رواية حكاوي الليل كامله جميع الفصول
#حكاوي_الليل
_ايه ريحه الشياط دي يا حبيبتي
_لا دا انا بكوي قميصك عادي
يا نهار ابيض القميص
قومت بسرعه جريت على ترابيزه المكوة لقيت القميص تحت المكوة وفي دخان في الاوضه جريت بسرعه وشيلت الفيشه بتاعت المكوة وشيلت المكوة ومسكت القميص بصدمه وخوف من اللي طارق هيعمله فيا
القميص كان لون ابيض جميل وكان اكتر قميص طارق بيحبه بس مش عارفه القاطعه السودا الكبيرة دي جات منين
رفعت القميص وببص عليه لقيته واقف قدامه وشكله ميطمنش
ابتسمت بخوف
_شوفت يا حبيبي عملتلك نيو لوك للقميص ازاي
بدا يقرب مني والغضب باين عليه
بدات ارجع ل ورا بخوف
_طب والله مكان قصدي اني اعمل فيه كده
_حرقتي القميص اللي كنت ناوي انزل بيه يا يمني
_كنت بكويه وسيبته وروحت اشوف الاكل
_القميص اللي بحبه يا يمني
_اسفه والله مكنتش اقصد
_انتي عايزه تجبيلي الجلطه يا يمني
رميت القميص على اخر ايدي وزعقت
_يووووه
في ايه مقولتلك مكانش قصدي وبعدين هو انت بتتعصب عليا ليه قميصك ولا نفسيتي اهم عندك يا استاذ طارق
_القميص طبعا
_يعني القميص اهم من مراتك حبيبتك
_اه يا يمني القميص اهم عندي منك
بصيت للارض بحزن مصطنع ورفعت ايدي في وشه
_بس يا ابن خالي لحد هنا وخلاص
انا وانت مننفعش نعيش مع بعض بعد انهارده اطلع برا بيتي يا استاذ يا محترم مش عايزه اشوف وشك هنا تاني
انا وانت مستحيل نكمل حياتنا مع بعض
_خلصتي هبل؟!
روحي شوفي الاكل اللي على النار قبل ما يتحرق وبطلي شغل عبله كامل النكد دا
_عبله كامل نكد
نيللي كريم هي اللي بتمثل نكد يا جاهل مش عبله كامل
_طيب يلا شوفي الاكل علشان ميتحرقش واطردك انا بجد بقي
_حاضر
سيبته وجريت على المطبخ وبعد خمس دقايق رجعت وانا باصه في الارض
كان ماسك تلفونه وباصص فيه
بدا يتكلم وهو باصص في التلفون
_عملتي مصيية ايه تاني
_الاكل اللي هنا مبقاش ينفع ل اي حاجه
قفل التلفون وبصالي
_يعني ايه مبقاش ينفع ل اي حاجه
_بقي حتته فحمه غير قابل للاكل
نقضيها جبن بقي ولا تبعت تجيب بيتزا وخلاص
اتنهد وابتسم بغيظ وبدأ يكلم نفسه
_اهدا يا طارق اهدا هتتعلم واحده واحده
مفيش مشكله خالص
_انت بتكلم نفسك يا حبيبي
بصالي وهو مبتسم
_لا ابدا يا حبيبتي
انا هطلب بيتزا حالا
_ماشي يا حبيبي
وانا هروح اشغل الغساله
_لا لا
اوعي يا حبيبتي تعملي اي حاجه
خليكي انتي مرتاحه وانا هعمل كل حاجه
قرب عليا ومسكني من ايدي وشدني على السرير وقعدني
_ارتاحي هنا يا حبيبتي وانا هعمل كل حاجه
سابني وخرج من الاوضه
بصيت عليه بحزن وبعدين بصيت في الارض
اول مرة اكتشف اني عيشتي دي كانت غلط
دلع اهلي كلهم ليا وانهم كانوا بيعملوا كل اللي نفسي فيه من غير ما اطلب منهم اصلا كان حاجه غلط
كنت البنت الوحيده اصغر اخت ل تلات ولاد
ماما اللي ماتت وهي بتولدني وسابتني لوحدي كان السبب في ان اخواتي وبابا يخلوني في المرتبة الأولى في حياتهم كانوا مدلعني اوي وبيخافوا عليا اوي
مكنتش بعمل اي حاجه في البيت
حتي الشغل منعوني اني اشتغل بحجه انهم خايفين عليا
ساعات كنت بدايق من اللي هما بيعملوه معايا دا
حبهم وخوفهم عليا كان بيخنقني ساعات
مكانوش بيدوني فرصه اني اجرب اعمل اي حاجه في المطبخ أو اني اخرج اتفسح لوحدي
لما طارق جاه واتقدملي كنت طايرة من الفرحه مش علشان انا هو ابن خالي اللي بحبه من زمان بس لا انا كنت فرحانه اكتر لاني اخيرا هعيش حياتي وهتحرر من قيودهم وخوفهم الزايد عليا دا
كنت فرحانه لاني واخيرا هعيش حياتي مع شخص بيحبني وبحبه وهعمل معاه كل اللي كان نفسي اعمله زمان
كنت واقفه في المطبخ بحاول اعمل مكرونه بس كالعاده بوظتها ورمتها
_اووف بقي انا زهقت
_تحبي اساعدك
اتخضيت وبصيت ناحيته
_بسم الله الرحمن الرحيم
انت جيت امتي
كان واقف ساند كتفه على الحيطه ومربع ايده ومبتسم
حط ايده في جيبه وقرب مني ب نفس الابتسامه
_من ساعه ما كنتي بترمي المكرونه المعجنه بتاعتك دي
بصيت علي الزبالة وبعدين رجعت بصاتله بحزن
_اسفه والله مكنتش اقصد
_ولا يهمك يا حبيبتي
انتي لسه في البداية واكيد لازم تاخدي وقت عقبال ما تتعلمي
تحبي اساعدك في ايه
_بس انت جاي تعبان وعايز ترتاح
ابتسم وبصالي
_يستي اساعدك لحد ما تتعلمي مش مهم
احسن ما انام كل يوم من غير اكل او اكل اكل من برا من اللي مش بحبه اصلا
يلا نبدا بقي علشان انا جعان اوي
ابتسمت وانا وهو بدأنا نعمل الاكل هو بدا يعمل السلطه وكان بيقولي اعمل المكرونه ازاي من بعيد ومقربش من حاجه خالص
وبعدها بدات اعمل البانيه وهو كان بيقولي اعمل ايه بردو من غير ما يحط ايده في حاجه خالص
خلصنا وحضرنا السفره وقعدنا علشان ناكل
_واخيرا وبعد شهر جواز هقدر اكل اكل بيتي من ايدك
_يلا ربنا يستر
_اقلقيني اكتر منا قلقان يلا شاطره
بدا ياكل وانا باصه عليه ومستنياه يقول رأيه
_ها
حلو صح حلو ولا وحش قول يلا مستني ايه
كان بيشاورلي اني اسكت
_ايوه يعني هو حلو ولا لا
ها ها
زعق فيا
_اهداااي
اي مش شايفاني باكل
اديني فرصه
_طب كلت؟!
_ااه كلت
_طب طعمه حلو؟!
_باين ان في امل منك اهو
تسلم ايدك طعمه حلو
فرحت جدا انه عجبه
اكلنا وكان كل شويه يشكر في الاكل ويقولي تسلم ايدك
كنت فرحانه جدا لاني اول مرة أجرب حاجه وانجح فيها
وجود طارق جمبي ومساعدته ليا وكلامه ليا كان بيفرحني دايما
منكرش ان اهلي دايما كانوا بيقولولي كلام حلو ويفرحوني بيه بس عمرهم بردو ما كانوا بيشجعوني اني اجرب اعمل حاجه جديده ولا اني ادخل المطبخ واطبخ زي طارق او اني اعمل اي حاجه جديده يفرحولي زيه
من يوم ما اتجوزت انا وطارق وهو كل يوم بيحساسني لو عملت اي حاجه اني عملت انجاز دايما بيجي ويسألني اذا كنت عايزه مساعده منه ولا لا
بدات اتعلم الاكل واحده واحده بمساعدته
عدا على جوازنا ست شهور وبقيت بعرف اطبخ كويس وهو اللي ساعدني وشجعني على دا
انهارده انا متاكده انه هيبقي اسعد يوم في حياته زي ما هو اسعد يوم في حياتي
من انهارده هيبدا العد التنازلي لمده ٨ شهور لدخول شخص جديد حياتنا
روحت انهارده كشفت وعرفت اني حامل في شهر كنت طايرة من الفرحه مكنتش مصدقه نفسي
روحت البيت واستنيته يجي
لما جاه دخل غير هدومه وانا حضرت الاكل وكنا قاعدين على الترابيزه بناكل
_طارق
_عيونه
_هو انت بتحب الولاد اكتر ولا البنات
_اشمعنا يعني
_عادي يعني بسأل
_انا في العموم بحب الاطفال كلها يعني مش فارقه بنات من ولاد
_يعني مثلا لو ربنا رزقك بطفل صغير هتحب انه يكون ولد ولا بنت
_مش فارقه يا حبيبتي يعني بس انتي بتسا
بصالي بصدمه وسكت
ضحكت
_بتبصالي كده ليه
_ا ا انتي قصدك انك
هزيت راسي ب اه
_روحت حللت انهارده وطلعت حامل في شهر
_انتي بتتكلمي جد
_اه والله
قام وقف وشدني وحضني وكان فرحان جدا
فرحت اكتر بفرحته دي
٨ شهور الا ايام بسيطه عدوا مبقاش فاضل غير ايام بسيطه جدا و اولد
٨ شهور وهو بيخلص شغله وبيحاول على قد ما يقدر يعملي كل اللي انا عايزاه كان بيحاول يهون عليا تعبي
كان نايم وانا قاعده ومش جيلي نوم
بدات احس بوجع خفيف في بطني
مخدتش في بالي
الوجع بدا يزيد
_ااااه
طارق
_ممم
الوجع زاد اكتر لدرجه اني بدات ازعق
_طارق الحقني يا طارق
قام بسرعه
_ايه في ايه
مالك
_الحقني يا طارق شكلي بولد مش قادره
قام من مكانه
_تولدي ايه بس لسه فاضل ٥ ايام على الولاده
_بقولك بولد يا طارق الحقنيي
ااااه
فضل رايح جاي في الاوضه بتوتر وهو مش عارف يعمل ايه
_انت هتفضل رايح جاي كده كتير بقولك بولد يا بني ادم انتتت
اااه
حاضر حاضر
_ااااه
بعد نص ساعة وصلنا المستشفى بعد ما كان بيسوق ب اقصي سرعته
دخلوني اوضه العمليات وهو دخل معايا
فات وقت مكنتش عارفه هو قد ايه
فتحت عيني لقيتني في المستشفى وهو ماسك ايدي وقاعد جمبي واهلنا كلهم قاعدين
_طارق
_حمد لله على سلامتك يا حبيبتي
اتكلمت بتعب
_الله يسلمك يا حبيبي
بصيت على السرير بتاع ابني بس ملقتش ابني فيه ولقيت سرير تاني لونه بينك بس بردو مكانش فيه بصاتله ب استغراب
_ابننا فين يا طارق
كان هيتكلم بس الباب اتفتح وكانوا اخواتي محمود وكامل وهما شايلين طفلين بيعيطوا
_لا بجد ما شاء الله علي ولادك من اول يوم جم فيه الدنيا وهما يشبهوكي بالظبط ف زنك
_ولادي؟!
هو مش المفروض اني حامل في واحد بس
_الف مبروك يا حبيبتي ربنا رزقك ب ولد وبنت زي القمر شبه خالهم بالظبط
_انت بني ادم بتفهم يبني طبعا هيشبهوني اومال هيشبهوا مين يعني
_انا بتكلم عني انا مش عنك انتي
_نينيني بتكلم عني انا مش عنك انت
_اسكت انت وهو بقي
مش وقته الكلام دا
الف مبروك يا حبيبتي
_الله يبارك فيك يا بابا يا حبيبي
_سمي يا يمني يا حبيبتي
اتعدلت في قعدتي
وشيلت بنتي من كامل
وطارق اخد ابننا
_مبروك يا حبايبي يتربي في عزكم
_الله يبارك فيكي يا طنط
_هتسموهم ايه بقي
بصيت ل طارق وانا وهو ابتسامنا وقولنا في نفس الوقت
_حور
_يونس
_ربنا يفرح قلبكم بيهم يا رب
_امين يا امي
بصالي وابتسم وباس راسي وهمسلي في ودني
_مبروك يا اجمل ام وحبيبه في الدنيا
بحبك
ابتسمت وهمستله في ودانه
_وانا كمان بحبك
"وٌکْلَمًآ نِظُرتٌ آلَيَکْ تٌوٌقُفُ آلَعٌآلَمً مًنِ حًوٌلَيَ🌺"
الفصل الثاني من هنا
