Ads by Google X

القائمة الرئيسية

الصفحات

رواية انتقام وعشق الجزء الثاني الفصل التاسع والعاشر

 


البارت٩/١٠

وحياه امي مانا سيبك يا نا يا نتي يا مغروره

في اي ياعم بتكلم نفسك

ادم ، مفيش احنا عندنا لسه محاضرات

اه محاضره عملي علي ج*ثه

ادم ، يادى الهم اللي ابويا رماني فيه

///////////

سليم عند السكرتيره في المخزن 

سليم ، ها ياست الحسن هتعملي ايه

السكرتيره ، اللي حضرتك عايزه هعمله

سليم ، طب ياللا اومي روحي البيت خدي شاور كده وانضفي وروحي للباشا


السكرتيره هزت راسها بموافقه

سليم بزعييق ، اوميييي ياللاااا

السكرتيره خرجت بسرعه مشت

//////////

في الفيلا الكل متجمع عالغدا

سيلا ، والله يا عمتو أنا فرحانه اوي اني شفتك بجد كنت بكلمك فيس بس حضرتك في الطبيعه احلي بكتير


نرمين ، حبيبتي تسلميلي يارب والله أنا اللي هموت من الفرحه بسبب اني اتجمعت بيكم ومش مصدقه نفسي والله

فرح ، لا صدقي يا قلبي انتي معانا وهتفضلي منوره حياتنا عالطول

يوسف ، السلام عليكم ورحمه الله

وعليكم السلام ورحمه الله وبركاته


فرح ، اهو جو حبيبي وصل 


يوسف بسها من راسها ، اخبارك يا قمري


فرح ، الحمد لله يا حبيبي سلم علي عمتك اهي وبنتها نور

يوسف ، منوره يا عمتو أخيرا شفناكي بجد كنت هموت واشوفك


نرمين ، بعد الشر عليك يا حبيبي من الموت وراحت حضناه وبيساه

ايلان ، ايلا وحشتيني 


ايلا ، بأماره اني من يوم ما نقلت معبرتنيش


ايلان ، والله انتي عارفه الحمل والجامعة وسيف معدتش عارفه اجمع

سيف ، ما قولنا كده من الاول بلاش حمل


ايلان ، بردك يا سيف


سيف ، أنا اللي قولت انتي اللي قولتي معدتيش قادره


ايلان ، لا قادره يا سيف ونص كمان


الكل قعدوا يضحكوا علي لماضتهم


نرمين ، والله بنات ساره ليكوا حق متسبوهمش جمال وخفه وطعامه


ايلا ، ميرسي يا طنط قولي كمان قولي اسمع يا يوسف

يوسف ، والله علي اساس اني مبقولكيش كده


ايلا ، أمم 


فرح ، خلاص والله لتسكتوا وتاكلو بقا لتقلب خناق


سليم ، يا ستي ربنا مايجيب خناق سيبيهم يضحكوا


سليم موبايله رن

سليم ، ايوه يا رائد ابوكوا مشاركني حتي وانا بتغدي


ايلان ، سلملي عليه يا انكل


رائد ،. سليم السكرتيره اتقتلت


سليم قام مره واحده وبعد عنهم ، انت بتقول ايه


رائد ، زى ما بقولك اظاهر الباشا عرف انها اتكشفت فقتلها


سليم ، ازاي


رائد ، روحت بيتها وبعد مادخلت امها داخله تصحيها لقيتها مخنوقه بسلك في اوضه نومها


سليم ، لا حول ولا قوه الا بالله العلي العظيم ادي آخره اللعب مع الباشا والله أنا خايف علي اولادي منه أنا عايز حراسه اكتر عالفيلا يا رائد


رائد ، تمام 


سليم ، ماشي اقفل أنا رايح اكمل غدايا سلام


وراح قعد علي السفره معاهم


فرح ،. في اي يا سليم


سليم ، مفيش واحد شغال معانا في الشركه عمل حادثه ومات


فرح ، لا اله الا الله


سليم ، انتو مبتكلوش ليه


ايلا ،. أنا بصراحه قلقت اوى خفت من المكالمه أنا مش قادره امسك اعصابي


سليم ، طب ياللا ناكل ياللا بالحق يوسف مفيش خروج من هنا علي شقتك واي حد هيخرج لازم بحراسه


يوسف ، ليه في ايه يا بابا


سليم ، من غير مناقشه ولا ليه ومش ليه والكلام ليك يا عمر انت وسيلا الفيلا كبيره وتساعي من الحبايب الف


عمر ،. مش هينفع خالص انا


سليم ، مش عايز مناقشه معلش اسمعوا كلكوا كلامي وسابهم وطلع غرفته


سيلا ، معلش يا عمر اهو نغير جو


عمر ، انتي شايفه كده


سيلا ، اكيد في حاجه خطر علي حياتنا بابا مش هيعمل كده من غير سبب


/////////////

تاني يوم 


سيف ، ياللا يا ايلان خلصتي 


ايلان ، اه خلاص


سيف ، طب هشوف نور بنت عمتي نوصلها معانا 


ايلان ، اوك ماشي وانا هجهز وانزل وراك


سيف نزل تحت وبعت الشغاله تنده لنور


نور نزلت مع ايلان


نور ، صباح الخير


ايلان ، صباح النور ياللا ياقمر عشان هنوصلك معانا في طريقنا


نور ، خلاص اوك


سيف ، ياللا ورايا عالعربيه


سيف اخدهم وصلهم معاه في عربيته وصل نور الاول عشان جامعتها الاول واخد ايلان معاه عشان هي في كليه العلوم معاه


نور نزلت دخلت الجامعه


ادم لمحها ، اوبااا دي جت عن اذنكم

نور ماشيه وعماله تتفرج عالجامعه


ادم ، حلوه اوي صح


نور بصتله باستغراب


ادم ، اي مبكلمكش أنا بقول عالجامعه


نور ضحكت 


ادم ، اي ده انتي بتضحكي زينا اهو 


نور ، انت في سنه كام


ادم ، تالته بس المفروض اكون خلصت بس زى ماتقولي كده اني حبيت الجامعه ومش عايز اسيبها


نور ، لا انت مش حبيتها انت واحد فاشل


اجت بنت من ورا نور 


دومي حبيبي ياللا بقا يا بيبي تعالي فكنا من الجامعه وتعالي نروح نصتبح


نور ،. حلاوتك


ادم ، اي عايزه تصتبحي معانا


نور ، أمم بص بقا يا استاذ بتاع انت لو مبعدتش عن طريقي أنا هكبر الموضوع وهطلع للعميد واقوله


البنت ، اي ده مالك انتي في ايه انتي عارفه انتي بتكلمي مين انتي عارفه ادم ده ابن عمي


نور ، للاسف عارفه وانتي بقا بنت مين يا حلوه


البنت ،. أنا بنت حسين الشرقاوي اكبر مستورد في مصر والوطن العربي 


نور ، حلاوتكم انتم الاتنين اقطع دراعي أن ماكنتوا داخلين طب بالفلوس


ادم ، احلفي انك كنتي في امريكا انا حاسس انك جايه من بلاق


البنت ، يع فعلا يا دومي أسلوبها يع خالص


نور بصتلهم من فوق لتحت وسابتهم ودخلت المحاضره


هنا ، انتي اي اللي موقفك مع اللي اسمه ادم الهوارى ده انتي شكلك محترمه

نور ، هو ماله ادم الهوارى ده


هنا ، ده بني ادم مش محترم هو البنت اللي معاه ومعاهم تلاته تانين محدش بيحتك بيهم عشان أخلاقهم ده غير أنه المفروض يبقي اتخرج بس نقول ايه فلوس بتضيع عالفاضي


نور ، اممم مليش دعوه بيه اصلا


هنا ، مانا بقول شكلك محترم ممكن نبقي أصحاب 


نور ، اوك أنا نور الهوارى للاسف بنت عم الاستاذ 


هنا ، اوبا أنا غلط جامد


نور ، مانا قولتلك يابنتي مليش دعوه


هنا ، هههه ماشي ياللا نسكت بقا الدكتور دخل 


نور ، ماشي

/////////////

سليم راح شغله 


سليم ، رائد أنا عايز عربيتين حراسه ورا اي حد يخرج من الفيلا 


رائد ، انت خايف كده ليه يا سليم انت عمرك ماكنت خواف كده


سليم ، أنا عمرى ماخفت عشان كنت لوحدي دي الوقت العيله كلها في رقبتي


رائد ، متخافش يا سليم أن شاء الله ربنا يستر


سليم ، أنا هتنازل عن الصفقه ليه


رائد ، هيحس انك ضعفت و الأسد اول مايضعف الضباع بتنهش في لحمه


سليم ، أنا خايف علي ولادي


رائد ، لمهم حواليك يا سليم واستقوي بيهم


سليم ، ماشي يا رائد روح ياللا شغلك 


رائد ، ماشي يا صاحبي


////////////

بكره هنزل البارت الجديد

#انتقام_وعشق٢

#للكاتبه_اميره_محمود

البارت التاسع


تالت يوم في الجامعه

نور ، ساره اخبارك عامله ايه

ساره ، الحمد لله يابنتي بقولك ابن عمك مش شايل عينه من عليكي شاكله ناوي علي شر

نور ، يعمل اللي يعمله

ادم ، صباح الخير

نور ، ياللا يابنتي نمشي من هنا الدبان اتلم

ساره ، هههههههه ياللا المحاضره بدأت 

ادم ، ماشي يا نور والله لهوريكي الوش التاني استني عليه بس

ساره ، نور أنا خايفه من اللي اسمه ادم مش محترم ومبيهمهوش حد

نور ، متخافيش طول مانتي معايه متخافيش

ساره ، ياسلام ياعم الجامد 

نور ، ههههه خلاص بقا الدكتور دخل

بعد انتهاء المحاضرة 

ساره ، أنا هروح انااام أنا بجد تعبانه اوي بسبب بنجهز شقه اختي عشان فرحها

نور ، ربنا يعينك يابنتي

ساره ، هو مش المفروض انك جايه من امريكا ازاي بتكلمي مصرى حلو جدا

نور ، مامي وبابي مكنوش بيكلموني غير عربي واللهجه المصريه كمان

ساره ، أمم اوباا الحقي ده جاي و عنيه كلها شر

نور ، يابنتي متخافيش بقا أنا مستنيه دكتور سيف وايلان هيعدوا عليه ياخدوني معاهم وهما مروحين 

اكيد مش هيستجر يع اااه

ساره وقفت مصدومه وراحت بصه لادم

ادم اجا جرى ، هما مين اللي اخدوها دول

ساره ،. معرفش دي عربيه وقفت مره واحده وراحوا شادنها مدخلينها

ادم راح جرى علي عربيته وجرى وراهم لحد ما وصل المكان اللي نزلو فيه 

ادم اتصل بأبوه ، بابا نور بنت عمي اتخطفت أنا مشيت وراها وبعتلك اللوكيشن علي الواتس 


اسر ، انت بتقول ايه ومين اللي عمل كده

ادم ، معرفش اقفل يا بابا سلام


ادم جرى وراهم ومسك خشبه لقاهم بيجروا نور يدخلوها وهي عماله تعافر في ايدهم


ادم ، سبوها احسن لكم انت وهو


البودي جارد ، حلاوتك سيب يا حي*لتها اللي في ايدك دي احسنلك


البودي جارد التاني ، روح هاته اهو يبقوا ضربنا عصفورين بحجر واحد 


البودي جارد لسه بيقرب من ادم راح خبطه بالخشبه في رأسه وقع علي الارض و رأسه كلها دم


نور ،. برافو عليك يا آدم 


البودي جارد اللي مسكها راح ضربها بالقلم


نور ، اااه 


البودي جارد قام من علي الارض براحه وراح هاجم علي ادم مكتفه من ضهره و حط المسدس علي رأسه


ياللا يا حيل*تها علي جوه وراح مدخله جوه والتاني ماسك نور وراح اخدينهم مدخلينهم جوه وراحوا رابطين ايدهم ورجليهم 


البودي جارد ، ابقوا وروني هتخرجوا من هنا ازاي 


التاني ، أنا كان ممكن اقتلك بس الباشا كده هيزعل مني هو عايز يقوم بالمهمة دي هو وراح سايبهم وخارج وسك الباب عليهم


نور ، انت اي اللي جابك ورايا


ادم ، أنا مش هنكر اني كنت جايلك اخد حقي قصاد اهانتك فيا بس هما انقذوكي من تحت ايدي


نور ، ليه انت متعرفش اصلا تعمل حاجه لو كنت مدينة ايدك عليه كنت كسرتهالك اصلا


ادم ، طب متشطرتيش ليه علي اللي كانوا بيجروكي زي المعزه


نور ، بذمتك أنا أقدر علي دول ده دراعه وزن جسمي كله


ادم ، هههههه 


نور ، بس ايه اللي جابك 


ادم ، انتي بردك بنت عمي مقدرش اشوف حد بيأذيكي واسكت


نور ، يا سلام كمل يا خويا كمل تصدق هعيط


ادم ، ممكن تسكتي بقا خالص


نور ، بمزاجي اسكت أو مسكتش


ادم ، اسكتي عايز افكر نخرج من هنا ازاي


نور ، استحاله نعرف نخرج دول ربطينا ربطه سودا


ادم ، طب اسكتي بقا عشان بتوتريني


نور ، ماشي فكر يا ابو العوريف


ادم ، اوووف


نور سكتت خالص

////////////

اسر فضل يتصل بادم الموبايل اتقفل راح متصل باحمد

اسر ، احمد بنتك اتخطفت وأدم ابني كان ورا العربيه اللي خطفتها باعتلي اللوكيشن اللي هما فيه بس الظاهر أنه قفل الموبايل قبل ما يحمل 


احمد ، انت بتقول ايه ازاي ده ومين خطفها


أسر ، معرفش وابني دي الوقت اتخطف معاها


احمد افتكر كلام سليم راح قاافل مع أسر وراح اتصل بسليم

احمد ، سليم بنتي اتخطفت يا سليم 


سليم قام وقف بصدمه ، انت بتقول ايه مش المفروض هي في الجامعه وسيف هيجبها في طريقه


احمد ،. بنتي اتخطفت هي وابن عمها يا سليم انت كنت خايف من مين يا سليم مين اللي خطفها يا سليم


سليم ، طب تعالي نروح الجامعه نفتح الكاميرات نشوف رقم العربيه جايز نوصل لحاجه


احمد ، ماشي أنا رايح الجامعه حالا سلام 

ونزل جرى علي الجامعه


رائد داخل لسليم ، سليم بقولك 


سليم ، مش وقته يا رائد اي حاجه بنت اختي اتخطفت 


رائد ، انت بتقول اي


سليم ، زي ماسمعت أنا نازل رايح الجامعه جايز اوصل لاي حاجه


رائد ، طب استنا أنا هاجي معاك


سليم ، ماشي ياللا ونزلو جرى علي الجامعه


//////////////

في الجامعه 


احمد ، افتحولي الكاميرات 


العميد ، افتحوها ياللا 


الامن فتح الكاميرات وشافوا نور وهي واقفه مع ساره وراحت عربيه جيب عاليه واقفه وراحت شدها بسرعه لجوه ومفيش عليها أي ارقام وادم وهو بيجرى يسأل ساره وراح راكب عربيته وجرى وراهم


سليم ، مفيش غيره


رائد ، لازم نروح له نتفاوض معاه يا سليم


احمد ، بنتي دخلت لعبه ملناش دعوه بيها بنتي لازم ترجعلي يا سليم الليله 


سليم ، اهدي يا احمد


اسر وصل ووقف جنب احمد ، وصلت لحاجه يا احمد


رائد ، البني ادم ده ايه اللي جيبه


سليم ، مش وقته خالص يا رائد احنا في مصيبه نحاول ننسي اي حاجه حصلت زمان ونشوف هنعمل ايه


رائد ، بس هو ايه اللي جابه


اسر ، ابني ادم ابني راح وراها وشكله راح في الرجلين


رائد ، راح وراها ازاي وانت عرفت ازاي


اسر ، اوووف ابني اتصل بيا وقالي لن حد خطف نور وهو عرف المكان وبعتلي اللوكيشن بتاع المكان عالموبايل بس الموبايل اتقفل قبل ما يحمل 


رائد ، يعني الموبايل لو اتفتح اللوكيشن هيتبعت


اسر ، ايوه


احمد ، طب واحنا ايش عرفنا هما هيفتحو الموبايل واللا لا انت لازم تتصرف وتجبلي بنتي يا سليم بنتي مش هتبات بعيد عن حضني 


سليم طلع الموبايل واتصل بالباشا ، الو


الباشا ، كنت مستني المكالمه دي من الصبح


سليم ، البنت فين


الباشا ، بنت مين 


سليم ، بقولك البنت فين 


الباشا ، أنا معنديش بنات اول ما الصفقه تبقي معايه أبقا تعالي خودها


سليم ، انت مش قدي


الباشا ، وانت روحك في أيدي


سليم ، البنت لو لمست منها شعرايه أنا هقتلك


الباشا ، هههههههه ضحكتني اما نشوف وراح قافل السكه


احمد ، ها عملت ايه


سليم ، متخافش هو ميستجرش يجي جنبها 


رائد ، أنا هحضر قوه وكان ظابط صحبي وهنروح ندور عليهم في الفيلا عنده


سليم ، ماشي بسرعه يا رائد ومتقلقش يا احمد أن شاء الله هتكون في حضنك الليله


احمد ، أنا هاجي معاك يا رائد


رائد ، مينفعش روح قدم محضر اول انت والأستاذ اللي معاك أن ولادكم اتخطفوا من قدام جامعاتهم عشان اعرف اخد القوه


اسر ، ياللا بينا يا احمد نروح نعمل المحضر

///////////////

الساعه ١٢ بليل

ادم عمال يتحرك حركات غريبه و يهرش بايده في جسمه 


نور ، ادم انت بتعمل كده ليه


ادم ، اديا مربوطين مش هعرف ممكن تجيبلي الكوك من جيبي


نور ، كوك انت مدمن كوكايين يا آدم


ادم ، مش وقته بقولك ياللا هاتيه من جيبي


نور ، استحاله 


ادم وطا علي رجليها وباسها


ادم ، ابوس رجلك هاتيه والنبي جسمي بيتقطع


نور ، لا مش هجيبه أنسا 


ادم ، ياللي بره ياللي بره


البودي جارد فتح ، عايز ايه 


ادم ، معلش في حاجه في جيبي ممكن تجيبهالي 


البودى جارد ، حاجه ايه


ادم ، كوكايين هاتهولي والنبي هاتهولي همووووت


البودي جارد قرب منه وحط أيده في جيب ادم ولسه بيطلعه 


نور خبطته برجليها وفضلت تمسح برجليها الكوك في الارض عشان ميعرفش ياخده


ادم زقها و نزل بوشه عالارض وفضل يشم فيه من علي الارض


نور ، للدرجه دي يا آدم 


ادم ، ملكيش دعوه 


البودي جارد ، الكيف بيزل هههههههه


نور ، أنا ممكن ادخل الحمام


البودي جارد ، ضرورى


نور ، اه معلش ممكن تفكيني عشان ادخل الحمام


البودي جارد فكها ودخلت الحمام وفضلت تغسل في وشها عشان تفوق وخرجت


البودي جارد ، هاتي ايدك ياللا 


نور بدلع ، معلش يعني هو أنا هروح فين سيبني مفكوكه مش هروح في حته


البودي جارد ، ماشي بس بشرط


نور ، اي


البودي جارد ، تجيبي بوسه 


نور ، انت تؤمر بس اي ده ريحتك هتخنق ادخل خد شاور و هتلاقيني جاهزه مستنياك أنا جايه من امريكا بقا وانت عارف امريكا


البودي جارد ، ماشي يا عسل هاخد شاور في السريع وهجيلك


نور ، ماشي يا بيبي


ادم قاعد زغرلها ، بيبي كل ده بيبي


نور ، هشش وراحت مطلعه الموبايل من جيبها وراحت باعته اللوكيشن لابوها بسرعه 


ادم ، ده انتي مش سهله


نور ، اسكت بقا انت كمان أنا مش عارفه هعمل ايه مع الط*ور اللي هيخرج من الحمام ده 


ادم ، ده انا صدقتك ده هيعمل منك شاورما لو رفضتي 


نور بخوف ، أنا خايفه اوي


ادم ، طب فكيني وانا هضربهولك علقه 


نور ، تضرب مين ده انت لو اخدت منه قلم هتتلوح


البودي جارد خرج من الحمام 


نور ، ااااه بطني


البودي جارد ، في ايه مالك 


نور ، ااااه بطني وجعاني 


البودي جارد ، من ايه


نور ، وطي كده هقولك في ودنك 


البودي جارد وطي 


نور اتكلمت بصوت واطي 


البودي جارد بقرف ، تكك ق*رف وسابها وخرج


ادم عمال يضحك بطريقه هيستيريه من منظر البودي جارد

نور ، بتضحك علي ايه


ادم بابتسامه ، مفيش هههههههه


نور ، انت فهمت


ادم ، اه هههههه


نور ، ملقتش مفر غير كده


ادم ، لا برافو عليكي بجد


نور ، اتعلم مني يا ابني


ادم ، طب فكيني


نور ، لا 


البودي جارد دخل باكل ، خودو اطف*حوا


نور ، ميرسي ياقلبي


ادم ، طب أنا هاكل ازاي وأيدي مربوطه


البودي جارد ، كل زي الب*هايم


نور ، هههههههه


البودي جارد بصلها بغيظ وراح رايح رابطها ، وانتي كمان كلي زيه


نور ، أخص عليك يا بيبي


ادم ، هههههه احسن 


/////////////

نرمين ، الساعه بقت ١٢ وبنتي لسه مرجعتش


سليم ، اهدي يا نرمين رائد اكيد هيوصل لحل


نرمين ، حل ايه يا سليم بنتي دي جبتها بعد خمس سنين عذاب ومكنش ينفع اخلف تاني يا سليم يعني مليش غيرها يا سليم اتصرف و هاتهالي يا سليم اتصرف


احمد ، نور بعتالي رساله واتس 


كلهم راحوا عليه جرى 


احمد ، ده لوكيشن بالمكان ياسليم ياللا بينا


سليم ، مينفعش نروح لوحدنا أنا هبعت اللوكيشن لرائد وهو يجيب القوه ونروح نجيبهم عشان اكيد اللي خطفينها مسلحين


احمد ،. ماشي كلمه وبسرعه ياللا

///////////////

ادم ، ههههه منظرك مسخره وانتي بتاكلي


نور ، جعانه ومفيش حل غير كده 


ادم ، طب اي الاخبار حلو


نور ، بصراحه تحفه خالص انزل دوق


ادم ،. ده كشري وانا القاولون بيتعبني منه


نور ، لا ده تحفه كل كل


ادم ، هههه هناكل زى المعيز 


نور ، ماااء هههههههه


ادم ، هههههه ياريتني ما روحت وراكي


نور ، انت طلعت كويس من جوه يا آدم انت اللي مبوظك الشله الز*فت اللي ماشي معاهم 


ادم ، بس دول اصحابي ومسمحش لحد يهينهم


نور ، اصحابك اللي يخلوك تشرب مخدرات يبقوا مش بيحبوك 

ادم ، ممكن متتكلميش معايا في الموضوع ده


نور ، زى ما اجيت ورايا عشان تنقذني من اللي انا فيه انا وراك لحد ماتبطل المخدرات


ادم ،، لا ورايا ولا قدامي لو خرجنا من هنا عايشين مش عايز اشوفك واللا اسمع صوتك


نور ، لا هتشوفني وهتسمع صوتي وانا وراك وراك يا آدم لحد ما تتعدل

وفجأه سمعوا ضرب نار


ادم ، مش بقولك لو خرجنا عايشيين ادينا هنموت خلاص ارتحتي


نور بخوف ، لا اله الا الله استغفر الله العظيم و اتوب اليه لا حول ولاقوه الا بالله العلي العظيم استغفر الله العظيم و اتوب اليك


ادم ، في ايه مالك


نور ، قول معايه عشان تهدي ولو متنا تبقي اخر حاجه علي لسانه 


ادم بصلها بابتسامه وقعد يردد وراها

#انتقام_وعشق٢

#للكاتبه_اميره_محمود

البارت العاشر 

                الفصل الحادي عشر من هنا 

لمتابعة باقي الرواية زوروا قناتنا على التليجرام من هنا

تعليقات