رواية بائعه المناديل الخاتمه

 حلقه خاصه بائعة المناديل

انتهي الزفاف و انطلق يامن و حبيبة اللي الفندق فقد حجز يامن غرفة لهم في افخم فنادق الاسكندريه و دار هذا الحديث أثناء الطريق 

يامن انتي كنتي بتقولي اي بقي يا بيبه لما كتبنا الكتاب 

تذكرت حبيبة ما تفوهت به و اعترافها له بحبها لاول مرة نظرت إلي الأسفل بخجل و قالت انا مقولتش حاجة 

يامن اممم لا بصيلي كدا احنا ليلتنا طويلة مع بعض كنتي بتقولي اي يا بت اعترفي

حبيبة انا قولت اني بحبك اوي يا يامن .. عمري في حياتي ما حبيبت حد غيرك انت الاول و الأخير قلبي و عقلي استكفوا بيك يا حبيبي 

يامن طب اكمل سواقه ازاي انا كدا انتي لازم تيجي في حضني دلوقتي حالا .. ثم فتح لها زراعة و قال تعالي يا حبيبة .. تعالي في حضني .. كنتي حلم كبيير اووي بالنسبالي .. انا كنت خلاص قربت أفقد الامل انك نكوني معايا بس ربنا كبير عوضني عن كل حاجة بيكي انتي انا بدمنك يا حبيبة 

نظرت إليه بدموع و اندفعت محتضنه إياه و لم تتحدث مطلقا 

......

مؤيد امشي براحة يا شيماء بالكوره بتاعتك دي 

شيماء متقولش كوره بس 

مؤيد خلاص كرش امشي براحة لحسن كرشك دا يخبط في أي حاجة 

شيماء بغيظ كرش .. كرش .. بقي أنا عندي كرش بص لنفسك يا حبيبي في المراية هتعرف مين فينا اللي عنده كرش

مؤيد بشهقة مصتنعة فشر دا انا واد حليوة و رياضي يا بت مش بتشوفي البنات هتموت نفسها عليا ازاي 

شيماء والله واخد في نفسك مقلب كبير اوي يا حبيبي

مؤيد بجدية مصتنعة مين دا اللي واخد في نفسه مقلب ..انتي متعرفيش مها و جوري و شهد وألا لمار و لنا كدا أن يكمل حديثة و لكن قاطعه رويتها ممسكه بالس**كين

شيماء و هي تقلب الس**كين علي وجيها .. كمل يا حبيبي كنت بتقول اي بقي 

ابتلع مؤيد ريقه بصعوبة فقط كثرت حوادث ق**تل الزوجة لزوجها هذه الأيام و هو يعرف أن زوجته مجنونة للغاية .. نظر لها و قال دا انا كنت بهزر معاكي يا شيماء اي مبتهزر يا رمضان .. و هي دي خلقه حد يبصلها بردوا يا حبيبتي

شيماء لا بهزر يا روحي تحب تشوف هزاري 

قام مؤيد و فر الي الداخل لا يا حبيبتي كان نفسي والله بس للأسف لازم انام بدري ورايا شغل شركة شهر كامل مهو الأستاذ رايح شهر عسل و مش عاوز حد يقاطعة فيه 

شيماء بغضب و تذمر و قد تركت الس**كين و عادت لطفولتلها مره اخري و أنا كمان عايزه شهر عسل

مؤيد من الغرفة تعالي نامي يا شيماء و نبقي نفكر في الموضوع دا بعدين 

شيماء إنسان ظالم مفتري شوف يا حبيبي مش عاوز يفسحنا ازاي مش تحبه و مش تسمع كلامه حبني انا 

........

وصل يامن و حبيبة الي الفندق نظر إليها و قال يلا تعالي 

صعدوا الي الغرفة التي أشرف يامن علي تجهيزها خصيصا فبدت في غاية الجمال 

نظرت حبيبة الي الغرفة باهتمام فكانت البلونات الحمراء و البيضاء تملي الغرفة .. قلب كبير على الفراش بالورود الحمراء .. نظرت على الحائط وجدت اسمها مزين بطريقة جذابة شهقت حبيبة من هول المفاجأة و انطلقت تغزوا أحضان زوجها دافنة رأسها بصدره العريض 

حبيبة عملت كل دا علشاني يا يامن مش مصدقه نفسي 

ضمها يامن إليه بشدة أكثر و قال أنا لو طولت اجمع عمري في ايدي و ادهولك هدية مش هتردد يا حبيبة انتي مش عارفه أنتي بالنسبالي اي .. مفيش كلمة من كلمات الغرام توفيقي حقك

حبيبة بحب اووي يا يامن

يامن و انا بتنفسك تعالي شوفي الهدية بتاعتك بقي 

امسكت حبيبة يده و قالت انت بالنسبالي اجمل هديه في عمري كله 

يامن الله يا ست حبيبة اومال فين حبيبة هانم المكسوفة دائما 

ضحكت حبيبة و رفعت رأسها من حضنه ثم نظرت إلي عينيه و تاهوا في عالم خاص بهم تصمت فيه الأفواه و تتحدث فيه العيون استمر الحال هذا ما يقارب من النصف ساعة فقد ظلوا يتاكدون أنهم حقيقين و ليسوا اوهام .. قاطع شرودهم هذا طرقات على الباب 

يامن بغيظ ميين الغبي اللي جاي دلوقتي دا 

كتمت حبيبة ضحكتها علي منظره 

نظر إليها و ابتسم بغيظ و قال طلعيها يختي لحسن يجرالك حاجة .. هشوف مين و اجيلك 

ذهب يامن ليري من المزجع الذي قطع عليه لحظاته الخاصة ... فتح يامن الباب وجد شاب و معه الطعام

- اتفضل يا فندم و مبروك الجواز

يامن الله يبارك فيك ثم اخذ منه الطعام و قال مش عاوز ازعاج تاني بقي و اغلق الباب بوجهه 

يامن حبيبه ادخلي غيري هدومك و اتوضي و يلا نبدا حيتنا مع بعض علي طاعة الرحمن

حبيبة بابتسامة رضا حاضر يا يامن 

ذهب حبيبه و اخذت وقت ليس بقليل حتي استطاعت نزع الفستان .. ارتدت منامتها و من فوقها الازدال 

خرجت حبيبة من المرحاض و توجه يامن توضا و ابدل ملابسه باخري مريحة و خرج صلي بها إماما 

بعد أن انتهوا من الصلاة وضع يده على رأسها وقال الدعاء 

" اللهم إني أسألك خيرها و خير ما جلبت و اعوذ بك من شرها وشر ما جلبت "

يامن جعانة يا بيبه

هزت حبيبة رأسها نافية و ظلت تلعب بيدها بتوتر استشعره يامن ..

نظر لها يامن و قال خايفة 

هزت حبيبة رأسها نافية في خجل 

يامن واثقه فيا 

حبيبة ايوة جدا انا لو مش وثقت فيك هوثق في مين 

ابتسم يامن ثم احتضنها بشدة و بيتك بيتك يا حاجة انتي و هي 

......

بصباح اليوم التالي 

 استيقظ يامن مبكرا و ظل يتاملها فكانت نائمة بعمق علي زرعة .. لم يرد أن يزعجها فظل ينظر لها و يتابعها بهدؤء راجيا من الله أن يحفظها له .. 

بعد وقت ليس بقصير بدأت حبيبه تستيقظ من غفوتها فاسرع يامن بتصنع النوم 

استيقظت حبيبة و نظرت جوارها بابتسامة حب ثم تحولت إلى ابتسامة خبيثة و صارت تصرح 

حبيبة دهوتاااااي فضحتاااي التااار و لا العااار انت عملت فيا اي ثم تصنعت البكاء 

نظر لها يامن بدهشة شلت خليا عقله عن التفكير ثم ضحك بشدة و قال طب و اقسم بالله مجنونه انتي هبله يا بنتي انتي مراتي هو أنا شاقطك.. حبيبتي فرحنا كان امبارح 

نظرت اليه حبيبة بابتسامة و قالت طب ما انا عارفة يا قلبي بس بعمل فيك مقلب بقي 

يامن و هو يقلدها بسخرية بعمل فيك مقلب بقي .. المهم عاوز اقولك حاجه مهمه جدا 

حبيبة باهتمام كبير قول 

يامن بغمزة صباحية مباركه يا عروستي 

دفنت حبيبه راسها بالوسادة من فرط خجلها 

ضحك يامن بشده و قال طب ما انتي بتتكسفي اهو اومال عامله فيها سبع رجالة في بعض لي 

ضربته بقبضه يدها بخفة بزراعة دون حتي النظر إليه 

حبيبة بس يا يامن بقي مش تكسفني اكتر الله 

يامن طب يلا قومي خدي شاور علي ما اطلب الفطار علشان قدمنا سفر 

حبيبة بلهفة و طفوله هنروح فين قول بسرعة

يامن تؤ يلا بسرعة علشان نلحق الطيارة 

حبيبة اووووووف بقا ربنا على الظالم المفتري 

يامن هبله البت دي وألا اي 

.....

شيماء يا مؤيد بقي عاوزه اتفسح علشان خاطري

مؤيد يا حبيبتي اولدي انتي بس و يكون يامن رجع من السفر اخدك و نسافر في أي مكان 

شيماء و انا لسه هستني تلت شهور 

مؤيد طب يرضيكي نروح و تتعبي هناك يا شوشو و متتفسحيش 

شيماء يوووه بقي هطر استني غصب عني 

مؤيد برافوا حبيبه قلبي انتي انا نازل بقي عاوزه حاجه 

شيماء هاتلي حاجة حلوة و انت راجع

مؤيد متجوز طفله يا ناس حاضر يا حبيبتي هجبلك

.....

يامن جهزتي الشنط يا حبيبة

حبيبة جاهزة يا قلبي بردوا مش هتقولي هنروح فين 

ابتسم يامن و قال هنروح مدينة العشاق 

حبيبة بجد يا يامن هنسافر فرنسا 

يامن بجد يا قلب يامن احنا هنلف العالم مع بعض كل سنه اخدك شهر عسل في بلد شكل 

قفزت حبيبة عليه قبلته بشدة و قالت بحبك اووي يا يامن

يامن أنا اكتر يا قلبي يلا يدوب هنفطر و نسافر 

بدات رحله العشاق إلي مدينة الحب باريس قضوا فيها شهر في استمتاع و راحة .. فعل يامن كل ما بوسعة ليجعل حبيبه سعيدة .. 

انهي الشهر بسرعة و عادوا إلى أرض الوطن استقبلهم مؤيد و شيماء بالمطار و اتجهوا الي منزلهم

مؤيد من بكره تنزل الشغل انا تعب يا اخي خلي عندك دم مراتي على وش ولادة 

يامن أنا معنديش دم و مش نازل بكره حبيبة راحه الجامعة و هوصلها و استناها

مؤيد وصلها و تعال شوف شغلك و ابقي روح هاتها عاوز اخد اجازة يومين علشان شيماء بقي 

يامن لله الامر ماشي 

حبيبة فاضلك قد اي و تولدي 

شيماء هانت كلها شهرين 

حبيبة ربنا معاكي

شيماء يا رب و عبالك

حبيبة شكرا 

......

مر شهران آخرين لم يحدث بهم جديد و بيوم من الايام

شيماء مؤيد اصحي يا اخي بقي 

مؤيد سبيني انام يا شيماء بقي تعبان طول اليوم

شيماء بألم يا ابني قوم بقولك بولد

مؤيد كل يوم بتقولي كدا و برضوا مش يتولد نامي نامي 

صرخت شيماء بشدة و قالت اصحي يا حمام وديني المستشفى اتصل بامي يلاا 

مؤيد اي دا انتي شكلك يتولدي بجد بقي 

شيماء لا بهزر قوم اخلص 

وقف مؤيد بسرعة و قال اعمل اي اعمل اي مش عارف ايوه يامن هو اللي هيفدني امسك هاتفه و اتصل بيامن بسرعة 

مؤيد الو يامن حبيبي الحقني شيماء بتولد و مش عارف اعمل اي 

يامن انت غبي يلا اخلص بسرعة خدها على المستشفى و هحصلك على هناك 

مؤيد ماشي ماشي اغلق الخط و نظر لشيماء التي تتالم بشدة و قال استحملي يا حبيبتي هنروح المستشفى و تبقي بخير 

شيماء مؤيد شنطة البيبي في الدولاب هاتها 

أحضر مؤيد الشنطة و أسند شيماء اللي السيارة و انطلق إلى المشفى وسط صراخها 

....

نهض يامن بسرعة و اتجه ليبدل ملابسه و لكن استيقظت حبيبة

حبيبة رايح فين دلوقتي يا يامن

يامن شيماء مرات مؤيد بتولد

نهضت حبيبة و قالت هاجي معاك استناني

يامن يا حبيبة مش وقته نامي و ارتاحي انتي 

حبيبة انا خلاص لبست اهو خمس دقائق

نفخ يامن و قال طب يلا 

انتهت حبيبة من ارتداء ملابسها و اتجهوا الي المشفي 

...

شيماء اااااااااه طلقناااااااااي يا مؤيد بقولك طلقناااااااااي

مؤيد اهدي بقي فرجتي المستشفى علينا 

شيماء انت السبب يلا بقولك طلقناااااااااي

مؤيد السبب في أي يختي مهو كله بمزاجك قال اي عاوزه بيبي يا مؤيد

شيماء انت بتعصبني صح طب طلقناااااااااي

مؤيد ادخلي اولدي و هطلقك بعدها

شيماء بابتسامة بجد 

مؤيد بضحك ايوة بجد يلا ادخلي اولدي بسرعة 

شيماء ماشي فين السمكري اللي هنا قصدي الدكتورة 

ضحك مؤيد و قال سبقت على العمليات .. لا اله الا الله يا حبيبتي اخرجي انتي و البيبي كويسين 

شيماء محمد رسول الله

دلفت شيماء الي العمليات و وصل كلا من حبيبة و يامن الي المشفي 

يامن ها يا مؤيد ولدت 

مؤيد لسه لسه 

مرت نصف ساعة و قد سمعوا صوت صراخ الطفل يملأ المكان .. خر مؤيد ساجدا بفرحة و احتضنه يامن مباركا له 

بعد قليل اجتمعوا بغرفة شيماء و ظلوا يباركوا لها بمولدها الاول 

يامن هتسمي اي بقي يا مؤيد

مؤيد معنديش اغلي من اسمك ادهوله يا يامن 

احتضنه يامن بشده دون حديث

حبيبة يامن أنا تعبانه اووي

يامن مالك يا حبيبتي بس 

حبيبة دايخة اووي و لم تكمل حديثها حتي سقطت بين زراعية مغشي عليها 

اسرع بها الى الخارج طلبا إليها طبيبة لفحصها 

يامن مالها يا دكتورة 

- لا عادي هي الشهور الاولى كلها كدا 

يامن شهور الأولى اي بس انا عاوز اعرف مالها 

- حضرتك متعرفش أنها حامل 

يامن بفرحة حامل بجد 

- ايوه و في الشهر التاني كمان 

يامن شكرا بجد شكرا 

- العفو علي اي هي لازمها راحة بس 

يامن طيب مش هخليها تتحرك خالص 

أفاقت حبيبة بعد فترة بارهاق أسرع إليها يامن 

حبيبة هو في أي يا يامن 

يامن بسعادة مفيش حاجة يا روحي كل الموضوع انك هتجبلنا بنوته صغيره حلوه زيك كدا 

حبيبة بعدم تصديق بجد انا حامل يا يامن يعني جوايا حته منك 

يامن ايوة حامل يا روحي الف مبروك 

حبيبة مبسوط يا يامن 

يامن الفرحة مش سيعاني يا قلبي مش عارف اوصفلك احساسي اي 

ابتسمت حبيبة بفرحة و احتضنته بشدة 

.....

مرت شهور الحمل علي حبيبه بتعب و لم يتركها يامن قط متحملا تقلباتها المزاجية بسبب الحمل الي أن وضعت له فتاه كالقمر أصر على أن يسميها حبيبة 

و بعد مرور خمس سنوات 

جاءت حبيبة ابنه يامن تبكي الي ابيها

حملها يامن و قال اي يا حبيبتي بتعيطي لي 

حبيبة الصغيرة يامن ابن انكل مؤيد زحقلي

يامن لـ يامن الصغير بتزعقلها لي يلا 

يامن الصغير مش بتسمع الكلام قولتلها متلبس قصير تاني 

يامن الكبير و انت مالك انت 

يامن الصغير علشان هي هتبقي مراتي اصلا 

يامن الكبير صلاه النبي احسن و مين بقي قالك اني موافق

يامن الصغير هتجوزها غصب عنكم ثم نظر الي حبيبة و قال خلاص بقي مش تزعلي مش هزعقلك تاني 

حبيبة الصغيرة يعني مش هتزحقلي ابدا ابدا

يامن ايوه تعالي نلعب يلا 

حبيبة بابتسامة يلا 

مؤيد شكلنا كدا هنشهد علي قصه حب يامن و حبيبة من جديد 

يامن اخرس يلا ثم نظر الي حبيبة و قال تعرفي أن حبك بيزيد في قلبي كل يوم لدرجة اني مبقتش عارف بحبك قد اي

حبيبة سالتك يوما ماذا اعني لكَ .. و لكنك لم تجب بينما وصلتني اجابتك بافعالكَ أحبكَ يا من ملكت الفؤاد 

انهت قصتنا الي هنا اتمنى ان تكون قد نالت اعجابكم 

دمتم سالمين  

  

لمتابعة روايات أخري زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال