بتراقب 'تهاني'!!!.

شاف 'محمود' عينين 'بدرية' و هي بتتنقل بين 'تهاني' و السلم!!!

'محمود' - بخوف - : -  يا خبر!! لاتكون بتفكر!!..

جري 'محمود' بسرعة قبل ما يكمل كلامه ناحية 'تهاني'...

و بنفس الوقت زقت 'بدرية' السلم و اختفت بسرعة!!!... 

انتفضت 'تهاني' على صوت قوي وراها... التفتت لقت 'محمود' ايده انكسرت و بيصيح من الالم! و الكل جري عليه... و 'تهاني' جريت ناحيته تساعده، لكن افتكرت حاجة و رجعت لمكانها في نفس اللحظة!..

'محمود' -  لنفسه و بيتوجع - " تفكيري في محله كانت ناويه تقتلها! لكن في ايه!! ليه 'تهاني' خافت عليا ثواني! و بعدين رجعت تتفرج عليا عادي!!! " ... 

'تهاني' - لنفسها - " اكيد هو كان جاي ورايا علشان ياذيني للمرة الثانيه! و ربنا عاقبة و رمى السلم عليه!!! " ... 

صرخت 'هناء' من الخوف، و والدته جت و بتبكي عليه...

'احمد' - بقلق- : - يلا خالي خليني اخدك على المستشفى!..

'هناء' - و هي بتحضن ايد اخوها - : - و انا مش هسيبك! هاجي معاك!!..

'محمود' - بيتوجع - : - طيب يلا بينا!...

قبل ما يخرج 'محمود' لقى 'تهاني' واقفة مكانها! قريبة من المطبخ....

'محمود' - بحده - : - و انتي ايه!..

'تهاني' - بعناد - : - ايه!! هكمل شغل 'هناء' لإنها جايه معاك!!..

'محمود' - بعصبية من الوجع و الخوف عليها - : - انتي تأخذي نفسك عدل و على شقتك! يلا امشي!!..

همست 'هناء' في ودن اخوها...

'هناء' : - عيب تقول كده! 'تهاني' تعبت معايا كثير!!...

رفعت 'تهاني' راسها بكبرياء و مشيت تخرج...

'تهاني' : - احسن!..

'محمود' - بصوت واطي- " هبلا!! انتي مش عارفه لو اني مالحتقيش باخر ثانية! كان زمانا دلوقتي بنقرأ عليك الفاتحة!!! " ...

'تهاني' - لنفسها و بتتعجب - " كأني سمعته بيقول عليا هبلا!! و اللهِ انك تستاهل اللي جرا لك!!! " ...

  # * # * # * # * # 

و هم راجعيين من المستشفى.... 'احمد' بيسوق العربية، و 'هناء' قاعده جنب 'محمود'...

'محمود' : - اااه الوجع قوي!..

'هناء' : - استحمل شوي، الحمدلله الدكتور طمنا كسر ذراعك خفيف و هتشفى بعد اسبوعين...

'احمد' : - ما تقلقش يا خالي، انا هروح للوزارة، و اقدم لك على اجازه من الشغل..

'محمود' : - متشكر تعبتكم معايا... 

شاف 'احمد' خاله من مراية العربية و بتردد تكلم...

'احمد' : - خالي! ممكن اسالك سؤال! انا عارف ان الوقت مش مناسب لكن..!!

'محمود' : - عادي قول!..

'احمد' : - كأني سمعتك قلت كنا هنقرأ عليكي الفاتحة!!.. هو انت كنت تقصد ايه!!.

'محمود' : - انا هحكي لكم اللي حصل! لكن توعدوني انكم ماتقولوش حاجة ل 'تهاني'!..

'هناء' - برعب - : - و 'تهاني' دخلها ايه؟!..

حكى لهم 'محمود' بمحاولة 'بدرية'بقتل 'تهاني'! و ازاى هو انقذها في اخر لحظة!!..

'هناء' : - ماينفعش نسكت!! احنا لازم نقول لها علشان تأخذ حذرها من عمتي! و تعرف ازاي انت ضحيت بنفسك و انقذتها!..

'محمود' : - ارجوكم ما تقولوش حاجة! أنتوا وعدتوني! 'تهاني' هتخاف اكثر و هتبطل تخرج من بيتها! و هتعيش برعب طول الوقت!!! احنا بس هنكون حذرين و نراقب عمتي 'بدرية' كل ما تجي تزورنا!..

'احمد' : - اه علشان كذا انت خرجتها من البيت!!!.. 

'محمود' : - ايوا خفت من عمتي تستغل وجود 'تهاني' لوحدها و تقتلها! ماما و 'ايمي' مش هيقدروا ينقذوها!!..

'هناء' : - لدرجة دي انت بتحبها!..

'محمود' : - ايوا بحبها! ما فيش فايدة من الانكار! و هي رافضاني لإنها بتفتكر عملتي مع عمتي! و ماما خلاص هتجوزها ب 'طاهر'!.. واضح ان الاثنين بيحبوا بعض و انت شفت بنفسك يا 'احمد" ازاي كانوا مبسوطين!..

انفجرت 'هناء' تضحك مع 'احمد' بصوت عالي!!....

'محمود' - بضيق- : - هو كلامي بيضحك في ايه!!..

'هناء' - بتضحك - : - اسفة! بس 'طاهر' كان جاي يعزمنا على فرحه! و 'تهاني' عارفه و باركت له!!..

'احمد' : - هههه و 'تهاني' كانت بتتكلم مع 'طاهر' و احنا بنضحك و هم بيقارنوا تشابة الكلمات بين الكلام الصعيدي و اليمني!..

'محمود' - بتعجب - : - كل ده بسببك يا ماما! عملتي فيا مقلب انما ايه!!...

  # * # * # * # * #

       #يتبع

                      الفصل السادس والعشرون من هنا

لمتابعة باقي الرواية زوروا قناتنا على التليجرام من هنا