رواية تهاني
"تهاني"
قصة:- تانيا محسن. #كوميدي #رومانسي
13- الفستان الأحمر . . .
- اخذتها 'هناء' لأشهر مول في القاهرة، انبهرت 'تهاني' اول مادخلت من البوابة! من اتساع المول! وكثرة المحلات الموجودة فيها!..
اخذتها 'هناء' لكافية مشهور في المول، وشربوا فيه قهوة تركية، ثقيلة ينشط جسمهم، ويقدر يتحمل لفتهم لكل المحلات!!.
قضت 'تهاني' وقت ممتع مع 'هناء'، لدرجة أن 'تهاني' انشغلت من اللي بتشوفه!! ونسيت همومها!! وحست بسعادة، وتفاؤل من جديد، للحياة من ثاني!!..
دخلت 'تهاني' محل بيبيع فساتين سهرة!! وهناك اقترحت 'هناء' على 'تهاني' تشتري لها فستان جديد، يساعدها تغير من نفسيتها!!..
وافقت 'تهاني'، على اقتراح 'هناء' بسعادة، ودخلت بين الفساتين تنقي وتختار، حتى لمحت فستان احمر ، بينادي عليها!! تاخذه من جماله!!..
عجبها تفصيل، ولون الفستان.. احمر، طويل، بدون أكتاف، ضيق، ومفتوح لفوق الركبة من جانب واحد..
خرجت 'تهاني' من المحل، وهي فرحانة، بقى الفستان في ايدها! ومتحمسة، تجرب الفستان في البيت!..
وفكرت 'تهاني' في اناقة الفستان! انه هيحتاج كعب عالي يناسبه، وتكتمل اناقتها، دخلت محل شوز ، واختارت كعب، اسود، عالي، لامع، من أشهر الماركات!!..
- وصلت 'تهاني' و 'هناء' للعمارة، الساعة 12 الليل!!..
نزلت 'تهاني' من عربية 'هناء'، وشالت حاجاتها، ومعنوياتها عالية بحاجاتها الجديدة! ودعتها 'هناء'، وتمنت لها ليلة سعيدة..
وبلهفة دخلت 'تهاني' شقتها، وقفلت الباب وراها، ورمت حاجاتها على سريرها..
دخلت للحمام، وأخذت شاور سريع، يخليها جديده زي ماالفستان جديد!!!..
خرجت وجري على اوضه نومها..
وقفت قدام المراية تنشف شعرها بالسيشوار، وسرحت شعرها، بتسريحة انيقة، يناسب شعرها القصير، واخذت مكياجها، وبدأت تحط ميك اب على وشها.. شادو، واي لاينر، وماسكرا على عيونها، ولون وردي على خدودها، وعلى شفايفها روج احمر، وفوقه طبقة جلوس يلمع، وبعد ماخلصت من تسريح شعرها، ورسم مكياجها ! ! . . . اخذت الفستان الاحمر ولبسته، ولبست معاه الكعب العالي!!..
وقفت 'تهاني' قدام المراية، تشوف شكلها النهائي، وبايدها بدأت تضبط الفستان على جسمها، ودارت حول نفسها، اعجبت بجمالها، وباناقة الفستان عليها!!..
'تهاني' - ب أعجاب - : - وواااو! وواو! لون الفستان الاحمر! زاد من بياض بشرتي!! وتفصيله ناسب جداً لمنحنيات جسمي ياسلام!! الفستان حلووو عليا قوي!!!.
- ورسلت بوسه سريعة لصورتها في المراية -
'تهاني' : - ياسلام على جمالك ونعومة بشرتك ' توتو ' امممواه!!..
# * # * # * # * # * # * # * # * # * #
دخلت 'هناء' شقتها!! وهي فرحانة انها قدرت تسعد 'تهاني'، وتقرب منها، وقريباً هتزيل الحواجز وتقصر المسافات بينهم! وهتعرف عنها اكثر!!..
سمعت 'هناء' صوت الشاشة عالي، انبسطت لسهر اولادها، فمشيت ناحية الصالون، تتكلم شويه مع اولادها، وتحكي لهم ازاي فرحت 'تهاني' بخروجهم للمول...
دخلت عليهم لقتهم قاعدين على الكنبة، بيتفرجوا فيلم وهم مكتئبين!! شافت عمتها 'بدرية' طالعة من اوضتها!! انقبض قلبها وفهمت سبب اكتئاب اولادها، وارتعبت لو عمتها عرفت انها خرجت مع 'تهاني'!! مافيش معاها قوة لمجادلة مع عمتها في اخر الليل!!.
هي تعبت من اللف والدوران داخل المول، وعايزه تدخل اوضتها ترتاح، وتنام في هدوء...
استقبلتها 'بدرية' بوش مقلوب زي طباعها!!..
'بدرية' : - اهلا ً شرفتي بيتك! مش قولتي لي انه مافيش معاكي شغل النهار ده! رحتي فين بقى ان شاء الله!!.
'هناء' - بارتباك - : - ااه! خرجت اخلص شوية اوراق لسواح اللي جايي!!!
قاطعتها 'بدرية' - بقلة ذوق - : - خلاص مش مهم!! يلا يااولاد قوموا و ناموا!! يلا!!..
قام 'احمد' وهو متعجب منها!، وبيتمتم بصوت واطي - ل نفسه - " مش معقول!! انا دلوقتي بقيت دكتور!! وهي لسه بتعاملني بيبي في الحضانة!! " ...
تعصب 'احمد' من تحكم 'بدرية'!! وقرر ان وقت المقاومة ابتدأ!!!.
فرفع 'احمد' صوته يثبت لها قوته!!..
'احمد' : - ماما انا خارج!! عايزه حاجة!!
'بدرية' - بعصبية - : - وانت رايح فين!! مش شايف ان الوقت متأخر!! مافيش سهر خارج البيت!! يلا! امشي على اوضتك!!.
قامت 'ايمي' من مكانها بدون صوت، وراحت على اوضتها، مش عايزه تسمع صوت واؤامر 'بدرية' اكثر!!..
'احمد' - بتحدي - : - انا اتفقت مع صاحبي اني هقابلهم تحت!ودلوقتي!!
'بدرية' - بعنف - : - و مين صُاحبك دول!! اللي جايين يقابلوك في وقت متأخر زي ده!!..
'احمد' : - وفيها ايه!! انا مش صُغير علشان تطلبي مني انام من بدري!!!..
خافت 'هناء' على ابنها 'احمد'، من شر عمتها، لو تطور الكلام بينهم اكثر!! وتحصل مشكلة!! فقالت كلمتها تقطع الحوار بينهم!!...
'هناء' : - خلاص يا 'احمد' اخرج، وشوف صاحبك، وماتتاخرش كثير!!!..
'بدرية' - باحتقار - : - ايوا دلعيه!! وهتشوفي ايه نهاية دلعك!!..
'احمد' - بسخرية - : - الاحسن تخليك في ابنك 'نزار'!!..
وخرج 'احمد' من الشقة قبل مايسمع رد 'بدرية'!!..
'بدرية' : - يقصد ايه ابنك!! ابني مابيسمعش الكلام!! ابني متربي احسن تربية!! ومش ناقص تربية زي ابنك!!..
ردت 'هناء' عليها - بختصار - : - ابني بيدرس طب!! وقريبا هيبقى دكتور! ماشاء الله عليه!!..
سكتت 'بدرية' بعد رد 'هناء' الجارح!! وبغل تكلمت - ل نفسها - . . . " بتعايرني بابني لانه بيسقط في دراسته! عادي! هو مقصر في دراسته! لانه بيساعدني في حساباتي واعمالي!!.... وابنك الدكتور 'احمد' هيشوف!!! " ...
قطعت 'هناء' على 'بدرية' تفكيرها في اذية 'احمد'!!...
'هناء' : - هاه عمتي!! مش أنتي ودعتينا وقت الظهر! وقلتي هتيجي هنا نهاية الاسبوع! فإيه اللي جابك!!..
'بدرية' – بصدمة - : - نعم!! هو أنتي مستغربه من وجودي!!!..
'هناء' - بسرعة - : - لاااا، دا أنتي "بتيجي" هنا في اي وقت! يووه عمتي اسفه!! اقصد أنتي "تيجي" في اي وقت!!!.
فهمت 'بدرية' قصد 'هناء' بكلامها!!.. لكن علشان مصلحتها مسكت اعصابها!! وكملت كلامها مع 'هناء' بهدوء!!..
'بدرية' : - اومال ليه السؤال الغريب اللي قولتيه!!..
'هناء' : - حبيت بس اطمن لو حصل لك حاجة وحشه!! منعتك تروحي بيتك!!..
'بدرية' : - بعد الشر عليا! عادي! انا روحت على بيتي! لكن ما لقيتش حد!!! فحسيت بوحدة قاسية!! فرجعت لشقتك اتونس بيكم!!!..
'هناء' - ل نفسها - " تقصدي انك مش لاقيه حد غيرنا، تقرفي هم في عيشتهم!! الاحسن!! اني اسيبها!! واخش انام! واخلي الليلة دي تعدي على خير!! " ...
شالت 'هناء' شنطتها، ومفاتيحها من فوق الترابيزة..
'هناء' : - طيب يا عمتي!! انا داخله انام!! تعبانة من الشغل!! خذي راحتك! ونامي أنتي كمان!!.
'بدرية' - بستهزاء - : - ومن فين هيجيني نوم وابنك لسه خارج البيت!! خلاص نسيتي ابنك! ومش فارقه معاكي يرجع! او مايرجعش!! انا هستناه هنا!! لوقت مايرجع ابنك بسلامته!! واعرف منه هو قابل مين!! مش يمكن يكون سهران مع سعيدة الحظ!!...
'هناء' - بستغراب - : - تقصدي مين بسعيدة الحظ!! معقول هو 'احمد' قالك هو مين بيحب!!!..
'بدرية' - بعصبية - : - يحب ايه!! انا قصدت العانس اللي ساكنه قدامك!! اللي اسمها 'تهاني' دي!!..
'هناء' - بضيق - : - عمتي! انا داخله انام! تصبحي على خير!!.
# * # * # * # * #
دخلت 'هناء' اوضتها، وقفلت بابها وراها، وراحت على دولابها، فتحته تغير هدومها...
رجعت 'هناء' بذكريتها الأليمة!! مع عمتها!! ايام دراستها في الثانوية العامة، ومحاولة عمتها مع والدها تقنعه، واكثر من مرة!! انها واحده قابلة للانحراف!! وما ينفعش تكمل دراستها!!..
'هناء' - ل نفسها - " الله يهديكي يا عمتي! دائماً النية عندك مريضة!! دا مافيش حد من عيلِتنا الا، واتهامتيه في اخلاقه و شرفه!! معقولة!! هي عمتي 'بدرية' تربت مع بابا وعمي 'صلاح' في بيت واحد !!! " . . .
ورمت نفسها على سريرها، ونامت بسرعة من التعب!!..
# * # * # * # * #
#يتبع
