 |
رواية ملاك يونس الفصل الاول |
هاا يا دكتور الأشعه فيها ايه ؟ !
رفع عينه وبصيلها وقالها . .
سرطان من المرحله التالته . . . . . .
قربت منه وقالتله . .
يعنى اى !
الدكتور : يعنى هتموتى قريب . . .
ملاك :هموت ! وقريب جدا . .
الدكتور الشاب بكل برود اعصاب : اه . . ما كل الناس بتموت . .
هى وهى فى حاله صدمه وعينيها مرغرغه بالدموع : انا لسا عندى 22 سنه بس انا لسا محققتش حاجه انا لسا مشوفتش سعاده . . انا لسا حالا متخرجه . . انا امى لسا مفرحتش بيا . . انا لسا معوضتهاش . .
الدكتور : هتموتى برضوا . .
الممرضه كانت واقفه هى وصاحبه فى الأوضه . . بصلوا بأستغراب وكانوا عاوزينه يسكت بس محدش عارف يسكته . .
البنت رفعت ايديها ونزلتها على وشه وهى بتقوله بصريخ . .
دا حتى ملك الموت ميعرفش انا هموت امتا . .
انت جايب الثقه دى منين . . وراحت واقعه على الأرض . .
استوووب . .
البنت دى تبقا ملاك عندها 22 سنه وباباها متوفى وعايشه مع والدتها وعندها اخين ولاد من الأب بس عايشين فى القاهره والدكتور الشاب ده يبقا يونس اخته الصغيره الى عندها 12 سنه لسا ميته اول امبارح . . .
الممرضه شهقت بصدمه . .
وصاحبه احمد بسرعه شالها من على الأرض وحطها على السرير . . .
الممرضه واحمد كانوا بيبصوا ليونس بنظرات بتقوله . .
حرام عليك عملت كدا ليه . .
دقايق والبنت فتحت عينيها بتبص لقيت يونس فى وشها بصيتله لثوانى من غير متتكلم وبعدين رفعت راسها لقيت صاحبه واقف وراها والممرضه جنبه . . .
ملاك : انا كنت بحلم صح !
يونس : لاء . . .
احمد بزعيق : كفايا بقا يا يونس . .
ملاك بعياط : انا لازم امشى وقامت قعدت على السرير ورجعت شعرها لورا . .
احمد : متنسيش تستمتعى بكل لحظه بقيالك وتقولى ل اهلك . .
علشان انتى لسا صغيره . . .
ملك قامت وقفت وكانت هتقع تانى الممرضه مسكتها . . .
احمد : اسمحيلى اوصلك . . .
ملاك بعياط : لاء . . شكرا . .
يونس : شعرك اتنحكش . .
ملاك مشيت ايديها على شعرها وقبل متنزلها يونس قالها . . .
يونس : شعرك ده هيقع خالص قريب . . .
ملك نزلت ايديها من على شعرها وقربت منه وبصيت فى عينيه وقالتله . .
ملك : خلاص يدكتور عرفنا انك بتتكلم عن الموت زى متكون بتتكلم عن نكته وانك متعود عليه لدرجه حجود قلبك وبسبب انك كل يوم بي م وتلك 100 ولا 200 حاله بسبب فشلك . .
الممرضه شهقت تانى وحطيت ايديها على بؤها . .
ويونس معرفش يرد على ملاك . .
ملاك طلعت من العياده وهى بتعيط وخرجت من المستسفى ركبت تاكس وروحت . . .
مامتها : مالك يحبيبتى ؟ !
انتى معيطه !
ملاك : لا دخل فى عينى حاجه بس يماما . .
مامتها : طيب احضرلك الغدا !
ملاك : لاء . . احضنينى بس يا ماما . . .
وحضنت مامتها وفضلت تعيط . .
مامتها : مالك يحبيبتى . .
ملاك : حاسه ان الى جاى انا مش هقدر عليه يماما . .
يعنى شغل وبعدين اقابل الأنسان الى يتقدملى واتخطبله وبعيدين اتجوز واخلف وتفرحى بولادى وتشيليهم . . . .
مامتها : يسمع من بؤك ربنا يحبيبتى . . وانا ليا غيرك فى الدنيا . . وبعدين انتى تقدرى هلى اى حاجه فى الدنيا دى . .
عارفه انا سميتك ملاك ليه ؟ !
ملاك : ليه يا ماما . .
مامتها : علشان عيونك الزرق دول وشعرك الأشقر ده . . وخدودك الحمر من كتر العياط دول هما ومناخيرك المنمنمه دى . .
وباستها وقامت تحضرها الغدا . .
ملاك فى سرها : بس الملايكه مش بتموت زينا كل يوم . .
مش هتموت غير يوم نفخ اسرافيل عليه السلام فى الصور النفخه الاولى تستوى الأرض من شده الزلزله فيموت اهل الأرض جميعا وتموت الملائكه . .
ملاك وهى بتاكل : ماما انا نازل بكره اول يوم شغل ليا فى المستشفى . .
مامتها : مش كنتى تعبانه . . الدكتور قالك اى صحيح . .
ملاك بأبتسامه مليانه وجع : قالى معنديش حاجه وبستعبط . .
ملاك : عارفه يماما هكون انا المساعده الأولى للدكتور فى اوضه العمليات . . .
مامتها : روحى يبنتى ربنا يرزقك بدكتور قمر وحليوه زيك كدا . .
ملاك : مش عاوزه دكاترة يماما كرهتهم . .
مامتها : لى كدا بس . .
ملاك : شايفين نفسهم علينا . .
مامتها : هو انتى لسا زعلانه يملاك ومتغاظه من الدكاترة علشان الطب وقف معاكى على 3% . .
ملاك بضحك : اه يماما . .
ملاك تانى يوم لبست ونزلت راحت المستشفى . . واستلمت اليونى فورم بتاعها . . . وعرفت ميعاد الشيفت بتاعها . .
وعرفت ان عندها عمليه هتبدأ كمان نص ساعه . .
نزلت جابت قهوه من تحت وشربتها واتصلت بصاحبتها . .
ملاك : ايوا يا ايمان . . عاوزه اشوفك بكره . .
إيمان : والله مش هينفع بكره خالص يا قلبى دا انا خطيبى جاى بكره . .
ملاك : طيب بعده ؟
ملاك : بعده رايحه فرح ابن عمى . .
ملاك بحزن : تمام . .
بتبص فى الساعه لقيت خلاص الوقت قرب . .
دخلت اوضه العمليات والمريض وصل . . .
ملاك لبست اللبس والكمامه . .
واستعدت ولبست الجونتى . . . . .
الممرضه بتكلم ملاك . .
الممرضه : دكتور البنج جه اهو . .
ملك بتبص لقيته احمد صاحب يونس . .
احمد مأخدش باله منها وبدء يخدر فى المريض . .
احمد بيكلمهم : الدكتور جاى يبدء دالوقتى . .
فى اللحظه دى الدكتور دخل وكان لابس كذا ماسك ودخل من غير ميتكلم . . .
وحتى صوته مكنش واضح من الكمامه . .
الدكتور : مشرط . .
ملاك ناولته مشرط . .
الدكتور اخد منها المشرط وبدء يفتح علشان يستأصل الورم من البطن . .
واخيرا خلص بعد ساعتين من الطلبات الى مبتخلصش . .
وملاك مكانتش ملاحقاه . . من كتر الطلبات . . واحمد كان واقف معاها وبيساعدها لأنه كدا ولا كدا لازم يتواجد . . . بس مأخدش باله انها ملاك . .
ملاك لسا بتشيل الماسك اول ما الدكتور خلص لقيته بيقولها . .
هو حظه حلوه وبقا معاه فرصه علشان يعيش إنما انتى لاء معندكيش ولا اى فرصه . .
ملاك قلبها اتقبص و . . .
سارة محمد
هاه تفاعلوا عشان اكمل بقي ♥️
الفصل الثاني من هنا
بدل ماتدور وتبحث علي الروايات خليها علي تليفونك وحمل تطبيقنا
