"تهاني"
قصة:- تانيا محسن.
#عاطفي #كوميدي
16- هاهاهاها! . . .
في نفس اللحظة... خرج 'احمد' من الاسانسير، ولقى خاله 'محمود' و 'بدرية' واقفين قدام باب الشقة!!..
'احمد' - ب دهشة - : - السلام عليكم! أنتوا ليه واقفين!! والوقت متأخر كده!!!..
من قهر 'بدرية' تجاهلت وصول 'احمد' ودخلت شقة 'هناء' تنام في اوضتها...
'بدرية' - ل نفسها - " لو المرة دي، قدرتي تنفذي بجلدك من ايد 'محمود'!! اوعدك المرة الجايه!! مش هتقدري تنفذي من ايدي!!! " ...
'محمود' - بعصبيه - : - قول كنت فين؟!!.
'احمد' - بدهشة - : - ايه يا خال! مالك!!! ما انت لسه شايفني تحت العمارة مع اصحابي!! وسلمت علينا!! فاكر!!!..
افتكر 'محمود' انه لقى 'احمد' قاعد مع أصحابه قبل مايطلع لشقة أخته! لعن نفسه لانه ساب عمته تدمر اعصابه! وقدرت تسيطر عليه! وتعمي عقله!!
حاول 'محمود' ينسي 'احمد' بغلطته بالسؤال!!فدخل على موضوع ثاني، و كن بشكل مباشر!!..
'محمود' : - طيب تمام!! انا كنت عايزك تمتنع عن زيارة اليمنية لأنها ست وحدانية!! وماينفعش تطل عليها كل شويه!! على الاقل علشان سمعتها بين الجيران!!..
'احمد' - بعصبيه - : - ايه الكلام اللي بتقوله يا خال! انا عمري ما زرتها! دي هي من وقت ماسكنت قُصادنا! وما عتبتش انا باب شقتها! ولا هي عتبت بابها!! هي بترن عليا لما تكون عاوزه اشتري لها حاجة!! لو تعرف يا خال !! ازاي انا مزحت معاها! قلت لها أنتي مابتطلبينيش غير لما يكون عندك مصلحه! علشان كدا!! هيكون اسمك في موبايلي "المصلحجيه"!! حتى شوف اسمها مسجل ايه في موبايلي ! خالي!! هو في حاجة!!
'محمود' - بسرعة - : - لا يا 'احمد'! مافيش حاجة!! يلا خلينا ندخل البيت!..
# * # * # * # * #
قرر ' محمود ' ينتظر عشر دقايق في الصالة!! قبل مايدخل على اوضة 'احمد' ! يكون 'احمد' خلص يغير هدومه!!..
وهو في الصالة، ابتسم 'محمود' لنفسه بخبث! وهو بيفتكر جمال 'تهاني'! وقعد يكلم شيطانه اللي لسه تحت التمرين!! لأنه كان بس بيضحك معاه!!!..
'محمود' - ل نفسه - " ااه الست دي حلوه قوي، جسمها متناسق! وبخصر نحيل! كان منحنيات جسمها منحوتة، زي الساعة الرملية! هاهاهاها! وبشرتها! ناعمة بدرجة غريبة! انا عمري ماشفت بشرة بنعومتها!! دي لمعة بشرتها! كانها اترسمت بالوان رسام فنان! من عصر النهضة الأوربية! هاهاهاها !! ولا ملامح وشها! ذوبتني للاخر!! وماقدرتش اتحمل! تمنيت لو اقدر اخفي عمتي! واجري احضن وشها وانزل عليه بوس شهر بحاله!! اشبع من تفاصيله!! هاهاهاها !... همممم!! هي شتمني وانا ماقدرتش ارد عليها!! قلبي وعقلي انشغلوا يستمتعوا بجمالها!! دول طلعوا مني أحاسيس الحب من جديد! كاني فعلاً حبيتها من اول نظرة!! هاهاهاها!!.. واضح عليها انها جريئة قوي!! دا انا شتمتها وزعقت عليها بصوت عالي! وهي خرجت عادي! تقابلني وفستانها مكشوف!.. وهي لسه ماتعرفنيش!!! اومال هي هتلبس ايه لو تقربت منها وبقينا اصحاب!!يمكن هي مش هتلبس حاجة!!! هاهاهاها! ولو سمعتها كلام رقيق! يطير بعقلها! وشِعر غزل يخليها تذووووب! هتعمل معايا ايه! هاهاهاها !! هي سكنت لوحدها!! يعني هي بتحب تعيش حياتها بحرية!! وبدون قيود تحاصرها! على كده!! هي تكون سهله قوي!! ومغامرة حلوة لسعادة حياتي!! هاهاهاها " ...
- بعد عشر دقايق.. دخل 'محمود' اوضة 'احمد'، وسحب كرسي بلهفة من ورا مكتب مذاكرة 'احمد'!! وقعد جنب سريره!! وسأله بسرعة وبدون مقدمات! خاف تدخل عليهم اخته 'هناء' و تقاطع حوارهم!!..
'محمود' - بلهفة - : - من امتى سكنت في الشقة!!..
اندهش 'احمد' من سؤال خاله السريع!! وفكر ثواني بالسؤال!..
'احمد' - بدهشة - : - تقصد مين! اه هو انت تقصد 'تهاني'!!.
'محمود' : - هي اسمها 'تهاني'! اللي ساكنة في الشقة اللي قدامنا!!.
'احمد' : - ايوا !! اسمها 'تهاني احمد محمد' سكنت شقة جيرانا المغتربين، لانهم قرايب من بعيد، لكن انت ازاي عرفت عنها!..
'محمود' - بسرعة - : - عمتي كلمتني عنها! خلينا في المهم! تعرف عنها ايه!!..
'احمد' - بنفاذ صبر - : - معاها بكالوريوس صيدلة!! والدها متوفي من عشر سنوات صدقني دا اللي اعرفه عنها! العمة 'بدرية' عارفة بكل دا !! فليه طلبت منك تسال عنها!!
فكر 'محمود' انه من الاحسن والافضل !! انه يمشي بعد كلام 'احمد'!!
دا هو الحل الوحيد والاسهل علشان ما حدش يكشف خطتة و نواياه تجاهها!!!..
'محمود' - بضحك - : - انا بسألك عنها! لاني عارف بعمتي تحب المبالغة بكل حاجة! تصدق انها قدرت تقعنعي ان عمرها فوق الخمسين! ها ها ها !..
'احمد' - بجدية - : - هو دا بس اللي اقنعتك بيه العمة 'بدرية' عنها!!..
'محمود' - بارتباك - : - انا لسه واصل من ساعة بس!! فما قعدتش مع العمة 'بدرية' كثير!..
استحى 'محمود' من نظرات 'احمد' المتسائلة! فقام بسرعة من قدام 'احمد'!! لان 'محمود' ما بحبش الكذب! ومش عايز يكذب اكثر!! افتكر 'محمود' تطبيق طبي مهم أخذه ل 'احمد ' !!..
'محمود' : - اه قبل ما امشي واسيبك تنام، عايز موبايلك ارسل لك تطبيق طب امريكي، أخذته من دكتور امريكاني، تعرفت عليه مع الوفد الامريكي، تطبيق مهم هيساعدك قوي في دراستك! وانت ابعثه ل 'ايمي' لأنها كمان هتستفيد منه..
' احمد ' : - شكراً يا خال ! ! . . . انت دايما ب تساعدنا ب دراستنا انا و ' ايمي ' ! ! . . . خذ الموبايل ! ! . . . و اسف انت ب تتعب نفسك علشانا ! ! . . .
' محمود ' : - أنتوا زي ولادي ! ! . . . و احب اشوفكم و أنتوا ناجحين في حياتكم ! ! . . . تصبح على خير ' احمد ' ! ! . . .
' احمد ' : - وانت ب الف خير خالي ! ! . . .
نقل ' محمود ' الملف من موبايله لموبايل 'احمد'!! وبسرعة اخذ رقم موبايل 'تهاني'..
# * # * # * # * #
دخل 'محمود' اوضته، ورمى نفسه على السرير، وسرح يفتكر كل اللي حصل، جمال 'تهاني' وفستانها المغري! اتهام عمته!.. عليها وعلى 'احمد'!! شتايمه ليها!! وفكر في كلامها وردها! وازاي غلطت عليه!!..
'محمود' - بابتسامه - : - انتي غلطتي معايا!! وبهذلتيني!! لكن انا هسامحك المرة دي! لأني انا الغلطان في الأول! انا عارف نفسي اني بفقد اعصابي بسهولة! لكن كل اللي حصل بينا! كان بسبب عمتي!! اطمني عشيقتي!!! قريباَ هنكون مع بعض!! هبسطك معايا! وكأنك مراتي بالضبط!!!...
# * # * # * # * #
- " !! ها ها ها ها ها ها ها !! " - : دا صوت الشيطان بيضحك من كلام وخيال 'محمود' !!! ....
ونام 'محمود' من التعب!
وعقله معاه بيخطط لمتعته!!..
وقلبه بقى مش معاه لعشقه!!!..
# * # * # * # * #
#يتبع
