وبدأت اعمل لسعد الخدمات الي هو طلبها مني من غسيل لمكواه لتنضيف هعمل اي حار ونار في جتته مقدرش اتكلم عشان ميفتنش عليا المهم فات كام شهر وانا بخدم سعد وبكلم حبيبي كمال بس كمال كان زعلان اوييي ديما ومكنتش اعرف اي السبب لحد ماسمعتو وهو بيتكلم مع اللواء محمد السعيد ده وبيقولو
كمال : سامحني يا فندم أنا مش هقدر انفذ لك طلبك أنا بحب واحده ومش هقدر اتنازل عنها
محمد :معقول ياكمال بترفض بنتي أنا عشان حته بت لسه عارفها
كمال : أنا اسف بس مش هقدر
محمد :صدقني هتندم على الي عملتو ده
أنا اتصدمت معقوله الراجل ده ممكن يأذي كمال ربنا يستر طب هو الي مقاليش على الموضوع ده
اتصلت بكمال :الو ايوه يا حبيبي
كمال :ايوه يا حبيبتي
أنا :مال صوتك
كمال : مفيش حاجه
أنا :بتكدب عليا لي قول مالك
كمال:حبه مشاكل في الشغل
أنا : لا مادام بتخبي عني حاجه يبقي مبتحبنيش
كمال :ايوه فعلا أنا مش بحبك
أنا :اييي
كمال : أناا بموت فيكي
أنا : والله خوفت بجد خضتني
كمال : بعيد الشر عليكي من الخضه يا عمري
أنا : أنت بتهزر والله خوفت أنا مقدرش استغني عنك
كمال :ولا أنا ي قلبي اقدر
أنا :هسيبك تنام بقي عشان تقدر تشتغل الصبح
كمال :ماشي يا عمري تصبحي وانتي معايا على طول
أنا : تصبح وانت اجمل حاجه في حياتي
قفلنا مع بعض وروحت نمت بس قام كمال جالي الاوده عشان نقعد مع بعض شويه على اساس أنا صاحبه سليم
كمال :هقعد معاك شويه
أنا :طبعا اتفضل انت بتستأذن . مالك كده شكلك متضايق
كمال : أنا هحكيلك
وحكالي كل حاجه من اول الحوار لاخره
أنا :طب ماتضايقش نفسك وان شاء الله خير مش بتقول الراجل ده هو الي مربيك اكيد عمره ما يأذيك ابدا يعني ربنا يستر اطمن
كمال :عارف يا سليم أنت وسلمي بقيتو اهم اتنين في حياتي لاقدر استغني عنك ولاعنها بجد الحمد لله انكو معايا وحضني بس المره دي كنت مرتاحه في حضنه لانو خلاص بقي كل حاجه في حياتي فات ست شهور واحنا مع بعض في المعسكر وأنا طبعا كنت مخليه بالي من تدريباتي وبخدم في الاستاذ سعد وبكلم حبيبي كمال وفي يوم دخلت اغير هدومي في قودتي ومكنتش اعرف أن كمال مستخبي جوا على اساس يخض سليم ويهزر وللاسف قلعت الميكب الرجالي وغسلت وشي وغيرت هدومي وبعد ما خلصت ببص ورايا لقيت كمال وكان باصصلي بصه حزن غير طبيعية مش هقدر اوصف احساسي وقتها حسيت بخنجر ادب في قلبي
أنا :استني يا كمال هفهمك
طبعاً مش من قدامي ومنطقش ولا كلمه
معرفتش اعمل اي وكنا كلنا طالعين في المعسكر رحله لمنطقه جبليه عشان نتدرب هناك مكانش قدامي غير البس وانزل معاهم ونزلت ركبت الاتوبيس كمال حتي مبصليش وصلنا للمنطقه وبعد ما التدريب انتهي لقيت كمال جاي يقولي قدام الفريق :قوم يا سليم عيزك في حاجه
أنا قمت من غير كلام خدني وبعد بيا اويي عن الناس الي معانا
أنا :اسمعني ياكمال أنا كنت هقولك والله بس
كمال بزعيق وعصبيه :ليي عملتي كده لي عمري ما كنت اتخيل انك يطلع منك كده بتضحكي عليا عملاني لعبه أنا كمال ادهم يضحك عليا من حتت بت صغيره وعامله عليا أنك بتحبيني
أنا :لا يا كمال والله أنا بحبك اويي وجيت المس وشو
كمال :متلمسنيش ابعدي عني جايه مع مين هنا للدرجه دي طلعتي رخيصه
أنا بعصبيه :مسمحلكش تتكلم عني باالطريقه دي وانت اصلا متعرفش حاجه المفروض تسمعني الاول وبعدين تحكم وبعدين أنا ابويا كان لواء ومتربيه احسن من ميه واحده تعرفها
كمال : والله متربيه وجايه قعده وسط رجاله ماتعرفيهومش
أنا :اسمع أنا هقولك الي عندي والي عايز تفهمو افهمو بس أنا عند تربيتي مش هسمحلك تتكلم وحكيتلو كل حاجه عن الموضوع
كمال :وانتي مفكره انك صح كده ربنا خلق الرجاله ليهم مهن والستات مهن كنتي تقدري تعملي حاجه شبه كده بس متعرضيش نفسك للخطر والجزاء القانوني عشان فكرها لعبه ومتفكريش اني ممكن اسامحك انك خبيتي عليا وعملتيني زي العبيط الي بتلعبي بي زي الكوره يروح ويجي عليكي زي الاهبل أنا معرفش انتي مين حتي سلمي ولا سليم ولا واحده تانيه أنا معرفهاش اصلا
أنا :سلمي حبيبتك والله يا كمال
كمال :كانت حبيبتي اسمعي أنا عايزك في ظرف اربعه وعشرين ساعة تلمي حاجتك وتمشي من هنا ياكده ياهعرضك للمسألة القانونيه ومفيش حد هيقدر يساعدك
أنا :طب وانت وانا والي بينا
كمال :الي كان بينا انسيني كأن معرفتينيش العلاقه الي اتبنت على كذبه هي كذبه وأنا اصلا حبيت واحده مش موجوده الي واقفه قدامي دي واحده معرفهاش وسابني ومشي روحت لميت حاجتي ومشيت وسبت المعسكر وروحت بيتنا ودخلت في حاله جون واكتئاب وفكرت ان خلاص كده كل حاجه خلصت بس الحقيقه ان الموضوع لسه مخلصش ده لسه بيبدأ.. بقلم : رحمه مصطفي 💞
