رواية هي سبب حبي ليكي كامله جميع الفصول
الفصل الاول
#هي_سبب_حبي_ليكي
-يا نور يا بنتي افهمي علي مش هينفع يجي معانا يختار الفستان بتاع الفرح
-ليه بقي يا ست ماما فهميني بقي علي ده جوزي دلوقتي مش احنا كتبنا كتب الكتاب خلاص ...
-عارفة يا بنتي بس مش هينفع فال وحش يا بنتي أنه يشوفك بالفستان قبل الفرح
-فال ايه يا ماما بس و كلام فاضي ايه ...انا مش مقتنعة
-بصي الانا قولتوه هو الهيتنفز و خلاص ...
-ماشي يا ماما التشوفيه بس يلا البسي بسرعة علشان أية زمانها علي وصول و قالتي انها سابت ابنها عند مامتها و انتي عارفة الواد عنده خمس شهور فمش عوزين نتاخر
-حاضر يا بنتي اهو هلف الطرحة
-مش لو كونتي جبتيلي اخت يا ماما كانت ساعدتني في يوم زي ده او حتي اخ ...
و هنا سمعت نور طرقات علي باب الشقة ..فذهبت و فتحت الباب
-اهلا اهلا بالست أية أم زين
-اييه أم زين دي يا بت انتي عاوزة تكبريني و لا اييه الفرق الما بنا شهور و بعدين خدي هنا اييه السمعته و انا علي الباب ده
-سمعتي ابيه بس يا يويو
-سمعتك و انتي بتقولي لطنت مش لو كنتي جبتيلي اخت كانت نافعتني في يوم زي ده اومال انا رحت فين يا حيوانة انتي
-انتي اختي يا بت ما تخديش عليا ما انتي عارفاني عبيطة🤪
-اه هو انتي هتقوليلي ....اومال فين طنت علشان احمد جوزي مستنينا في العربية تحت علشان يوصلنا و يجبنا
-و الله انا مكسوفة من احمد جوزك ده اووووووووي يا بت يا يويو ممرطينوا معانا في فرش الشقة و تكمله الجهاز
-و انتي مالك يا ست نور هو كان اشتكالك و بعدين انتي أخته و خطيبك ده صاحب عمره و لا انتي نسيتي اننا انا و احمد السبب في انكم عرفتوا بعض
-لا مش ناسية طبعا ....ده كان اجمل يوم في حياتي☺️ يوم ما قبلته☺️
- يسلام و اييه كمان يا ست نور 😂ناقص تقولي فيه شعر و انا واقفة كمان
-و ما قولش ليه هو مش جوزي دلوقتي يا يويو و كلها شهر واحد و هنعمل أكبر فرح فيكي يا مصر...يبقي اقول الانا عاوزه 😂
-ماشي يا ست نور كملي لبس و انا هنزل استناكي مع احمد في العربية و تكون طنت كمان خلصت لبس بس ما تتأخروش علشان زين ما بيسكتش من غيري
-حاضر يا أم زين خمس دقائق و هننزل
----------------------
-انتي متعبه اووووووووي يا نور بقالنا سبع ساعات بنلف ده انا ما لفتش كده علي فستان فرحي
-يا بنتي دي ليله العمر يعني هلبس الفستان ده مرة واحدة في عمري ...بقي اجيب الانا عاوزه و الف براحتي
-ماشي يا ستي لما اشوف اخرتها معاكي
-لقيته لقيته يا يويو الفستان اهو
-الله ده حلو اوي اوي و عليكي هيبقي احلي يا نور يلا ادخلي قسيه
و دخلت نور و قاست الفستان و كأن الفستان كان مصمم لنور كانت مثل السندريلا في فستانها و خرجت نور من البروافا لتفرج الفستان لاية و ولدتها
-واااااو روعة يا بت يا نور
-اكيد روعة يا بت يا يويو مش انا اللبساه
-يخربيت الغرور بتاعك ده😂بس عسل بجد
-و انتي يا ماما ايه رايك
-مش محتاجة كلام يا بنتي قمر ما شاء الله ربنا يحفظك و يتمملك علي خير
-يا رب يا ماما .....
-------------------------
و في منزل نور
بعد أن بدلت نور ملابسها هي و والدتها رن جرس الباب فتحت نور الباب و كان الطارق علي
-السلام عليكم ازيك يا نور عاملة ايه
-و عليكم السلام ازيك يا علي ....اتفضل
و دخل علي و جلس في غرفة الصالون و جاءت ام نور و سلمت عليه و قامت لاحضار الشاي و الكيك إليه من المطبخ فهو يعشق الكيك من ايدي ام نور
-ها يا ستي نقيتي الفستان الكان نفسك فيه
-اه يا علي و كان حلو اوي
-طيب الحمد لله كان نفسي اشوفوه بس اعمل ايه بقي في طنت و ماما عندهم وجهة نظر غريبة ....
-عيب عليك ده انا نور بردو يا لولو
-مش فاهم
-انا صورتني و انا لابسة الفستان ...😂بس السر ده بيني و بينك
-😂😂مجنونة و الله ...وريني وريني
-اهو شوف و قولي اييه رايك في مراتك
امسك علي الهاتف و ظل يتأمل في الفستان و في نور التي كانت مثل القمر و قال
-يااااه قمر ...لا قمر ايه كلمه قمر دي ما توصفش الجمال الانا شايفه عارفة انا بقالي قد ايه مستني اشوفك و انتي لابسة الفستان الابيض ده يا سارة😮
