عدي يومين وبقينا نتكلم أنا وكمال كل يوم وبقي يتصل عليا على طول ويتطمن عليا ودلوقتي معتش الا يوم بكره هرجع المعسكر كمال قالي اي رأيك نخرج سوا عشان أنا عندي سفر بكره وهستأذن من مامتك وماما وافقت لبست فستان ابيض مشجر ورد موف والجذمه موف ونزلت لقيتو مستنيني قدام باب البيت بعربيته وكان لابس طقم ابيض
كمال :اي ده لبستي ابيض زيي
أنا : لأ والله دي صدفه
كمال:صدفه جميله اوي الفستان عليكي جميل بس مش قصير شويه ؟
أنا : لا ده طويل ده تحت الركبه
كمال :لا معلش متلبسيش كده الا وانتي خارجه معايا بس
أنا ا:اشمعني ؟؟
كمال وهو متعصب :هو إلي اشمعنا أنا قولت مايتلبسش وخلاص
أنا : والله يعني انت بتفرض رأيك عليا وخلاص
كمال :هو أنا عشان خايف عليكي يبقي بفرض رأيي
أنا :ايوه اسلوبك انك عايز تتحكم فيا وخلاص
كمال :لا أنا بخاف عليكي مش عايز حد يبوص عليكي يا سلمي
انا سكت وقولتلو : حاضر
بس من جوايا عرفت انو غيران عليا بس مكابر يقول بس سكتتت وفرحت انو غيران
كمال :عنيده اويي بجد سكوتك ده وراه شخصيه صعبه
أنا :لا والله بس أنا لازم اقتنع الاول
كمال :ماشي يلا اركبي العربيه
ركبنا العربيه وروحنا مطعم حلو اويي وقعدنا على التربيزه ونزلنا الاكل بس واحنا قاعدين مع بعض دخلت واحده لابسه فستان قصير اويي وعريان اي ده كأنها مش لابسه حاجه وراحت جايه مسلمه عليه وقعدت تحضنه وتبوسه وعامل اي أنا اتعصبت جداا اي إلي بتسلم عليه دي وواحده عليه اوي كده لدرجه انها تحضنو
كمال :ازيك يا ريم عامله ايه
ريم :ازيك يا كمال اي الحلاوه دي بقيت قمر
كمال :ربنا يخليكي عيونك إلي حلوين
ريم :وحشتني اوي لي مش بتيجيلنا زي الاول
كمال :مشاغل والله والمعسكر اكيد باباكي قيلك يعني
ريم :ايوه بابي قالي بجد انتو بتتعبو اويي
بس حسيت ان كمال كان خايف لحسن ازعل واتضايق وأنا فعلا كنت متضايقه والبنت دي مكنتش طيقاني لدرجه انها مسلمتش عليا ولاحتي بصتلي كأني مش موجوده بس مش ده الي ضايقني أنا اتضايقت لما لاقيتها بتقرب منه كده وبعدها قالتلو ابقي تعالي البيت أنا عزماك على الغدا
كمال : أن شاء الله
ورجع قعد بصلي اويي بيشوف رد فعلي اي
أنا :قموره ما شاء الله قريبتك
كمال: لأ دي ريم تبقي بنت سياده اللواء محمد السعيد مربيني وكنت أنا وهي أصحاب وأحنا صغيرين بس هي في كليه اعلام
أنا :اهههه شكلها واخده عليك اوييي
كمال :لا هي متحرره شويه
أنا :بس اظن عيب لما واحده تسلم على واحد بالطريقة دي
كمال :غيرانه عليا ولا اي وغمزلي وضحك ضحكه كده
أنا :غغغيرانه لا لأ طبعا أنا بقول عيب بس
كمال : والله وابتسم كده
أنا : والله بس كنت متضايقه
كمال :طب قومي نتمشي شويه على الكورنيش اي رأيك
أنا :ماشي أنا كنت متضايقه اويي او غيرانه مش عارفه أي الاحساس ده بس كنت متضايقه اوييي روحنا على الكورنيش ووقفنا على البحر
كمال : الجو جميل اويي
أنا :ايوه فعلا الجو حلو وريحته حلوه
كمال :انتي لسه متضايقه من ريم
أنا :لا طبعا مش في دماغي واصلا دي حياتك وانت حر فيها واعمل الي انت عايزه قاطعتني في الكلام وقالي سلمي انا بحبك
انا اتصدمت والدنيا لفت بيا لدرجه اني قولتلو بتقول اي
كمال :بحبك عارف اني معرفكيش من وقت كبير بس بحس براحه لما بشوفك وببقي معاكي بحس انك حاجه مسؤله مني مش عارف لي ممكن تديني فرصه اعرفك اكتر
أنا معرفتش ارد عليه اقولو أي بس أنا على قد ما فرحت خوفت اقولو أي أنا سلمي ولا سليم
كمال : أنا مسافر بكره المعسكر وهتطمن عليكي من هناك على طول ولما اخلص مأموريه المعسكر ده هتقدم لمامتك وهطلب ايدك بس اديني فرصه الست شهور الجايين دول
انا :انا انا مش عارفه اقول ايه
كمال :متقوليش حاجه أنا عارف انك بتحبيني من غير ما تقولي كفايه نظرتك ليا هي الي خلتني اقولك اني بحبك ومترددش
ومسك ايدي وباسها وقالي : يمكن منتيش اول واحده في حياتي بس حاسس ان انتي الوحيده الي حسيت نحيتها بحاجه غريبه واحساس جوايا اني اتعلقت بيكي بسرعه
ومسك ايدي لحد ما ركبنا العربيه وروحنا تحت البيت
كمال : تصبحي على خير يا حبيبتي
أنا:وانت من اهله ابقي كلمني بكره قبل ما تسافر
كمال :طبعا يا قلبي
أنا نزلت من العربيه وطلعت البيت
وهو مشي
أنا اليوم ده مقدرتش أنام من كتر الحيره أنا رايحه بكره على اني سليم وانا هنا سلمي اي ياربي اللخبطه دي أنا الي جبت لنفسي وجع الدماغ ياريتني ماروحت المعسكر وكنت هقابلو بردو بس علاقتنا كانت هتبقي كويسه ومنظمه عن كده بدل اللخبطه الي أنا فيها دي ربنا يستر ... بقلم :رحمه مصطفي 💞
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
