رواية عشق الفارس الفصل العاشر
عشق الفارس
#البارت10
ريماس بصت لفارس وانتصار وقالت بصوت مختنق ودموعها تنهمر:مش مسمحاكو ..حسبي الله ونعم الوكيل
فارس:ريماس اهدي
ريماس بصريخ:مش ههدي ومتقوليش اهدي ..نا بكرهكو ..بكرهكو كلكو وفضلت تجري خارج الفيلا
فارس جه يجري وراها بس وقفه أبوه وهو بيقولو:اي ده ي فارس اي اللي بيحصل ده
فارس بص لأمه بحزن وقال لابوه:اسال ماما..نا لازم الحق ريماس وجري علي بره ولكن لا أثر لها
*****★****★****★******★*******★******★
أما عند ناصر اول أما خبط علي باب الشقه بتاعته فتحت فوزيه. فوزيه اول أما شافت ناصر لسه هتصوت بس ناصر سبقها وحط ايدو كتم فمها اهدي اهدي الله يخربيتك هتفضحينا ..بصي هشيل ايدي واوعي تطلع صوت ونال هحكليك علي كل حاجه
اومأت فوزيه بنعم وهي في قمه خوفها...واول ما ناصر شال ايدو..فوزيه بصريخ:انت عايش ازااي
ناصر كتم فمها تاني:منك لله هتلمي الناس وخلاص وقام دخلها جوه ودخل وقفل باب الشقه وفضل حاطط ايدو وحكي لها ملخص الكلام لحد اما حس بهدؤها ثم شال ايدو وقال:امال فين بنتي زمانها كبرت وبقت عروسه قد الدنيا
فوزيه بتوتر:اآآ مهو. آآ
ناصر:في اي بنتي فين
فوزيه بتوتر:اصل ه هيه ا ات اتجوززت.
ناصر انصدم ف الاول بس رجع قال بفرحه:بجد طب هيه فين واتجوزت مين
فوزيه:ف فارس
ناصر :متخلصي هو نا هطلع منك الكلام بالعافيه.
فوزيه لسه هتتكلم بس جرس الباب رن
ناصر راح فتح الباب لقي شاب يشبه صديقه خالد كثيرا:اكيد انت فارس ابن ناصر الشرقاوي
فارس:ايوا ي عمي نا انا كنت جاي لحضرتك بس هقول لريماس حاجه ممكن اشوفها.
ناصر بعدم فهم بص لفوزيه اكنو بيسالها في اي ولكن فوزيه كانت هتموت من رده فعله لما يعرف انها جوزت بنته ريماس أو بالأصح باعتها لفارس.
فارس :عمي نا اتجوزت ريماس بس هيه لما بابا جه البيت انصدمت جدا وفضلت تعيط ومشيت برا الفيلا ونا فكرت انها ممكن تكون هنا
ناصر:تقصد اي ..يعني يوم ما ارجع اشوف بنتي الاقيها مش موجوده لا والتحلي من كده محدش عارف هيه فين..ثم سكت قليلا وقال لحظه بس المفروض اني بنتي لما تعرف اني عايش تيجي تشوفني مش تهرب الحكايه دي فيها حاجه ناقصه..احكي اي اللي حصل ومتحاولش انك تكذب انت مش واقف قدام عيل اهبل ..
فارس:عمي ارجوك مش وقته وعد مني لما الاقي ريماس هحكيلك علي كل حاجه بس تلاقيها.
ناصر:ماشي ي فارس هاستني تيجي تحكيلي اللي بيحصل انت وبنتي.
فارس بص لفوزيه بكره:ممكن الحاجه فوزيه تقولك نص الحكايه واللي كانت بتعمله ف ريماس..بعد ازنك وخرج يدور علي ريماس لا يعلم أين يذهب ولكن سوف يبحث في كل الأماكن حتي يجدها ...كان فارس يقود سيارته وفي عينيه الدموع علي بعد معشوقته فقلبه يتقطع من أجلها لا يستطيع البقاء دونها .. يخاف أن تفعل بنفسها شئ يؤذيها وهي غاضبه لا تعي شيء ثم ابعد تلك الأفكار من دماغه :لا لا ريماس اعقل من كده مستحيل تأذي نفسها انا واثق من كده..وفضل يلف بعربيته لكن لا فائدة 😐
******★*★******★*******★**********★*******
أما عند ريماس اول أما خرجت من الفيلا فضلت تجري وهيه بتعيط وفجأة وقفت قدامها عربيه ونزل منها شخص ثم قال:ريماس!!
ريماس تجاهلته وفضلت تجري جري وراها :اهدي بس والله مش هأذيكي متخافيش
ريماس حست بصدق في كلامه ثم قالت له:ارجوك خدني من هنا
الشخص:تمام تمام بس اهدي كده وبلاش عياط
ريماس سكتت ثم ركبت العربيه وذهبت مع هذا الشخص وصل شقته وبص لريماس:اتفضلي يا ستي ادخلي
ريماس كانت خايفه تدخل الشقه وهيه وهو لوحدهم (والشيطان تالتهم بقي😂😂). ريماس بتوتر:لا انا همشي
-استني بس :مامااا ماما تعالي بسرعه
جاءت سيده في سن ال50 يبدو عليها الطيبه والحنيه:اي يا آخره صبري بتصوت كده ليه..
-بصي ي ماما البنت القموره دي هت...قاطعت كلامه امه وهبه بتقول بسم الله ما شاء الله قمر بحبيبي ي زين ما اخترت انا موافقه
-موافقه علي اي ي ماما
الام:مش دي الموزه بتاعتك بص انا استريحت لها مش زي الباقيين اللي كنت بتجيبهم تحسهم كده فرافير ميسحملوش حاجه انما دي نا حبيتها يلا علي خيره الله
الشخص:اي يا ماما ده كلو حيلك حيلك دي متجوزه
الام:نهارك اسود جايبلي واحده متجوزه يبن الكلب حرام عليك انت وهيه الله يكون ف عون جوزها عرفهولي بس وانا اروح اول له علي مراته اللي سايبها دي
ريماس اتحرجت جدا ولسه هتمشي بس الشخص ده مسكها من ايديها:اصبري بس..ي ماما تعالي بس ندخل جوا ونا هحكيلك علي كل حاجه .
الام:صبرني ي رب خش ي بن بطني خش ودخل الكل..
الشخص اخد امه علي جنب وقال لها امي ارجوكي عايز اتكلم معاها شويه لوحدنا هيه ف وضع صعب ولازم اساعدها.. ارجوكي ونا هفهمك كل حاجه والله بس اصبري
الام :مش همشي من هنا الا ما اعرف كل حاجه
اتنهد الرجل ده بقله حيله وقال لامه :بصي ي امي البنت دي متجوزه وجوزها كل يوم يديها علقه موت وهيه يعيني ملهاش اهل ولا سند ولا حتي بيت تقعد فيه ونا هساعدها عشان تطلق من جوزها ده وتعيش زي الناس
الام بطيبه:يعيني عليكي ي بنتي طب وهتعيش فين البنت دي شكلها غلبانه خالص.
الشخص بخبث عندما ادرك نجاح خطته وانه استطاع الكذب علي امه:مش عارف ي امي
الام :بص هاتها تقعد معايا هنا لحد ما تخلص من جوزها وعايزاك تشوفلها شغلانه تشتغلها خليها تسند نفسها يعين امها..
الشخص:طب اروح اتكلم معاها بقي مينفعش كده اسيبها واقفه كده.. وساب امه ومشي اهد ريماس ف الريسبشن وقعد معاها
احم احم:ممكن تقوليلي مالك وليه كنتي بتجري وتعيطي.
ريماس :نا حاسه اني مش مرحب بيا هنا انا همشي
وقف بسرعه :والله ابدا ما يحصل وبعدين مين قالك ان مش مرحب بيكي بالعكس خالص اقعدي بس خلينا نتكلم.. علي فكره نا اعرفك كويس اوي وعارف كل اللي بتمري بيه
ريماس استغربت جدا :تعرفني!! ازاي
الشخص:مش مهم يستي المهم ينفع اكون زي دكتورك النفسي لكام ساعه وتحكيلي اي اللي حصلك
ريماس فعلا كانت عايزه حد تتكلم معاه.. حد تفضل تعيط وهو يهديها.. راحت اومات بنعم وسردت كل ما يحصل لها لهذا الشخص المجهول.
الشخص:طب وانتي ناويه علي اي
ريماس بوجع:اتطلق
انصدم الشخص مما سمع ولكنه قال:بصي اقولك نصيحتي.. جوزك فارس ملوش اي زنب ف كل اللي حصل شكلك بتحبيه وهو كمان بيحبك ونا متأكد من كده فبلاش تعذبي نفسك وتعذبيه.
ريماس:بس نا بتاذي من البيت ده اوي هو اه بحس بالأمان مع فارس لكن بخاف من البيت نفسه
الشخص :طب ناويه علي اي
ريماس بعد تفكير:انا لازم ابعد شويه اهدي فيهم واشوف هعمل اي
الشخص :ليكي مكان تروحيه او كده او هترجعي لابوكي
ريماس :بابا وحشني اوي بس نا زعلانه منو عشان يتمني ونا لسه موعتش ع الدنيا وسابني مع مرات اب كرهتني ف الدنيا فمقدرش اروحله ونا زعلانه منو ههدي الاول واروحله..
الشخص :تمام هتقعدي هنالحد ما تهدي براحتك
ريماس باعتراض:لا طبعا مستحيل اقعد هنا
الشخص :يستي انا همشي من البيت وانتي هتفضلي مع امي وبصراحه والله امي حبتك
ريماس :نا مش عايزه اكون عبأ علي حد
الشخص :ومين قالك انك عبئ عليا وبعدين كلها كام يوم وترجعي لجوزك ساعتها ابقي رديلي جميلي ده
ريماس بضحك :ازاي يعني
الشخص :اعزميني... ايوا والله اصل ما واحد ببطن بمووت ف الاكل فانتي بقي تعزميني علي محشي من جميع الانواع وبط وديك رومي ومكرونة بشاميل وبس كده
ريماس يضحك:وانت هتاكل ده كلو ده انت مش باين عليك الاكل
الشخص ضحك:لا ميغركيش اني مش طخين اصلي بروح الجيم بقي وكده
دخلت الام وبصت لريماس بحنيه تعالي يبنتي جهزت لكي الاوضه اللي هتقعدي فيها
ريماس باحراج :مش عارفه اشكر حضرتك ازاي
الام:ولا يهمك ي حبيبتي ♥️
تعالي شوفي الاوضه علي ما احط الغدا وتركتهم وخرجت
ريماس بصت للشخص ده وقالته:صحيح هو انت اسمك ايه
بصلها بتفكير شويه ثم قال:انا اياد.......
*****×******×،،، ***********
عند فارس ف عربيته كان عمال يلف في الشوارع زي المجنون... ازاي اختفت ازاااي. وبدأت دموعه تنزل بصمت علي بعد معشوقته.. ماذا يحدث ان لم يستطع رؤيتها مره اخره.. مجرد الفكره انه لن يراها المته كثيرا نفض هذه الفكره من داخله وعزم انه سيجدها مهما كلفه الامر ثم أدار سيارته وبدأ رحلته ف البحث عليها مره اخري
******×*********×***********
"ف فيلا الشرقاوي كان ينصت خالد الي ما تحكي له زوجته والدموع تنهمر منها علي ما فعلته بتلك المسكينه..
خالد:مش مسدق انك تعملي كل ده.. اي الافكار الشيطانية اللي تطلع منك دي.. انتصار اللي اتجوزتها كانت طيبه وحنونه وبتخاف تأذي اي حد ازاي تعملي كل ده ف البنت المسكينه
انتصار بدموع:كنت موجوعه بسبب بعدك عني ونا لسه ف شبابي.. كنت موجوعه اني مش هشوفك ولا المسك تاني.. كنت موجوعه اني ابننا االي كنا مستنينو هيبقي من غير اب.. حرقو قلبي وروحي مكنتش ههدي الا ما انتقم منهم باي طريقه وفضلت تعيط
خالد :الحمد للهران ابني طلع عاقل وقال يتجوزها بدل ما يقتلها عارفه ساعتها عمري ما كنت سامحتك ي انتصار... انا رايح لناصر زمانو زعل مني بسبب اللي حصل ده. وتركها وخرج الي خارج الفيلا..
وصل خالد الي بيت ناصر واتفاجا بعدم وجود ابنته ف البيت فهو ظن انها سوف تذهب الي بيت والدها
ناصر بغضب:خالد فيه اي.. محدش راضي يتكلم لييييه.. بنتي فين
خالد:اهدي بس وانا هقولك علي كل حاجه بس الاول تهدي... وبدا يحكي له كل ما حدث تحت خوف فوزيه فهذا الخالد الغبي حكي لزوجها ان فوزيه قامت ببيع ابنتها
انتهي خالد من قص كل شي لناصر.
ناصر:يعني كل ده يحصل لبنتي من مراتك. لييييه ها ليييه وبنتي زنبها ايييه....وبص لفوزيه وراح مسكها من شعرها بقي يبنت ال*** تبيعي بنتي وتعامليها معامله الخدامين.. وفضل يضربها علي وشها راح خالد شده بعيد عنها جامد مش وقته يا ناصر لازم نعرف ريماس فين الاول
بص ناصر لفوزيه الملقاه علي الارض تبكي :انتي طالق... نا هخرج ادور علي بنتي عايز ارجع ملاقكيش ف البيت مش عايز بنتي لما ترجع تشوف وشك تاني انتي فاهمه.. وسابها وخرجوهو وخالد يدورو علي ريماس...
***************************
اما عند ريماس واياد
ريماس :اياد.. اسمك اياد
اياد:اه مالو الاسم
ريماس:حلو جدا
اياد:كنت عايز اقولك علي حاجه بس ارجوكي متفهميش غلط
ريماس :قول
اياد:احم انا ابقي صاحب فارس... وكمل بمرح والانيل من كده اني صاحبه المقرب
ريماس بغضب:انت ازاي متقوليش لاا ومخليني احكيلك علي كل حاجه... وزمان فارس جاي مش كده وقامت عشان تمشي.
اياد:اصبري بس والله فارس ميعرفش حاجه ونا مش هقوله علي حاجه
ريماس بصت له بعدم فهم:يعني اي
اياد:بصراحه فارس كان بيحكيلي كل حاجه من اول جوازكو لحد انهارده ده حتي انا اللي جبت ليكو المأذون مش فاكره
ريماس :لا بصراحه مش فاكره
اياد بمرح:ي شيخه عيب عليكي ده انا الشاهد علي كتب الكتاب
ريماس بقله صبر:طب ليه بتساعدني
اياد:والله نا كنت واقف ف صفك من البدايه وكنت بنصح فارس انو يتجاهل كل اللي حصل زمان ويعيش معاكي كاي اتنين متجوزين.. بس هو حظو فقري دايما
ريماس باستغراب:اشمعنا
إياد بضحك:اصلو كان ناوييعترف بحبو ليكي انهارده ههههه ويوم ما يفكر يعترف يحصل حاجه توقف حالو😂😂
ريماس بجهل:وانت اي عرفك
اياد:اسم الله عليكي ي عنيا... لسه قايلك من شويه صاحبه المقرب
ريماس :طب هنعمل اي
اياد بخبث:هنطلع عينو الاول طبعا... هنعرفو قيمتك بعدين تظهري له... يعني تقعدي هنا فتره يكون فارس استوي شويه وبعد كده نفكر هنعمل اي..
ريماس وقد اعجبتها الفكره :اشطاا وتبقي تيجي تحكيلي عليه عامل اب... مفتقدني ولا لا..
ايا بمرح :لا دانتي كمان شكلك واقفه
انكسفت ريماس جدا..وقاطع كلامهم رن الجرس وسمعو صوت ام اياد وهيه بتقول فارس اتفضل يبني
اياد وريماس بصو لبعض بصدمه وبصوت واحد :فاارس
بدل ماتدور وتبحث علي الروايات خليها علي تليفونك وحمل تطبيقنا
