Ads by Google X

القائمة الرئيسية

الصفحات

رواية مصيري مع حب الانترنت الفصل الحادي عشر



#مصيري_مع_حب_الانترنت 🌐❤

#البارت الحادي عشر 

بقلم ❤🖋

#Ashrakat_Abdelhak ❤🖋🧚‍♀️

       ـــــــــــــــــــــــــــــــــــــــــــــــــــــــــــ

نوره بنفس الضحكة : س س سلام يا استاذ اياد 

طق طق 

اياد : ادخل 

زايد بحماس : صباح الفل اخبارك يابوب عملت ايه مع مدام نوره امبارح 

اياد بتذكير وصدمه كبير : يلهووووي صباحك زي وشك ابقا قبلني لو وافقت او حددت معاد

زايد : ليه في ايه ايه الي حصل 

اياد : نمت وانا بكلمها 

زايد بتلقائي : طيب ياسيدي ما تقول كده من الاول....(ثم تحولت لدرامه مضحكه) ايه يلهوي هتوحشيني ياليان هتوحشيني ياحبيبتي 

اياد بروقان: اطلع بس اعملنا فطور حلو كده عشان انا مش قادر اعمل النهارده وانا هتصرف وبعدين يا حج النوم سلطان انا صاحي امبارح الساعه 7 وروحت القاهره بموتسيكل عارف يعني ايه اروح من الشرقيه للقاهره بموتسيكل الساعه 7 الصبح في الشتاء وانا مطبق قبليها بيوم 

زايد بمصلحجيه: بص يا بوب لو صلحت المشكله هعملك احلى كوباية قهوة لو مصلحتهش( وبحسره كوميديه ) ها ها حطلك ملح في القهوة وسكر في السندوتشات اشطا اشطا 

راما عليه مخده ربعية ثلاثية الأبعاد 

زايد : أحلى فطر هيبقا عندك دلوقتي يا أحلى بابايا في الشرقية 

اياد : ما كان من الاول 

زايد طلع وهوا بيبرطم وبيحسبنا (بيحسبنا يعني عمال يقول حسبي الله ونعم الوكيل او حسبي الله بس هوا قصده هزار يعني 😂❤) 

اياد : بتقول حاجه يا ولا 

زايد : ها بدعيلك ياقلبي بدعيلك 

اياد : حبيبي تسلم بس كذاوب اوووي 

زايد طلع واياد عمال يفكر يعمل ايه وياترى قالها ايه آخر حاجه فاكره انها كانت بتشكروا بس ايه الي حصل بعديها فقد الذكره وبعدين 

اياد بصوت عالي: أوبأ افتكرت افتكرت

زايد من تحت : افتكرت ايه يامعلم 

اياد : زايد التسجيل الصوتي بتاع المكالمة عندي بيفتح اول ما المكالمة بتبدأ واكيد سجل وهعرف انا قولت ايه منه وحاول اصلحه 

زايد من تحت ايضاً: بجد طيب حاول تعرف وصلح الموضوع بالله عليك هتنفخ 

اياد بدأ يفتح التسجيل الصوتي ومبتسم وبعد ما جه للاخر ابتسم اكتر تلقائي من أجل انه واضح خوفها عليه ثم اتصل على نوره سريعاً التي كانت جالسه جمب ليان وردت

نوره : الو سلام عليكم 

اياد : وعليكم السلام ورحمة الله وبركاته استاذه نوره انا اياد 

نوره : عارفه يا استاذ اياد  

اياد : اولا اسف اني نمت امبارح منك بس والله كنت جاي من الشغل تعبان ثانيا بتصل عشان نحدد معاد نتفاق فيه 

نوره : تمام بص يا استاذ اياد حضرتك شوف اليوم الي تبقا في فاضي ويكون في الميعاد واحنا الاول نتفاق انا وانت واخويا الكبير وبعدين نحدد كل حاجه وبعدين نقول للعيله عشان الموضوع ميتقرش فيه من أوله مش ناقصه

اياد : تمام على يوم الاتنين الجاي اي رايك( عندهم هيبقا بعد بكره)

نوره : ماشي حضرتك بتجي من الشغل امتى 

اياد : 5 مس

نوره : 5 مس؟ 

اياد وهوا وضع يده على شعره بتفكير 

اياد : في مشكله لو حابها وقت تاني عادي 

نوره ببرطمها : لاء تمام مفيش مشكله ما اخويا هيبقى موجود 

اياد بابلاه : ها 

نوره : لاء مفيش يا أستاذ اياد... انا ماتره اقفل عشان اروح الشغل .... سلام عليكم 

اياد : وانا كمان والله تجي بالسلامه يااا رب وعليكم السلام ورحمة الله وبركاته 

نوره : الله يسلمك سلام 

وفصلوا ونوره لبست دريس فضفض لونه رصاصي مع خمار لونه كشميري وكوتش أبيض 

ونزلت تحت قدام السفرة

ليان صفرررررت

ليان : هوا انتي امي ولا انا الي أمك يوليه

نوره : وليه في عينك ياجزمه في حد يقول لا امه يوليه 

ليان : مش انا قولت؟! 

نوره : اه؟ 

ليان : يبقا فيه 

نوره : غوووري يابت ولا اقولك اقعدي اطفحي 

ليان بترطم 

نوره : متربطميش ياجزمه 

ليان : يووووه هطفح وانا ساكته 

نوره : شاطره ياختي ..وبجديه. علفكره اياد كلمني وقالي بعد بكره الساعه 5 بعد المغرب هنتقابل في كافيه انا وهوا وخالك وانتي وزايد يعني عشان نحدد كل حاجه 

ليان بصريخ والاكل في فمها اقصد كأن في فمها

ليان : اعععععععععع احلفي 

نوره : يعععععععععععع ايه القرف ده ياليان 

ليان : اعععععع الاكل يعععععععععععع 

نوره ركضت على الحمام واستفرغت وليان واقفه خارح بتضحك ولم تفتكر تصرخ ثاني نوره طلعت من الحمام وراتها بتصرخ قالت لها

نوره : لياااااااااان غوووووري من وشي يامقرفه 

ليان : اني اسف 

نوره : امشي يابت ولا اقولك انا إلي غيره على شغل سلام 

ليان : سلاموز 

نوره : سلاموز ياختي 

وذاهبت نوره وليان هتموت وتتحدث مع زايد ولكن نوره كانت مانعه لغاية ما يتخطبوا لانه حرام التحدث معه وجاء الليل ونوره اتات اللمنزل الساعه 6 مس دخلت وندهات على ليان 

نوره : لياااان فينك 

ليان : انا اهو ياماما في المطبخ بسخن الاكل 

نوره رامت الشنطة ودلفت للمطبخ وهيا بتعمل سلطة ليان قالت لها 

ليان : ماما ممكن اسالك سؤال سفيف 

نوره : قولي 

ليان : هوا انتي متعرفيش زايد مكلمنيش ليه 

نوره : اه ما انا الي قولتله ميكلميش الا بعد الخطوبه عشان حرام 

ليان : طب اعيط ولا أفرح انه كده ربنا هيباركلنا في الجوازة 

نوره : لاء افرحي وهاتي الاكل ويلا ناكل 

ليان : جااااااي اهووو 

وطلعوا الاكل وقدوا ليله سعيده وناموا وفي صبح يوم جديد نوره ايقظت ليان الساعه 12 الضهر بتتسحب وتدلف غرفة ليان وابتسامتها قدام 3 متر وفجاءه 

ليان : اععععععععععععععععععع يححححححححح اووووووووووووو ايييييييييييي ه يلهووووووووووووووي يخربيتك يانووووره يابنت نوجه قدر ياكريم يححححححح اعععععععععععععع 

نوره بضحك هستيريا : هموووووت يلهوي على اساسا انها اول مره ياختااااي 

ليان بغضب طفولي : يوليه حرام عليكي اتقي الله انا بنتك انتي لاقينا قدام باب مسجد 

نوره : لأ بصراحه 

ليان : اهو شوفتي 

نوره : لاقيكي قدام باب المستشفى 

ليان : يلهووووي الطم من الوليه دي ياربي انا الغلطانة المفروض بما اني عارفه انو النهارده وبكره وبعده اجازه ليكي كنت امنت نفسي وقفلت الباب بالقفل في حد يرش جردل/دلو فيه امياه متلجه على بنته وكمان الدنيا مغيمه "ونظرت لساعه وجدتها 12 الضهر" ده 12 الضهر يااااا ربي ولا 4 العصر في حد يعمل كده ياماما

نوره بضحك : ما أنتي كنتي متغطيه والمياه موصلتش اوووي  

ليان : ربناا يهديكي يانوره ربنا يهديكي اتفضلي اطلعي برا 

نوره : مين دي اللي تطلع برا يابت انتي نسيتي انا هنا إلي أمك ياحيوانه 

ليان بصوت منخفض ولكن نوره سمعته : ربنا على مفتري ياشيخه 

نوره : سمعتك على فكرة عمتا روحي غيري مش عيب لم تبقي شحطه كده وعندك 18 سنه وتعملي بيبي على روحك "وخرجت تركض " 

ليان بصدمه كبيره : يااااا ربي مين ألي أم مين

نوره من تحت : انا طبعا خدي دوش ونزلي بقاا بطلي رغي 

ليان خدت شور وبدلت هدومها ببجامه بيتي على شكل ارنب لونه رصاصي مع ابيض وبطربوش/زعبوط اخر الطربوش ودان الارنب 😂 ودلفت لطابق الثاني حضرت الفطار مع والدتها وجلسوا يتشورو جالسين امام بعض جنب الكرسي الرئيسي بتاع السفره واحده على اليسرى والثانيه على يميني والاثنين لبسين بجامات بطربوش ونوره لبسها بجامه بيتي حمراء بلون الفروله عليها شكل فراوله وبطربوش أحمر انتهو من الطعام 


نوره وهيا مازلت على السفرة : ايه رأيك نعمل تسالي ونتفرج على تلخيص محمد طاهر لا أي مسلسل رعب او نتفرج على اي قصص رعب  

ليان بحماس : اني اوفق وبشده 

نوره : خلاص انا هعمل التسئلي وانتي روحي هاتي البطاطين وافرشي بطنيه تحتينا والباقي هنتغط بيه واطفي النور واختاري التلخيص الي انتي عاوزه وعاملين قهوة وانا هتصل على السوبر ماركت يبعتولنا شوية مقبالات وتسالي 

ليان : تمام جامد جموده 

تمام : ياختي يلا بينا 

وجهازوا كل شيء وجلسوا في الظلام وشغلوا ال Dvd على محمد طاهر واتغطوا وظلوا يتفرجون وطلبوا الغداء من الخارج ايضاً واتغدوا وناموا وهما جالسين على الساعه 5 المغرب نامزا وعلى الساعه 7 

يالي كنتي في بالي انا دايما بدعي ليكي ياللي كنتي في خيالي انتي نصيبي مكتوب بسأل ربي في صلاتي انو يعطرني فيكي 

نوره بنعس ونوم وبتثوب : مين الي بيتصل ده يااا ربي ... الو سلام عليكم مين 

اياد بستغرب من صوتها : انا اياد يانوره 

نوره : الو ايوه يا اياد انا مسجلك بس لسه نايمه 

اياد : لسه نايمه ازاي دي الساعه 7 بليل 

نوره : بص والله العظيم انا نعسانه وهموت وانام والقصه طويله ف ابقا احكيلك بعدين... اه إن شآء الله على ميعادنا بكره 

اياد : انتي ازاي عرفتي اني بتصل عشان كده 

نوره بنعس وطفوليه : احساس يابوب 

اياد ببرطمها: بوب؟! أنت عديتهم ولا ايه يا زايد الله يعمر بيتك 

نوره بلا وعي وطفوليه : ولا عادنا ولا حاجه يا اياد بس بنتي هنا زي ابنك المهم انا هموووت وانام عاوزه أنام يا اياد تصبح على خير وجنه يا يويو 

اياد بستغرب وهيامه وبلا وعي : وانتي من أهل الخير والجنه ياملاكي 

ملاحظتش لانها نعسانه مكانها اتخيلت انه اياد الي تعرفه وبيتحدث إليها لدرجة انها نست كل ال 18 سنه الي مرت ورجعت لنقطة ما كانت بتحدث معاه

نوره : سلام يا اياد 

اياد وهوا ليس في وعيه انها ليه مستغربتش الاسم 

اياد : سلاموز ياختي 

ومرت الليله ومن حظ نوره انه اياد اتصل عليها اول مرجع من الشغل وانام علطول من غير تفكير و

بقلم 🖋

#Ashrakat_Abdelhak ❤🖋 

                الفصل الثاني عشر من هنا 

لمتابعة باقي الرواية زوروا قناتنا على التليجرام من هنا

تعليقات