رواية حب كاذب الفصل الثاني 2 بقلم هاجر العفيفي
البارت الثاني
سيف ضرب ملك بقوه ومسكها من شعرها وقال بعصبيه : أنتى اتجننتى ازاى تقولى لخديجه انى هتجوزك انتى مش عارفه أنك كده هتخسرينى كل حاجه
ملك بدموع وغض*ب : احسن عشان هى تستاهل عشان انت بتحبها هى وانا لاء
سيف ساب شعرها بخبث : ياغبيه مانتى عارفه الحكايه كلها
ملك بعصبيه : أنت حبيتها ياسيف حبيتها
سيف : لاء الحكايه كلها أن لسه مخدتش بقيت حقها فى الورث خديجه دلوقتى أغنى منى وانا مش هسمح بكده أبدا
ملك بسخريه : لاء ياشيخ اومال ال كان يشوفكم يقول إن انتوا عشاق ومحدش يقدر يفرقكم
سيف بخبث : ماهو دى الخطه ياغبيه
ملك : ازاى
سيف : هقولك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروا
كريمه : يابنتى قومى بقا كفايه عياط تعبتى قلبك
خديجه بدموع : بعد ده كله يتجوز عليا ياماما ليه انا ناقصنى ايه
كريمه : ليه مسمعتوش الأول يابنتى
خديجه : اسمعه !! هسمع ايه ده واحد خا*ين وميستاهلش كل الحب ال عطتهوله
كريمه بحزن : ربنا يصبر قلبك ياحبيبتى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تيا : البيه متشيك ورايح فين
أدهم وهو يساوى شعره : ياساتر يارب مرات أبويا رايح عند عمتى كريمه
تيا بسخريه : هو ال يروح عند عمته يتشيك كده وبخبث ولا فى حد تانى عند عمتوا
أدهم بتوتر : بت انتى اختى ولا المحقق كونان انا ماشي سلام ياعسل
وسابها ومشي
تيا بحزن : ليه يا أدهم متعلق بأمل فارغ
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى منزل خديجه
كريمه : نورتنا ياحبيبى خديجه خارجه اهو نفسها تشوفك بقالها كتير
أدهم بابتسامه : والله وحشتنا قعدتنا زمان بس الجواز بقا خدها مننا
خديجه خرجت وكان أثر الدموع على وشها بس حاولت تتصنع الابتسامه عشان أدهم ميلاحظش
خديجه بابتسامه : ازيك يا أدهم
أدهم بدهشه : مالك ياخديجه انتى معيطه
خديجه بحزن : لاء مفيش حاجه انا بس تعبانه شويه
أدهم بص لعمته : عمتى خديجه مالها قوليلى
كريمه بحزن : يابنى
قاطعهم خبط على الباب قامت كريمه فتحت وكان محضر من القسم
كريمه باستغراب : خير يا أستاذ
المحضر : ده بيت مدام خديجه العطار
كريمه بخوف : أيوه
المحضر : الاستاذ سيف المنسى طالب زوجته خديجه العطار فى بيت الطاعه
كريمه بشهقه : يامصيب*تى
خديجه سمعت كده وفقدت الوعى
أدهم بخوف : خدييييييجه
يتبع
#حب كاذب
بقلمى هاجر العفيفى
دمتم في حفظ الرحمن 💙