"تهاني"
قصة:- تانيا محسن.
#عاطفي #كوميدي
17- في السوبر ماركت . . .
في الصباح يوم الخميس.. قام 'محمود' من النوم, ودخل الحمام يستحم, ورجع لاوضته يصلى الضحى, ويلبس هدومه.. بنطلون وقميص بلون اسود, وجاكت رمادي... خرج من اوضته لسفرة، لقى 'احمد' و 'هناء' قاعدين مع بعض بيفطروا...
'محمود' : - صباح الخير! وفين عمتي و'ايمي'؟!!.
'احمد' : - 'ايمي' لسه نايمه! والعمه 'بدرية' رجعت بيتها من ساعة!..
'محمود' : - تمام!.
انبسط 'محمود' لرجوع عمته 'بدرية' لبيتها..
'محمود' – ل نفسه - " كويس عمتي روحت لبيتها, يعني من النهارده , هقدر ابدا بتنفيذ خطتي, واتقرب من'تهاني', عايز افكر مع نفسي ايه هي الخطوة الاولى اللي هعمله معاها!! " ...
خرج 'محمود' من افكاره، ياخذ كوب القهوة من فوق السفرة، وهو متحمس لبدء تنفيذ تخطيطه!! شرب اول رشفة من قهوته..
'محمود' - بمزاج عالي - : - يا سلااااام حلووه قوي طعم القهوة! تسلم ايدك اختي الغالية!!.
'هناء' - بزعل - : - شكرا!!.
'محمود' - بستغراب - : - مالِك!! في حد زعلك من الصبح!!.
"هناء' - بحده - : - ايوا ! انتَ!!.
'محمود' - بدهشة - : - انا!!! عملت لك ايه وانا لسه شايفك دلوقتي!!.
'احمد' : - الحقيقة يا خال!! 'تهاني' اتصلت!! و حكت لِنا على كل اللي حصل امبارح بنص الليل ! وطلبت مني اوقف اشتري لها الحاجات! او نفكر نزورها! لأنها مش عايزة تدخل بمشاكل!!..
'هناء' - بحزن - : - حرام عليك! دي ست وحدانية! وغلبانة!! ليه عملت معاها كده !!!.
'محمود' - بدهشة - : - ايه! ايه! سمعيني كده ثاني!! قلتي مين هو الغلبان!!! هاهاها!! دي عملت معانا الواجب وزيادة! دنا اول مرة تصعب عليا عمتي! لما شفتها ماقدرتش تأخذ بحقها!! وبعدين هي بالسرعة دي لحقت تشكي لكم؟! واضح ان كلام عمتي عنها صح!! انها واحدة مش سهلة!!..
'هناء' - بحده - : - واللهِ! يعني عادي عندك لما تتهجم عليها مع عمتي! وتخوفها بنص الليل!! وهي ساكنه لوحدها! هتقول علينا ايه! ولا امها واخوها! تركوها أمانة في رقبتناه! هنقول لهم ايه!!.
'محمود' : - انا ما انكرش اني غلطت عليها! و دا بسبب عمتي! جننتني وخلتني اخرج عن طوري، وأفقد اعصابي!! لكن هي كمان جرحت كرامتي!! قالت عليا كلمة تساوي كل الكلام اللي قلته!! وضيعت كرامتي قدام عمتي! فليه هي لسه واخده بخاطرها!!!.
'هناء' – ب سخرية - : - يا سلام! همك الكلمة اللي قالتها! وما همكش ايه الكلام اللي قلته!! واللي عملته معاها!! تقوم تخضها وتخوفها بنص الليل!!!..
'محمود' : - هي طلعت بتخاف!!؟ هاهاها! غريبة!!! كان واضح انها ما بتخافش من حاجة! دي كانت جريئة قوووي!!! خفت على نفسي منها!! هاهاها!!..
'هناء' : - انت ما تعرفش حاجة! من الايام اللي فاتت عرفنا ازاي هي واحدة حساسة وخجولة، وفيها خوف شديد من الناس! بس لسه ما عرفناش قصتها، علشان نقدر نساعدها!!!.
'محمود' : - خجولة!!! طيب ما علينا! المهم انا هعمل بأصلي، وأعتذر لها، وأنتي خليها تنسى اللي حصل، ونبدأ صفحة جديدة!!.
'هناء' - بسخرية - : - بالسهولة دي! هو انت فاكر انها هتنبسط بعتذارك! وبسرعة هتنسى اللي عملتوه معاها!! تعرف!!! انا من امبارح بس! وقت العصر، قدرت اقنعها تخرج وتمشي معايا! وبالليل، جيت حضرتك وخربت كل حاجة!! هه دلوقتي يا عالم امتى هتخرج مرة ثانية! دا أنا قعدت أقنعها بالعافية تشتري فستان!! يغير من نفسيتها، وينسيها قسوة عمتي معاها!!..
'محمود' - بتفكير - : - همممم! عمتي!!..
وافتكر 'محمود' الفستان وابتسم! - و ل نفسه - " ما انا شفت الفستان الاحمر! وكان عليها يجنن! وفاتن بجمالها!! " ...
كمل 'محمود' شرب قهوته بستمتاع، وهو بيفتكر 'تهاني'!!.. وخرج!...
ضحك 'احمد' بعد خروج 'محمود'، وقرب من مامته 'هناء'...
'احمد' : - هاهاها! شفتي يا ماما! ازاي خالي سرح في عالم الخيال! لما فكرتيه بالفستان!..
ضحكت 'هناء' بعد كلام 'احمد'...
'هناء' : - لولا ان عمتي انقهرت منها! وحكت لنا ازاي 'تهاني' خرجت لهم بالفستان! ما كناش هنعرف الخبر دا ابداً!!!..
# * # * # * # * #
-الساعة ثنتين بعد الظهر... دخلت 'تهاني' المطبخ، وفتشت كل ناحية فيها، تلاقي حاجة تأكلها! مالقتش ولا حتى بيضة تسد جوعها!! سمعت صوت طالع من بطنها، وهو بيقرقر من الجوع، ضغطت 'تهاني' ايدها بقوة على بطنها..
' تهاني' - ب ألم - : - اااخ من الصبح وما اكلتش حاجة! هو انا ليه منعت 'احمد' يجيب طلباتي! آاااه هموت من الجوع، وكل ده بسبب 'بدرية'! واخو 'هناء'!!..
آااي هي كرامتي هتفيدني بإيه وانا جوعانة!! هموت من الجوع وانا لوحدي وهكون نكته بين الناس، لما يلاقوا الباقي مني، هيكل عظم مرمي في المطبخ!!!..
مافيش حل معايا غير اني اخرج، واعتمد على نفسي، قبل ما الجوع ينتصر، ويخلص عليا!!..
لبست 'تهاني' البالطو، وغطت شعرها بالحجاب، واخذت شنطتها، وخرجت من الباب بحذر!!
خايفه لو تقابل 'بدرية'! ولا اخو 'هناء'!..
'تهاني' - برعب - : - يا رب! دلوقتي احذر من 'بدرية'! ولا من اخو 'هناء'!هو انا ناقصة!!
# * # * # * # * #
ركن 'محمود' عربيته، ولمح 'تهاني'، وهي ماشيه وداخله على السوبر ماركت!!!..
'محمود' - بسخرية - : - يا سلام عليكي!! في النهار محجبة! وفي الليل بفستان احمر طير ام نفوخي! هو دا كلام يا ناس يدخل العقل!!..
وكمل 'محمود' - بستغراب - : - لكن هي ليه بتمشي كأنها عارضة ازياء، وبتعمل عرض! يمكن شغلها كده!!! طب وانا مالي!! تمشي زي ما تحب! خلينا دلوقتي نبدأ نتقرب منك، ونشوف ازاي قدرتي تقنعي 'هناء' انك واحدة غلبانة ومسكينة!؟..
# * # * # * # * #
دخلت 'تهاني' السوبر ماركت، ومشيت تلف بين كل الاصناف تختار وتشتري احتياجاتها، وهي فرحانه، انها قدرت تشتري لوحدها!.. ومتحمسة، ترجع شقتها تشوف افلام في الشاشة! وهي قاعده قدامه ومستمتعة بالاكل!..
لكن وهي بتلف داخل السوبر ماركت، جاء لها احساس انها مراقبه من شخص، في كل مكان تروح له داخل السوبر ماركت! وبيمشي على مهله وراها! اطمنت 'تهاني' من وجود حراس منتشرين في السوبر ماركت، وقررت تبلغهم عنه، لكن فكرت تستنى شوي تشوف وش الراجل، وتحفظ ملامحه، او لون ملابسه، قبل ما تبلغ عنه، يمكن يهرب منهم قبل ما يلحقوه! وكمان تتأكد هل هو فعلاً بيمشي وراها! او بس خيالها هو اللي بيصور لها كده!!..
لأنها اول مرة تخرج تشتري لنفسها حاجة، التفتت ناحيته بسرعة، لقته 'محمود' وفي ايده علبة، كأنه مشغول عليه، بيقرا التعليمات الموجودة في ملصق العلبة!!
'تهاني' - ل نفسها - " انا خايفة منه، هو ليه ماشي ورايا!! يمكن هو مخطط مع عمته يلبسوني اي جريمة!.. في اي مكان يلاقوني فيه!!! " ...
# * # * # * # * #
- طارت الفرحة من 'تهاني'، لما شافت 'محمود' هو اللي بيمشي وراها، وفكرت تتجنبه وتبعد عن شره! فمشيت ناحية الكاشير ، تدفع ثمن مشترياتها، وتتخلص من ملاحقة 'محمود'!..
دخلت الطابور، تستنى دورها في دفع ثمن مشترياتها...
قرب 'محمود' لمكان وقوفها، وشاف حاجتها، واندهش من انواع اختيارها!! اشترت معلبات، وشيبسي، وانواع الشكولاتة، ومشروبات غازية... واخيراً بيض!
الحاجة الوحيد الصحي!!!..
'محمود' - بمزاح - : - هو أنتي معاكي اطفال!
سكتت 'تهاني' من الاحراج والخوف، وما ردتش عليه!!..
'محمود' بابتسامة - : - بالمناسبة انا اسمي 'محمود'! اخو 'هناء' جارتك... آه دا انا نسيت انك عارفه عني كل حاجة!! حتى بنوع دراستي! هاهاها!!...
ارتبكت 'تهاني' من كلام وضحك 'محمود' عليها، وبرضه فضلت ساكته، وما ردتش عليه!!!..
- وقف 'محمود' جنبها، وهو ساكت! وانتظر معاها توصل لدورها في دفع الحساب...
'تهاني' - ل نفسها - " هو ليه ما يمشي! ويسبني!! مش هقدر انطق بكلمة قدامه لما يجي دوري في الدفع!!! " ...
وصلت 'تهاني' للكاشير، ودفعت فلوسها بارتباك وبدون كلمة!! وايديها بيرتجف!!!.
وخرجت من نفس 'تهاني' شخصيتين يتكلموا مع بعض!!!... "نفسها"!! و "مع نفسها"!!...
'تهاني' 1 : - " انا من كثر تعبي من المشاكل! بقيت لما اخاف! يرجف اعصابي!!! " ...
'تهاني' 2 : - " اثبتي! هيضحك عليكي!! لما يشوفك كده! بترتجفي قدامه!! هيعرف انك واحدة ضعيفة!! و ده هيخليه يتشجع، ويتمادى عليكي اكثر !!! " ...
# * # * # * # * #
#يتبع
