#احببتها_بنقابها_اكثر
بسم الله الرحمن الرحيم
فى المستشفي
هناء بجانب رحمة : قومى بقي يا نن عين امك ، قومى يا حبيبتي ، ابوكى اللى بتحبيه خلاص رجع هو فى الصعيد دلوقتى بس محدش وصله وجدك قالب الدنيا عليه
بعد فترة تستيقظ رحمة
رحمةبصوت متعب : ماما .. وحشتيني اوى يا امى
هناء : حبيبتي انت اللى وحشتيني يا اغلى الناس
رحمة : اى الكلام الجميل ده يا ست الكل
هناء : هروح انادى لجدك والدكتور هو هناك معاه
رحمة: حاضر يا امى
هناء: حضر الله لك الخير والسعاده فى الدنيا والآخرة يا قلب امك
عند غرفة الطبيب تستمع هناء ما يتفوه به الطبيب
وبعد دقائق تقع مغشياً عليها
فى بيت نهر
تجلس نهر فى غرفتها قلقة على صديقتها
*فلاش باك*
اسماء:
بصوا يا بنات انا معايا رقم بشمهندس عبدالرحمن اخو رحمة اى رأيكم نتصل بيه
امانى : تمام اتصلي بسرعه
طب ثانية
ترن اسماء على عبدالرحمن
اسماء: السلام عليكم ورحمة الله وبركاته
بشمهندس عبدالرحمن معايا
عبدالرحمن: ايوا انا مين معايا
اسماء : انا صديقة رحمة ممكن اكلمها
عبدالرحمن: للاسف رحمة مش هتقدر ترجع الجامعه تانى
اسماء: ليه خير فى حاجه مالها رحمة
عبدالرحمن: محجوزة فى المستشفي الكانسر رجع لها تانى
يقع الفون من اسماء وتظل تبكي وتنهار أرضا
نهر : اسماء فى اى مالك
امانى ونور : اسماء انت بتعيطي ليه ردى علينا
اسماء منهارة بالبكاء: رحمة رحمة 😭
البنات : رحمة مالها
اسماء: محجوزة فى المستشفي
عندها كانسر فى الدم
اخذوا جميعاً يبكون
انها الأخوة يا رفاق ، فهذة صديقة دربهم التى كانت سبب فى هدايتهم
فى الشركة التى يعمل بها مصطفى
مصطفى : السلام عليكم ورحمة الله وبركاته
ازيك يا امى اخبارك ايه
مامته: مصطفى انا هروح اشوف رحمة علشان محجوزة فى المستشفي
مصطفى : اى ؟! .... رحمه رحمة خطيبتي
مامته : اه يا مصطفى قابلت عمها انهارده فى المحل بتاع العطارة بتاعهم وقالى كده
مصطفى : انا جاى حالا يا ماما استنيني
مامته:طب وشغلك يا ابنى
مصطفى: سلام يا امى سلام
واخذ ينظر حوله يفكر ماذا يفعل
وذهب إلى مكتب المدير وأخذ الاذن بالخروج
فى المستشفى تطلب رحمة من الممرضة انا تعطى لها التليفون
اخذتة ورأت ما كانت تعرفه
وتردد انا لله وانا اليه راجعون
رحمة من حوالى اسبوعين بدأت تشعر بألم مكنش جديد عليها وشكت إن الكانسر رجع لها تانى
راحت عملت تحاليل ، وطلبت من المعمل يبعت نتيجة التحليل على رقم فونها
رحمة: طلع إيجابى
تبكى وتقول اللهم لك الحمد ، اللهم لا اعتراض على قضاءك ، اللهم اجعل كل ذرة الم أشعر به فى ميزان حسناتى
بعد قليل وصل مصطفى وساميه
راحت سامية وخبطت على غرفة رحمة
مصطفى : ادخلى انت الاول يا امى علشان تعرفيهم انى معاكى
ودخلت سامية
وجدت رحمة ساجدة وتبكي
خرجت مرة أخرى حتى تخشع رحمة فى صلاتها
ساميه : يا حبيبتي يا بنتى
مصطفى : خير يا امى
ساميه : مفيش غير رحمة جوا وبتصلي وكانت بتعيط جامد
مصطفى : اه ولو استطيع أن اخفف عنك ما تحملين ( فى نفسه)
لو اعلم لما نظرة الحزن الدائمه فى عينيك
فى بيت احمد
يعود إلى منزله ولكن يسمع اصوات تأتى من المطبخ
فى المطبخ
فاطمة: انا مش عارفه كان هيحصل اي يا عز لو عرفت احمد أننا راجعين
عز: عامل له مفاجأه يا فطومة وبعدين هو واحشنى اوى
يلا جهزى كل الاكل اللى بيحبه على ما يجي
احمد دخل فجأة بيتسحب
امسك حرامى
انخضت فاطمة وكسرت الطبق اللى فى ايديها
فاطمة : حبيبي وحشتنى اوى يا احمد واخذتة فى حضنها
احمد: وانت اكتر يا ماما وحشتنى اوى .
كان عز ينظر له بغيظ مصطنع
عز: ابعد يا شحط ايدك عن مراتى
احمد : شوفتى يا ماما بيقولى اي
فاطمة : متدخلش يا عز بيني وبين الغالى حبيب قلبي
احمد : خلاص يا ماما انا مسامح
عز : مسامح على اي يا اخويا وبعدين تعالى يا ولد هنا بتسلم على امك وانا لأ
احمد: انا اقدر يا معلم
وباس أيده وحضنه
عز : ربنا يحفظك يارب
فى المستشفى كان عبدالرحمن بجانب هناء
التى استيقظت قبل قليل وتبكي
هناء: اختك جالها كانسر تانى يا عبدالرحمن والدكتور قال لو رجع لها تانى ممكن تموت اه يا قلبي عليكي يا بنتي
عبدالرحمن: خير يا امى ، إن شاء الله هتخف وتكون احسن من الاول
بس انت عرفتى منين
*فلاش باك*
عند غرفة الطبيب تسمع هناء بدون قصد ما يتفوه به الطبيب
الطبيب : للاسف يا حج رحمة عندها كانسر فى الدم بس لسه فى المرحلة الأولى
الحاج عبدالعزيز: وقع على الكرسي ويقول إنا لله و إنا الية راجعون اللهم اجرني فى مصيبتي واخلف لي خيرا منها
بس يا دكتور هو كان عندها وهى صغيرة وراح
الطبيب: مشيئة ربنا بقى يا حج
# باك #
& اللهم صل وسلم على سيدنا محمد &
عبدالرحمن: طب يلا نروح لرحمة
هناء: يلا قومنى
ذهبت إلى غرفة رحمة وجدت سامية ومصطفى امام الباب
عبدالرحمن: مش ده مصطفى اللى أتقدم لرحمة
هناء: اه ربنا يستر لو عرفوا هتتفشكل الجوازة
عبدالرحمن: ما تتفشكل اللى ربنا كاتبه هو اللى هيكون يلا يلا
سامية : السلام عليكم ورحمة الله وبركاته، ازيك يا ام عبدالرحمن
هناء: الحمدلله يا ام مصطفى بخير ، شكراً على زيارتك
بتدخل هناء لرحمة وتقولها أن مصطفى ووالدتة بالخارج
رحمة: ماما انا مريضة كانسر واحتمال اموت فى اى لحظه انا مش هتجوز ومتعرفيهمش سبب الرفض
ومحدش يدخل تانى لو سمحتى يا امى عايزة اقعد لوحدى
خرجت هناء أخبرتهم أنها نائمة
فسلموا عليها واستأذنوا بالانصراف
*استغفرالله العظيم و اتوب اليه*
اتفقت الفتيات اسماء، نور ، نهر ، امانى
على أن يذهبن جميعا إلى صديقتهم ويكونوا بجانبها
دخلوا إلى المستشفى
اسماء : السلام عليكم ورحمة الله وبركاته استاذ عبدالرحمن
عبدالرحمن: وعليكم السلام ورحمة الله وبركاته
اسماء: ممكن ندخل نشوف رحمة
عبدالرحمن: طب هدخل أشوفها صاحية ولا لأ
دخل عبدالرحمن
عبدالرحمن: رحمة صحابك بره وعايزين يدخلوا
رحمة : دخلهم يا عبدالرحمن
دخلن الفتيات
واول ما دخلوا بكت نهر وامانى
رحمة: فى اى محدش يعيط دا قضاء ربنا وقدرة وانا راضيه الحمدلله
اسماء: لا بأس طهور ان شاء الله
نهر : أسأل الله العظيم رب العرش العظيم ان يشفيكى
رحمة : هى دى الناس العاقله اللى بتفهم صحيح
تعالوا فى حضنى يا بنوتاتى
رحمة : براحة عليا دا انا لسه عيانه 😂
يا بنات الحمدلله على كل حال
ربنا بيحبني اكيد علشان كده ابتلانى بالاختبار ده
وبعدين انا ربنا أنعم عليا بحاجات كتير
وما يبتليكم إلا ليطهركم
دا انا كده ربنا بيطهرنى من الذنوب
تتحدث والدموع فى عينيها
أنا عايزة منكم طلب
اسماء: اطلبي يا رحومتى
رحمة: تكملوا اللى بدأته ، البنات وصيتكم
وطلب كمان ؟!
يا ترى اى الطلب التانى ؟! 💙
واى اللى هيحصل المرة الجاية وأى رد فعل مصطفى ومامته بعد ما يعرفوا بمرض رحمة؟!
بقلمى / رحمةعبدالرحمن
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
