رواية تهاني الفصل الثالث والعشرون بقلم تانيا محسن

'فاطمة' - بمكر - : - و لا حاجة! يعني هي هتعمل ايه!! مسكينة! لكن انا بقول!؟ تعرف يا 'محمود' انا بفكر في أيه!!!... 

فكر 'محمود' - مع نفسه و قلبه بيرقص معاه - " ماما دلوقتي خايفة على 'تهاني' تعيش لوحدها! فأكيد هتقترح عليا اتجوزها بسرعة! و بكده هي هتطمن عليها! و تكون مبسوطة انها بقت عندي في أمان! انا اكيد موافق على اقتراحها! لكن في البداية! انا لازم اثقل بموافقتي! مش عايز ماما تعرف اني وقعت في حبها! من اول يوم شفتها و انا مع عمتي !!! " ... 

'محمود' - بابتسامة واثقة - : - بتفكري في إيه! يا أحن أم في الدنيا!!؟..

'فاطمة' : - بفكر يا أبني! اني أجوزها بأبن خالتك 'طاهر'! ايه رايك! انت معايا في الاقتراح ده؟!.. 

انصدم 'محمود' من اقتراح والدته! و وقع قلبه تحت رجليه!!!... 

'محمود' - بدهشة - : - ايه اللي انتي بتقوليه! هو أنتي قلبك على 'طاهر'!!!...

و انتي كدا! شايفه انه مناسب لها!!..

'فاطمة' : - و ليه لا! انت عارف ابن خالتك مسكين، و ارمل من سنين! و بيدور على عروسه، تاخذ بالها من ولاده!!.. 

'محمود' - تحت الصدمة - : - ااأنتي بتتكلمي جد!!!...

'فاطمة' - بحماس - : - اه بتكلم جد!! انا مش هلاقي عروسه ل 'طاهر' احسن من 'تهاني'!!.. اسمع! انا هتصل ل 'طاهر'، و اعرض عليه اقتراحي! ايه رايك !!..

'محمود' - بقلق - : - أيوا!! بس 'طاهر' اصغر منها بثلاث سنين كاملة!!! يعني أكيد هيرفض عرضك!! انا بقول تسيبي 'طاهر' في حاله! و ما تحرجيهوش بعرضك!!.. 

'فاطمة' - بحماس - : - انت بتقول ايه! قول لي!! و هو ليه هيرفض! هو هيلاقي احسن من 'تهاني' فين!

أدب، و جمال، و اخلاق! و اهم حاجة انها هتكون حنونه على ولاده! و تساعده في تربيتهم! و بعدين هو صعيدي! يعني طباعه هتكون مشابهه لطباع 'تهاني'!!..

'محمود' - بدهشة - : - يعني ايه! و انا طباعي من فين!! هتكون من فرنسا!!!..

'فاطمة' - بحيره - : - طباعك! و انت دخلك ايه! أنت بس هتكون جنبي، تساعدني نوفق بينهم، و نجوزهم بأسرع وقت ممكن!..

'محمود' - بتردد - : - و هو أنتي واثقة من 'تهاني'، انها هتقبل، باللي انتي بتفكري بيه!!..

'فاطمة' : - ما انا بقيت المسؤولة عنها! و جواز 'تهاني' بقى من مسؤوليتي! تعرف يا 'محمود'! من فرحتي ل'تهاني'، مستعده انا أتكفل بكل مصاريف جوازها! و جهازها كمان!!.. 

سكت 'محمود' و ما قدرش يناقش و يوقف حماس 'فاطمة' ... 

شافت 'فاطمة' لعيون ابنها، و هي بتتغير في ألوانها!!... 

'فاطمة' - لنفسها - " هههه، انا عارفه انك مصدوم مني! و عارفه ايه اللي انت مخبيه في قلبك! دا انت ابني، و قطعة مني! لكن سامحني! ده ضروري علشان تقدر قيمتها، و تحافظ عليها!..

انت اللي ما تعرفوش! ان 'طاهر' عامل لك مفاجأة! و جاي قريب يعزمك على فرحه! هاهاها " ... 

'محمود' - بيراقب والدته بصمت - و لنفسه -  " كده يا ماما! نسيتي ابنك! و رايحة تخطبي لابن اختك! المفروض اني ضناكي! و اولى منه بثمن الجهاز، اللي عاوزه تدفعيها له!!..

لعلمك يا ماما! ما فيش فايدة من اللي أنتي بتعمليه! 'تهاني' ما بقاش لها اختيار!

غير اختيارين إثنين!

إما أنا أتجوزها!..

أو هي!. تتجوزني!!..

و غير كده ما فيش يا ماما!

'تهاني' بقت ملكي! من يوم ما خرجت تتحداني!

و شفتها بفستانها الزفت الاحمر!!....

و ذنبها على جنبها!!! " ... 

     # * # * # * #  

        #يتبع