Ads by Google X

القائمة الرئيسية

الصفحات

رواية مجنونتي الفصل الخامس 5 بقلم نور الرحمن


رواية مجنونتي الفصل الخامس 5 بقلم نور الرحمن


 Part 5💥
من روايه مجنونتي 
سلمي ومريم وهما قاعدين 
مريم ، هي البت ليلي هتيجي امتي وحشتني اوي 
سلمي : معرفش انا كلمتها وبتقول نازله كمان يومين 
وفجأه  ليلي بتيجي من وراهم وتقول 
وحشتوني ي معفنين ي جزم 
مريم : احنا لو افتكرنا ربع جنيه مخروم مكنش جه بالسرعه دي 
سلمي : وحشتيني مووووت 
وبياخدو بعض بالحضن 
ليلي : وانتي اكتر والله 
انتي اللي فيهم 
ام كرش دي معندهاش عزيز غير كرشها 
مريم : بالحضن ي فواااااز 
ليلي : خش ف حضن اخووووك ي فوزي 
سلمي وهي بتبصلهم بقرف جتكو نيله ف حبكو اللي شبهه الناس اللوكال كده 
مريم : سبنالك الهاي والباي 
سلمي : انا هقعد مش قادره اقف 
ليلي : هي مالها البت واخده علقه قبل ما تنزل ولا اي 
مريم وتنفجر ف الضحك 
سلمي بتبصلها بصه مغتاظه وتقول بارده ي مريم ع فكره 
مريم : انا اجولك ي جلبي 
ليلي : جولي ي جلبي 
مريم : احم احم 
ليلي : اخلصي انتي لسه هتمحمحي 
مريم : اصل الاستاذ روميو والانسه جوليت وبتحكي لها اللي حصل كله 
ليلي : ههههه يااااااه دا كله حصل 
انتي افتريتي اوي ي مريم عليها برضه 
مريم : تستاهل 
ليلي : بس مستغربه اخوكي ي مريم بيحبها وهي بتحبه ليه مقالش واتقدم لها 
سلمي : اصل معندوش دم 
مريم : لمي نفسك دا اخويا ع فكره 
سلمي : نننن دا حبيبي ع فكره 
مريم : ي محنو 
ليلي : باااااااس انتو الاتنين 
مريم : ابدا يستي هو عايز الاول يستقر بنفسه وذاته ويكون جاهز وبعدين هياخد الخطوه دي وهيتقدم وهو اصلا مفكر ان الحب دا من طرفه بس ميعرفش انها كمان متنيله بتحبه 
ليلي :  طب والله كويس جدا راجل اوي 
طيب يلا بقا نحضر المحاضرات وبعدين نروح 
سلمي ومريم : يلا 
وراحو يحضرو محاضراتهم واليوم خلص ع كده وهما مروحين 
سلمي : اي ضااا دا مش دا اخوكي. ي مريم 
مريم : فين دا 
اي دا دا هو فعلا ودا اي اللي جابه دا 
ليلي : شكله جاي للحبايب بس جايبها فيكي 
مريم : ناس مصلحجيه حقيره 
ماجد : السلام عليكم ورحمه الله وبركاته 
البنات وعليكم السلام 
ماجد ازيك ي سلمي 
مريم وليلي احم احم نحن هنا 
وسلمي من الكثوف مش عارفه ترد 
ماجد : ليلي  ازيك عامله اي 
ليلي الحمدلله انت عامل اي 
ماجد الحمدلله ماشيه  
مريم طب اي جاي لي 
ماجد انا غلطان اصلا اني جيت اخدك 
مريم لا والله جاي ليا برضه ولا لناس تانيه 
ماجد ها ناس تانيه اي  لمي الدور ويلا 
مريم سلام يبنات 
سلمي وليلي سلام 
ليلي واخرتها اي ي سلمي 
سلمي معرفش والله مهو مش عايز ينطق 
ليلي لازم حاجه تحصل  عشان ابو اللهول دا ينطق 
سلمي حاجه اي 
ليلي سبيلي الموضوع دا وانا افكر فيه 
ويلا عشان نمشي 
سلمي ماشي يلا 
في بيت جواد 
ادم :  ماما ي ماما 
داده ثريا : الهانم فوق ي ادم 
ادم : ازيك ي داده 
الداده : الحمدلله يبني انت عامل اي وعامل اي ف مذاكرتك 
ادم : الحمدلله دعواتك 
الداده : ربنا يوفقك يبني ويحققلك هدف يارب
ادم : يارب ي داداه يارب  
انا هطلع بقا انام شويه ولما ابيه جواد يجي يبقي صحوني 
الداده : حاضر 
في بيت مريم 
سسلوي ومحمد قاعدين في براندا الشقه 
اتفضل يسيدي ادي الورقه اهي وفيها كل المعلومات اللي ممكن تحتاجها عشان العريس 
محمد : تمام هبقي اسال عليه 
سلوي هيبقي اي بس انت ليك معارف كتير بمكالمه فون واحده هتجيب كل حاجه عنه 
محمد انتي مستعجله ليه 
سلوي مش حكايه مستعجله بس نفسي اشوفها بالابيض واشوفها متهنيه 
محمد يستي هتشوفيها وهتشوفي عيالها كمان 
سلوي يسمع من بوقك ربنا يارب وكمان ماجد دا اللي مش عايز يتجوز ولا يريحني ابدا 
حاسه انه عامل اضراب عن الجواز 
محمد سيبه براحته هو لما يكون مستعد للخطوه دي هيجي ويقول بس هو عايز الاول يثبت نفسه ويستقل بذاته عشان لما يتقدم لوحده يبقي قدها وانه يكون راجل ليها مش عليها وبدل ما يمد ايده لا يبقي معاه ف جيبه وزي ما تحنا بنتمني لمريم عريس يصونها ويقدرها احنا كمان عيزين ابننا يصون بنت الناس ويحافظ عليها 
ومش يبهدلها معاه بس انتي ادعيلهم وربك كريم 
سلوي عندك حق والله ي ابو ماجد ربنا يوفقهم يارب 
ويصلح لهم حالهم ويرزقه ببنت الحلال يارب 
محمد ايوه كده ما عليكي ليهم غير الدعا 
سلوي ربنا يتقبل يارب 
هقوم بقا اخلص الاكل العفاريت زمانهم جاين كبروا ولسه بيتصرفو تصرفات اطفال 
محمد ربنا يهديهم 
سلوي  يارب 
محند انا هتصل بقا بحد معرفه يجيب الاخبار 
في المواصلات 
ع فكره انا لسه محسبتكيش ع اللي عملتيه الصبح وزياده عليهم الغلاسه بتاعك قدام صحباتك دي 
مريم ميبقاش قلبك قاسي بقا ي ابو الاماجد 
ماجد ابو الاماجد جتك نيله ف دلعك اي بت الرخامه دي جيباها منين 
مريم من عند بتاع الحلواني 
ماجد انتي فاضلك تكه معايا واوصل لمرحله اني اتجنبك خالص 
مريم وخلاص فاضل تكه 
تكه تكه ع اخر السكه 
ماجد ياااااربي 
انا غلطان اصلا اني بتكلم معاكي دا انتي اخرك ثرايا المجانين 
مريم واهون عليك اأ مجدي 
ماجد اه تهوني 
دا الله يكون ف عونه 
مريم بغباء وعدم فهم هو مين دا ماجد جوزك المستقبلي ياما اللي هيخلصنا منك وربنا هيكون مبتليه ببلوه زيك 
مريم اللاه هو انا مقولتلكش 
ماجد تخيلي يختي انك مقولتيش 
مريم اخص عليا 
منا مش هتجوز وقاعده ع قلبك 
ماجد طب خفي الوزن شويه 
مريم دا انا اخف من الريشه. 
ماجد ابتدينا بقا المرشح 
مريم انا غلطانه اصلا اي بتكلم معاك 
ماجد يعني طلعتي انتي ف الاخر اللي غلطانخ انك بتتكلمي معايا 
مريم اه 
ويلا بقا عشان وصلنا  دا انت رغاي اوي 
ماجد بيبصلها بذهول 
مريم اي هتفضل متنح ليا كده كتيرر 
ويلا عشان وصلنا وطلعت تجري من قدامه 
ماجد والله لاوريكي ف البيت ي مريم الكلب انتي 
خدي ي يبت ي مجنونه 
في الشركه 
في مكتب جواد 
جواد قاعد ع مكتبه ومشغول جدا لدرجه انه محسش بياسين وهو داخل 
ياسين انت يابني 
جواد ها ف حاجه 
ياسين حاجه اي يبني بقالي ساعه بنادي وانت ولاا هنا 
جواد عايز اي انت مش ترطني من مكتبك جاي لي دلرقتي 
ياسين انا غلطان اني جيت عشان اقلك نمشي 
جواد مش غلطان يسيدي 
ياسين طب يلا وع فكره  احنا اتاخرنا ع العشا 
جواد اوبس دا انا نسيت خالص العشا ووو
وهو بيتكلم بيرن فونه وبتكون امه 
ياسين امك دي 
جواد اه 
ياسين البس بقا عشان تتشطر عليا تاني 
جواد الله يخربيت معرقتك الهباب 
الو ايوه ي امي 
معلش ي امي كان ف شغل كتير 
حاضر مش هنتاخر  وهنيجي اهو بس حضرو العشا لغايه ما نيجي 
سلام 
ياسين اي 
جواد عدت بخير الحمدلله
ويلا بقا لنلاقيها جايه لينا هنا 
ياسين هههههه ناس تخاف 
انا خلصت اصلا وكنت جاي اقولك يلا 
جواد يلا وابقي اكمل بعدين 
ونزلو وركبو العربيه ومشيو
ف بيت جواد 
اي التاخير دا كله انتو ناسين معاد العشا ولا اي 
ياسين حقك علينا ي ست الكل 
جواد انا هطلع اغير وانزل 
سميحه يبقي صحي ادم معاك 
جواد حاضر وانت خش يا ياسين اوضتك وغسل 
ياسين تمام  
وبعد نص ساعه 
الكل متجمع ع السفره وبياكلو 
ياسين تسلم ايدك ي امي الاكل تحفه 
سميحه بالهنا يحبيبي 
جواد كُل وبطل لماضه 
ياسين متغاظ مننا قول زينا ولا اي ي امي 
سميحه معتك حق يحبيبي 
ادم ملكش حق ي يس تقول ع ابيه كده 
جواد حبيبي ي دوما 
ياسين خليك ف حالك 
ادم بس خليك فاكرها 
ياسين حبيبي ي دوما انت وانا اقدر ع زعلك برضه 
جواد قلبت ف ثانيه كده لي 
هو ماسك عليك حاجه 
ياسين هيمسك اي يعني 
جواد قول ي ادم ماسك عليه اي
ادم لسه هيتكلم قاطعته الام بقولها كلو وبطلو كلام 
الكل بدا ياكل ف صمت بس التلاته بيبصو لبعض ف تحدي 
خلصو اكل وقعدو يتكلمو ف حجات كتيير 
ياسين استأذن انا 
سميحه متبات هنا يحبيبي 
جواد ايوه بات 
ياسين مليش مزاج وبعدين ف حجات ف البييت هروح ارتبها الاول وبعدين انام 
جواد ماشي 
ادم طب انا هقوم اذاكر شويه وبعدين انام 
سميحه وانا كمان تصبحو ع خير 
جواد وياسين وانتو من اهله 
جواد بيوصل ياسين ع الباب وبيقوله توصل بالسلامه 
ياسين الله يسلمك
جواد قفل الباب وطلع ع اوضته وفضل باصص شويه للقمر وبعدين اتنهد تنهيده جامده وقال وحشتني اوي ي بابا ربنا يرحمك ويجعل مأواك الجنه 
وبعدين دخل نام 
ف بيت مريم ع السلالم 
مريم وماجد وهما طالعين 
يبني بطل ضرب فيا بقا قفايا ورم من كتر الضرب 
ماجد لأ 
مريم والله ياماجد هعيط 
ماجد عشان تبقي عيوطه هانم 
اول ما دخلو من باب البيت 
مريم اااااااع ااااااااع يابابا 
الاب والام جم ع الصوت وهما مخضوضين 
الاب اي ف اي اي اللي حصل 
مالك ي مريم بتعيطي لي 
مريم ماجد ي بابا عمال واحنا طالعين ع السلم مش مبطل ضرب فيا 
الاب وبتعمل كده لي ف اختك ي استاذ ماجد 
ماجد عشان مجنونه ي بابا بنتكلم انا وهي ف موضوع وقلبته هزار 
الاب واي الموضوع 
مريم بتشفي بتقوله قول الموضوع ي معلم 
ماجد ها ولا حاجه 
مريم قول قول متتكثفش 
ماجد مريم لمي الدور 
الام بطلو خناق  بقا وانتو بقيتو شبهه العيال 
ويلا ي مريم غيري لبسك وحضري السفره 
مريم حرام عليكو انا لسه راجعه من بره 
الاب مريم اسمعي كلمه ماما من غير نقاش 
مريم حاضر 
وهي ماشيه بتقول ف سرها امال لو مكنتش البنت الوحيده كنتو عملتو اي 
وبعد حوالي نص ساعه والكل متجمع ع السفر اكلو ف صمت تام وخلصو اكل 
وهما قاعدين قدام التلفزييون وبيتكلمو 
الاب انا سألت ع العريس اللي متقدم ليها هو كويس جدا وعارف ربنا كويس وحالته الماديه كويسه 
الام طب كويس وبعدين 
االاب يبقي قولي ل سهير اني تقولهم اننا مستنينهم يوم الجمعه ولا رايك اي ي مريم 
مريم اللي تشوفه يبابا 
الاب خلاص يبقي اتفقنا 
ماجد اللاه وبقيتي عروسه وبتتكثفي 

مريم ف حاجه  
الام احنا هنبتدي يلا كل واحد ع اوضته 
والكل راح لاوضته ونام 
تاني يوم ف الصباح  
في بيت جواد 
الكل متجمع ع السفره 
الام جواد متنساش ان بكره الجمعه وزيارتنا هنبتديها بكره بدري باذن الله 
جواد حاضر ي امي 
الام وانت ي ادم خلص حاجتك كلها بدري النهارده عشان تبقي رايق لبكره 
ادم منا هعمل كده عشان اخد اليوم كله فري 
جواد طب استأذن انا بقا عشان متاخرش ع الشغل 
الام ف رعايه الله ي حبيبي 
ف بيت مريم ع السلم 
سهير تمام ي سلوي هقولهم وع معادكم بكره 
سلوي مش عارفه ارد جميلك دا ازاي 
سهير متقوليش كده تقول ولادي 
سلوي نردهالك ان شاء الله لما تجوزي احمد ابنك 
سهير ان شاء الله 
اقعدي نفطر سوا 
سلوي تشكري 
انا هروح عشان الحاج والاولاد 
يلا سلام عليكم 
سهير سلام 
سلوي وهي بتدخل من باب البيت 
محمد اي سلوي كنتي فين ع الصبح كده
سلوي كنت عند سهير بقولها ع العريس وكده 
محمد مش قادره تصبري 
سلوي يخويا بقا 
ويلا عشان نفطر فين الاولاد 
محمد نزلو 
سلوي من غير ما يفطرو 
محمد لا اكلو حجات خفيفه كده ونزلو عشان مستعجلين 
سلوي طيب خلاص تعالي نفطر انا وانت عشان ننزل نجيب حجات 
محمد لي هو انتي عامله اكل 
سلوي وفيها اي 
محمد فيها كتير فيها انها لسه رؤيه شرعيه مهياش خطوبه ولا حاجه 
سلوي خلاص اللي تشوفه 
محمد اللي انا شايفه انك تعملي حلويات ومشروبات ساقعه وخلاص 
سلوي خلاص ماشي 

في الكليه 
ليلي يعني متقدملك عريس 
سلمي وكمان جاي بكره 
ليلي وهتبقي عروسه 
سلمي وهنزفك كمان 
ليلي هتطلي بالابيض خلاص 
سلمي لسه هتتكلم قاطعتها مريم اي ي خالتي منك ليها بتغنو وتردو ع بعض وبعدين الحوار لسه مبدأيا كده لسه مقولتش رأي 
سلمي وهترفضي لي ها 
ليلي ايوه عندها  حق ترفضي لي 
مريم مش حكايه رفض بس الموضوع اني مش مستعده وبس بقا قفلو ع الموضوع 
هي شركه الالفي هتنزل الاعلان امتي الواحد متشوق انه ينزل تدريب 
سلمي مش عارفه وقت ما ينزلو بقا 
مريم  طبعا احنا داخلين التدريب دا وش من غير نقاش. 
سلمي  طبعا دي اكبر شركه ويابخت اللي يتدرب فيها 
ليلي طب يلا ع المحاضرات 
البنات يلا 
ف الشركه 
ف مكتب جواد 
ياسين تمام كده الشغل بقا جاهز 
جواد برافو ياسين 
انا قولت محدش هيجبها غيرك 
ياسين عد الجمايل بقا
جواد اطلع بره 
ياسين احم طب متزؤش 
بقولك انا عملت الاعلان وهنزله كمان يومين كده 
جواد طب كويس
بس يارب اللي يجو السنادي ميبقوش زي السنه اللي فاتت 
ياسين متفكرنيش دي كانت دفعه مهببه معرفش وصلو لسنه رابعه ازاي 
جواد كله بالغش دا ابن وزير ودا ابن لوا ودا ابن بيه ودا مش عارف اي لغايه لما خربو التعليم بالفلوس والطالب المجتهد اللي يطفح الدم بمجهود ه وقوت اهله محطوط تحت الرجلين بسبب ولاد الناس الاغنيا اللي هما اصلا ميستهلوش اي مهنه من دي عشان كده انا السنادي مش هختار اي حد وهختار اللي يكون جديرر. بالمهنه دي 
ياسين عندك حق وبعدين السنادي انا اللي هشرف ع التعين بنفسي 
جواد يستحسن برضه 
ياسين هسيبك انا واروح اكمل شغلي 
جواد تمام 
اه صح متنساش بكره 
ياسين ححاضر 
عوده للكليه 
ياااااه اخيرا اليوم خلص 
سلمي من حقك  بقا وعيزه تروحي تعملي فيها عروسه 
مريم يشيخه اتنيلي 
ليلي زي ما اتفقنا ي سلمي من بدري هنكون عندها 
سلمي دا اكيد 
مريم حبايب جلبي معرفش من غيركو كنت عملت اي 
ليلي متقوليش كده احنا اخوات قبل ما نكون صحاب 
مريم تسلمولي 
ف بيت جواد 

سميحه جهزتي الحاجه ي داده عشان يكره 
الداده  كله تمام ي هانم 
سميحه طب تمام روحي انتي 
ادم وهو داخل من بره ازيك ي ماما 
سميحه الحمدلله يحبيي عامل اي ف المذاكره 
ادم ماشيه ف ضغط جامد من المدرسين 
سميحه هانت اهي. يحبيبي اتعب بس شويه كمان وبعد كده هترتاح 
ادم مهو دا اللي مصبرني 
طب انا هطلع اخلص المذاكره بتاعتي عشان مشوار بكره 
دعواتك بقا 
سميحه معاك دايما يحبيبي 
ادم تسلمي ي ست الكل 
ادم طلع 
وسميحه بترن ع جواد 
اي ي حبيبي هتجي امتي 
جواد يعني كمان ساعتين كده 
عيزه حاجه 
سميحه لا ي حبيبي بطمن بس 
جواد تسلميلي ي ست الكل 
سميحه طب هقفل بقا سلام 
جواد سلام 
ف بيت مريم 
ماجد وبقا عندنا عرووووووسه 
لولولوللي 
مريم وهعمل فيها مكثوفه هههههه 
ماجد تخيل اجدع 
مريم ومش هعرف اقعد لوحدي 
ماجد الواحد مش قلقان غير منك 
مريم بتبص ليه بصه غرور وتكبر وتقول عيب عليك ي معلم 
ماجد مش مرتاحلك 
مريم قولت متخفش 
ماجد ربنا يسترها 
مريم اللاه امال ابوك وامك فين 
ماجد اه لو ماما سمعتك وانتي بتقولي ابوك وامك 
مريم كانت عملتني بطاطس متحمره ههه 
ماجد ف البراندا تعالي نروح لهم 
مريم يلا 
وبيدخلو عليهم 
مريم بخخخخ 
ماجد  عووو 
الاب والام المجانين جم 
مريم تسلمو يارب مش عارفه من غير الشهره كنا عملنا اي 
ماجد تباً للتواضع 
مريم اي خدعه 
بتعملو اي 
الام بنشوف هنجهز بكره ازاي
مريم طب مع نفسكو بقا وانا داخله انام 
ماجد خوديني معاكي 
تصبحو ع خير 
الاب والام واحنا كمان هنام تصبحو ع خير 
ف الصباح 
يوووووه الواحد ميعرفش ينام ف البيت دا 
سلمي بتدخل عليها الاوضه وتقول وهي ف عروسه تنام لغايه دلوقتي 
مريم وانتو خليتوها عروسه 
ليلي قومي يلا 
مريم اطلعو بره انتو الاتنين 
ليلي بقي كده 
ايدك معايا ي سلمي 
وسيلمي وليلي يشيلوها ويوقعوها من ع السرير 
ممريم حسبي الله فيكو 
سلمي وليلي بيضحكو عليها وع منظرها احسن تستاهلي ويلا بقا 
مريم قامت وكل واحد راح شاف هيعمل اي 
ومامت مريم جهزت كل حاجه 
وجه بالليل 
سلمي العريس جه برره وشكله قمر 
ليلي اوبا ي نعلم 
 اه لو ماجد سمعك 
سلمي عديها بقي 
مريم انا خايفه 
سلمي مريم وخايفه ف جمله واحده اللي جري ي جودعاااان 
مريم اتوكسي المواقف دي مفيهاش هزار 
ليلي اسكتو بقا عشان نسمع هما بيقولو اي 
ف الصالون 
محمد يبني انا ميهمنيش الشكليات انا اهم حاجه عندي انك تصونها وتحافظ عليها 
العريس متخفش يعمي دي ف عنيا 
محمد ان شاء الله لو حصل توافق ما بينكو نبقي نتفق 
العريس اللي تشوفه 
محمد هات اختك ي ماجد 
ماجد عن ازنكو 
ماجد بيروح ليهم واول ما يشوف سلمي بيتنح لها 
مريم مش وقتك ي روميو 
ماجد فصيله 
ويلا عشان تطلعي للعريس 
مريم هو لازم 
سلمي ومريم ف صوت واحد مررررريم 
مريم خلاص هدخل 
مريم اول ما تدخل وتشوف العريس وهو يشوفها ويقولو ف صوت واحد انت / انتي 


بقلمي نور✍️♥️
نورهان محمد 
Nour Al Rhman✍️♥️