رواية الكلبش والايدي الناعمة الفصل الثامن8 بقلم لمياء رفعت
اكرم: بعد اذنك ياامل
امل: انا غلط اوي وكان اكبر غلط مني اني وافقت عليك انت دمرتني نفسيا بجد
اكرم: بصوت عالي الا احنا فيه انا ماليش ذنب فيه افهمي بقى
امل: آمال ذنب مين قولي
وجيه: سمع الصوت .....اكرم في ايه وصوتك عالي ليه ع مراتك
امل: ياعمي شوف أكرم عايز ايه انا بجد تعبت لو هو مش عوزني يبقى يطلقني وروح بيت اهلي احسن لكن بالشكل ده مش هينفع
وجيه: انطق يااكرم في ايه
اكرم: سابهم ونزل .....تليفونه رن
اكرم: ايوه ياحسين معاك
حسين: جهز نفسك عندنا حملة بالليل هنروح نقبض ع تجار سلاح كبار
اكرم: ماشي ياحسين انا جاهز
_______________________
ساره: خلصت الجامعة وراحت الشركه الا هشتغل فيها
ودخلت المكتب عند صاحب الشركه مازن جلال
ساره: مساء الخير انا ساره السكرتيرة الجديدة
مازن: أهلا وسهلا ان شاء الله الشركه هاتعجبك ياساره والشغل خفيف
ساره: بإذن الله يافندم....تأمر بحاجه دلوقتي
مازن : شكرا اتفضلي ع مكتبك
ساره: بعد اذنك....وخرجت
____________
ساره قاعده ف المكتب ودخل أدهم صاحب مازن...ممكن ادخل ل مازن
ساره: ثواني أبلغه ...اقوله مين
أدهم: انا صاحبه ادهم
ساره: مازن بيه في واحد اسمه استاذ أدهم بره حابب يدخل لحضرتك
مازن: خليه يدخل بسرعه
أدهم دخل قبل ماساره تخرج من المكتب تقولوا
ادهم: هههههههههههههه كنت عارف انه هيقولك ادخل
ساره: ابتسمت وخرجت
مازن: انت يابني عينيك...ركز معايه
ادهم: ماهي بصراحه حلوه مين القمر ده
مازن: ياريت تركز معايه ف الا هقولوا ليك وسيبك من القمر دلوقت
ادهم: يعني انت معترف انها قمر
مازن: بصراحه أيوه
ادهم: هههههههه ماشي قول
مازن: في حفله كبيره معموله بكره بإذن الله بمناسبة افتتاح الشركه وكل القرايب هيتجمعوا فيها حابب تجهزلي حاجه تشرف ف الحفله ايه رأيك
ادهم: اشطه اكيد طبعا هشرفك سلام الحق اجهز
مازن: يابني بقولك بكره مش النهاردة
ادهم: مالكش دعوه انا بحب اخاد وقتي بدري
مازن: ماشي روح وياريت تخرج من المكتب ده ع بره ع طول ماتوقفش ف الطريق
ادهم: ههههههه حاضر مش هقف مع القمر
مازن رن جرس المكتب
ساره: تحت امرك يامازن بيه
مازن: في حفله بكره ياساره وهكون سعيد لو اتشرفت بحضورك ف الحفله هي حفله تخص الشركه يعني شغل برضو
ساره: اكيد حضرتك الشرف ليا طبعا
مازن: ابتسم.....ماشي ساره اتفضلي
_________________________
انجي: بابا وجيه حضرتك بعتلي
وجيه: ايوه ياانجي شوفي حل ف أكرم عيب اوي الا بيعمله مع مراته ده دي كمان بنت عمه ماينفعش يصغرني بالشكل ده
انجي: يابابا ماحضرتك برضو غلط ف حق اكرم هو ماكنش عايز يتجوز امل
وجيه: ششششش سيبك من الكلام الفارغ ده بتاعك انتي وهو
المهم كلميه وخليه يقرب من مراته وشوفيه علشان يروح يحضر الحفلة بتاعت اخوكي بكره
انجي: هو مازن اخويا هيعمل حفله
وجيه: ايوه لسه قافل معايه حالا وقالي انه رن عليكي كتير مش بتردي
انجي: ياخبر فعلا تليفوني ف الاوضة فوق
وجيه: مش مشكله المهم اني بلغتك
انجي: طيب انا هكلم اكرم دلوقتي اشوفوا
وجيه: ماشي يابنتي
__________________________
حسين: اخيرا الواحد كان حاسس مش هيرجع المره دي من الا الواحد شافه
اكرم: ياسيدي العمر واحد والرب واحد قول يارب
حسين : يارب ياصاحبي
اكرم: طيب انا هروح دلوقتي اغير
حسين: ماشي ياصاحبي
_________________________
ساره: ياعمي في حفله لشركه بكره ومازن بيه طلب مني احضرها ايه رأيك
عصام: روحي يابنتي مازن بيه راجل محترم ومدام لشغل خلاص
ساره: ماشي ياعمي بس....
عصام: مالك ياساره
ساره: يعني حفله المفروض يكون ليها لبس معين
عصام: خدي ياساره الفلوس دي وهاتي ألبس الا يعجبك
ساره: بس ده كتير اوي ياعمي
عصام: مفيش حاجه كتيره عليكي يابنتي وبعدين دي فلوسك وخير ابوكي الله يرحمه هو الا عندك قليل ياساره
ساره: ماتحرمش منك يارب ياعمي انا هروح دلوقتي اشتري ألبس
عصام: ماشي يابنتي خلي بالك من نفسك
___________________
انجي: يااكرم كويس انك جيت تليفونك مقفول ليه
اكرم: كنت ف الشغل ف حاجه ولا ايه
انجي: مازن اتصل عليك كتير علشان يبلغك تحضر الحفله الا عملها بكره
اكرم: هيتجوز ولا ايه
انجي: يسمعك منك ربنا...هو ده ف وشه جواز ده تاعب قلب الواحد
دي حفله لا افتتاح الشركه بتاعته الجديدة
اكرم: اكيد ان شاءالله هروح ده اخويا زي ماهو اخوكي بالظبط
انجي: طيب علشان خاطري عندك قول لا امل تروح الحفله معاك لو انا غاليه عليك
اكرم: حاضر ياانجي حاضر
______________________
ساره: راحت اشترت فستان احمر جميل اوي وملفت جامد بجماله
وبقت فرحانه جدا بيه ...افتكرت اكرم زعلت وبقت تقول ف نفسها ياترى ماكلمتنيش ليه يااكرم النهاردة بس انا عبيطه بفكر ف واحد متجوز وعريس جديد اظاهر اني ضحكت على نفسي
___________________________
اكرم: طلع الاوضة بتاعته...مساء الخير ياامل
امل: مساء الخير...بزعل
اكرم: ولاحظ زعل امل
اكرم: في حفله بكره ل مازن اخو انجي ايه رأيك تروحي
امل: اكيد هروح مدام معاك
اكرم: ماشي
امل: هدومك مالها
اكرم: ابدا بس كنت ف حمله ع تجار سلاح وهدومي اتبهدلت شويه
امل : طيب استنى ...امل راحت فتحت الدولاب وجابت لبس لا أكرم
امل: اتفضل ادخل خد شاور والبس
اكرم: شكرا ياامل
امل: عفواااا
__________________
اكرم دخل الحمام ياخد شاور وعقله كله كان ف ساره انه ماكلمهاش ولا اتصل عليها ولا هي حاولت تكلمه
اخد الشاور وخرج
امل: يلا بقى نتعشا
اكرم: لا شكرا انا اكلت ف الشغل
امل: يعني ايه
اكرم: يعني تعبان وعايز انام
امل: بس انا عايزه اقعد معاك يااكرم
اكرم: بكره مش هروح الشغل وهقعد معاكي وهنروح الحفله سوا يعني بكره هابقى فاضي
امل: بفرحه انت بتكلم بجد
اكرم: آآآآه عايز انام بقى
امل : نامت ع السرير واكرم نام وقبل ماينام مسك تليفونه وبعت لساره رساله (وحشتيني وع فكره النهار كله متبهدل ف الشغل علشان كده معرفتش اكلمك)
__________________________
في الصباح
ساره شافت تليفونها وشافت الرساله ابتسمت ...تليفونها رن ف ايدها
ساره: أكرم
اكرم: وحشتيني
ساره: انت وحشتني اكرم
اكرم: انا ايه
ساره: سكتت
اكرم: ساره قولتي ايه
ساره: قولت انك وحشتني اكتر
اكرم: وعلشان كده رنيتي اطمنتي عليا امبارح
ساره: كنت بتقل هههههههه
اكرم: بس انا مش حابب اشوف التقل ده
ساره: صوتك طيب ماله
اكرم: ع السرير لسه نايم .هيكون صوتي عامل ازاي يعني...ولسه بيتكلم امل خرجت من الحمام
امل: حبيبي هروح اجهز الفطار تكون اخدت شاور
ساره: سمعت الكلمتين دول وحست بنار جواها....قفلت ف وش اكرم
امل: حبيبي مالك
اكرم: بتوتر لا ابدا هنزل وراكي كمان شويه
امل: ايه رأيك اجيب الفطار هنا ونفطر سوا
اكرم: لا بلاش ياامل مش بحب افطر ف اوض النوم بعد اذنك داخل اخاد شاور
انجي: خبطت ع باب اكرم
امل: اتفضلي
انجي: أكرم فين
امل: بياخد شور
انجي: طيب بقولك انا عاوزكي تلبسي وتخليكي احلى واحده ف الحفله لأن الحفله دي كبيره اوي
امل: موافقه بس ياريت اكرم يحس
__________________________
مازن: الووووووو
ساره: مع حضرتك يامازن بيه
مازن: فينك
ساره: انا ف الجامعه
مازن: طيب ماتنسايش الحفله
ساره: اكيد مش هانسى
ساره خلصت الجامعه وروحت تجهز
لبست الفستان ولفت الطرحه بتاعتها بطريقه شيك اوي وكانت ف قمة الجمال
واتصلت ع مازن
ساره: مازن بيه انا اسفه ع ازعاجك بس نسيت أسألك ع مكان الحفله
مازن اديني عنوانك وانا هعدي اخادك ده بعد اذنك طبعا
ساره : عنواني( )
مازن : طيب عشر دقايق بالكتير وهكون عندك
اكرم : لبس هو وأمل وانجي وركبوا العربيه
انجي: أكرم صدقني انت يتخاف عليك الله أكبر ياحبيبي مايشوفك دلوقت مايشوفك الصبح وانت جي من الشغل
اكرم: مردش وساق العربيه
___________
مازن: وقف العربيه وساره مستنياه ف الشارع
مازن: أول ماشاف ساره انبهر بجمالها ..نزل من العربيه وسلم عليها.....انا ماكنتش واخد بالي ع فكره انك بالجمال ده
ساره : بصت ف الأرض واتحرجت
مازن: فتح باب العربيه جنبه وساره ركبت واتحرك بالعربيه ع الحفله ونزل من العربيه قبل ساره يفتحلها الباب....ف الوقت ده اكرم وقف العربيه جنب مازن ولسه بينزل شاف مازن وهو ماسك ايد ساره وبينزلها من العربيه جنبه
