Ads by Google X

رواية احببتها بنقابها الفصل الثالث والعشرون23 بقلم (رحمه عبدالرحمن)

 

رواية احببتها بنقابها الفصل الثالث والعشرون بقلم رحمه عبدالرحمن


رواية احببتها بنقابها الفصل الثالث والعشرون 23


#احببتها_بنقابها_اكثر 

البارت الثالث والعشرين

(( كسرة النفس مؤلمة مهما كانت ردة فعلك !

لا تكسر أحد ، وكن ذا ذوق جميل بكلامك وتصرفاتك 

تعلم مهارة النسيان ،ونظف ارشيف عقلك بإستمرار 

ولا تحتفظ فيه إلا بالجميل من الذكريات !

عقلك هو سيد أفعالك وقلبك مجرد مستشار لا اكثر فلا تجعل الأدوار معكوسه !

لن يفتقدك بعد رحيلك الا : 

من كنت ترعاه بصدقة 

ومن ايقظته للصلاة 

ومن واسيته بكلمة 

ومن نصحته سرا

انت عابر على الدنيا 

((فكن ذو أثر جميل )) ♥️


بسم الله الرحمن الرحيم

اللهم صل وسلم على سيدنا محمد

استغفر الله العظيم رب العرش العظيم و اتوب اليه

لا اله الا انت سبحانك اني كنت من الظالمين


فتحت سلمى الباب وصدمت فقد رأت أخيها قعيدا على كرسي العجزة 

ارتمت فى احضانة تبكي شوقا وحزنا 

سلمى : وحشتنى اوى يا ابيه 

اخذها فى أحضانه 

مصطفى : لا اوحش الله لك قلبا ولا قبرا يا حبيبتي اخبارك اى 

محمود: ندخل بس الاول وبعدين حبوا فى بعض 

بعد اذنك يا انسه سلمى عرفي الست الوالدة انى مع مصطفى 

سلمى : حاضر ثانيه واحدة

مصطفى : سلمى متعرفيش ماما حاجه دخليها اوضه الضيوف وقولى ليها فى حد عايزك














وانا هدخل استنا جوا هى اكيد فى اوضتها صح 

سلمى : اه فى الاوضه ، طب تعالى يلا اتفضلوا 

دخل مصطفى ولكن لاحظ لمعة حزن فى عين أخته 

أخبرت سلمى امها أن أحد ما ينتظرها 

فارتدت جلبابها وخرجت 


عندما دخلت رأت ابنها الوحيد قعيدا 

الام: مصطفى ابنى حبيبى اى اللى جرالك 

مصطفى: مفيش حاجه يا امى قدر الله وماشاء فعل الحمدلله ، لله ما اعطى ولله ما اخذ 

الام تبكى بحرقة على حال ابنها 

مصطفى : والله انا كويس وبعدين انت مش مؤمنة ولا اى مش من الإيمان أن نؤمن بالقدر خيره وشره وكل اللى ربنا يرزقنا بيه خير يا امى 

مش هتسلمى على محمود ولا اى 

الام: لا مؤاخذة يا ابنى معلش ، اخبارك اى يا محمود 

محمود: الحمدلله فى نعمة 

مصطفى : يلا يا سلمى جهزى اكل علشان محمود ياكل قبل ما يمشي 

سلمى : حالا يا ابيه كل حاجه تجهز بعد اذنكم 

الام : تعالى ساعدنى يا محمود ندخل مصطفى أوضته علشان يستريح 

محمود: حضرتك تؤمرى بس قوليلي فين اوضته وارتاحى انت 


فى منزل رحمة 

الجميع فى حالة متوترة 

وصل لهم الان الفيديو الذى سجلته رحمة 

أخذت النساء تبكى 

والرجال جميعهم حزنون 

هناء : يارب رجعها ليا بالسلامة ، يارب خدنى انا واشفيها يارب ، هى لسه لحد دلوقتي مفرحتش ولا مرة ، يارب اشمعنا هى اللى دائما كده


معتز: استغفرى ربك يا ماما هناء ، انت هتكفرى ولا اى وإن شاء الله خير ورحمة هترجع بالسلامة 


الحاج عبدالعزيز: يلا كل واحد يروح شغله والستات تشوف اللى وراها محدش يقعد يعيط هى بخير وهترجع يلا أخرجوا وسبونى لوحدى 


ايه : ممكن اقعد معاك شوية يا جدو 

عبدالعزيز: اخرجى انت ارتاحى يا ايه انت حامل وتعبانه 

ايه : مفيش حاجه انا كويسه الحمدلله 

يلا علشان تاخد العلاج وادهن لك المرهم 

عبدالعزيز: ماشي يلا ربنا يرضي عنك ويرزقك الذرية الصالحة يارب بس هدخل اتوضي واصلي الاول تعالى اسندينى 

ايه : من عنيا يا حبيبي يلا 


فى المستشفى 

دخلت رحمة إلى العمليات 

وعبد الرحمن فى إحدى الغرف يصلي ويقرأ القرآن 

يدعو لأخته أن تخرج سالمة 


دخل مصطفى إلى غرفته برفقة محمود

الذى اجلسه على سريرة 

مصطفى: جزاك الله خيراً يا محمود ، مش عارف لولاك كنت عملت اى 

محمود: آمين يارب العالمين وإياك ، ونبطل هبل بقي لو سمحت انت اخويا 

يلا بقي علشان تغير هدومك 

مصطفى : تسلم يا حبيبي ، شوية بس كده وسلمى هتطلع ليا لبس والبس لوحدى 














محمود: هو انت بتعمل فرق بينا ليه 

احنا واحد وانا اللى هجهزلك لبس وكل حاجه 

انتهى محمود من لبس مصطفى 

خبطت سلمى على الباب 

إذن لها مصطفى بالدخول 

 سلمى : يلا يا ابيه الاكل جاهز 


بعد ساعتين 

فى المستشفى

خرج عبدالرحمن يسأل أحدا 

عبدالرحمن: لو سمحت هو ليه طولت كده فى العمليات 

الممرضه: حضرتك دى عمليه خطيرة جدا مش اقل من ٤ ساعات 

عبدالرحمن: تمام شكرا 

يارب سلم ، يارب اسألك باسمك الاعظم الذي اذا دعيت به اجبت واذا سألت به اعطيت أن تنجيها يارب قومها بالسلامة 


فى منزل رحمة 

الام قلقه جدا 

لم تقم من على المصليه منذ أن علمت بدخول ابنتها إلى غرفة العمليات 

محمد: هناء تعالى اتصلي عبدالرحمن 

انتهت هناء من صلاتها 

هناء: حاضر هرن حالا 

الو يا عبدالرحمن ، اختك اخبارها اى 

عبدالرحمن: لسه يا ماما بيقولوا كمان ساعتين 

ادعى ليها يا ماما ادعوا ليها كلكم 

هناء: واحنا لينا اى غير الدعاء 


الفتيات فى الجامعه 

يوزعون المسابح على الجميع  

ويطلبون منهم الدعاء لصديقتهم وحزن الجميع عليها سواء من الطلاب أو الدكاترة 

اسماء: بنات آمال نور بقالها كتير مش ظاهرة 

نهر: اه انا روحت سألت وعرفت انها مجتش الجامعه بقالها كتير من ساعة ما كنا عند رحمة 

امانى: انا رنيت عليها كتير مش بترد

ربنا يستر بقي عليها هى اصلا كانت مدايقة اوى الفترة الأخيرة


انتهوا من عملهم وجلسن فى المسجد يصلون 

ويدعون لها 


فاصل ونواصل.. 💙


مين فينا بيجي عليه فتره في حياته مع ربنا يقف.. مش متأثر.. يبداء يأخر الفروض ينسى الأذكار ينسى ورد القرآن مصلش قيام من بعد رمضان و.. و.... و.. 

ويفضل واقف مش عارف يعمل اي؟! 

طب اكمل!! طب أقف مش عارف!! 


_طب السبب اي؟! طب الحل اي؟! 

=فاصل ونواصل.. فين الشحن؟! 

الفون محتاج شاحن اللاب محتاج شاحن.. قلبك بردو محتاج شاحن.. وشاحن قلبك مهم.. تقدر تقولِ الفون لما بيفصل بتعملِ اي؟! 

بتشحنه سهله خالص...لا وفي ناس واعيه.. لما يقرب من 70٪ تجري على الشاحن لازم يبق 100% ناس واعيه بقولك 😂💙


وطبعا احنا محتاجين شاحن لقلبنا مش هاقولك غير اما تصلي على حببيبك صلى الله عليه وسلم 😉💙


شاحن قلبك..


1_انك تفكر نفسك كل شويه ثواب الطاعه دي.. مثلا القيام كل فتره تقرء عنه عن أحاديث الحبيب صلى الله عليه وسلم عنه وآيات القرآن.. علشان تفكر قلبك..


2_الذكر حرك لسانك على طول

*عن أبي هريرة رضي الله عنه قال قال رسول الله - صلى الله عليه وسلم: ( كَلِمَتَانِ خَفِيفَتَانِ عَلَى اللِّسَانِ ثَقِيلَتَانِ فِي الْمِيزَانِ حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ سُبْحَانَ اللَّهِ الْعَظِيمِ ) رواه البخاري (6682) ومسلم (2694)"*

*وعنه رضي الله عنه عن النبي - صلى الله عليه وسلم – قال: ( مَنْ قَالَ سُبْحَانَ اللَّهِ وَبِحَمْدِهِ فِي يَوْمٍ مِائَةَ مَرَّةٍ حُطَّتْ خَطَايَاهُ وَإِنْ كَانَتْ مِثْلَ زَبَدِ الْبَحْرِ) رواه البخاري*

*‏اللسان أسهل عضله تقدر تحركه.. 

3_اهَم حاجه الاستعانه بالله في الدعاء.. ادعي يارب عني على ذكرك وشكرك وحسن عبادتك.. يارب عني ابطل الذنب الفلاني..


4_اسمع فيديوهات وطبق طبق ها!!

مش تسمع وخلاص.. اسمعي فيدوهات تشحن قلبك وطبقي الكلام ولو بنسبه 1%..

اسماء مشايخ ماثرين(الشيخ إسحاق الحويني،الشيخ محمد حسين يعقوب، دكتور محمد الغليظ، دكتور محمد جلال ،دكتور حازم شومان ،دكتور محمد الشيخ ،دكتور محمد جلال، الداعيه،ياسر ممدوح..غيرهم كتير اللهم باارك)


5_استمع الي القرآن جدد قلبك بسماع القرآن..شفاء اسمعه بقلبك.. جربت شعور انك تحط الهاند فري وتسمع قرآن.. كرر الموضوع دا على مدار شهر وكرر دعاء *اللهم انزع الاغاني من قلبي وازرع في قلبي حب آيات*

قارئين قرآن مفضلين ليا:( احمد العجمي، اسلام صبحي ،هزاع البلوشي، احمد نفيس، شريف مصطفى ،ياسر ممدوح،طارق محمد )

وطبعا فيه اللهم بارك كتير لو دورت وسمعت هتعرف الصوت المفضل ليك.. 💙

*يقول الله عزوجل :طه ۝ مَا أَنْزَلْنَا عَلَيْكَ الْقُرْآنَ لِتَشْقَى ۝ إِلَّا تَذْكِرَةً لِمَنْ يَخْشَى*

*‏ 

*‏6_اوع تستحقر الذنب اوع خالص تقول دا عادي وايزي ودا اكبر غلط ممكن كلنا نقع فيه الذنب ذنب اوعي تقولي عادي مش لازم اغض بصري مش هاقع في حبه من اول نظره.. عادي وقياسي دا على كذا موقف احنا شايفينه بسيط وببق كبيييير..

*‏*فقد روى الإمام أحمد عن سهل بن سعدرضي الله عنه قال: قال رسول الله صلى الله عليه وسلم: «إياكم ومحقرات الذنوب، فإنما مثل محقرات الذنوب كمثل قوم نزلوا بطن وادٍ فجاء ذا بعودٍ وذا بعودٍ، حتى جمعوا ما أنضجوا به خبزهم، وإن محقرات الذنوب متى يؤخذ بها صاحبها تهلكه»*

*في النهايه يقول الله عزوجل:وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ*

*الإمام الشّافِعي كان بيقول : ( سِيروا إلى الله عَرجى ومكاسير ، ولا تنْتَظروا الصِّحة فإن انْتِظار الصحَّة بطالة'*

مستعده!!

يلا نفتح صفحه جديده💙


فى منزل مصطفى انتهوا من طعامهم وجلس مصطفى وصديقه وحدهم وسلمى والام وحدهم 

طبعا عارفين أن مينفعش أن راجل غريب يقعد مع النساء الاجنبيه عنه 


تذكر مصطفى حينما تحدث إلى عبدالرحمن قبل الحادث 

مصطفى: استغفر الله العظيم يارب ازاى نسيت يارب سلم 

أما اتصل بي عبدالرحمن 

اتصل مصطفى عبدالرحمن

مصطفى رن اول مرة مردش التانيه والتالته قلق جدا 


مصطفى : يا سلمى ممكن تيجي ثانيه 

سلمى : نعم يا ابيه 

مصطفى: معكيش رقم لبيت رحمة، تتصلي تطمئنى عليها 

سلمى : اه معايا يا ابيه هتصل حالا 

اتصلت سلمى على رقم الجد 

فردت عليها ايه 

سلمى : الو سلام عليكم ورحمة الله وبركاته

ايه : وعليكم السلام ورحمة الله وبركاته

سلمى : ممكن اكلم رحمة لو سمحتى 

ايه : للاسف رحمة مش موجوده ادعى ليها 

سلمى : خير اى حصل 

ايه : رحمة فى أمريكا وحالتها خطرة جداً وهى فى العملية بقالها ٣ ساعات 

سلمى: يا الله ربنا يرجعها بالسلامة يارب ويشفيها 

سلام عليكم ورحمة الله وبركاته


مصطفى ينظر ل سلمى 

اى فى اى رحمة مالها 

سلمى : رحمة حالتها خطرة جداً وهى فى العملية دلوقتى 

مصطفى: اى طب فين المستشفى علشان اروح 

سلمى : مش هينفع تروح ، هى فى أمريكا 

محمود: اتفضلي انت دلوقتى يا انسه 

سلمى : بعد اذنكم.

محمود: خير يا صاحبي والله ، إن شاء الله هترجع بالسلامة 

مصطفى يبكى على حال من ملكت القلب والفؤاد 

يارب يا محمود يارب مقدرش اعيش من غيرها والله قلبي واجعنى على فراقها 


فى منزل احمد 

ياسين : ياض يا احمد ، انا عايز اتجوز بقي 

احمد: ياض ؟! يا اخى احترمنى شوية

ياسين : اتنيل بقي وشوفلي عروسة والله هتجوز على نفسي 

احمد: عارف لو امى سمعتك الشبشب هيعلم على وشك

ياسين: انت يا حجه بطة تعالى هنا 

فاطمة : اى يا كلب براسين عايز اى وبتجعر كده ليه يا جزمة 

احمد: أيوة كده اديلوا يا ماما 

فاطمة: ملكش دعوه انت يا معفن 

يا خسارة تربيتي فيكم ، تربية وسخة

ياسين : المهم بقي يا بطوط 

انا عايز اتجوز بقي ويبقي عندى واحدة كده تأكلنى وتشربنى وتكوى هدومى 

تدلعنى كده يعنى 

فاطمة: منتش عايز معاها مكنسه كهربائيه بالمرة 

احمد: انت كده عايز داده يا ياسين 

فاطمة : فين حبيب قلبي الغالى ابنى العاقل 

انا خارجة وسايباكم 

اقعد مع نجوى برا زمانها بوظت المطبخ 

احمد وياسين فى نفس واحد: والنبي ظلمها اللى خلاها ام 

فاطمة: انتم بتتريقوا عليا طب تعالوا

ونزلت فوقهم بالشبشب ابو وردة


(( طبعا الحلفان بخير الله حرام بس دى كلمة على لسان كتير من امهاتنا ياريت ننبه غيرنا ))


فى المنزل الذى يسودة الظلم والكراهية


سماح : انت يا بت يلا قومى البسي حاجه عدلة كده واقلعى القرف اللي على وشك ده 

البنت : قرف ؟! نقابي قرف ، ربنا يسامحك يا شيخة ، حسبي الله ونعم الوكيل فيكي والله كله كما تدين تدان وانا مش هرد عليكي وكل اللى بتعمليه فيا هيترد ليكي فى بنتك


مسكتها من شعرها 

هو دا اللى بتتعلميه من صحابك العقارب يا تربية الشوارع انت 

يلا انجرى قدامى 

خرجت إلى أبيها 

البنت : بالله عليك يا بابا متبعنيش بالطريقة دى علشان خاطرى 

الاب على : دا هيعيشك احلى عيشه يا بت 

وهيرفعنا معاكى 

البنت: اشمعنا انا والنبي يا بابا والله اعيش خدامة تحت رجليكم بس بلاش 

على : خلاص الراجل دفع فيكى 

البنت : دفع فيا ؟! 💔

هو انا رخيصة للدرجة دى 

ليه يا بابا تسمع كلامها ، حرام عليكم 

سماح : ما تبطلي بقي يا بت انت مش كفاية لسه ضربانى ومش راضيه تعملى حاجه 

وانا مقولتش لابوكى 

ودا كله ليه يا اخويا ، علشان سمعتها بتكلم واحد فى الفون وبتقوله بحبك 

البنت : انت كدابه حرام عليكي انا معملتش ليكي حاجه ولا كلمت حد يا بابا 

الاب: مسكها ضربها جامد وضربها 

انت قليلة الأدب زى امك يا فاج*ة

اه يا نور الكلب هتتجوزية غصب عنك 


تقف زوجة أبيها منفرجت اساريرها 

فرحة بما فعلته ولكن هناك رب يري ويعلم 

هناك الكثير مثل نور ولكن لا تقلقوا فالله تعالى لا يرضي بالظلم وكما تدين تدان سيعوضكم خيراً 


دلوقتى عرفنا مين البنت (نور) 


أدخلها ابيها إلى غرفة مظلمة 

وحرقها بسيخ من الحديد 

ظلمت منه وافتراء من زوجتة


فى المستشفى

بعد ساعة خرج الأطباء من الغرفه 

عبدالرحمن: طمنى يا دكتور اى الاخبار 

الدكتور: الحمدلله نجحت العملية بس لسه هنعرف بقي النتيجة لما المريضة تفوق 

سجد عبدالرحمن سجدة شكر لله 

وبعد ذلك قام 

عبدالرحمن: الحمدلله ، الحمدلله 

طب هتفوق امتى إن شاء الله 

الدكتور: العملية كانت جامدة جدا عليها 

بس احتمال كمان ٢٤ ساعة تفوق 


فى منزل مصطفى

ذهب محمود إلى منزله 

الام: حبيب قلبي يا ابنى 

وحشتنى اوى 

مصطفى: انت اللى وحشتيني يا غاليه 

الام : كنت مستنيه رجوعك بفارغ الصبر علشان اجوزك وافرح بيك

مصطفى: تجوزيني؟!

ومين اللى هتتجوز واحد عاجز ، الحمدلله

الام: الف مين تتمنى ضفرك يا حبيبي 

مصطفى: بعد اذنك سيبينى شوية لوحدى يا امى


ليلا جاء العريس المنتظر 

الاب : اهلا اهلا اتفضل يا حج عبدالسلام نورت 

عبدالسلام : بنورك يا ابو العروسة 

سماح: اذيك يا حج اخبارك اى 

عبدالسلام: الحمدلله 

كان ثمينا جدا وفى يده الكثير من الخواتم 

ومعه ثلاث نساء 

وهم زوجاتة

إحدى نساؤه : آمال فين العروسة يا سماح

سماح : حالا اروح اجيبها 


دخلت إلى الغرفة لتبحث عنها 

سماح: يلاهوى؟!😳


يا ترى حصل اى ؟!!

                 الفصل الرابع عشر من هنا 

لمتابعة باقي الرواية زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-