#احببتها_بنقابها_اكثر
البارت العشرون
"قف فى وجه الايام وابتهج وعش حياتك كأنك منفرد ، لا تنتظر الشمس تشرق للنهوض اجعل أملك هو شمس تحثك على النهوض
ارسم بسمة على شفاهك واحتضن هم الليالي بالسرور "
بسم الله الرحمن الرحيم
اللهم صل وسلم على سيدنا محمد
كانت رحمة تجلس مع اصدقائها
فخرج عبدالرحمن لكى يكونوا على راحتهم
فجاء له اتصال من مصطفى
مصطفى: السلام عليكم ورحمة الله وبركاته
اخبارك ايه يا عبدالرحمن
عبدالرحمن: وعليكم السلام ورحمة الله وبركاته
الحمدلله بخير يا درش
مصطفى: ادام الله حمدك ونبض قلبك يا رفيقي
الى الجنة
ورحمة اخبارها اى
عبدالرحمن: توتر عبدالرحمن
رحمة كويسه الحمدلله
مصطفى: رحمة فيها اى يا عبدالرحمن متكذبش عليا
فجأة جاءت اسماء
وبصوت عالى إلحق يا عبدالرحمن رحمة بسرعة
مصطفى : فى اى يا عبدالرحمن رد عليا
وفجأة جاءت سيارة سريعة أطاحت به على الطريق أصبحت الرؤية تتلاشي رويدا رويدا حتى غمى عليه
فى المستشفى
كانت رحمة تشعر بألم بسيط ولكن فجأة أصبحت تصرخ والألم يشتد
حتى جاءوا بالطبيب
وعلم أنه يوجد تضخم فى الكبد والطحال
ويجب الإسراع فى إجراء العملية
وأصبح التنفس ضعيف
ويجب الحصول على أنبوبة اكسجين لأن المشفي غير قادرة على سد حاجة المرضي لأنابيب الأكسجين
سبحان الله وبحمده سبحان الله العظيم
فى الكويت تم نقل مصطفى إلى المستشفى
وحالتة خطرة
علم محمود بذلك
مازال مصطفى فى غرفة الكشف منذ ساعات ولا احد يطمئنة
بعد قليل خرج الطبيب
محمود : كيف حال مصطفى يا دكتور
الطبيب: الحمدلله قدرنا نوجف النزيف ولكن لما يفوج بنعرف يلي صار بعد اذنك
محمود: اذن يا دكتور هو بخير ولا ايش
الطبيب : لما يفوج يا ابنى بنعرف
يلا بالسلامة إن شاء الله
بعد اسبوع
فى منزل مصطفى
الام : بت يا سلمى تعالى رنى على اخوكى كده
سلمى : غريبة يعنى يا ماما أنه متصلش بقاله اسبوع
الام : انت هتقلقيني ليه يا بنتى
سلمى : هاتى أما رن عليه
اتصلت وجدته مغلق
سلمى : الفون مغلق يا ماما
الام : طب استنى دورى كده على رقم محمود صاحبة هو على طول معاه
سلمى : طب خدى انت كلميه
الام : خلصي بقي يا زفتة رنى هو هياكلك
رنت مرة واتنين لم يرد
ولكن رد فى الثالثة
سلمى: السلام عليكم ورحمة الله وبركاته
دا رقم بشمهندس محمود
محمود: وعليكم السلام ورحمة الله وبركاته
أيوة مين
سلمى : انا سلمى اخت مصطفى ممكن لو هو معاك تخليه يرد على تليفونة
محمود: انا اسف يا انسه سلمى بس مصطفى عمل حادثة بقاله اسبوع ولسه فى غيبوبة الله اعلم هيفوق امتى
صدمت سلمى كثيرا فهو أخيها وأبيها وحبيبها الاول وأغمى عليها
فى بيت رحمة
هناء : بالله يا عمى اروح اشوف بنتى
عبدالعزيز: البنت كويسه يا هناء بس الدكتور مانع اى حد يدخلها اى لذمة انك تروحى بقي
ناهد : ما تقعدى يا اختى مين هيخلي باله من جوزك العاجز ده
قالولك البت كويسه
هناء: بصي يا ناهد انا بسكت ليكى على طول كلمة كمان ومش هتعرفى انا هعمل اى يلا يا حبيبتي شوفى انت رايحة فين
عبدالعزيز: ناهد لمى نفسك انا لسه عايش وبتتكلمى كده عن ابنى يلا اطلعى على شقتك ومشفش وشك هنا تانى
فى المستشفى
حالة رحمة تسوء يوم بعد يوم
وأصبح لديها نزيف وفصيلتها غير متوفرة
اصبحت لا تتحرك من السرير ولا تتحدث عايشة على المحلول فقط
تذكرت اسماء دفتر مذكرات رحمة
عندما اعطتة لها منذ أكثر من شهر
فلاش باااااااك
رحمة : بصي يا سمسم الدفتر دا امانه معاكى
اسماء: مش دا دفتر مذكراتك انت هعمل بيه اى
رحمة : خليه معاكى لو انا جرالى حاجه افتحيه
وشوفى انا كتبت اى فيه
انا عملت فاصل فى الدفتر من اول الفاصل دا هتلاقى وصيتي
اسماء: بعد الشر عنك يا روحى
إن شاء الله هتكونى بخير
باااااااااك
اسماء : انا الدفتر معايا
أما اشوف كاتبه اى
فتحت من اول الفاصل
عزيزتي اسماء ورفيقة الدرب اعلم أنه قد حدث ليه شئ فكنت دائما أشعر بسوء حالتى وأعلم أن الأطباء يكذبون ويقولون أننى فى تحسن
وصيتى ليكي انك تواصلي المسيرة بتاعتنا متفوتيش وقت من غير ما تنصحى غيرك
فى الصفحة التانية هتلاقى أول حاجه تنشريها وتتكلمى عنها بصوتك كمان وفى الجامعه وفى كل مكان
وكل يوم اقرأى
قرأت اسماء ونشرت ما كتبتة رفيقة دربها على الجروب الخاص بهم
_مش هنسيب فرض💜_
"خليكي عارفة قبل أي حاجة انك لو فضلتي تقولي انا عارفة نفسي هتأثر شوية وهرجع زي ما كنت فانتي هتبقي كدة فعلا لان الموضوع كله بإيدك انتي فخليكي قوية وابدأي من جديد"
يلا بينا نصلي على النبي الأول
بصي يا غالية انا هتكلم فى الموضوع ده عن نقطتين مهمين جدا وكل نقطة فيهم شاملة حاجات كتير
أولا هتكلم عن انك ليه بتسيبي فرض
ثانيا عن انك لو حواليكي حد مبيصليش تتصرفي معاه ازاي
"أولا" 1/تعالي بقى نفكر سوا كدة احنا كبنات بنعمل ايه فى حياتنا "بنروق الشقة ونفضل نكنس ونمسح ونغسل مواعين،بنطبخ وبنقف بالساعتين قدام البوتجاز،بنقعد بالساعات على الفون وايدينا تفضل تكتب،بنزور قرايبنا،بنسافر،بنمشي كتير..الخ"
احنا بنعمل كل ده وبنعمل اكتر منه بس مبنقدرش نركع ونسجد
أيوة والله أصل هي ايه الحركات اللي فى الصلاة غير الركوع والسجود ده لو هنتكلم على انهم متعبين أصلا!!
كل اللي بتعمليه انك بتفضلي واقفة شوية وبعدين تركعي وبعدها بشوية تسجدي
طب هل الحركات دي أصعب من اللي بتعمليه فى حياتك؟!
هتردي عليا وتقوليلي لأ طبعا
ودي كدة أول حاجة انك بتعترفي ان الصلاة مش متعبة نهائي بجانب اللي بتعمليه فى حياتك
2/لما بتبقي فاتحة الواتس أو الفيس..الخ
وتشوفي فجأة بوست عن الصلاة أو تلاقي فجأة فيديو عن سوء الخاتمة أو تبقي قاعدة فى أمان الله تلاقي فجأة حد جنبك بيتكلم عن ان حياته اتغيرت جدا لما قرب من ربنا
عارفة كل ده ايه؟!!
دي اشارات من ربنا ليكي..بعتلك اشارة واتنين وعشرة وانتي كل اللي بتعمليه انك يا اما بتعملي نفسك مش شايفة حاجة ومبتتأثريش نهائي ومبتاخديش الكلام عليكي..
يا اما بتتأثري شوية وبعد كدة ولا كإنك شوفتي حاجة..
يا اما تقربي من ربنا وتبدأي تصلي وفجأة تبعدي
طب كل ده سببه ايه؟!!
سببه انتي ومفيش حد غيرك هو السبب فى اللي انتي فيه
احنا كل حاجة بنعملها بنقول ده الشيطان هو السبب
بس انا عاوزاكي تعرفي كويس جدا انك تقدري بكل بساطة تحرقي الشيطان وتتغلبي عليه
أولا انتي مجرد ما بتذكري الله شيطانك بيختفي ومعنى انه موجود معاكي يبقى انتي مش معودة لسانك ع ذكر الله ولا بتحصني نفسك
ثانيا انتي لو فعلا فاهمة كويس جدا يعني ايه صلاتي فرض عليا..والله العظيم وبحلفلك بالله انك عمرك ما هتسيبي فرض
صلاتي فرض عليا يعني انا لو سبتها هبقى أصلا مش عايشة
أيوة والله زي ما بكلمك كدة
مفيش حد مبيصليش وبيبقى فرحان
مفيش حد مبيصليش وبيحس ببركة فى حياته
مفيش حد مبيصليش وبيحس انه عايش أصلا
عارفة يعني ايه انك تحرمي نفسك من انك تسجدي لله
يعني انتي حرمتي نفسك من الدنيا ومن الاخرة
حرمتي نفسك من ان ربنا يباركلك فى وقتك وفى فرحتك وفى حبايبك وفى كل حاجة تخصك
حرمتي نفسك من انك تدخلي الفردوس من غير أي حساب ولا عذاب
حرمتي نفسك ان رسولك حبيبك صلى الله عليه وسلم يفتخر بيكي ويقول دي من أُمتي
ده كله كوم والعذاب اللي هتشوفيه فى الاخرة كوم تاني خالص
عارفة يعني ايه تبقي مع فرعون والكفار ف النار
يعني بنت جميلة بتآمن بالله وبسيدنا محمد صلى الله عليه وسلم ودايما بتلجأ لربنا فى كل وقت لكن للأسف مبتصليش فهتتساوى بالكافر وهتبقى معاه فى النار
طيب ليه اعمل ف نفسي كدة؟!
ليه بدل اما اخلي ربنا يبصلي نظرة رضا وابقى من اللي هيقولهم "إِنَّ الْمُتَّقِينَ فِي جَنَّاتٍ وَعُيُونٍ * ادْخُلُوهَا بِسَلَامٍ آمِنِين"َ .. ابقى من اللي هيبقى غضبان عليهم وادخل النار واتعذب فيها وانا الحمدلله مسلمة!!
اسفة لو كلامي وجعك بس لازم اعرفك الحاجات دي علشان تفوفي ومترجعيش للي كنتي فيه تاني أبدا..بس تعالي يلا اقولك تعملي ايه علشان بإذن الله متسيبيش فرض
1/اياكي ثم اياكي ثم اياكي تتعودي على حد انه يشجعك على الصلاة لان ببساطة أول اما الحد ده هيختفي من حياتك ايه اللي هيحصل؟!
هتبدأي المرة الاولى انك تكسلي وتقومي تصلي بالعافية
المرة التانية هتأخري الصلاة
المرة التالتة هتبعدي خالص
فانتي هتعملي ايه!!
هتقوي نفسك بنفسك..
صاحبتي بتشجعني على عيني وعلى راسي وهدعيلها دايما فى صلاتي لكن مقومش اصلي علشان هي بتقولي قومي صلي..
لأ انا هصلي علشان انا اللي عاوزة اقوم اصلي واكلم ربنا
2/اسألي نفسك سؤال وخليكي صريحة جدا مع نفسك "انا عاوزة اصلي ليه؟!"
لو إجابتك هتكون علشان الصلاة فرض وهقوم اعمل كام حركة واكمل اللي كنت بعمله فانتي هتسيبي الصلاة ومش هتواظبي عليها وعمرك ما هتحسي بحلاوتها
لكن لو إجابتك انك عاوزة تصلي علشان صلاتك هي حياتك فعلا وانك مشتاقة فى كل صلاة تتكلمي مع ربنا وانتي ساجدة وتحكيله على اللي مزعلك واللي مفرحك وتقوليله ىف كل سجدة بحبك يارب وهي طالعة من قلبك فعلا فمبروك عليكي انك بإذن الله مستحيل تسيبي فرض
عارفة انتي لما يكون قدامك أكلة انتي بتعشقيها وكلتيها بسرعة جدا..ايه اللي هيحصل
بطنك هتوجعك ومش هتحسي بحلاوة طعمها وهتندمي انك كلتيها بالمنظر ده
الصلاة نفس النظام..
أكيد انتي جربتي فى مرة تصلي بسرعى وجربتي فى مرة تانية تصلي بخشوع ولو مجربتيش فلازم تجربي لحد الختام
لما بتصلي بسرعة مش هتحسي بأي حاجة..ولا الهوا
أيوة والله بجد مش هتحسي بأي حاجة..زي ما بدأتي الصلاة زي ما خلصتيها بالظبط
يعني واحدة واقفة عينيها أصلا تايهة ومش مركزة هي باصة فين ولسانها حافظ مش فاهم وعمال يتكلم وخلاص..وعقلها بيفكر فى مليون موضوع..
هتبقى النتيجة ايه؟!!
انك هتخلصي صلاة وتقعدي على سريرك وتقولي ايه ده هو انا صليت؟!!
طب تخيلي معايا كدة بقى 💜
انك واقفة على السجادة ومقتنعة ان خلاص ربنا واقف قدامك وهتتكلمي معاه وهيرد عليكي فى سورة الفاتحة وهتركعيله وتسجديله ماهو ربنا حبيبي ومبسجدش غير له وبس..
وانك عمالة تتكلمي معاه فى السجود وتقوليله يارب انا النهاردة زعلت جدا من الموقف اللي حصل لي ده..يارب انا عارفة انك هتعوضني علشان انا صبرت وتفضلي تتكلمي وتدعي وربنا فرحان بيكي وبخشوعك وانك مبتلجأيش لحد غيره
ساعتها هتخلصي صلاة وهتحسي ان في حجر كبير كان على قلبك وحد شاله وفتفته حتت كدة
فانا اللي طالباه منك انك تحبيظ صلاتك..حبيها لانها بتكملك وعمرها أبدا ما هتضرك ولا هتقلل منك والله
بالعكس دي هتزودك نور وايمان وربنا هيحبك اكتر كل اما تقربي منه اكتر
فاوعي تسيبي فرض وتخلي الدنيا تلهيكي لانها فانية
والله فانية وكل الناس اللي حواليكي حتى أهلك مش هينفعوكي
ولو جتلك فترة فتور وحسيتي ان الصلاة تقيلة عليكي مع اني والله بحلفلك انك لو مشيتي دايما على النظام ده والخشوع الجميل ده فانتي هتبقي مشتاقة ليها دايما..
لكن لو بعد الشر حسيتي بفتور ابدأي قللي شوية فى العبادات التانية..يعني مثلا لو بتصلي اربع ركعات قيام صلي اتنين بس..لو بتقرأي خمس صفح قرآن اقرأي اتنين بس لكن اياكي تيجي ناحية الخمس فروض..
لانهم فرض يا غالية واحنا عرفنا بقى يعني ايه فرض..وبعد كدة اما الفتور ده يختفي نبدأ بقى نزود فى العبادات تاني..واوعي تحرمي نفسك ان القرآن يكون شغال دايما فى ودنك..شغلي القرآن بصوت شيخ بتحسي بخشوع فى صوته وافضلي ركزي فى الآيات وقبل اما تنامي متنسيش تنفخي فى ايدك وتقرأي فيها الاخلاص والفلق والناس وتمسحي بايدك ع راسك و وشك وجسمك وتعملي كدة 3 مرات يعني تقرأي مرة وامسحي وتقرأي مرة وتمسحي وهكذا ..
ودي سُنة عن الرسول صل الله عليه وسلم وكان بيحصن بيهم نفسه..
وصدقيني ده كله هيفرق جدا معاكي..واعتبري نفسك بادئة من جديد وانسي خالص كل المحاولات اللي فشلتي فيها قبل كدة واعتبريه تحدي ولازم تنجحي فيه
بالنسبة بقى لو حد حواليكي مش بيصلي تتصرفي معاه ازاي؟!
"هتكلم عن زوجك مثلا"
بصي يا غالية أولا ابعدي تماما عن جملة "قوم صلي"
"خليكي عارفة كويس جدا ان الانسان أيا كان عمره حتى لو طفل صغير..فهو مبيحبش حد يأمره بحاجة ولا حد يخليه يعمل حاجة هو مش عاوز يعملها أو مش متعود عليها"
ثانيا خليكي ناصحة ومتنصحيهوش بوجه مباشر وبالذات لو هو شخصية عنيدة
"يعني مثلا متقوليش انت مبتصليش ولازم تصلي علشان ربنا يباركلك وكدة حتى لو كان اسلوبك جميل فهو ممكن يتأثر شوية ويبعد تاني..لكن اعملي معاه الاتي.."
1/افضلي اتكلمي عن الحاجات اللي بتحسي بيها بعد اما تخلصي صلاة ولو بتحلمي أحلام حلوة احكيهاله
2/احكيله انتي كنتي عاملة ازاي وانتي مبتصليش وبقيتي عاملة ازاي لما انتظمتي فى الصلاة وقد ايه حاسة ببركة ربنا محاوطاكي فى كل وقت
3/لو قاعدين مع بعض مثلا بعد الساعة 12 قوليله انا هقوم اصلي القيام علشان حبيبي بينزل لنا الدنيا فى الوقت ده وهقوم اتكلم معاه..ايه رأيك تيجي تصلي بيا إمام
وحاجات بقى زي كدة كتير وعلى فكرة انا مجربة كل ده كويس جدا ونجح الحمدلله بس طبعا مش من أول مرة وطبعا مش مع زوجي لاني مش متجوزة
وصدقيني هو من نفسه بإذن الله هيجي يصلي معاكي..أهم حاجة متزهقيش من أول مرة وتستسلمي..وطبعا متنسيش تدعيله كتير فى الصلاة ان ربنا يقربه منه دايما
آخر حاجة هقولهالك ان اللي بيعوز حاجة بيعملها وان والله ما حد هينفعك لا أهلك ولا شيطانك ولا شر نفسك..كله هيقول مليش دعوة..صدقيني قوي نفسك بنفسك لان هي اللي هتنفعك.. وخليكي متحاوطة بأصحاب صالحة وتتكلموا مع بعض عن القرب من الله مش أصحاب بيشغلوا أغاني جنبك ويفضلوا يبعدوكي من غير ما تحسي
أتمنى من قلبي ان الكلام ده يفضل مأثر فيكي لحد اما نمشي كلنا من الدنيا ونتجمع بإذن الله فى الفردوس يارب
ربنا يحبكم يا متفائلات ويقربكم منه دايما يارب💜
المتفائلة بالفردوس💜
انتهت اسماء من الكتابة
ودعت لصديقتها كثيرا
فى الكويت بداخل المستشفي استيقظ مصطفى
خرجت الممرضة لنداء الطبيب
محمود : الحمدلله على سلامتك يا صاحبي عامل اى
مصطفى : الحمدلله بس انا مش ............
استغفر الله العظيم رب العرش العظيم و اتوب اليه
لا اله الا انت سبحانك اني كنت من الظالمين
يا ترى ماذا حدث 😳
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
