Ads by Google X

القائمة الرئيسية

الصفحات

رواية رزقت الحلال الفصل العاشر

 



رُزقتُ الحلال 


البارت 10


استيقظت سلمي من النوم. 

سلمي. الحمد لله الذي احياني بعد مااماتني واليه النشور. وقامت. سلمي. اتوضت. وصلت ركعتي الضحي. اجرها عظيم عند الله. وراحت تشوف ايه اللي وراها من شغل البيت. وطبعا الترتيبات. اللي بتتعمل لعريس الغفله. 

سلمي بزهق. كفايه بقا. كل ده عشان عريس. امال لوكانو دسته. كنتو عملتو ايه. 

ام سلمي. هو اي حد. ده ابن ناس. وحاجه كده. الله اكبر عليه. 

سلمي. هو حد كان قايلك. انو مش ابن ناس. 

ام سلمي بفرحه. لا ده باين عليه من عيله مبسوطه وحاجه تشرف كده. 

سلمي بضحك. طب كويس هتجوز في عيله بتضحك علي طول. بدل النكد اللي عايشه فيه. هبقي جهاد مجاهد. بضحك بسرعه. هيهيههي 

ام سلمي بضحك. ههههههه بجد انتي حكايه. مش عارفه هتعجبيه. ولا هياخد جزمته. وينقذ نفسه من المصيبه. اللي كان هيبتلي بيها 

سلمي بمزاح. ده انا قمر. اول مااشوفو. هقله مادام انكشفت عليك هتتجووني يعني هتتجوزني. 

ام سلمي. وهو طبعا. هيخاف وهيتجوزك 

سلمي بغرور. طبعا. لاما احطله سم فران. 

ام سلمي بصدمه. اييه ربنا يهديكي يابنتي يارب وتعجبي الراجل. خليني افرح بقا 

سلمي بجديه. ايه ياامي انا لسه في التعليم. ولما نصيبي هييجي. مفيش كلام بس الواحد يحسن اختياره عشان مندمشي بعدين ويكون سبب ضياع ديني 

ام سلمي بحزن . الناس كلت وشي ياسلمي. هي بنتك هتتجوز. بعد اللي عملاه في نفسها وكلام يسم البدن وانا مبقتشي قادرة استحمل كلام الناس اكتر من كده. انتي شايفه البنات هنا بتتجوز علي 14و15سنه وعايشين اهم. اما انتي داخله علي 23سنه. يعني كل ماتكبري فرصتك في الجواز هتقل. 

سلمي بجديه. ياامي. الجواز قسمه ونصيب. وهو رزق. ومستحيل حد يموت من غير مايستكمل رزقه ولا تقولي نقاب ولاحجاب. وبعدين كلام الناس مبيخلصشي. وهما مش هيدخلو القبر. يتحاسبو معايه. الناس اللي بتتكلم وبتقول ايه اللي هي عملاه في نفسها ده. مش هيدخلو معايه القبر ويجاوبو مكاني. علي سؤال الملكين اهم حاجه رضي ربنا وانا متاكده اني ربنا مش هيضيعني. ابدا. 

ام سلمي. ونعم بالله. ربنا يجعله زوج صالح ليكي. 

سلمي بابتسامه. ربنا يختار ليا اللي في الصالح ياامي. 

ام سلمي. طب يلا البسي عشان هو خلاص. قرب يوصل. 

سلمي. بتبص علي نفسها. طب ماانا لابسه اهو. 

ام سلمي بصدمه. هتطلعي ليه بالعبايه السمرا برده. 

سلمي بجديه ايوه طبعا لازم يشوف طبيعة لبسي. عشان في شباب مبيحبوش البنات اللي متشددين قوي في لبسهم عشان نبقي واضحين من دلوقتي ميجيش بعد الجواز ويقول. ايه اللي عملاه في نفسك ده 

ام سلمي. بس دي رؤيه شرعيه. يعني ينفع يشوفك. بلبس الوان عادي ومن غير النقاب 

سلمي عارفه ياامي الكلام ده. بس انا معرفشي هو مين. ولا هوافق عليه ولا لا. وبعد كده بأذن الله هرفع النقاب. واخليه يشوفني 

ام سلمي بحنق من بنتها. لانها محبكاها جامد من وجهة نظرها. اللي شيفاه صح اعمليه انا تعبت معاكي 

سلمي بابتسامه ادعيلي انتي بس. وربنا هيجبر بخاطرك. 

ام سلمي برجاء ربنا يكرمك يابنتي ويفرح قلبي بيكي وانتي عروسه  

سلمي اللهم امين. 

وصل عريس الغفله. قصدي. العريس اللي هيخطب سلمي. وهو طبعا مصطفى باشا. 

مصطفى باحترام. اتشرفت بمعرفتك ياعمي. 

ابو سلمي. ده شرف لينا احنا ياابني. 

مصطفى بجديه. شكرا 

عبدالرحمن اخو سلمي. اصغر منها بتلت سنين. 

عبدالرحمن. بيهمس. لمصطفي . انت هتتعصر اسئله النهارده. اختي بتحضر ليك ورقه من امبارح. مذاكر ولا هتاخد صفر وهتكسفنا 

مصطفى بذهول. بيتكلم بصوت واطي. هو انا داخل امتحان. 

عبدالرحمن. ده افظع من امتحان الثانويه العامه. تحس انها. فيثاغورث قدامك. 

مصطفى. ليه كده يعني. 

ابو سلمي. بتقولو ايه. 

مصطفى بجديه. لا ياعمي. مفيش حاجه. ممكن حضرتك تنادي الانسه سلمي. عشان مستعجل 

ابو سلمي. لسه بدري يابني.حاضر هنادي عليها. روح ياعبدالرحمن نادي اختك من جوه. 

عبدالرحمن. حاضر يابابا. دخل عبدالرحمن. تعالي ياختي. عشان تقابلي العريس. انا مش عارف. تاعب نفسه وجاي ليكي علي ايه. يعني الواد حليوه وباين عليه ابن ناس كفايه العربيه اللي ركبها. يسيب بنات مصر كلهم ويجي ليكي انتي. 

سلمي بغيظ. وانت مالك انت متغاظ ليه. غيران مني بعني عشان احسن منك مثلا. هو انت تطول. تتجوز واحده زي. 

عبدالرحمن. الحمد لله انك اختي ياسلمي. 

سلمي بغرور ، ليه. 

عبدالرحمن. عشان مقعشي فيكي 

سلمي. بغيظ. يامتخلف. بقي انتي خايف تتجوز واحده زي. 

عبدالرحمن. ده حتي ضميري صحي. وحاولت اطفش الراجل. خايف عليه وبعدين رجعت في كلامي. قلت. عايز اخلص. من البلوه. مليش دعوه حد قالو ييجي. .

عند مصطفى. كل شويه يبص في ساعته. اول مره ينتظر حد. عايز يقوم يتخانق ويسيب المكان ويمشي. بس. هيخسر. التحدي قدام ابوه. ده اللي بيحاول يقنع بيه نفسه. 

نرجع للغتت عبدالرحمن. 

عبدالرحمن وهو بيخبط علي دماغه. ياااه نسيت اقلك. تعالي يلا. عشان بابا عايزك. 

سلمي بغرور مستفز. طب امشي ورايا 

عبدالرحمن بغيظ. يكشي تقعي علي وشك وانتي مش شايفه قدامك. 

سلمي مش هرد عليك عشان انا. طيوبه 

عبدالرحمن بقرف. انتي عفريته. اي حاجه غير طيوبه دي 

سلمي بطل بقا. تحبط قدراتي وقلي شكلي حلو. 

عبدالرحمن الرحمن. قمر ياناس. ورفع ايده لسماء. سامحني يارب علي الكذبه دي 

سلمي بتخبطه علي دراعو طب يلا يابارد. مش لاقيه غيرك واخد رايك. 

دخلت سلمي المطبخ. 

سلمي بحنق. هو لازم ياماما ادخل شايله. العصير

ام سلمي. ايوه. طبعا. هي دي العادات 

سلمي بزهق. يخربيت دي عاده. 

ام سلمي شيلي يااخرة صبري. ويلا بقا 

سلمي بتوتر. حاضر. 

دخلت سلمي وعنيها في الارض. 

سلمي السلام عليكم 

كلهم وعليكم السلام ورحمة الله 

مصطفى رد السلام بصوت واطي. هي مركزتش من شدة خوفها وتوترها. ولسه برده مرفعتشي عنيها 

ابو سلمي تعالي يااحمد انت وعبد الرحمن. نتكلم في الصاله. ونسيبهم يتعرفو علي بعض. 

سلمي رفعت راسها لباباها. 

عبدالرحمن متخافيش ياحبيبتي احنا هنقعد قصادكو بس. عشان تاخدو راحتكو في الكلام. 

سلمي في نفسها. الله علي الاحترام. ياااه. لو يفضل يحترمني كده. 

عبدالرحمن. بيهمس في ودنها وهو طالع. اي خدمه. اديني بحترمك اهو بس لمايمشي هسلم علي قفاكي لاني وحشني الضرب عليه الصراحه 

سلمي بتلقائيه حطت ايديها علي قفاها وكزت علي سنانها بغيظ تحت النقاب. ومصطفي عمال يحاول يسمع. اخوها بيقول ليها ايه في ودنها معرفشي. بس حس بشعور غريب. لما اخوها قرب منها. اتغاظ منه. 

مصطفى. احم. اذيك ياسلمي

سلمي بصدمه. عرفته من صوته. انت. 

مصطفى بجديه. ايوه انا. ايه رايك بقا في المفجأه دي. 

سلمي. مفجأه متفرحشي الصراحه. 

مصطفى بحده. قصدك ايه. 

سلمي بحده. في كلامها. قصدي اني لو اعرف اني حضرتك العريس. مكنتش هوافق. اني ارضي اقابلك. اصلا 

مصطفى بغيظ. وليه بقا. انتي اصلا كنتي تحلمي انك ترتبطي بواحد زي 

سلمي باستفزاز. عندك حق. 

مصطفى ابتسم بغرور. 

سلمي بجديه. لاني متمناش اني اسمي يربط جنب اسمك 

مصطفى بعصبيه. انتي عارفه انا مين. وازاي تتكلمي معايه كده 

سلمي بجديه. واحد مغرور. بص ملوش لازمه الكلام انا عارفه. اني يجوز الكلام. في الرؤيه الشرعيه بس ده لو فعلا بفكر اني ممكن ارتبط بيك. عشان. كده. 

ياريت حضرتك تعمل فيا معروف. بعد ماتروح من هنا تتصل علي بابا وتقول ليه. كل شئ قسمه ونصيب. 

مصطفى. في نفسه. ده فعلا زي مابابا قال. هترفض. 

مصطفى بغيظ ولو قلت لا وهتجوزك يعني هتجوزك. برضاكي. غصب عنك هتجوزك. وده اللي عندي. 

سلمي بغيظ. من اسلوبه. غصب عن مين يااخينا. بقلك. مش عايزه اتجوزك هو بالعافيه. وبعدين سبت بنات مصر كلها. وملقتشي غيري. روح يااخينا دور علي حد غير 

مصطفى بذهول. اخينا. بصي بقا. انا قلت ليكي. اعملي حسابك انا مش هتجوزك عشان سواد عيونك. لا انتي مجرد. حاجه جديده. والمصيبه. اني اهلي طالعين بيكي السما. قلت اخلص من الزن بتاعهم شويه 

سلمي باستغراب. اهلك. ووهما يعرفوني منين 

مصطفى. ياسمين تبقي اختي. 

سلمي بصدمه. اختك. يامحاسن اللي بتغني. 

طب ياسمين مقالتشي ليا خالص علي رغم انها مكلماني الصبح 

مصطفى بجديه. انا منبه علي الكل محدش يقلك. خليها مفجأة 

سلمي بحنق. ومفجأه. استغفر الله العظيم الصراحه. 

مصطفى بغيظ. انا مش مستعد اتكلم معاكي اكتر من كده. انتي بني ادمه مستفزه. 

سلمي بفرحه. طب الحمد لله. يلا بقا هقوم انا. وانت كلم اهلي وزي ماقلت ليك. انا مرتحتش معاها وكل شئ قسمه ونصيب 

مصطفى. اتفضلي يلا 

سلمي فرحانه. انها هتتخلص منه. ولكن انصدمت. الحلقه اللي جايه بأذن الله هنعرف ايه اللي صدم سلمي وبرده هنعرف هي مي مختفيه ليه. وايه سبب اختفائها 

                   الفصل الحادي عشر من هنا 

لمتابعة باقي الرواية زوروا قناتنا على التليجرام من هنا

تعليقات