رُزقتُ الحلال
البارت 8
وقفنا المرة اللي فاتت لما سلمي. اتصدمت. لاني ياسمين. فاتحه الاسبيكر. وكل اهلها سمعو. هبل سلمي.
سلمي بصدمه. امسحي رقمي ياياسمين. السلام عليكم. بوظتي سمعتي منك لله.
اهل ياسمين. ههههههههه
ياسمين وهي بتضحك. خلاص ي سلمتي. ده باباوماما. مش حد غريب.
سلمي بجديه. بعد اذنك ياياسمين. لما تبقي فاضيه. يبقي. رني عليا عايزه. اكلمك ضروري.
ياسمين بقلق. في ايه ياسلمي قلقتيني.
سلمي بابتسامه. عادي والله. عايزين نتكلم. مع بعض شويه.
ياسمين براحه. حاضر. ياسلمي. هصلي وهكلمك
سلمي بابتسامه. تقبل الله. ياجميله. يلا بقا مش عايزه اعطلك عن الصلاه اكتر من كده.
ياسمين بحب. يلا ياحبيبتي السلام عليكم
سلمي. وعليكم السلام ورحمة الله.
قفلت الخط. سلمي. وطلعت. علي بره.
انتو فين. يابشر. انا جعانه. يابشر. جعانه ياناس ياللي في البيت.
ام سلمي بضحك. ههه ايه مفيش مرة. تبقي شبعانه خالص. نفسي في مرة. تطلبي حاجه غير الاكل
سلمي بهزار. عندك حق. طب عندكو عصير ايه يتشرب.
ام سلمي بغيظ. امشي يابت من هنا. عشان عصبتيني
سلمي بضحك. ليه كده ياست الحبايب ياحبيبه. كل ده عشان. قلت اني جعانه ام سلمي بابتسامه. طب روحي ياحبيبتي. هاتي. الطلبات اللي في الورقه دي. يكون الاكل جهز. احنا مستحملينك النهارده. عشان كنتي في الجامعه. بكره محدش هيطبخ غيرك
سلمي بزعل. طب ليه. تسدي نفسي علي الاكل كده. اروح اجيب طلبات. وكمان هطبخ ليه الظلم ده. انتو لو كنتو لاقيني. علي باب السيدة. مش هتعاملوني كده
ام سلمي بصدمه. اجري يابت. من قدامي هاتي الحجات دي بدل مااخلي الشبشب يسلم عليكي
سلمي بخضه. شبشب. لا. هوا. هطير اجيب الطلبات من السوبر ماركت. وارجعلك. ياحبيبتي بس بلاش الشبشب.
ام سلمي.بابتسامه. يلا ياحبيبتي بسرعه
سلمي بابتسامه. حاضر ياامي. هغير هدومي. واطلع اجبلك اللي انتي عايزاه.
ام سلمي. ربنا يصلح حالك. ويرزقك. بابن الحلال اللي يسعدك. ياسلمي يابنت بطني.
سلمي بهزار. وهي داخله علي اوضتها بلاش بنت يطني دي. ليكون. لاقيني. علي باب مسجد ولا حاجه.
ام سلمي الشبشب. هووووو. سلمي قفلت الباب بسرعه. الحمد لله مجاش فيا.
سلمي. لبست. العبايه. السمرا. والخمار الاسود وطبعا لبست الچونت والشراب. هي عارفه اني الاسود مش دين. بس هي بتحب. انها تمنع اي زينه ليها بره البيت ومبتحبش حد يشوف رمش عيونها.
ناس كتير بينصحوها اني الالوان الغامقه مش حرام. بس هي بتفضل تقول. الاسود. زينة المرأة الملتزمه. بجد. بحس اني ملكه. وانا. كلي سواد في سواد. مميزه كده.
خرجت سلمي. وهي بتشتري. في الطلبات. سمعت. اتنين جيرانها بيتكلمو. بصوت عالي شويه.
الجارة الاوله. اسكتي. ياصفيه. امبارح. مسكت بنتي. فضلت اضرب فيها. لما كانت هتموت في ايدي. مش بتسمع ليا كلمه. وعايزه تفضل في الشارع. ومبقتشي بقدر عليها خالص. بتقلد اخوها. وكل مااقلها بطلي لعب تفضل تقول. اشمعنا. اخويه بيلعب. اشمعنا بيكلم بنات. وترد عليا الكلمه بكلمتها. روحت مسكاها. وفضلت اضرب فيها بالعصيايه. وبأيدي. لغاية. ماكانت هتقطع النفس. وصعبت عليا. بس اعمل ايه. لازم اربيها
الجارة التانيه. العيال كلهم.بقو حاجه تقرف. جدعه. ياحسنيه. ربيها. الضرب عمره مابيموت. وعلي راي المثل. اكسر للبنت ضلع. يطلع ليها اربعه وعشرين. العيال بتوع اليومين دول. عايزين قطم رقبتهم.
سلمي. عندك حق ياخالتي صفيه. اكسري للبنت ضلع. يطلع ليها اربعه وعشرين.
صفيه. بتباهي. امال ايه. لازم البت تتربي. صح ومتطلعشي مدلعه. تجيب لينا العار. لما تكبر. ولا منعرفشي نحكمها.
الناس في في السوبر ماركت. منتظرين. سلمي. تتكلم. ومستغربين. من كلامها. ده هي دايما. تنصح الامهات انهم ميضربوش عيالهم. وهي مبتضربشي عيل ابدا عندها في المقرءه.
سلمي بابتسامه. بس ممكن اسالك سؤال.
صفيه. اسالي ي سلمي.
سلمي بجديه. بتحبي النبي محمد. صل الله عليه وسلم. وبتثقي في كلامه.
صفيه. عليه الصلاة والسلام. ايوه طبعا.
سلمي بجديه. اهو بقا النبي محمد. قال. رفقا بالقوارير. شوفتي بقا. النبي وصف البنات بايه. النبي.صل الله عليه وسلم. كان لما بيشوف بنته داخله عليه. يقوم يقف ويروح يقابلها. ويقبل بين عينيها. ويقول ريحانة رسول الله. وكان دايما. بيوصي علي النساء. ويكره الراجل اللي يمد ايده علي واحده. والقران. لما ذكر. نشوذ المراه. يعني. الواحده اللي تتمرد علي جوزها واهل جوزها. ربنا مش امره اني يعاقبها بالضرب الا لما العقابين اللي قبل كده. ميجبوش نتيجه معاهم. وكمان النبي صل الله عليه وسلم قال. الضرب الغير مبرح. يعني. اللي ميأذيهاش. او يوجعها جامد. شوفتي بقا النبي كان بيعامل بنته ازاي. وانتي بتقولي. اكسر للبنت. ليه. انتو مفكرين كده. انها. هتتربي. بالعكس انتي لما تصاحبي بنتك وتعرفيها الصح من الغلط. وبدل قاعدة الشوارع. ولا قدام المسلسلات اقعدو مع بناتكو واتكلمو معاهم واسمعوهم واحترمو افكارهم. لا. لاما العنف. لاما البنت تمشي علي حل شعرها
مفيش. حاجه اسمها. مسؤليه وتربايه. وواحده واحده معاهم. الضرب مش بيصنع بنت مؤدبه الضرب بيصنع بنت جبانه. عديمه المسؤليه. متعرفشي تاخد قرار صح. في حياتها
البنت لو اتعودت انها متمشيش الا لما امها تضربها. . بكره لما تتجوز. برده مش هتمشي الا بالضرب وده للاسف. مصيبه كبيره. بيربي جيل نصه فاشل. والنص التاني جبان عديم المسؤليه.
ربنا هيسالكو عن المسؤليه. اللي رزقه بيها. فيه ناس كتير اتحرمت من الذريه. وربنا رزقكم انتم. يبقي. تحمدو ربنا وتصونوها. مش. تكسري ليها ضلع.
عرفي بنتك الصح والغلط. ولما تغلط عقبيها. علي حجم. الغلط اللي عملته.
حسنيه. والله عندك حق ياسلمي. بس هما مش بيسمعو الكلام. اعمل ايه. طيب
سلمي. لما تصاحبي بنتك هتعرفي هي بتحب ايه وبتكره ايه. وهتوصلي لكل نقاط ضعفها. وساعتها لما تغلط غلط كبير. احرميها من حاجه. هي بتحبها قوي. هتحس بغلطها وصدقيني مش هتكرره.
لما كنت في بداية. سن المراهقه. امي كانت دايما تقلي قدامك طريقين. طريق يخلي راسك دايما مرفوعه. والطريق التاني. هتخلي راس عيلتك كلها. موطيه في الارض.
لو مشيتي في الطريق الغلط. صدقيني. هتندمي. وهتبوظي سمعة. ابوكي اللي طول عمره. واثق وفخور بيكي. اختاري.
وفعلا كنت بختار. دايما. مش مسكت عصايه. وكسرت ليا ضلع. لا. مسكت دماغي. وعرفتني وفهمتني. اخر كل طريق ايه. اتكلمو مع بناتكو. عرفوهم وفهموهم. وعلموهم امور دينهم. المصيبه. اني العيل او مايبتدي يتكلم. بتقولو ليه. اشتم فلان. واضرب عمو. واشتم خالو. وتفضلو تضحكو. لما يشتم. ويضرب. ولما يكبر تقولو مش عارفين الولد ده. قليل الادب ليه كده. وياريت. الضرب بيجيب نتيجه معاه
حضراتكو. انتو السبب في كل ده. لو من اول ماالبنت والولد. بداو يتكلمو. عودتو. الطفل. علي. قول ورايه ياحبيبي. بسم الله. قول يلا احسنت. ياجميله.
عيب ياحبيبي. تقول الكلمه دي. ودايما تاخدو بالكو من الالفاظ اللي بيسمعوها. في الشارع. او في الحضانه. مكناش وصلنا للي بيحصل ده.
لو كل واحده. علمت بنتها اوابنها من صغره. كلمة احترام. مكناش وصلنا للجيل. اللي شايفينو. دلوقتي. للاسف. خرجتو جيل. مفهوش عمر بنت الخطاب. ولا حتي اسماء بنت ابوبكر. طلعتو جيل. كل. قدوته في الحياه. حمو بيكا. وشاكوش. طلعته جيل. بدل مايقلد محمد بن عبدالله. قائد الامه. حبيب. الله.طلعتو جيل بيقلد عبده موته والالماني.
فبالله عليكو. بدل ماتكسرو لبناتكو ضلع. علمو اولادكو اخلاق الاسلام. عرفو ولادكو الصح من الغلط. كونو. امهات. مش. جلادين.
سلمي بتعب من كتر الكلام. بجد اسفه لو كلامي فيه شديه. واسفه اني ادخلت بس. انتو عارفين. اني بحبكو كلكو في الله. وبخاف علي عيالكو. لاني بحسهم. اخواتي. واوعو تزعلو مني. انا خايفه علي مصلحتكو. وعارفه انكو. مش هتزعلو
جارة بابتسامه. بجد. ياسلمي ربنا يبارك فيكي يابنتي. احنا بنتعلم منك كتير.
جارة تانيه. بجد ياسلمي عندك حق في كل كلمة قلتيها. امك عرفة تربيكي.
سلمي بفزع. امي. يانهار انا نسيت اروح اديها. الحاجه. هتعملني شاورما.
الناس. هههههههه
سلمي. انا ماشيه. السلام عليكم. ادعولي. الشبشب يكون خفيف عليا.
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
