"تهاني"
قصة:- تانيا محسن. #كوميدي #رومانسي
14- مكيدة . . .
- في الصالون قعدت 'بدرية' لوحدها، وهي متنرفزة من تجاهل 'هناء' لاوامرها! وبتفكر بحسد مع شيطانها !!..
'بدرية' - ل نفسها - " مش عاجبك كلامي يا بنت اخويا!! بدأتي تحطي راسك من راسي!! طيب هتشوفي! دا مافيش حد قدر يتجرا ويكسر كلامي!! الا وكسرت دماغه و دمرت له حياته!! " ...
قامت 'بدرية' من مكانها، وبدأت تتحرك بعصبية في الصالون، وهي بتفكر، بكره وغل! بطريقة تأدب 'احمد' وتذله قدامها!!! وبطريقة تدمر 'تهاني' وتتخلص منها!!!..
ماقدرتش تهدي نفسها!! فرجعت تفكر بحقد مع شيطانها!!! تفسر خروج 'احمد'!! بنيتها المريضة!!..
'بدرية' - ل نفسها - " انا عمري ماشفت 'احمد' يخرج، ويقابل حد في وقت زي ده!! اه يبقى اكيد هو رايح يشوف 'تهاني'، بعذر انه بيأخذ طلباتها!! ايوا مافيش تفسير غير كده!! انا لازم افكر بخطة جهنمية!! اقطع بيها رجل 'احمد' من شقة 'تهاني'، ونهائياً!!! " ...
توقفت 'بدرية' من التفكير مع شياطينها!!!وهي بتسمع صوت الباب بينفتح!! فكرت 'احمد'، وقررت تنكد عليه! وتعمل لهم ليلة سوداء!! يزيد من سواد ليلهم!! انتقاماً لابنها 'نزار'!!!.
التفتت 'بدرية' ناحية الباب!! بوش نكدي! حتى تنكد عليه!! وتفسد عليه نومه!!!..
لكن انبسطت 'بدرية' لما جت لها فرصة الانتقام لحد عندها، وعلى طبق من ذهب!! ابتسمت 'بدرية' بإسنان صفراء، ولمعت عينها ببريق احمر، وانبسطت حواسها، لما شافت، 'محمود' هو اللي بيفتح الباب....
وطارت من الانبساط!! لما شافت وش 'محمود' تعبان ومرهق!!..
'بدرية' - ل نفسها - " ايوااا!! اهي الفرصة بنفسها جت لحد عندي!! مش هالاقي وقت انسب من الوقت ده!! وارمي عصفورين بحجر واحد! يطيرهم من قدامي!! ههههه، 'محمود' طبعه عصبي قوي! وهو تعبان هقدر استغل تعبه!! واخليه مايفكرش باللي بيعمله!! دا واضح كمان انه متضايق من شغله!! هو مابيقدرش يمسك اعصابه! يعني هيخرج غضبه عليهم، وبكدا هحقق هدفي بسهولة قوي!!! هههه! جه وقتك يا زفته واخلص منك، ومن الافندي الدكتور 'احمد'!!! " ...
# * # * # * # * #
دخل 'محمود' شقة اخته، يقضي يومين اجازة، مع مامته، و اخته، واولادها زي عادته...
وقف 'محمود' بدهشة وسط الصالة!! وهو تعبان!! وعايز يدخل اوضته ينام ويرتاح، لما شاف عمته 'بدرية' خارجة من الصالون، وهي ماسكة راسها!...
'محمود' - ل نفسه - " أوف! هي إيه اللي جابها هنا! وسهرانه لحد دلوقتي!! المفروض النهارده تقضيه مع جوزها و اولادها!!! " ...
تنحنح 'محمود' يضبط صوته!! واعصابه قدامها!! قبل مايكلم عمته!!..
'محمود' : - اهلاً عمتي! هو انتي ليه صاحية لحد دلوقتي! دماغك بيوجعك!!..
" 'محمود' شقيق 'هناء' ، ٤٦سنة ، وسيم ، و عيونه رماديه ، تتلون حسب طبيعته ، و شعره اسود كثيف ، طويل ، 188 ، جسم رياضي ، مطلق " ...
جريت 'بدرية' ناحية 'محمود' بسرعة!! وهي بتحاول تنجح في تمثيلها قدامه!! انها قلقانه على 'احمد'!!!..
'بدرية' - بقلق - : - آاااه! يا ريته الوجع كان براسي!! كنت اخذت دواء الضغط وارتحت!!لكن دماغي ثقل من غلبي! وخوفي!!..
'محمود' - بملل - : - مين تشجع وغلبك!..
'بدرية' - بدهشة - : - غلبني!!!..
انتبه 'محمود' بأسف لغلطته مع عمته!! فحاول يصلح غلطته بسرعة!!..
'محمود' : - أنتي فهماني وفاهمه قصدي!! دلوقتي انا تعبان ومش قادر اجمع عقلي وافكر بكلامي!! كنت اقصد مين هو اللي تشجع عليكي وقدر يسبب لك الخوف!!.
' بدرية ' - ل نفسها - " ايواااا، هو ده اللي انا عايزاه منك دلوقتي!! ماتفكرش بحاجة!!! " ...
'بدرية' - بعطف - : - الله جابك ترحمني يا حبيب عمتك! بص الساعة! بقت واحدة نص الليل!! وابن اختك 'احمد' لسه ماجاش!!!..
'محمود' : - وانا اعمله ايه يا عمتي!! هو مش عيل علشان نخاف عليه! انا تعبان قوي، وعايز انام!! و'احمد' سيبيه براحته..
وحاول يمشي 'محمود' لاوضته! لكن 'بدرية' قطعت عليه الطريق بسرعة!!..
'بدرية' - بقلق - : - انا عارفه انه مش عيل!! لكنً دي مش اول مرة يتأخر فيها 'احمد'!! انا خايفة عليه يتأثر في دراسته و يسقط!! دا الواد بعد سنوات قليلة هيبقى دكتور !! هو انت مش خايف على مستقبله!! ايه بروده الاعصاب اللي فيك!!.
'محمود' - بنفاذ صبر - : - عادي!! معك امه كلميها !!.
'بدرية' - بجنون - : - اختك!! هه خلاص انساها! بقت بتاع واحده كركوبة واكله بعقلها!!..
'محمود' - بستغراب - : - تقصدي مين!! مش فاهم!! انتي بتقصدي أيه!!..
'بدرية' - بتأثر - : - اسمعني كويس يا حبيب عمتك!! وانا عارفه انك الوحيد اللي هيوقف جنبي!! ومع بعض هنقدر ننقذ عيلة اختك من شرها!!.
'محمود' - واعصابه بدأت تتشنج اكثر من كلامها - : - هننقذهم من ايه!!!..
'بدرية' - باندفاع - : - شوف دي واحده يمنيه، ثخينة، عانس، وعمرها!! يمكن فوق الخمسين!! سكنت لوحدها في الشقة اللي قُصادنا!! وقدرت تلعب بعقل اختك!! و ب 'فاطمة' والدتك!! وكمان قدرت تقرب من ' احمد '!! وبقى كل شوية يروح عندها!! وبيقضيها سهرات!!.
'محمود' - بدهشة - : - والحجة دي قدرت تلعب على عقل 'احمد'!!!..
'بدرية' - بسرعة - : - قلت لك انها مش سهلة!! تخيل دي مامتك بقت قلقانه عليها!! وكأنها لسه عيله صغيره!! واختك تزعل اذا ماشافتهاش يوم!! شفت المصيبة!!! ويا عالم هتعمل ايه مع ايمي!!!.
'محمود' - ل نفسه - " معقول اسيبهم اسبوعين!! وارجع والاقي البيت كله!! بقى مسيطر عليه!! من واحده غريبة!!! بكره الصبح هفهم من 'هناء' ايه هي الحكاية!!! " ...
'محمود' : - خلاص اطمني عمتي!! انا بكره هشوف الموضوع!! واعمل اللازم!.
خافت 'بدرية' لو يقابل 'محمود' 'هناء'!!! وتفشل خطتها!!.
'بدرية' - بعنف - : - هو انت لسه هتستنى لبكره!! ازاي يجي لك نوم بعد اللي سمعته مني!! انت هتروح شقتها دلوقتي!! وتجيب 'احمد'!! وتديها كلمتين تعلقها في ودنها!! تخليها تعرف مقامها وحدودها!! وتبعدها عننا!! وبكرة الصبح هتروح تتكلم مع مندوب العمارة يطردها من الشقة!! احنا مش هنقبل بواحدة زيها تعيش وسطينا!! دي ساكنة لوحدها!!!..
'محمود' : - عمتي! هو أنتي متأكدة من كلامك!!.
'بدرية' : - دلوقتي تتأكد من كلامي!!!.. وهتشكرني! لأنك هتنقذ 'احمد' يستمر في الغلط معاها!!..
'محمود' - ل نفسه - " انا واثق من اخلاق 'احمد'!! لكن هروح اجيبه!! وهكون قاسي معاه علشان اعرف منه هو ليه بيسهر مع الحجه دي في شقتها!! وهاربي الحجة علشان ما تفكرش تقرب من 'احمد' مرة ثانية!! واخلص من عمتي!! ومن زنها!! ويا ويلك يا'احمد' مني!! لو عمتي طلع كلامها صح!!! " ...
# * # * # * # * #
بعصبية فتح 'محمود' الباب!! وخرج وهو مش طايق نفسه من نكد عمته!! قطع 'محمود' المسافة!! بخطوات سريعة!! لشقة 'تهاني'!! ودق على بابها بعنف!! وضرب على جرس الباب بقوة !! وبشكل متواصل!! ورفع صوته بعصبية!!!...
'محمود' : - 'أحمد'!! يا 'أحمد'!! اخرج من عندك !!!
- واستمر ' محمود ' بدق الباب! وبقوة اكبر!!!
'محمود' : - أنتي ياحجه!! يايمانيه!! خلي عندك دم!! واحترمي سنك!! ابعدي عن 'احمد' احسن لك!. شوفي لك حد في عمرك يسليكي!!..
جريت 'بدرية' وهي فرحانه بنجاح خطتها!! وتستمتع بمشهد 'محمود' العصبي!!..
# * # * # * # * #
-سمعت 'تهاني' صوت دوشة جاية من بعيد!! فخذت موبايلها من فوق التسريحة!! وفتحت تطبيق الاغاني، تلمس رمز "استوب"!! من الاغنية اللي بتسمعها!! ووقفت الاغنية!!..
خلعت سماعة البلوتووث من ودنها، تتأكد انها بتسمع صح!!فكرت 'تهاني' ان الازعاج حاصل لشقة بعيدة عنها!! لكن لما خلعت سماعة البلوتووث، سمعت 'تهاني' صوت رنه الجرس المتواصل من باب شقتها!! وصوت دقات قوية هتخلع الباب! وصوت راجل بيزعق بعصبية بشتائم واهانات!! بصوته العالي!!
ارتعبت 'تهاني' من الهجوم، الغير متوقع!! بنص الليل!! وهي ساكنة لوحدها!!..
'تهاني' - بخوف - : - هو في اية!! ليه الراجل بيهزئني!! هو انا عملت ايه!! ومين هوَ!!!..
سمعت 'تهاني' صوت 'بدرية' بتشتمها مع الراجل الغريب! وبتناديها ب "العجوزة" و"الكركوبة"!!!..
فهمت 'تهاني' الحكاية من بعدما سمعت شتائم 'بدرية'!!! وبسرعة رفعت 'تهاني' ايديها، تسد ودنها من سماع شتائمهم، وغمضت عينها بقوة!! تقاوم انفجار دموعها!!..
'تهاني' - بقهر - : - هي 'بدرية' مش هتسبني في حالي!! انا حبست نفسي علشانها! علشان ارضيها!! وهي لسه حاطاني في دماغها! وبتشتمني!!!...
ارتجف قلب 'تهاني' واعصابها!! من خوفها! وبعدها ارتجف بقية جسمها!! فضعفت رجليها عن حملها!! وانهارت على سريرها!! وقعدت تفكر تعمل ايه في مصيبتها!! وفضيحتها لو سمعوها الجيران!! القريبين منها!..
# * # * # * # * #
و'تهاني' بترتجف!! افتكرت خواتها!!! و اللي عملوه فيها.. ضيعوا شبابها وثقتها بنفسها.. بغيرتهم منها!!..
وافتكرت شريكها في الصيدلية.. واللي عمله فيها.. دمر مستقبلها وضيع احلامها.. بخيانته ليها!!..
'تهاني' - بصدمة - : - ليه الكل بيكرهني!! وبياذيني!! انا عملت لهم ايه!!!.
فتحت 'تهاني' عينيها ببطء!! وشافت لصورتها في المراية!! وهو بيرتجف من الخوف!
كرهت نفسها.. لأنها ضعيفة!!..
واشمأزت من منظرها.. وهي جبانه!!..
نزلت 'تهاني' اديها من ودنها!! وقامت من سريرها!! وقربت نفسها من المراية.. بخطوات بطيئة!! قربت وشها من صورتها!! وراحت تكلم نفسها!!..
'تهاني' - ل نفسها - " أنتي يا جبانه!! الكل بيخذلك ويأذيكي!!..
ليه!! عايزه تعرفي ليه! طبعاً لأنك صاحبه شخصية ضعيفة، ولسه فاكره نفسك عيلة!..
وبتسمحي لكل انسان موجود في حياتك يهينك ويجرحك!! دا أنتي بتموتي في اليوم الف مرة!! وهم ماشيين في حياتهم بشكل طبيعي!! أنتي ايه!! ماكفاكيش عمرك اللي ضاع منك!! واخذتي لقب عانس!! وبقيتي عاطلة عن العمل!! وكل ده بسبب ايه!! بسبب ضعفك وجبنك!!. هه!! معقوله انتي لسه خايفة!! انتي خسرتي كل حاجة! جربي لمرة في حياتك! تكوني قوية!! المفروض انك بقيتِي كبيرة بالسن! وقادرة تحمي نفسك! فليه لسه بتخافي زي الاطفال!! جربي لمرة!تنسي الخوف! وجربي طعم الانتصار!! والانتقام لنفسك!!! " ...
ابتسمت 'تهاني' لصورتها، وجريت بسرعة، من اوضتها قبل ما تضعف! وكل حواسها بقت جاهزة وقت ماتفتح الباب..
وما اهتمتش تغطي نفسها!! وهي بالفستان الاحمر ! وبكامل مكياجها!!.
بقى المهم دلوقتي عندها!! تأدب الطارق الوقح! على باب شقتها بنص الليل!! وتنتقم منه!! ومن لئم 'بدرية'!
ومن شريكها الخاين! واخواتها الغيورات!!!..
# * # * # * # * #
# يتبع
